ئەڤرۆ نیوز، بارزان مزووری:
جەمال زوبێر، بەرپرسێ بەشێ باخچدارى ل ھۆبا چاندنا قەسرۆک بۆ ئەڤرۆ نیوز دیار کر کو 20 دونەمێن کولند و خیارا یێن جوتیارێن گوندێ گرمک سەر ب قەزا شێخان ڤە تووشی نەخوشیەکا کوژەک بووینە ب ناڤێ نەخوشیا “البیاظ”،
بەرپرسێ بەشێ باخچدارى ل ھۆبا چاندنا قەسرۆک خۆيا كر کو ئەڤ نەخوشیە گەلەک یا کوژەکە ئەو جھێن گرتی تووشی ھشک بونێ کەت.
جەمال زوبێر گۆتژی: “ئەو بەرھەم د ڤى وەرزێ دويێ دا یێ چاندنێ ھاتینە چاندن ژ لایێ جوتیاران ڤە”.
ئه‌ڤرۆ نيوز:
پشتى دوهى شه‌ڤا چارشه‌مبى رێكه‌فتى 19ى ته‌باخا 2015ێ هێرش كريه سه‌ر مه‌لبه‌ندێ پێنج يێ ئێكگرتوويا ئيسلامى كوردستان ل هه‌له‌بچا شه‌هيد، بڕياره ئه‌ڤرۆ مه‌لبه‌ندێ دهۆكێ يێ ئێكگرتوو د خرڤه‌بوونه‌كێ دا، نه‌رازيبوونا خوه ل هه‌مبه‌ر وى كاره ده‌رببڕيت.
ئارام حسێن په‌يامنێرێ كه‌نالێ سپێده ل دهۆكێ كو سه‌ر ب ئێكگرتوويا ئيسلامى كوردستانێ يه، بۆ ئه‌ڤرۆ نيوز گۆت: “بڕياره ئه‌ڤرۆ ل دانێ ئێڤارى ل به‌ر ده‌رگه‌هێ باره‌گايێ مه‌لبه‌ندێ سێ يێ ئێكگرتوويا ئيسلامى كوردستان خرڤه‌بوونه‌ك بهێته ئه‌نجام دان و تێدا نه‌رازيبوونا خوه به‌رامبه‌ر ته‌قه‌كرنا ل باره‌گايێ ئێكگرتوو هاتيه كرن ده‌رببڕن”.
ئارام زێده‌تر گۆت: “هێشتا چو لايه‌نان به‌رپرساتيا خوه ژ وێ بوويه‌رێ نه‌دايه زانين”، ئاماژه ب وێ چه‌ندێ ژى كر كو ئه‌و بۆ ته‌مام نه‌بوونا رێژا قانوونى يا په‌رله‌مانێ كوردستانێ بۆ ب رێڤه‌چوونا روونشتنا په‌رله‌مانى ل دۆر گه‌نگه‌شێ ل سه‌ر قانوونا راستڤه‌كرنا قانوونا سه‌رۆكاتيا هه‌رێمێ ڤه‌دگه‌رينن كو “هنده‌ك لايه‌نان يه‌كگرتوو تۆمه‌تبار دكر ب ڤێ چه‌ندێ”.
پشتى ئه‌و هێرشا كريه سه‌ر باره‌گايێ مه‌لبه‌ندێ ئێكگرتوو كه‌سه‌كى د گرته‌يه‌كا ڤيديۆى دا به‌رپرساتيا خوه ژ وێ بوويه‌رێ دياركر، به‌لێ ئاماژه ب وێ چه‌ندێ نه‌كر كا سه‌ر ب چو لايه‌نێ سياسى يه ب تنێ دا زانين كو ژ به‌ر ئاماده‌نه‌بوونا په‌رله‌مانتارێن وان بوويه ل روونشتنا په‌رله‌مانى و ب خيانه‌ت ل قه‌له‌م دايه.
ئه‌ڤرۆ نيوز:
روژنامەڤان مێردین جۆقی، دیارکر کو ل قەزا شێخان ھەژمارەکا کچان حەز ھەیە بھێنەناڤ کارێ راگەھاندنێ، لێ جڤاک رێگرە.
