ئەڤرۆ نیۆز، قائید میرۆ:
رێڤەبەرێ ناحیا زومار ئاشکراکر، ھژمارەکا زوورا ئاکنجیێن ناحیا زومار ڤەگەڕیانە سەر مالێن خوە و ئاڤ و کارەب ژی مینا بەرێ ھەنە.
موزاحم سەعدون، رێڤەبەرێ ناحیا زومار بۆ ئەڤرۆ نیۆز گۆت: “پشتی ئازادکرنا ناحیا زومار ژ لایێ ھێزێن پێشمەرگەيی ڤە ھەتا نوکە 90% ژ خەلکێ زومار ڤەگەڕیاینە سەر مال و حالێن خوە و ژیان یا بەردەوامە د ئەڤێ ناحیێ دا”.
سەعدون گۆتژی” خزمەتگوزاریێن وەکو ئاڤ و کارەب ڤەگەڕیاينە دەڤەرێ و نوکە بنگەھێن ساخلەمی و خزمەتگوزاریێن دەستپێکی ل ڤی باژێڕکی ھەنە”.
ئه‌ڤرۆ نيوز:
ئه‌ڤرۆ سپێده‌هيا 30\3\2015، سه‌رۆكێ حوكمه‌تا هه‌رێما كوردستانێ نێچيرڤان بارزانى پێشوازى ل له‌يلا زانا و سررى سوره‌يا ئۆنده‌ر، ئه‌ندامێن په‌رله‌مانێ توركيا كرن.
د ديدارێ دا، به‌ريزان به‌حس ل دووماهى سه‌ره‌دانا خوه بۆ گزيرتا ئيمرالى كر و تێدا ئاماژه ب وێ چه‌ندێ كريه كو ئۆجه‌لان ئاگه‌هدارى وان بزاڤێن نێچيرڤان بارزانى يه بۆ چاره‌كرنا پرسا كوردى ل باكوورێ كوردستانێ و دا زانين ژى كو ئه‌وى رێز و سۆپاسى بۆ سه‌رۆكێ حوكمه‌تێ ل هه‌مبه‌ر ڤى كارێ وى هه‌بوون.
هه‌ر د ديدارێ دا هه‌ر دولا گرنگى دا پرسيا ئاشتيێ و به‌حس ل وێ چه‌ندێ كر كو يا باش نينه هنده‌ك ئه‌گه‌رێن لاوه‌كى كارتێكرنێ ل پرۆسا ئاشتيێ بكه‌ن.
سه‌رۆكێ حوكمه‌تا هه‌رێما كوردستانێ ژى پشته‌ڤانيا خوه بۆ پرۆسا ئاشتيێ دووپاتكر و ئاماژه ب وێ چه‌ندێ كر كا چاوان ل ده‌سپێكێ پشته‌ڤان بوويه، نوكه ژى وه‌سان دێ پشته‌ڤانيێ ل پرۆسێ كه‌ت.
به‌حس كرن ل سه‌ر ره‌وشا تيرۆرێ ته‌وه‌ره‌كێ دى يێ ڤێ روونشتنێ بوون و نێچيرڤان بارزانى سۆپاسيا وان هه‌موو لايان كر يێن پشكدارى د شه‌رێ دژى تيرۆرێ دا كرى.
کچەکا ٢٣ سالی دلێ خوە بۆ رۆژناما ئەڤرۆ ڤەدکەت و دبێژیت: من قوناغا ئامادەیی ب داوی ئینایە ئاریشا من ئەوە ئەڤە دوو سالە ئەز حەز ژ کور خالەتێ خوە دکەم کو ئەو ژی تەمەت منە لێ ئەو قوتابیێ زانکویێ یە ئەز نەشێم ڤیانا خوە بۆ وی دیار بکەم و نزانم ب چ رێک بێژمێ مالا وان ژی یا گوتی دێ تە بو وی خوازین بەس هه‌تا نھا چ دیار نینە من دڤێت دگەل باخڤم بەس شەرم دکەم و دترسم بێژمێ و ئەو من رەد بکەت ژبەرکو ل وی دەمی دێ ئەز ھەست بکێماسیەکا مەزن کەم ئەڤجا ھوون چ دبێژن و ئەز چ بکەم؟
کچا ھێژا :
ھێشتا گەلەک دەرفەت تە یێن ھەین ھەروەسا ئەو ئاخفتنێن ھاتینە گوتن کو دێ تە بو خوازن ئەڤە یا بویە ئەگەر کو تو پتر ھزرا نێزیک بوونا وی بکەی کو دبێژنێ حەز ژێکرنا ئێک لایی و تو دکاری ڤیانا خوە بو وی دیار بکەی و ئەڤە نزیک بوونا تە دێ بۆ دیارکەت کو پاشی ئەو بابەتی د گەل تە ڤەکەت ئەگەر وی دل ل سەر کەسەکا دی نەبیت ھەروەسا تو ژی بزاڤێ بکە خواندنا خوە تەمام بکەی ھەر چ نەبیت ل زانکویەکا ئەھلی.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
ئه‌ڤرۆ:
یاری و تڕانە وەکو کلیلەکێ نە بۆ گوھارتنا رەوشا گێولی بەر ب باشتر د ھەڤبەندیا سیکسی دا، بەلێ ھندەک تشتێن ھەین دەمێ ئێکسەر پشتی ھەڤبەندیا سیکسی ئەنجام بدەی ھەمی تشتان دکوژیت. تایبەتمەندا زانستێ دەروونی “ئەشواق ئەلوافی” ھندەک کار ئاشکرا کرینە کو نابیت قشتی ھەڤبەندیا سیکسی بھێنە کرن، ئەو ژیک
ئێک: ئێکسەر چوون بۆ نڤستنێ:
ئەڤ کارە ل نک رێژەکا مەزن یا ژن و مێران ھەیە و دبیتە ئەگەر کو لایەنێ دی گێول نەخۆش بیت، ژن و زەلام پشتی ھەڤبەنیدێ دمیننە ل ھیڤیا روونشتنەکا گەرم و ھەکە لایەک بەر ب نڤستنێ چوو دێ رەوش و گێولێن لایەنێ دی تێکچن.
