په‌یره‌وه‌ێ ناڤخویێ په‌رله‌مانی دستورێ كارێ په‌رله‌مانتاران لـ په‌رله‌مانی یه‌، واته‌ ئه‌نجامدانا كار و بارێن په‌رله‌مانته‌ران و ئه‌ركێن ده‌سته‌یا سه‌روكایه‌تی و میكانیزما كار كرنا په‌رله‌مانته‌ران د ناڤ ده‌قێن په‌یره‌وێ ناڤخو دا هاتینه‌ رێكخستن.
لـ گور په‌یره‌وێ ناڤخویێ په‌رله‌مانێ كوردستانێ سه‌روكێ په‌رله‌مانی پارێزه‌ری په‌یره‌وێ ناڤخویێ په‌رله‌مانی یه‌ و به‌رپرسه‌ ژ پیاده‌كرنا یاسا و په‌یره‌وه‌ێ ناڤخو، و پێدڤیه‌ بێ لایه‌ن بیت د ئه‌و پرسێن ناكوكی دناڤبه‌را فراكسیونێن په‌رله‌مانی دا روی دده‌ن، گه‌ره‌كه‌ هه‌ولێن نێزیكرنا فراكسیونێن په‌رله‌مانی بده‌ت، چونكه‌ سه‌روكێ په‌رله‌مانی ژی مینا هه‌می په‌رله‌مانته‌ران سویندێ بـ ئێكرێزیا گه‌ل و ئاخا پیروزا كوردستانێ و به‌رژه‌وه‌ندیێن بلندێن وه‌لاتی دخوت.
قانوونا ژماره‌ 1 یا راستڤه‌كریا سالا 2005 ێ و هه‌روه‌سان په‌یره‌وێ ناڤخویێ په‌رله‌مانی مادێ 17 و د هه‌ر 13 برگان دا ده‌ستهه‌لاتا سه‌روكێ په‌رله‌مانی دیار دكه‌ت و هه‌روه‌سان د به‌شێ ده‌ستهه‌لاتێن ده‌سته‌یا سه‌روكایه‌تیێ دا د مادی 20ێ دا ئه‌رك و ده‌ستهه‌لاتێن سه‌روك و ده‌ستا سه‌روكاتیێ بـ زه‌لالی دیار كرینه‌.
د برگا 5 ژ مادێ 39 په‌یره‌وێ ناڤخویا په‌رله‌مانی ئه‌رك وده‌سه‌لاتا بانگكرنا ئه‌ندامێن لیژنێن په‌رله‌مانی بو سه‌روكا- سه‌روكێ لێژنێ یه‌ واته‌ ئه‌ركی بانگه‌وازیكرن بو ئه‌نجامدانا جڤینێن لیژنێن په‌رله‌مانی بو سه‌روكێ-سه‌روكا لیژنێ دزڤریت نه‌ سه‌روكێ په‌رله‌مانی! لیژنێن په‌رله‌مانی په‌رله‌مانه‌كێ بچوك و هه‌میشه‌یی یه‌ كو ده‌ستهه‌لاتا ره‌ها هه‌یه‌ بو ئه‌نجامدان و بانگه‌شه‌كرنا جڤینێن لیژنان.
د هه‌می ماده‌ و به‌ندێن یاسا و په‌یره‌وێ ناڤخوه‌ چ ماده‌یه‌ك یان په‌یڤه‌ك نینه‌ كو راسته‌خوه‌، یان نه‌راسته‌خوه‌ ئاماژه‌ بده‌ته‌ هندێ كو سه‌روكێ په‌رله‌مانی بشێت بانگه‌شا لیژنێن په‌رله‌مانی بكه‌ت بو ئه‌نجامدانا جڤینان.
ئه‌ڤه‌ بو جارێ ئێكێ نینه‌ سه‌روكێ په‌رله‌مانی پێشلیا قانوون و په‌یره‌وێ ناڤخویێ په‌رله‌مانی دكه‌ت، سه‌روكێ په‌رله‌مانه‌كێ كو ژ هێزه‌كا ئوپوزسیونا به‌رێ و هه‌لگرێ دروشمێ سه‌روه‌ریا قانوونێ و جودا كرنا حزب ژ حكومه‌ت و په‌رله‌مانێ دكرن بڤی ئاوایێ زه‌ق قانوون و په‌یره‌وێ ناڤخویێ په‌رله‌مانی بن پێ بكه‌ت ئه‌ڤجا ئه‌و ژی لـ لیژنا یاسایی یا په‌رله‌مانی!!!!!
