ئه‌ڤرۆ نيوز:
ئه‌ڤرۆ رۆژا شه‌مبى 8ى ته‌باخا 2015ێ ياريا كاسا سۆپه‌را ئيتاليا د ناڤبه‌را هه‌ردو يانێن يۆڤانتۆس و لازيۆ دا دێ ل چينێ هێته ئه‌نجام دان.
ئه‌ڤ ياريه دێ ل ياريگه‌ها شه‌نگهاى شينوا ل ده‌مژمێر 3:00 ب ده‌مێ كوردستانێ د ناڤبه‌را هه‌ردو قاره‌مانێن كاسا ئيتاليا و خولا ئيتاليا دا هێته كرن كو هه‌ر ئێك ژ لازيۆ و يۆڤانتۆس ب خوه ڤه دگريت.
ئه‌ڤرۆ رێكه‌فتى 8ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب گۆره‌يى نڤيسينگه‌هێن پاره‌گوهۆڕان ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
پشتى نيڤرۆيا ئه‌ڤرۆ رۆژا شه‌مبى رێكه‌فتى 8ى ته‌باخا 2015ێ ياريێن خولا ئنگليزى “پريمه‌رليگ” دێ ده‌سپێكه‌ت و ياريا ڤه‌كرنێ ژى دێ د ناڤبه‌را مانشێسته‌ر يونايت و تۆتنهام دا بيت.
هه‌ر چه‌نده سالا بۆرى ب تنێ ئامانجا مان يونابيت گه‌هشتن بوو ب شامپيۆن ليگ و ڤان گال و كورێن خوه گه‌هشتنه ڤێ ئارمانجێ، به‌لێ بۆ ڤى وه‌رزى هيڤيا وێ به‌رفره‌هتر بوويه و دێ چاڤه‌رێ ب ده‌ستڤه‌ئنانا ناسناڤێ خولێ بيت.
هه‌ڤده‌م تۆتنهام ژى وه‌كو هه‌ر سال دێ بزاڤێ كه‌ت بگه‌هيته ئێك ژ چار رێزێن پێشيێ بۆ گه‌هشتن ب هيڤيا خوه و پشكداريكرن د شامپيۆن ليگ دا، به‌لێ دبيت ئه‌ڤ ساله ژى وه‌كو سالێن بۆرى ب ئارمانجا خوه نه‌گه‌هيت.
هه‌ردو يانه ئه‌ڤرۆ دێ بزاڤێ كه‌ن سێ خالێن ياريێ ب ده‌ست خوه ڤه بينن بۆ پێشڤه‌چوون به‌ر ب ده‌سپێكه‌كا باش ل وه‌رزێ ئه‌ڤ ساله دا.
ده‌مێ ياريێ: 2:45 ب ده‌مێ كوردستانێ
یاریگه‌هـ : ئۆلد ترافۆرد – مانشستەر
دادڤان: جۆناسان مۆس
کۆمێنتار “بی ئین سپۆرت”: فەهد عتێبی
مان یونایتد: جۆنستۆن، دارمیان، سمالینگ، بلایند، شاو، کاریک، شنایدەرلین، ماتا، دیپای، یۆنگ، ڕۆنی
تۆتنهام: لیۆری، والکەر، ڤێرتۆنخن، ویمەر، ڕۆس، بنتالب، ماسۆن، لامێلا، ئێریکسۆن، شادەلی، کاین.
ئەڤرۆ نیۆز، قائید میرۆ:
گروپا تیرۆرستیا داعش پتری دو ھزار کارمەندێن کۆمسیۆنا بلندا سەربخۆیا ھەلبژارتنێن عێراقێ دەستەسەرکرینە و بڕیارا کوشتنێ بۆ ھاتیە دەرکرن.
غەیاس سورچی، پەیڤدارێ مەلبەندێ ئێکەتی نیشتیمانی کوردستان ل نەینەوا بۆ ئەڤرۆ نیۆز راگەھاند” ددەمێ دو ھەیڤێن بۆری دا تیرۆرستێن داعش ھەوەک بۆ دەستەسەرکرنا کارمەندێن کۆمسیۆنا بلندا سەربخۆیا ھەلبژارتنێن عێراقێ ئەنجامدان و تێدا دو ھزار و ٧٠ کەس ھاتینە گرتن.