گۆت: نوکە ل کەنالێ چرا یێ ئیزدیان من بەرنامەک ب شێوازێ کەلتورێ ئیزدیان ھەیە، دەمێ دناڤ جڤاکی دا دگەرێم، خەلک ب چاڤەکێ کێم تەماشەی من دکەن
ھێشتا گۆت: وەک رۆژنامەڤانەکا کچ بەرھەڤم چەکی ھەلگرم بچمە دناڤ رێزێن پێشمەرگەیدا، ماوەیەک من ل گەل ٨٠ کچێن ئیزدی داخواز ژ لایەنێن شولەژێ کربوو کو سەربازگەھەکا مەشق و راھێنانێ ڤەکەن بۆ وان کچێن ئیزدی و ھەتا نوکە نەھاتیە ڤەکرن.
ناڤبریێ گۆتژی: چو جاران من ھزر نەکریە کو بچمە دەرڤەی وەلاتی، چونکو کوردستان مەزنترین وەلاتە بۆ من، ئەگەر ھەموو لایەن و ھەرچار پارچێن کوردستانێ دەستێن خو ب کەنە دناڤ ئێک دا کەس نەشێت دەست درێژی بکەتە ناف ئاخا کوردستانێ.
جھێ ئاماژەکرنێ یە کو رۆژنامەڤانا ناڤبری ل سالا ١٩٩٤ ل باژێرێ شێخان ژ دایک بوویە قوناغا ناوەندی یا خواندنێ بدووماھی ئینایە، ل سالا ٢٠١٢ دناڤ وارێ راگەھاندنێ ھاتیە وەرگرتن ل کەنالێ کوردستانێ کارکریە، پشتی دامەزراندنا کەنالێ چرا یێ کوردێن ئیزدی زڤریە کەنالێ چرا.
ئەڤرۆ نیوز، سالار دۆسکی:
مامۆستایەکێ زانستێن سیاسی ل زانکۆیا ێەلاحەدین ئاشکراکر کو ٢٣حزەیرانێ و ١٩ تەباخێ دو روژێن گرنگێن تاقیکرنێ بوون دسیاسەتا کوردستانێ دا.
د.سالح مەلا عومەر پرۆفیسورێ ھاریکار ل زانستێن سیاسی زانکۆیا سەلاحدین دپەیجێ خوە یێ تایبەتێ فێسبووکی دا دیارکریە کو پشتی ھەلبژاتنان تەڤەگەرا گوران دیارکر کو دڤێت بھێتە ناڤ حوکمەتێ وچار سالێن ئارامیێ پەیدا ببن، بەلێ ٢٣ حوزیرانێ خوە دیارکر کو گەلەک یا کاریگەرە ل سەر ئێکەتیێ و کومەل و ئێکگرتوو و فشار ل سەر پارتی دروست کر و سەرکەفت و چەند رۆژان یا بەردەوام بوو.
مامۆستایێ زانکۆیێ ھێشتا گۆت: دیسان ئێکگرتوو بۆ ھێزێن کوردستانێ دیارکر کو وەک لایەنێ سیێ کاریگەر ل سەر ھێزێن کوردستانی ھەیە و دووماھی گۆتن بوو وێ یە و نە بوو گورانە وێ چەندێ کاریگەری ل سەر ھێزبوونا ئێکگرتوو ل نافخوە و دەرڤە کر، پشتی ١٩ تەباخێ دڤێت ھەموو حزب حسابەکێ بۆ ئێکگرتوو بکەن، چونکە ھێزا پارتی بەرامبەر ئێکەتی و گوران و کومەلە و حزبا دشێت گوھۆرینێ دھێزدا بکەت ئێکگرتوویە و دھێتە ھەژمارتن ھێزا سیێ.
ناڤبری ھێشتا گۆت: ب ڤێ چەندێ ئێکگرتوو جھێ گوران گرت وەک ھێزا دوویێ و کاریگەریا خوە ھەیە ل کوردستانێ و دبیت ھەلبژارتنێن داھاتی دا ئێکگرتوو پتر سەنگا خوە قورس بکەت و پتر دەنگان بینت.
ئەڤرۆ نيوز:
سینەماکارا کورد پشتی ژیانا ھەڤژینێ پێک ئینای بەر ب جیھانا راگەھاندنێ و پێشکێش کاریێ ڤە دچیت و ئاشکرا دکەت کو ھەڤژینێ وێ نەرێگرە ل ھەمبەر بزاڤێن ویێن ھونەری.