دروشمێن كو د چارچوڤێ بانگه‌وازی و دروشم و شێواندنا رایا گشتی بون و هه‌ر مانه‌ د مێژویا ئوپوزسیون بونا بزاڤا گوران دا.
ئێكه‌مین گوهرینا هه‌لسوراوێ گوران ئوووووه ببورن مه‌به‌ستا من سه‌روكێ په‌رله‌مانی یه‌ و ئوپوزسیونا به‌رێ بـ هه‌ڤكاریا ئێكه‌تیا نشتیمانی هاڤێتی نه‌هێلانا جڤینێن به‌رفره‌هـ یێن سه‌رجه‌م فراكسیونێن په‌رله‌مانی بوو، ژ بلی هه‌ر پێنچ فراكسیونێن مه‌زن فراكسیونێن دیترێن په‌رله‌مانی نه‌دهاتنه‌ بانگ كرن، ئه‌ڤه‌ بو جهێ نه‌رازیبونا فراكسیونا پارتی و فراكسیونێن پێكهات و لایه‌نێن دیتر(شوعی، سوسیالیست، ئاراسته‌ی سێیه‌م، بزاڤا ئیسلامی). ئه‌ڤه‌ ژی داهێنانا ئوپوزسیونێ بوو، سه‌رسورمان نه‌بن ئاخر وه‌عد دابوونه‌ خه‌لكی دێ گوهرن!؟ وه‌ دیاره‌ بتنێ ئه‌ڤ پێنج ئالیێن زورینه‌ لـ په‌رله‌مانی یێن هه‌ین یان ژی وه‌سا تێگه‌هشتینه‌ ئه‌و بتنێ ده‌ربرینێ ژ رایا گه‌لێ كوردستانێ دكه‌ن و ئه‌وێن دیتر ژ هه‌ساره‌یه‌كا دیتر هاتبن!!!! یان دبیت لـ گور بوچوون و نێرینا سه‌روكێ په‌رله‌مانی بـ تنێ خودان هێز و كورسیێن زور مافێ ده‌ربرین و كومبونان هه‌یه‌ و كێماتیێ هیچ مافه‌ك نینه‌!!!!
دروشمێ شه‌فافیه‌ت و نه‌هێلانا ژورێن تاری یێن گفتوگویێن سیاسی بو ئاگه‌هدار بوونا رایا گشتی لـ سه‌ر هه‌می بابه‌تان، ئازادیا راگه‌هاندنێ و روژنامه‌نڤیسی و ده‌رگه‌هـ ڤالا هێلان بو سه‌رجه‌م میدیاكاران، ژ دروشمێن خاپینوكێن ئوپوزیسیونا جاران بوون، لێ نها ره‌وش ب ئاوایه‌كێ دیتره‌،
نه‌ بـ تنێ شه‌فافیت نه‌بوو، به‌لكو په‌رله‌مان یا بویه‌ جهێ پولیس و پاساوانێن چه‌كدارێن بزاڤا گۆڕان ژ ده‌رڤه‌ی په‌رله‌مانی، و مودێلا چه‌كدار كرنا په‌رله‌مانته‌ران د ناڤ حه‌ره‌مێ په‌رله‌مانی دا !!!كو د مێژوویا هه‌می سه‌روكێن په‌رله‌مانێ كوردستانێ دا ئه‌ڤه‌ رویی نه‌دایه‌.
رۆژا (29 خزیرانێ) ژی هه‌مان سناریوو دوباره‌ بوو ڤه‌، سه‌روكێ په‌رله‌مانی هێزه‌كا زێده‌ یا له‌شكه‌ری لـ به‌رده‌رگه‌هێ لیژنا یاسایی كومڤه‌كر بو، دیاره‌ خوه‌ ئاماده‌ دكرن دا ئوپراسیونه‌كا سه‌ربازی دژی داعش ئه‌نجام ده‌ن؟!