سورچی گۆتژی” گروپا تیرۆرستیا داعش بڕیاردایە ھەموو ئەف کارمەند بھێنە کوشتن و تەرمێن واناژی ناھێنە رادەستکرن بۆ کەس و کارێن وان، بەلێ دوھی د گۆتارا ئەینیێ دا بڕیار ھاتەدان، تەرمێن وان کەسان ب کەس و کارێن بھێنە دان و ھەر دوھی ناڤێ ٥٣ کەسان ھاتە راگەھاندن بۆ وەرگرتنا تەرمێن وان، ئەڤرۆ ژی ناڤێ ٣٠٠ کەسان ل نۆشداریا داد یا مووسل ھاتیە راگەھاندن و کەس و کارێن وان دشێن تەرمێن وان وەرگرن.
ئه‌ڤرۆ نيوز:
كۆمسيۆنا بلندا په‌نابه‌ران يا سه‌ر ب نه‌ته‌وێن ئێكگرتى، داخوازێ ژ يونان و فره‌نسا دكه‌ت، دووڤچوونێ بۆ ره‌وشا ترسناكا ئاواران بكه‌ن.
ويست كۆچتێل، رێڤه‌به‌رێ پشكا ئورۆپا يا كۆمسيارا بلندا په‌نابه‌ران سه‌ر ب رێكخراوا نه‌ته‌وێن ئێكگترى د كۆنگره‌كێ رۆژنامه‌ڤانى دا ل ژنيف داخواز ژ حوكمه‌تا فره‌نسا كر چاڤگه‌ريانه‌كێ د ره‌وشا ئه‌وان سێ هزار په‌نابه‌ران دا بكه‌ت ئه‌وێن د رێيا تۆنێلێن ئورۆپا دا نێزيكى به‌نده‌رێ كاله ل باكوورێ ئه‌وى وه‌لاتى دا هاتى و بزاڤا چاره‌كرنا كێشێن وان بكه‌ت.
كۆچتێل داخواز ژى ژ به‌رپرسێن فره‌نسا كر ئه‌و له‌شكرگه‌ها نوكه كاروبارێن له‌شكرى تێدا ئه‌نجام ناده‌ت، بكه‌ته كه‌مپه‌كا ده‌مى بۆ په‌نابه‌ران، هه‌ڤده‌م ره‌خنه‌يێن دژوار ژى ئاراسته‌يى به‌رپرسێن يونان كرن ژ ئه‌گه‌رێ كاودانێن خراب يێن په‌نابه‌رێن ل گزيرتێن وى وه‌لاتى و گۆت: “زێده‌ترى 124 هزار كۆچبه‌ران د كاودانێن گه‌له‌ك خراب دا ل گزيرتێن يۆنان ده‌رباز دكه‌ن”.
هه‌ر وه‌ك داخواز ژى ژ به‌رپرسێن يۆنان كر، ئه‌ركێ رێڤه‌برنا كاروبارێن په‌نابه‌ران بگريته ستوويێ خوه و ئاڤا ڤه‌خوارنێ و جهێ حه‌واندنێ و كه‌لوپه‌لێن نوشدارى بۆ دابين بكه‌ت.
ئه‌ڤرۆ نيوز:
رێبه‌رێ زيندانكريێ پارتيا كرێكارێن كوردستانێ “په‌كه‌كێ” داخوازيه‌كا ب له‌ز ئاراسته‌يى په‌كه‌كێ و حوكمه‌تا توركيا دكه‌ت.
ب گۆره‌يى نووچه‌كێ مالپه‌رێ حه‌يات يێ توركى، عه‌بدولا ئۆجه‌لان، رێبه‌رێ په‌كه‌كێ توره‌يى يا خوه ل ده‌ستپێكرنا شه‌رێ ناڤبه‌را گه‌ريلايێن حزبا وى و سۆپايێ توركيا نيشان دايه و داخوازێ دكه‌ت ڤه‌گه‌رنه سه‌ر مێزا دانوستاندنان.
