ئەڤرۆ نیوز،زنار تۆڤی:
ئەندامەکێ لژنا دارایی و ئابووری ل پەرلەمانێ عێراقێ دیارکرکو ب هەلوەشاندنا پۆستێن جێگرێن هەرسێ سەرۆکان،هەیڤانە كوژمێ زێدەتر ژ شەش ملیار دیناران ڤەدگەریت بۆ بودجەیێ دەولەتێ،ئاماژە ب هندێ ژی دا کو مۆچەیێ بنەرەتی یێ وان جێگران هەیڤانە دگەهیتە 250 ملیۆن دینارێن عێراقی.
مەسعود حەیدەری ئەندامێ لیژنا دارایی و ئابووری ل پەرلەمانێ عێراقێ راگەهاند،کو بریارە عەبادی ب چالاککرنا حکومەتێ و هەلوەشاندنا پۆستێن جێگرێن هەرسێ سەرۆکاتیا،پێنگاڤەکا بوێرانەیە و شکاندنا دابەشبوونا سیاسیە.
گۆت:ئەگەر ئەڤ بریارە بچیتە بوارێ جێبەجێکرنێ،هەیڤانە زێدەتری شەش ملیار دیناڕان دێ زڤرنە بۆدجەیێ دەولەتێ،وان جێگران ژمارەکا زۆرا پاسەوانان هەیە و مۆچێ وان هەیڤانە دگەهیتە 250 ملیۆن دیناران.
ئەڤرۆ عەبادی چەندین بریاردان،ژوانا کێمکرنا سەرجەم پاسەوانێن بەرپرسێن دەولەتێ،،هەرسێ سەرۆکاتیان و وەزیڕان و پەرلەمانتار و پلەیێن تایبەت،هەلوەشاندنا دەرمالێن تایبەت یێن هەرسێ سەرۆکاتیا و دەستەیا سەربەخۆیا دەولەتێ و خانەنشینان،دوورخستنا هەمی پۆستەیێن بلند وەک دەستەیا سەربەخۆ و بریکارێن وەزیر و راوێژکاران و رێڤەبەرێن گشتی لسەر بنەمایێ حزبی و تائیفی،هەروەسا عەبادی گۆتیە:دێ وەزارەتان کێمکەین و دەستەیان ژی،ژبۆ کێمکرنا مەزاختنان،هەروەسا هەلوەشاندنا پۆستێن جێگرێن سەرۆک کۆمار و جێگرێن سه‌رۆک وەزیران.
دیارکر ژی:ڤەکرنا هەمی دوسیێن گەندەلیێ یێن نوکە و بەری نوکە،ب سەرپەرشتیا لژنەکا بالا،عەبادی داخواز ژ ئەنجۆمەنێ وەزیران دکەت رەزامەندیێ ل سەر وان بریاران بدەن،وان بریاران پەسەند بکەن،بۆ هندێ کو سەرۆک وەزیر بشێت چاکسازیان بکەت.

ئەڤرۆ نیوز،زنار تۆڤی:
ئەڤرۆ رۆژا ئێکشەمبی 9.8.2015 سەرۆکێ پەرلەمانێ کوردستانێ یوسف محەمەد لدور پرسا سەرۆکێ هەرێمێ بەیاننامەکێ بەلاڤدکەت و دبێژیت:لیژنا یاسایی یا پەرلەمانی راپۆرتا خوە سەبارەت پرۆژێ یاسایێ هەموارکریێ یاسایا سەرۆکاتیا هەرێما کوردستانێ پێشکێشی سەرۆکاتیا پەرلەمانێ کوردستانێ کر،لدووڤ پەیرەوێ نافخویێ پەرلەمانی دڤێت دەم بۆ روونشتن و گفتۆگوکرنێ لسەر وان پرۆژان بهێتە دەست نیشانکرن،چ روونشتنا ئاسایی بیت یان نە ئاسایی،بەلێ ل روانگەها هەستکرن بەرامبەر بەرپرسیارەتیا گەلێ مە ئەو بارۆدوخێ نۆکە کوردستان تێدا دەربازدبیت،وەک بەرسڤەک بۆ یاداشتناما ژمارەکا فەرماندێن پێشمەرگەیێ قارەمان ل بەرۆکێن جەنگی دژی تیرورستان،ب پێدڤی دزانین دەرفەتەکا دی بدەین بۆ رێکەفتنا لایەنێن سیاسی ، بتایبەتی کو دەمەکێ زۆر کێم مایە ئەگەر ب رەنگەکێ یاسایی چارەسەری بۆ ڤێ کێشێ نەهێتە دیتن،ئەڤە دێ پشتی 20 تەباخا ئەڤ سالە،هەرێما کوردستانێ دێ کەڤیتە قەیرانەکا سیاسی و یاساییا ئالۆزتر.
د ئینینە بیرا هەمی لایەنان،کو سەرۆکاتیا پەرلەمانێ کوردستانێ دەمێ ۱۰ هەیڤانە هەولێن چوە یێن چر خستینە گەر بۆ دیتنا چارەسەریا پرسا سەرۆکاتیا هەرێما کوردستانێ،بۆ ڤێ مەبەستێ چەندین جاران دگەل فراکسیۆن و لایەنێن سیاسی مە کۆمبون سازداینە،بەلێ مخابنی هەتانوکە ل سەر ڤێ پرسێ نەگەهشتینە سازانێ.