ئه‌ڤرۆ پاسه‌وانێن دروشمێن ئازادیا راگه‌هاندنێ، دویركرنا ده‌ستێ حزبێ ژ موئه‌سه‌ساتێن ده‌وله‌تێ و زڤراندنا شكوه و بریارێ بو په‌رله‌مانی به‌رێز د. یوسف سه‌رجه‌م كارمه‌ندێن نهوما دووێ ژ وێ نهومی ده‌رئێخست بون و رێك نه‌دان هیچ راگه‌هاندنه‌ك لـ وێرێ ئاماده‌ ببن، ئاخر حه‌قن چونكه‌ بریار بوو ئوپه‌راسیونه‌كا زور نهێنی و گرنگ دژی دوژمنێن كوردستانێ داعش ئه‌نجامده‌!!!!
خودانێن دروشمێن ده‌ی گورین و ئازادیا راده‌ربرینێ، لـ كافتێریا په‌رله‌مانی بـ شێوازه‌كێ هوڤانه‌ هێرش برنه‌ لـ سه‌ر په‌یامنێرێ روداوو بـ وێ به‌هانێ كو راپورتێن ئه‌و په‌یامنێر ئاماده‌ دكه‌ت دژی سیاسه‌تا حزبا وانه‌!!؟؟
ژلایێ یاسایی ڤه‌ ماشاالله‌ ئوپوزسیونا به‌رێ بـ تایبه‌ت بزاڤا گوران كێماسی د حزبیكرنا یاسا و دابه‌شكرنا پوستان دا نه‌كرن، لـ ده‌مێ ده‌رئێخستنا هه‌می قانوونێن تا نوكه‌ ده‌ركه‌فتین ژوانا قانوونا (صندوقێ داهاتێ نه‌فتێ، كومسیونا سه‌ربه‌خویا هه‌لبژارتنا، بودجا ئه‌حزابا، یاسایا دستورێ كوردستانێ.. . هتد)كو قانوونێن گرنگ و خودان ره‌هه‌ندێن نشتیمانینه‌، خالا ژ هه‌میان پتر مه‌ تێبینی كری ئه‌ڤه‌ بوویه‌ كو بزاڤا گوران و هه‌ڤپه‌یمانێن وان یێن ئوپوزسیونا به‌رێ بتنێ شه‌رێ ده‌ستكه‌فت و دابه‌شكرنا پوستان دكرن و نه‌ تشته‌كێ دیتر، بو نموونه‌ د قانوونا صندوقێ داهاتێ نه‌فتێ دا شه‌رێ گوران لـ سه‌ر دابه‌شكرنا پله‌ و پوستێن صندوقا داهاتێ نه‌فتێ و چه‌ندیا ده‌ستكه‌فتێن ڤی پروژه‌ی بو بزاڤا گوران بوو، نه‌ لـ سه‌ر شه‌فافیه‌ت و چه‌وانیا كومڤه‌بونا داهاتێ نه‌فتێ، د یاسایا كومسیونا سه‌ربه‌خویا هه‌لبژاردنان دا هه‌می شه‌رێ هه‌ر چوار لایه‌نان ئه‌و بو كو پوست لـ سه‌ر پێنچ حزبان بهێته‌ دابه‌شكرن بی به‌شدار بونا ئاین و نه‌ته‌وه‌یێن سه‌ره‌كی یێن دگه‌ل نه‌ته‌وا كورد دا دژین، و پێش یاسا ده‌ركه‌ڤیت، دان و ستاندن نه‌ لـ سه‌ر به‌ندێن یاسایی دهاته‌ كرن به‌لكو گه‌نگه‌شه‌ لـ سه‌ر دابه‌شكرنا پوستێن ئه‌نجومه‌نێ كومسیاران لـ سه‌ر هه‌ر پێنچ حزبێن كوردستانی بون و حه‌تا رێكه‌فتن نه‌هاتیه‌ كرن گه‌نگه‌شه‌ لـ سه‌ر قانوونێ ده‌ست پێ نه‌كر، لـ ژێر گوشارا هه‌ر چوار لایه‌نێن سیاسی (گوران، ئێكه‌تی، ئێكگرتوو، كومه‌لا ئیسلامی) پوستێن ئه‌نجومه‌نێ كومسیاران بـ نێرینه‌كا ته‌مام حزبی هاتبونه‌ دابه‌شكرن، و پاشان یاسایا كومسیونێ هاته‌ په‌سه‌ند كرن.