عه‌بدولا ئۆجه‌لان هه‌روه‌سان داخوازكريه كو ب له‌ز شه‌ر بێته راوه‌ستاندن و “نه‌خشه‌يه‌ك بهێته دارێتن بۆ چاره‌سه‌ريا خوون رێژتنا گه‌ريلا و جه‌ندرما”.
ب گۆره‌يى پێزانينان به‌رپرسێن ده‌زگه‌هێن هه‌والگه‌ريا توركيا “ميت” كو ب رێبه‌رێ په‌كه‌كێ راگه‌هانديه: “شه‌ر راناوه‌ستيت هه‌تا گه‌ريلا ب ته‌مامى ژ ئه‌ردێ توركيا ده‌رنه‌كه‌ڤن”.
ئه‌ڤرۆ نيوز:
چه‌ند فه‌رمانده‌كێن هێزێن پێشمه‌رگه‌يى كو ل سه‌نگه‌رێن شه‌رى نه داخوازێ ژ حزبان دكه‌ن ڤه‌گه‌رنه سه‌ر مێزێن دانوستاندنێ و ده‌ستان ژ هه‌ڤركيا سياسى به‌رده‌ن.
د راگه‌هاندنه‌كێ دا كو ناڤێ گه‌له‌ك فه‌رماندان ل سه‌رن و ژ وان ژى زه‌عيم عه‌لى محه‌مه‌دێ حاجى مه‌حمود و مه‌حمود سه‌نگاوى و شێخ جه‌عفه‌ر و ئه‌نوه‌ر حاجى عوسمان و عه‌زيز وه‌يسى ل سه‌ره دبێژن: “ب ده‌هان هزار پێشمه‌رگه و خۆبه‌خشان ژ رۆلێن ڤى گه‌لى خێر ژ خوه نه‌ديتيه و ل به‌ره‌يێن شه‌رى ژ ئاخ و گه‌لێ كوردستانێ ل دژى درنده‌ترين تيرۆرستێن ڤى سه‌رده‌مى و د گرانترين كاودان دا ژ سه‌رمايێ و گه‌رمێ و شه‌ڤگێريا دكه‌ن ل سه‌نگه‌ران و زێده‌تر ژ 1200 پێشمه‌رگێن قه‌هره‌مان شه‌هيد بووينه و ب هزاران ژى بريندار و په‌ككه‌فتى هه‌نه، به‌لێ ب مخابنى ڤه د كاودانه‌كێ هه‌ستيار و مه‌ترسيدارێ ل سه‌ر هه‌رێما كوردستانێ دا، لايه‌نێن سياسى كه‌فتينه هه‌ڤركيا ململانێيا نه‌دروست و نه‌وه‌خت كو نێزيكه دێ هه‌رێمێ به‌ر ب ئاراسته‌يه‌كێ نه‌ديار به‌ت.
د پشكه‌كا دى يا داخوازيا خوه دا، فه‌رمانده‌يا پێشمه‌رگه‌يى داخواز ژ سياسيان كريه كو زوو ڤه‌گه‌رنه سه‌ر مێزا دانوستاندنێ و دوور ژ نه‌فسا حزباتيێ و ده‌مارگيريێ و پێنگاڤان ب هاڤێژن، چونكو د ئه‌نجامێ هه‌ر ده‌مارگێريه‌كێ دا، گه‌لێ كوردستانێ دێ باجێ ده‌ت.
ده‌قێ راگه‌هاندنێ:
سڵاو و ڕێز…..
