ئه‌ڤرۆ نیوز: ڤه‌ده‌ر ره‌شاڤایی:
ته‌نه‌ر یلدز وه‌زیرێ وزه‌ییا توركیا ل ده‌مێ ئاماده‌بوونا وی ل مه‌راسیمێن ڤه‌شارتنا 2 سه‌ربازێن ژ ئالیێ شه‌رڤانێن په‌كه‌كێ ڤه هاتییه كوشتن گۆت كو وی دڤێت شه‌هید ببیت، لێ ئێكسه‌ر پشتی ڤێ یه‌كێ چه‌ندین ئالییان لسه‌ر تورێن جڤاكی گالته ب ڤێ داخویانییا وی كر.
ده‌مێ په‌یامنێره‌كی پرسیار لێكری كا وی دڤێت ل سوریا یان فه‌له‌ستینێ بهێته شه‌هید كرن یلدز د به‌رسڤێ دا گۆت: من گه‌له‌ك هزرا خوه تێدا نه‌كرییه لێ نها ژ دل من دڤێت ببمه شه‌هید، ژبه‌ركو خه‌ونا هه‌ر موسلمانه‌كی شه‌هید بوونه.” هه‌رچه‌نده ئاماژه ددا په‌كه‌كێ لێ ناڤهاتی برۆنی ئاشكر نه‌كر كا مه‌به‌سا وی چییه و دڤێت به‌رامبه‌ر چ هێز بهێته كوشتن دا وه‌ك شه‌هید بهێته حسێبكرن.
چه‌ندین كه‌سان لسه‌ر تۆرا جڤاكییا تویته‌ری هوسا به‌رسڤا ڤێ داخویانییا یلدز دایه و نڤیسیه: یلدز ب ترۆمبێله‌كا دژه گولـله‌یان یا چه‌كدار كو بملیون دۆلارانه و 750 زێره‌ڤانان ئاماده‌بوو و هێشتا دڤییا بهێته شه‌هید كرن.”
وه‌زیرێ وزه‌ییا توركیا دڤێت ل فه‌لستینێ شه‌هید ببیت
نيشاندان