د قانوونا دستوری دا ژی وه‌ك هه‌ر جار فراكسیونا پارتی داكوكی لـ سه‌ر دابه‌شكرنا هه‌ر 21 ئه‌ندامێن نڤیسینا دستوری لـ سه‌ر هه‌می پێكهات و نه‌ته‌وه‌ و ئه‌حزابێن كوردستانی كر، هه‌ر چه‌ند وه‌ك مه‌زنترین فراكسیونا په‌رله‌مانی كارتێكرن لـ سه‌ر ژمارا ئه‌ندامێن مه‌ د لێژنێ دا دكرن، لێ لگور بوچون و پره‌نسیپێن پارتی دستور ره‌هه‌نده‌كا نشتیمانیه‌ و قانوونه‌كا ئاسایی نینه‌ و پێدڤیه‌ فره‌ئایدولوژیه‌ت و فره‌حزبی و به‌شدار بونا زورترین لایه‌نێن سیاسی بهێته‌گره‌نتی كرن، لێ دیسان هه‌ر چوار لایه‌نێن دیتر داكوكی لـ سه‌ر دابه‌ش بونا پوستان ته‌نها لـ سه‌ر 5 حزبان و ته‌نها كورسیه‌ك بو ئه‌حزابێن دیتر دكرن.
ژلایێ نه‌ته‌وه‌یی ڤه‌ سرودا (ئه‌ی ره‌قیب) كو بـ سه‌دان گه‌نج و لاوێن وه‌لاتێ مه‌ لـ ژێر ڤێ سرودا نه‌ته‌وه‌یی جانێ خوه‌ گوری وه‌لاتی كری، پێشمه‌رگه‌هێن قه‌هره‌مان و شه‌هیدێن سه‌ربه‌رزێن كوردستانێ قه‌بول نه‌كر بون سه‌رێ خوه‌ لـ ژێر ئالایێ كوردستانێ و ئه‌ی ره‌قیب بـو دوژمنان بـ چه‌مینن، لێ به‌رێز د. یوسف محمد بو پاراستنا به‌رژه‌وه‌ندیێن حزبی و به‌ره‌یا به‌رێ یا ئوپوزسیونێ بـ ده‌هان جار بو رازیكرنا كومه‌لا ئیسلامی ته‌نازول ژ لێدانا سرودا نه‌ته‌وه‌یی كریه‌ سه‌ره‌رایی هه‌ر جار وه‌ك فراكسیونا پارتی مه‌ نه‌رازیبونا خوه‌ بـ توندی دیار كریه‌.
هه‌ڤالنو سه‌رسورمان نه‌بن ئاخر په‌رله‌مان بـ ریموت كنترولا به‌رێز نوشیروان دهێته‌ گوهرین
براستی ژی گوران هه‌وه‌ گوهری!!!؟؟
خودانێن دروشمێن پێدڤیه‌ هه‌می ئه‌و قانوونێن ره‌هندێن نشتیمانی هه‌ین دڤێت بـ ته‌وافق و سازان ده‌رباس ببن. خێره‌ ئه‌ڤرۆ هه‌لسوراوێ گوران به‌رێز د. یوسف هه‌می هه‌ول بو شكاندن و نه‌هێلانا سازانا سیاسی ده‌رباره‌ی گرنگترین پرسا نشتیمانی و دستوریا وه‌لاتی (پرسا سه‌روكاتیا هه‌رێمێ) دكه‌ت، بێ به‌رچاڤ وه‌رگرتنا ئه‌و رێكه‌فتن و ته‌وافقا بو پێك ئینانا كابینا هه‌شتێ لـ سه‌ر بنیاتێ ته‌وافقێ سه‌رجه‌م پوستێن هه‌رێمێ و عیراقێ هاتینه‌ دابه‌شكرن كار بو جێبه‌جێكرنا ئه‌جندا و ئیملائاتێن به‌رێز نوشیروان مسته‌فا و بزاڤا گوران دكه‌ت، و كاره‌كته‌ره‌كێ سه‌ره‌كی یه‌ د جێبه‌جێكرنا ئه‌جندایێن حزبی یێن به‌رته‌سك و روله‌كێ مه‌زن د پاشڤه‌برنا دیموكراسیه‌تێ دا هه‌یه‌، سه‌روكێ په‌رله‌مانی شه‌رعیه‌تا یاسایی یا خوه‌ ژ ده‌ست دایه‌ و وه‌ك هه‌لسوراوه‌كێ گوران ره‌فتارێ دكه‌ت و نه‌شیا د ئاستێ مه‌زناهی یا پوستێ سه‌روكێ په‌رله‌مانی دا بیت و شكویا په‌رله‌مانی وه‌ك پارێزه‌رێ قانوون و په‌یره‌وێ په‌رله‌مانی بـ پارێزیت.