دلنیا کامۆسی ل ناڤەراستا ھەیڤا بوری ژیانا ھەڤژینیێ ل گەل کورەکی ب ناڤێ عەلی پێک ئینایە، ئاشکراکر کو دوور کەفتنا وێ ژ ژیانا ھەڤژینیێ دەمکی یە و ئەگەر ڤەگەراند بۆ بەرھەڤیێن ئاھەنگا ھەڤژینیێ و گۆت: نێزیکترین دەم دێ ڤەگەرمە دناڤا ھونەرێ خوە دا و دێ بەردەوامیێ دەمە کارێ خوە، ھێشتا گۆت: داھاتی دێ ب ھێز ڤەگەرم و ئەڤ جارە دێ بەرنامەکی ل تەلەڤزیۆنەکێ پێش کێش کەم و تشتەکێ نوو و سەرنج راکێشە و دێ بینەرەکێ باش ھەبیت و بتنێ نوکە مایمە وەک سپونسەرەک بۆ ڤی بەرنامەی و بێی دیارکرنا ناڤێ تەلەڤزیۆنان دێ بەرنامەی لێ پێشکێش کەت.
جھێ ئاماژەکرنێ یە کو ھونەرمەندا ناڤبری خەلکا رۆژھەلاتا کوردستانێ یە و چەند سالە ل گەل خێزانا خوە ل باشورێ کوردستانێ ئاکنجیبوویە و دووماھی کارێ ئەنجام دایی داراما خەج و سیابەند بوویە.
ئه‌ڤرۆ نيوز:
ئەڤرۆ رۆژا پێنجشەمبی رێکەفتی 20ى ته‌باخا 2015ێ و ل دەم ژمێر 8:30 سپێدێ ل سەرانسەری ھەرێما کوردستانێ ئەزموونێن گشتی و نیشتیمانی يێن خولا دويێ بۆ سالا خواندنێ 2014-2015 قوناغا 12 ئامادەیی ب ھەمی پشکێن خوه ڤە و پۆلا 9ێ بنەرەتی دەست پێکرن.
ئه‌حمه‌د عه‌بدولا زۆبێر به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ بۆ ئه‌ڤرۆ نيوز گۆت: “ژ بۆ ژ نێزیک ئاگەھدار بوون ب رەوشا رێڤەچوونا ئەزموونان به‌ھزاد عه‌لی ئادەم جێگرێ پارێزگەرێ دھۆکێ و عه‌بد یوسف ئه‌حمه‌د رێڤەبەرێ گشتی یێ پەروەردا پارێزگەھا دھۆکێ و د گەل دا فه‌خری که‌لش رێڤەبەرێ رێڤەبەریا سەرپەرشتیا پەروەردەیی و دلنیا جوری سەرا چەندێن بنگەھێن ئەزموونان ل سنورێ پەروەردا قەزا دھۆک روژئاڤا دا”.
زێده‌تر گۆت: “دڤان سەرەدانا دا ژ نێزیک ئاگەھداری رەوشا ئەزمووونان ل بنگەھێن ناڤبری بون و داخازا سەرکەفتنێ بو سەرجەم قوتابیان خواست، بنگەھێن سەرەدانا وان ھاتینە کرن ( ئامادەیا سادق بھائه‌دین و لاڤان و ته‌ئاخی) .
44 هزار و 651 قوتابیێن پولا 12 ئامادەی و 9 بنەرەت دێ پشکداریێ ئەزموونێن گشتی و نیشتیمانی خولا دووێ سالا خواندنێ 2014.2015 دا کەن و ل سەر 755 بنگەھان ل سەرانسەری پارێزگەھا دھۆکێ ھاتینە دابەشکرن.
ئەڤرۆ نیۆز: یوسف موسـا:
ل دوو روودانێن جۆدا دا ل زاخۆ دۆ کەسان خوە کۆشت، ئێک ژوان ژنەکا ٢٥ سالی خوە خەندقاند، ھەروە برایێ ھۆنەرمەند عەمار کۆفی یە شڤێدی ب گۆلەیان دۆماھی ب ژیانا خوە ئینا.
رائێدێ مافپەروەر ھێمن سلێمان بەرپرسێ راگەھاندن و پەیوەندیان ل پارێزگەھا دھۆکێ دیارکر روودانا ئێکێ دا ل دۆھی ئێڤاری ژنەک بناڤێ (ح، م، س) دژیێ ٢٥ سالیێ دا ل زاخۆ خوە خەندقاند د ئەنجام دا گیانێ خوە ژ دەست دا.
