ئه‌ڤرۆ نیوز:
جێگرێ سه‌رۆكێ په‌رله‌مانێ كوردستانێ جه‌عفه‌ر ئیبراهیم ئێمینكى سه‌باره‌ت بلندكرنا راپۆرتا لژنا قانوونى یا په‌رله‌مانى ل سه‌ر پرۆژه‌ قانوونا راستڤه‌كرنا قانوونا سه‌رۆكایه‌تیا هه‌رێما كوردستانێ د راگه‌هاندنه‌كێ دا دبێژیت” سه‌رۆكێ په‌رله‌مانێ كوردستانێ ماوه‌كه‌ ئه‌دایێ كارێ خوه‌ یێ قانوونى ناكه‌ت”.
جێگرێ سه‌رۆكێ په‌رله‌مانێ كوردستانێ جه‌عفه‌ر ئیبراهیم ئێمینكى هوشداریا وێ یه‌كێ دده‌ت كو ره‌وش به‌ره‌ڤ ئاقاره‌كێ مه‌ترسیدار بچیت.
و دبێژیت” سه‌رۆكێ په‌رله‌مانێ كوردستانێ ته‌جاوزا كار و ده‌ستهه‌لاتا خوه‌ یا كرى “

ئەڤرۆ نیوز،زنار تۆڤی:
پەیڤدارێ میحوەرێ مەخموور یێ هێزا پێشمەرگێ کوردستانێ ئاشکەراکر کو سالا بۆری ل رۆژا ٨ تەباخێ ل دەمێ گرتنا باژێرێ مەخموورێ سەرپەرشتیارێ داعشێ ل وی میحوەری کۆشتیە کو لدووڤ دا بۆ وان دەرکەفت برایێ ئەبۆبەکر بەغدادیە.
برایێ بەغدادی وێنەیێ ڤیدیۆیی ژی بۆ هاتیە گرتن و راگەهاندنا کۆشتنا وی پشتی دلنیابووین ل زایاریێن دناڤ داعش دا ئەڤرۆ بەلاڤکر.
پەیڤدارێ میحوەرێ مەخموور ئەحمەد ئەنوەر دبێژیت:مە ل سالا پار ل دەمێ گرتنا باژێرکێ مەخموور چەندین چەکدارێن داعش کۆشتن و ئێک ژ وان کۆشتیان پشتی دلنیابوونا ناسناما وی و پاش وەرگرتنا زانیاریێن تەمام ، ڤان چەند رۆژێن بۆری بۆ مە دەرکەفت کو برایێ خەلیفێ داعشە.
ناڤهاتی گوت ژی:ئەوێ هاتیە کۆشتن کو سەرپەرشتیا میحوەرێ مەخموور دکر ل بەرەیێ داعش ناڤێ وی ئەبۆ خەتاب بەغدادیە،ل وی دەمی مە نەدزانی کا ئەوە هاتیە کۆشتن یان نە،بەلێ ئەڤرۆ مە ب تەمامی زانی کو ئەوێ هاتیە کۆشتن برایێ بەغدادیە،ئەڤ نۆچەیە ماوەیەکه لدەف مەیە پشتی زانیاری ژناڤ داعش گەهشتینە مە،مە ئەڤ نووچەیە هەلگرت بۆ هندێ کو ئەڤرۆ ل سالڤەگەرا گرتنا باژێرکێ مەخموور رابگەهینین.
سالا بۆری پشتی هێرشێن وان بۆ سەر چەندین دەڤەرێن کوردستانێ،چەکدارێن داعش هێرش کرە سەر باژێرکێ مەخموور کو ۷۰ کیلۆمەترا ژ هەولێرێ دوورە،پشتی چەند رۆژان ب ئەگەرێ هێرشا پێشمه‌رگێ کوردستانێ بۆ سەر داعشان مەخموور هاتە گرتن و چەندین چەکدارێن داعش هاتنە کۆشتن.