دروشمێ سه‌روه‌ریا یاسایێ و جودا كرنا حزبێ ژ حكومه‌تێ و په‌رله‌مانی، دروشمێ شه‌فافیه‌ت و نه‌هێلانا گه‌نده‌لیێ، كێمكرنا رێژا پلێن بلند و ته‌قه‌شوف د ناڤ دام و ده‌زگه‌هێن ده‌وله‌تێ دا، ژ دروشمێن خاپینوكێن ئوپوزسیونا جاران بوون، لێ نها ره‌وش ب ئاوایه‌كێ دیتره‌.

گوران پێگه‌هێ حزبی د ناڤ په‌رله‌مان و حكومه‌تێ دا یێ بـ هێز ئێخستی و پرانیا كه‌سێن ڤێ دووماهیێ ل په‌رله‌مانی هاتینه‌ دامه‌زراندن هه‌لسوراوێن گورانن و ژلایێ سه‌رۆكێ په‌رله‌مانی ڤه‌ هاتینه‌ دامه‌زراندن، ئانكو لایێ گوران ژی پیڤه‌ر بو دامه‌زراندنێ هه‌ر حزبی بون بویه‌؟! و د ده‌رئێخستنا یاسایان دا دیالوگ و مه‌به‌ستا گوران ژ یاسایان وه‌رگرتنا پله‌ و پوست بوینه‌، ته‌نانه‌ت ئه‌ندامێن په‌رله‌مانی یێن فراكسیونا گوران دانوستاندن لـ سه‌ر وه‌رگرتنا پوستێن راگرێن كولیژان و رێڤه‌به‌رێن مه‌كتبان ژی كرینه‌.
لـ هه‌یڤا هه‌شت یا سالا 2014 سه‌روكێ په‌رله‌مانی بـ ئه‌مرێ به‌رێز نوشیروان مسته‌فای ده‌ست بـ دامه‌زراندنێ كر، و تا نوكه‌ پتر ژ 123 كه‌سان هاتینه‌ دامه‌زراندن كو پتر ژ 110 كه‌سان هه‌لسورا و كادرێن بزاڤا گورانن، و زوربه‌یێ كادرێن راگه‌هاندنا KNN ژی لـ په‌رله‌مانی یێن هاتینه‌ دامه‌زراندن، حَیبه‌تی نه‌بن ئاخر بزاڤا گوران دڤێت هه‌می زانیاریان بو هاوه‌لاتیان بـ شه‌فافی و بێ سانسور ده‌ربێخیت هه‌لبه‌ت ژبیر نه‌كه‌ن لـ پشت ده‌رگه‌هێن گرتی و پری پولیس و هێزێن دژه‌ تێرور كو ژ ده‌رڤه‌ی په‌رله‌مانی ئیناینه‌!!
بزاڤا گوران د ده‌می ئوپوزسیون بونا خوه‌ زور تومه‌ت ئاراسته‌یی دو هێزێن پارتی و ئێكه‌تی دكرن، كو لـ په‌رله‌مانی زور راوێژكار هه‌نه‌ و په‌رله‌مانی پێدڤیی بـ ڤان هه‌می راویژكار و خه‌بیران نینه‌!!د راستیا خوه‌ دا ئه‌ز ژی دگه‌ل ڤێ گوتنا وان هه‌ڤرا بووم.
لێ جهێ سه‌یرێ یه‌ خودانێن دروشمان و ئاڤا كرنا كومارێ ئه‌فلاگونی د ماوێ ساله‌كێ دا 14 راوێژكار و 8 كه‌س بـ پلا خه‌بیریێ دامه‌زراندینه‌، یا خویایه‌ كو گه‌هشتن بـ پله‌ خه‌بیرێ چه‌ندین مه‌رج و پیڤه‌ر هه‌نه‌ ژ وانا 10 سال خزمه‌ت، ده‌رچویێ زانكویێ و ته‌قدیم كرنا ڤه‌كولینێن زانستی و. .. هتد. لێ هه‌لگرێن په‌یاما نه‌هێلانا پله‌یێن تایبه‌ت و بلند، دامه‌زراندن لـ گور CV و پیڤه‌رێن زانستی، د ئێك روژ دا بی به‌رچاڤ وه‌رگرتنا پیڤه‌ران ئه‌ڤ هه‌می هه‌لسوراوێن گوران بـ پلا خه‌بیریێ و راوێژكاریێ دامه‌زراندن.