ئێمه كۆمه‌ڵێك پێشمه‌رگه‌ی كوردستان كه ناومان له خواره‌وه هاتووه، له‌ڕوانگای هه‌ستكردنمان به به‌رپرسیاریه‌تیی نه‌ته‌وه‌یی و نیشتیمانی له‌مقوناغه‌ی كوردستان و ناوچه‌كه‌ى پێدا تێده‌په‌ڕێت، به ئه‌رك و به‌رپرسیاریه‌تییخۆمانمان زانی ئه‌م په‌یامه ڕابگه‌یه‌نین:
به‌رێزان،
به شاهیدیی هه‌موو دونیا، ئه‌وه ماوه‌ی زیاتر له ساڵێكه به درێژاییی زیاتر له (1000) كیلۆمه‌تر له خانه‌قین و جه‌له‌ولاوه تا شنگال و زوممار، تا ده‌گاته كۆبانی،ده‌یانهه‌زار پێشمه‌رگه و خۆبه‌خش له ڕۆڵه‌كانی ئه‌م گه‌له خێرنه‌دیوه له‌به‌ره‌كانی پێشه‌وه‌ی به‌رگریكردنن له خاك و گه‌لی كوردستان له دژیدڕنده‌ترین تیرۆرستانی ئه‌م سه‌رده‌مه و له قورسترین بارودۆخدا به‌سه‌رما وگه‌رما، شه‌ونخوونی ده‌كه‌ن له سه‌نگه‌ره‌كاندا و زیاتر له (1200) پێشمه‌رگه‌یقاره‌مان شه‌هید بوون، به هه‌زارانیش بریندار و په‌ككه‌وته بوون، كه‌چیبه‌داخه‌وه له بارودۆخێكی هه‌ستیار و مه‌ترسیدار له‌سه‌ر هه‌رێمی كوردستان،لایه‌نه سیاسییه‌كان كه‌وتوونه‌ته ململانێیه‌كی نادروست و ناوه‌خت، كه خه‌ریكه‌هه‌رێم به‌ره‌و ئاراسته‌یه‌كی نادیار ده‌بات.
بۆیه ئێمه به ناوی خۆمان و برا پێشمه‌رگه قاره‌مانه‌كان، داوا ده‌كه‌ین بۆ ڕێزگرتنله خوێنی شه‌هیدانمان و ماندووبوونی پێشمه‌رگه قاره‌مانه‌كان و به‌له‌به‌رچاوگرتنی مه‌ترسییه‌كانی سه‌ر هه‌رێمی كوردستان، كه ئێمه له هه‌مووكه‌س زیاتر هه‌ستی پێ ده‌كه‌ین و بۆ پاراستنی یه‌كێتی و یه‌كڕیزییگه‌له‌كه‌مان، هه‌روه‌ها له‌به‌رچاوگرتنی بار و گوزه‌رانی هاووڵاتیانی كوردستان، كه‌به ده‌ست ده‌یان كێشه و گرفته‌وه ده‌ناڵێنن، داواتان لێ ده‌كه‌ین هه‌رچی زووه‌بگه‌ڕێنه‌وه سه‌ر مێزی گفتوگۆ و دوور له نه‌فه‌سی حیزبایه‌تی و به ڕۆحێكینیشتیمانپه‌روه‌رانه‌وه هه‌نگاو بنێن بۆ چاره‌سه‌رێكی ئاشتیانه و دوور له هه‌رده‌مارگیرییه‌ك، كه له ده‌ره‌نجامدا گه‌لی كوردستان باجه‌كه‌ی ده‌دات.
داوا ده‌كه‌ین ماندووبوون و خه‌باتی پێشمه‌رگه ڕێزی لێ بگیرێت. ئه‌مه‌قوناغێكی هه‌ستیاره و پێویسته به ڕۆحێكی به‌رزی نیشتیمانی و نه‌ته‌وه‌ییه‌وه،مامه‌ڵه‌ی له‌گه‌ڵدا بكه‌ن و به هه‌نگاوێكی دلخۆشكه‌ر، وره‌ی پێشمه‌رگه به‌رزترده‌كه‌نه‌وه و ڕۆحی فیداكارییان به‌هێزتر ده‌كه‌ن.
به‌رێزان ساڵێك له‌مه‌وبه‌ر كه‌س له ماڵ و چاره‌نووسی خۆی دڵنیا نه‌بوو، هێزیپێشمه‌رگه‌ی كوردستان وڵاتی پاراست و گه‌یشتین به ئه‌مرۆ، بۆیه ده‌ره‌نجامه‌خراپه‌كانی ئه‌م بارودۆخه كه كاریگهری به‌سه‌ر هه‌موو گه‌لی كوردستانه‌وه‌ده‌بێت، كاریگهری به‌سه‌ر هێزی پێشمه‌رگه‌ی كوردستانیشه‌وه ده‌بێت. ده‌بێهه‌موو لایه‌ك بزانن هه‌ر هه‌نگاوێك بۆ چاره‌سه‌ریی كێشه‌كان له‌لایه‌ن هێزیپێشمه‌رگه‌وه پشتیوانی ده‌كرێت و له‌لایه‌ن گه‌لی كوردستانیشه‌وه به ڕێزه‌وه‌حیسابی بۆ ده‌كرێت. چاوه‌ڕوانی هیممه‌ت و هه‌ڵوێستی به‌رزی كوردایه‌تی ودڵسۆزانه‌تانین.