ھەروەسا رائێدێ مافپەروەر ئاشکرا کر د روودانا دووێ دا عەبدۆللا محەمەد سالح سنێلەیێ دژیێ ١٥ سالان دا ب گۆلەیا دەبانجەیێ ب درەنگی شەڤ شڤێدن دناڤ ترۆمبێلێ دا گۆلە بەردانە لەشێ خوە د ئەنجام دا وی ژی گیانێ خوە ژ دەست دا لدووماھیێ گۆت: دۆسە لدۆر ھەردوو روودانا ھاتینە ڤەکرن بو ئەگەرێن ڤەکۆلین و زانینا ئەگەرێن ھەردوویان.
ئەڤرۆ نيوز:
ھونەرمەند و میدیاکار چەلەنگ (زاگرۆس جەبار) پشتی ماوێ ١٠ سالان ل دەڤەری وەلاتی بو راندین ب ئێکجاری ڤەگەریا کوردستانێ، د دیارەکا رۆژنامەڤانی دا وبەحسێ ژیانا خوە یا ھونەری دکەت.
زاگرۆس جەبار گۆت: ل سالا ٢٠٠٩ من دەست ب کارێ ھونەری کریە و ئێکەم کار تێدا بشکاربووم شانوگەریەک بوو و د دووڤ دا ل سالا ٢٠١٢ چوومە ناڤ جیھانا سترانێ و ئێکەم کلیپ من پشکداری تێدکر، پشتی ھاتیمە ناڤ جیھانا ھونەری بوومن دیار بوو کو شانۆیا ھولەندی پتر گرنگیێ ب مرۆڤی دەت وەک مرۆڤ.
ھێشتا گۆت: من باوەری ب ماچیکرنێ نینە دکارێن ھونەری دا چونکە وێ چەندێ تایبەت مەندیا خوە ھەیە، گەلەک ماچێ ب پێشکەفتن دزانن ل کارێن ھونەری دا، لێ پێشکەفتنێ تێدا نابینم.
دووماھیێ گۆت: بەرنامێ من دایە بچمە ئەورۆپا بۆ چەند کارێن ھونەری و دووڤ دا ب ئێکجاری ڤەگەرمە کوردستانێ و بەردەوامیێ بدەمە کارێ خوە یێ ھونەری و راگەھاندنێ.
ئه‌ڤرۆ نيوز:
وه‌زاره‌تا سامانێن سرۆشتى ل حوكمه‌تا هه‌رێما كوردستانێ به‌رسڤا په‌رله‌مانتار عه‌لى حه‌مه سالح دده‌ت و ب كه‌سه‌كێ بێ ئه‌زموون د پێشه‌سازيا په‌ترۆل و غازێ دا ب ناڤ دبه‌ت و دبێژيت: “پۆستێ خوه خربا ب كار دئينيت دا كو ب ده‌نگه‌كێ بلند ره‌خنێ ل سياسه‌تا په‌ترۆل و غازا حوكمه‌تا هه‌رێمێ بگريت”.
د روونكرنه‌كێ دا وه‌زاره‌تا سامانێن سرۆشتى ل حوكمه‌تا هه‌رێما كوردستانێ كو وێنه‌ك ب ده‌ست ئه‌ڤرۆ نيوز كه‌فتيه، تێدا ره‌خنێن دژوار ل عه‌لى حه‌مه سالح په‌رله‌مانتارێ فراكسيۆنا گۆران دگريت ل دۆر فرۆتنا په‌ترۆل و غازێ ب پێشه‌كيا 10 مليار دۆلار و ب گرۆپه‌كێ خودانكار.
وه‌زاره‌تا سامانێن سرۆشتى دبێژيت: “عه‌لى حه‌مه سالح چو ئه‌زموون ل سه‌ر پێشه‌سازيا په‌ترۆل و غازێ نينه، به‌لێ پۆستێ خوه خراب بكار دئينيت و ب ده‌نگه‌كێ بلند ره‌خنێ ل سياسه‌تا په‌ترۆل و غازا هه‌رێما كوردستانێ دگريت”.
دبێژيتژى: “هه‌ر چه‌نده ئه‌و ب (حاسبه) هاتيه ب ناڤكرن، به‌لێ به‌حس ل كۆمه‌كا پێزانينێن نه‌دروست دكه‌ت كو چو ده‌رئه‌نجام لێ ناكه‌ڤن و ئه‌ڤه ژى بزاڤه‌كه بۆ دروستكرنا تێكدانێ ل ده‌ف رايا گشتى د پێناڤى مه‌ره‌مێن سياسى يێن خوه دا”.
نيشاندان