لـ په‌رله‌مانێ كوردستانێ، گوران بون ئیمتیازه‌كه‌ راوێژكارێن بزاڤا گوران زور ئیمتیازاتێن جودا هه‌نه‌، لـ شوقێن ناز سیتی نشته‌جێبونه‌، و په‌رله‌مان كرێیا خزمه‌تگوزاریێن ئاپارتمانێن وان كو كوژمێ 400,000 دینارن بو دمه‌زێخیت، سه‌ره‌رایی هندێ كو جهێ ئاكنجیبونێ بو راوێژكارێن هه‌لسوراوێن گوران لـ ناز سیتی هاتینه‌ دابین كرن، لێ هه‌یڤانه‌ 1,000,000 ئێك ملیون دینار هاریكاریا نشته‌جێبونێ ، 1,000,000ئێك ملیون دینار ده‌رمالێ باوه‌رنامێ، 1,000,000 ئێك ملیون دینار ده‌رمالێ تایبه‌ت، و 5,300,000 دینار وه‌ك راتب وه‌ردگرن كو بـ گشتی پارێ هه‌یڤانه‌ یێ وان پتره‌ ژ هه‌شت ملیون دیناران، واته‌ بـ قه‌د راتبێ په‌رله‌مانته‌ران؟؟!!
سه‌روكێ په‌رله‌مانێ كوردستانێ داهێنانێن زور باش د په‌رله‌مانی دا كرینه‌ ژ وانا نڤیسینگه‌هه‌كا تایبه‌ت یا دارایی بو بـ شه‌رعی كرنا ئه‌و هاریكاریێن هه‌یڤانه‌ كو بـ ناڤێن جورا و جور بو هه‌لسوراوێن گوران و رێكخرواێن بـ ناڤ سڤیل، روژنامه‌ و گوڤار.. هتد. دمه‌زێخیت، دامه‌زراندیه‌ و بـ كه‌یفا خوه‌ یاریان بـ سامان و پارێ مله‌تی دكه‌ت. بو نموونه‌ هاریكاریێن هه‌یڤانه‌ بو هنده‌ك روژنامه‌ و رێكخروایێن سیبه‌ر یێن سه‌ر بـ بزاڤا گوران د مه‌زێخیت؟؟و بـ تنێ نوشیروان مسته‌فا و ئه‌و و خودێ دزانن كو بوچ ئارمانج و دروست كرنا چ جوره‌ راپورتان سامانێ گشتی و پارێ مله‌تی بو وان ده‌زگه‌هان مه‌زاختیه‌؟
ده‌زگه‌هێن بـ ناڤ ئه‌هلی، لێ ل ژێر سیبه‌را حزبا سه‌روكێ په‌رله‌مانی، بو نمونه‌ روژناما ئاوێنه‌ نێزیكێ 9,000,000 ملیون دیناران پاره‌ بو مه‌زاختینه‌، بو گوڤارا لڤین 5,000,000 ملیون دینار، رێكخراوا سپی 5,000,000 ملیون دینار و بو چه‌ندین روژنامه‌ و رێكخراوێن دی كوژمێن خه‌یالی مه‌زاختینه‌، كو دده‌مێ خوه‌ دا هه‌می به‌لگان دئ ێخینه‌ به‌ر ده‌ستێ رائیا گشتی.