له‌گه‌ڵ ڕێز و خۆشه‌ویستیمان.
7/8/2015
تێبینی: بۆ ئاگاداریی هه‌موو لایه‌ك، ده‌یان پێشمه‌رگه‌ی تر په‌یوه‌ندییان كردووه‌بۆ پشتگیریی ئه‌م هه‌ڵویسته و به‌رده‌وامیشی هه‌یه.
1- محه‌مه‌دی حاجی مه‌حموود
2- مه‌حموود سه‌نگاوی
3- زه‌عیم عه‌لی
4- شێخ جه‌عفه‌ر شێخ مسته‌فا
5- فه‌ره‌یدوون جوانڕۆیی
6- مسته‌فا چاوڕه‌ش
7- حه‌مید ئه‌فه‌ندی
8- جه‌میل هه‌ورامی
9- قادر قادر
10- عه‌دنانی حه‌مه‌ی مینه
11- ملازم یوونس
12- حامدی حاجی غالی
13- محه‌مه‌د مه‌لا عه‌لی هه‌ڵه‌بجه‌یی
14- مامۆستا جه‌لال
15- ئه‌نوه‌ری حاجی عوسمان
16- فه‌ریق جه‌مال ئێمنكی
17- وه‌ستا ڕه‌سوول
18- سه‌ید كاكه
19- عه‌بدوڵڵا بۆر
20- جه‌مال مورتكه
21- عه‌زیز وه‌یسی
22- حه‌مه ڕه‌شید قه‌ره‌داخی
23- موحسین ده‌شتی
24- محه‌مه‌د حاجی قادر
25- به‌ڵێن عه‌بدوڵڵا
26- به‌همه‌ن حسێن
27- سه‌عد خالد
28- مام غه‌فوور
29- شێخ عه‌لی
30- محه‌مه‌د خالد بۆسه‌ڵى
31- عوسمان قاسم
32- عه‌لی تێلی
33- قاسم شه‌شۆ
34- خالد كۆچه‌ر
35- خالد بانی
36- عادل ڕه‌ش
37- مه‌ریوان كه‌ریم ئاغا
38- سه‌ید هه‌ژار
39- شێخ زرار شێخ قادر
40- حه‌سه‌ن نووری
41- تارق هه‌رنی
42- سه‌عدی عه‌لی بڕنۆ
تێبينى: ژ به‌ر پێدڤى و هه‌ستياريا بابه‌تى ئه‌ڤرۆ نيوز ب فه‌ر ديت ده‌قێ راگه‌هاندنێ ب زارێ سورانى به‌لاڤ كه‌ت، هه‌ر وه‌كو وان به‌لاڤ كرى و بێ ده‌ستكارى و وه‌رگێران بۆ سه‌ر زارێ بادينى.
ئه‌ڤرۆ نيوز:
جێگرێ سه‌رۆك كۆمارێ عيراقێ، به‌رپرساتيا خراببوونا كاودانێن ئه‌منى و سياسى و خزمه‌تكاريێن عيراقێ دئێخيته ستوويێ سه‌رۆك وه‌زيرێن عيراقێ يێ به‌رێ و داخواز ئه‌نجامدانا هه‌لبژارتنێن پێشوه‌خت دهێته كرن.
ئۆسامه نوجێفى، جێگرێ سه‌رۆك كۆمارێ عيراقێ د ديداره‌كێ دا ل گه‌ل رۆژناما “الشرق الاوسط” دا راگه‌هاند، خرابوونا وه‌لاتى د ستوويێ نورى مالكى يێ سه‌رۆك وه‌زيرێن به‌رێ يێ عيراقێ دايه.
جێگرێ سه‌رۆك كۆمارێ عيراقێ داخوازێ ژ حه‌يده‌ر عه‌بادى سه‌رۆك وه‌زيرێن عيراقێ كر كو دووباره ڤه‌گه‌ريته جڤاتا نوونه‌ران و داخوازا وه‌رگرتنا باوه‌ريێ بۆ حوكمه‌تا خوه بكه‌ت، چونكو ساله‌ك ب سه‌ر ژيێ حوكمه‌تا وى دا ده‌رباز بوو، نه‌شيايه به‌رنامێ خوه ب جهـ بينيت، گۆمان دهێته كرن د پاشه‌رۆژێ دا نه‌شێت به‌رنامێ خوه ب جهـ بينيت.
به‌حس ل وێ چه‌ندێ ژى كر كو نوكه هزرا ئه‌نجامدانا هه‌لبژارتنێن پێشوه‌خت د رێ دايه دا كو گه‌لێ عيراقێ ب خوه خودان بڕيارا خوه بيت.
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو دوهى پشتى ب دووماهى هاتنا گۆتارێن ئه‌ينيان ل چه‌ندين مزگه‌فتان ژماره‌كا خازۆكان هاتينه ده‌سته‌سه‌ركرن و دادوه‌رێ نوبه‌دار ژى فه‌رمانا گرتنا وان ده‌ركريه.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند: دوهى رۆژا ئه‌ينى و پشتى نڤێژا خودبێ، مه‌فره‌زێن بنگه‌هێ پۆليسێن داسنيا شيان ل ژماره‌كا مزگه‌فتان 17 تاوانبار ل سه‌ر تاوانا خازۆكيێ ده‌سته‌سه‌ركرن كو پتريا وان قه‌ره‌چ و ئاوارێن رۆژئاڤا بوون و ب بڕيارا دادوه‌رێ بۆبه‌ندار هاتنه گرتن ل دووڤ مادێ 390 يێ سزايان.
هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند، هنده‌ك ژ وان بۆ جارا گه‌له‌كێ يه دهێنه ده‌سته‌سه‌ركرن ل سه‌ر ڤێ تاوانێ و د به‌رده‌وامن ل سه‌ر ڤى كارى.
د هه‌ڤدیتنه‌كێ دا ل گه‌ل ته‌له‌ڤزیوونا خابیر ل دور ده‌ستپێشخه‌ریا یه‌كگرتوو ل بارا پرسا سه‌رۆكێ هه‌رێمێ سه‌عید عه‌لى عه‌بۆ ئه‌ندامێ مه‌كته‌با سیاسى یا یه‌كگرتوو و سه‌رۆكێ جڤاتا سه‌ركردایه‌تیا یه‌كگرتوو ل ده‌ڤه‌را بادینان راگه‌هاند: یه‌كگرتوو هیڤیه‌كا مه‌زن هه‌یه هه‌موو ئالى بگه‌هنه رێككه‌تنێ و یه‌كگرتوو دێ هه‌موو شیانیێن خوه ئێخته گه‌ر كو ئه‌ڤ ره‌وشه زێده‌تر تێك نه‌چیتن.
زێده‌تر گۆت: “هه‌كه سازان سه‌رگرت دێ هه‌موو ئالیه‌ك ب سه‌ركه‌ڤیت و ئه‌گه‌ر خودێ نه‌كه‌تن ژى سازان سه‌رنه‌گرت ل وى ده‌مى هه‌موو ئالى د شكه‌ستینه‌وهه‌مى ئالى رازى بووینه ب سازانا یه‌كگرتوویێ كو ب ده‌ورێ چاكسازیێ رابیتن”.
هه‌روه‌سا سه‌عید عه‌لى عه‌بۆ دا زانين ژى كو سیسته‌مێ نها (100%) نه سیسته‌مه‌كێ سه‌رۆكاتیه و نه‌ژى یێ په‌رله‌مانیه.
سه‌رۆكێ جڤاتا سه‌ركرداتيا بادينان يا يه‌كگرتوو د درێژاهیا ئاخفتنێن خو ده سه‌عید عه‌لى عه‌بۆ گۆت: “ئالیێن سیاسى د رازینه ده‌مێ كاك مسعود بارزانى بهێته زێده‌كرن ب وى مه‌رجى پارتى ب سیسته‌مێ په‌رله‌مانى رازى بیتن”.
نيشاندان