سه‌رسورمان نه‌بن سه‌روكێ په‌رله‌مانی بـ فه‌رمانا به‌رێز نوشیروان مسته‌فا ڤان كاران دكه‌ت
د ئێك روژا دا، سه‌روكێ دیوانا گشتی یا په‌رله‌مانێ بـ دو پله‌یان دامه‌زراندیه‌، بـ پله‌یا برێكارێ وه‌زاره‌تێ و پلا رێڤه‌به‌رێ گشتی، تشتێ ژ هه‌میان سه‌رسورمانتر د گه‌نگه‌شه‌ كرن د په‌یره‌وه‌ێ ناڤخویێ په‌رله‌مانی كو ئه‌ز ژی ئێك ژ ئه‌ندامێن لێژنا دان و ستاندن كار بوم د وێ لێژنێ دا
فراكسیونا گوران هه‌می هه‌ولێن خوه‌ ددان كو سه‌روكێ دیوانا سه‌روكاتیا په‌رله‌مانی بـ پلا وه‌زیرێ بهێته‌ دامه‌زراندن!! واته‌ به‌خشینا سێ پله‌یان تا ئاستێ وه‌زیریێ ته‌نها بو ئێك كه‌س؟ و پشتی هه‌می هه‌ولێن كو مه‌ و هنده‌ك فراكسیونێن دیترێن په‌رله‌مان دان كو بزاڤا گوران پاشگه‌زی پێشنیارا خوه‌ بیت، لێ بـ ئیسرارا به‌رده‌واما په‌رله‌مانته‌رێن گوران، لێژنا په‌یوه‌ندیدار بـ دو بوچونێن جیاواز ئه‌ڤ بابه‌ته‌ ده‌رباسی جڤینا په‌رله‌مانی كرن.
په‌رله‌مانته‌ره‌كێ خولا سیێ گوران كو بـ سیفه‌تا راوێژكارێ خوه‌ به‌خش لـ نڤیسینگه‌ها سه‌روكێ په‌رله‌مانی كار دكه‌ت، هه‌یڤانه‌ هاریكاریێ ژێر ناڤێن جودا وه‌ردگریت و په‌رله‌مان هاریكاریێن هاتن و چونێ(سه‌یاره‌، به‌نزین) بو دمه‌زێخیت و هه‌روه‌سان بو ڤی په‌رله‌مانته‌رێ خانه‌نشینكریێ گوران هه‌یڤانه‌ پتر ژ 350,000 دینار هاریكاری بو هه‌ر سێ پاساوانێن وی یێن شه‌خصیێ دهێته‌ مه‌زاختن، ئاخر لـ كیڤه‌ چێبویه‌ كه‌سێ خوبه‌خش هه‌یڤانه‌ هاریكاری و كرێ یا خانیی و موچێ پاسه‌وانان بو بهێته‌ مه‌زاختن؟
زور بابه‌تێن دیتر هه‌نه‌ كو پێدڤیه‌ رایا گشتی یا ئاگه‌هدار بیت بو بریار دان لـ سه‌ر كریار و دروشێمن بزاڤا گوران دده‌مێ ئوپوزسیون بونێ دا و لـ سه‌رده‌مێ به‌شدار بون د ده‌ستهه‌لاتێ دا، دروشمێن كو د چارچوڤێ بانگه‌وازی و دروشم و شێواندنا رایا گشتی دا بون و هه‌ر مانه‌ د مێژویا ئوپوزسیون بونا بزاڤا گوران دا، لێ دێ هێلین بو ده‌مه‌ك گونجاوتر و بـ به‌لگه‌ دئێخینه‌ به‌ر رایا گشتی
بلا بریار بو خه‌لكێ كوردستانێ بیت، ئه‌گه‌ر هێزه‌ك كو ته‌نها سال و نیڤن ژ مێژویا ده‌ستهه‌لات بونا وێ ده‌رباس دبیت، و نه‌ گه‌له‌ك دویر ژ مێژویا ئوپوزسیون بونا خوه‌ ئه‌و هه‌می سوزێن داینه‌ خه‌لكێ كوردستانێ ژبیر كر بن، وه‌عد دا بونه‌ ده‌نگده‌رێن خوه‌ دێ كوردستانێ كه‌نه‌ شاما شه‌ریف و كومارا ئه‌فلاگونی لـ هه‌رێمێ ئاڤا كه‌ن د ماوێ ساله‌كێدا ئه‌ڤ هه‌می گه‌نده‌لی و دامه‌زراندنێن نه‌ یاسایی و بێ پیڤه‌ر ئه‌نجام دا بن و به‌خشینا سامانێ گشتی بو روژنامه‌ و رێكخراوێن سیبه‌ر یێن سه‌ر بـ بزاڤا گوران دا كر بن، هون بێژن ئه‌گه‌ر بـ درێژاهیا 23 سالان د حوكمرانیێ دا بان دا چ بـ سه‌رێ مله‌تی و سامانێ گشتی ئینن؟؟!!