دو: سەرشووشتنا ئێکسەر پشتی ھەڤبەندیێ:
گەلەک کەس ئێکسەر پشتی ھەڤبەندیا سیکسی بەر ب سەرشوویێ دچن بۆ خوە شووشتنێ و ئەڤە ھەستێ بۆ لایەنێ دی چێدکەت کو ئەو ھەڤبەندی بۆ تە یا نەخۆش بوو و تە دڤێت بلەز خوە ژ شوونوارێن وێ بشۆی.
سێ: دانا کۆمێنتان ل سەر ئەنجامدانا نەرێنی یا ھەڤژینی:
ئەڤ کارە ھەستێ یێ بەرامبەر دکوژیت و دبیتە ئەگەرێ تێکدانا ھەڤبەندیا تە، تو دشێی ھندەک ئاماژان ل سەر وان تشتێن تە دڤێن بدەیە ھەڤژینێ خوە و چو رەخنان لێ نەگری کو کارتێکرنێ ل وی بکەت.
چار: جلکان بلەز نەکەیە بەرخوە:
ئەڤە ژی دێ گێولێ یێ بەرامبەر نەخۆش کەت و دێ وێ ھەستێ پەیدا کەت کو تو ب وێ ھەڤبەندیا سیکسی یێ دلخۆش نەبووی، بیچەک خوە بگرە پاشی جلکان بکە بەرخوە.
پێنج: پەیوەندیکرن ب ھەڤالەکی، هه‌ڤاله‌كێ:
پشتی بدووماھی ھاتنا ھەڤبەندیا گەرم نە دەمەکێ گونجایە کو پەیوەندیێ ب ھەڤالەکی بکەی و بەحسی کارێن گرنگ بکەن، دەمێ دروست بۆ ڤی کاری دانێ سپێدێ یە، لەورا یا باش ئەوە چاڤ و گوھێن خوە ژ تەلەفۆنێ بگرن بەری و پشتی ھەڤبەندیێ.
شەش: ھزرکرن د خواندنێ و کاری دا:
گەلەک ھەڤژین پتی ھەڤبەندیا سیکسی دچن کارێ خوە یان خواندنا خوە تمام دکەن، ھەکە دەمێ ھەڤبەندیا سیکسی بۆ ھەوە نەخەم بیت دبنیات دا نەکەن باشترە، چونکو ئەو ژ وێ باشترە تو یێ بەرامبەر بھێلیە ب تنێ، یا باشتر ئەوە پشتی ھەڤبەندیا سیکسی ل گەل ئێک روینن و پەیڤێن رۆمانسی ل ئێکدو بگوھۆرن.
حەفت: نڤستن ل سەر تەختەکێ جودا:
ھەکە ھوین دفێر بن کو جودا بنڤن ڤێ چەندێ پشتی ھەڤبەندیا سیکسی نەکەن، وێ شەڤێ بکەنە شەڤەکا جودا و ب پێکڤە بنڤن، چونکو جودا نڤستن پشتی ھەڤبەندیێ دێ ساربوونەکێ دناڤبەرا ھەوە دا پەیدا کەت.
ھەشت: نڤستنا زارۆیان:
ھندەک ژن حەز دکەن زارۆیێن خوە ل بەر تەنشتا خوە ل سەر ئێک تەخت بنڤینن، بەلێ ئەڤە ب چو رەنگان پشتی ھەڤبەندیا سیکسی ناھێتە قەبوولکرن، ڤێ چەندێ نەکە دا ھەڤژینێ دلتەنگ نەبیت چونکو دبیت وی پلانەک یا دانایی دا پتر گێولێ ھەوە خۆش بیت پشتی ھەڤبەندیا سیکسی.
نەهـ : خوارن:
خوارن بەری ھەڤبەندیا سیکسی ب پێکڤە کارەکێ گەلەک جوانە و رێیەکا باشە بۆ چوونا د ناڤ سەقایەکێ گشتی دا بۆ ئەنجامدانا ھەڤبەندیا سیکسی، بەلێ پشتی ھەڤبەندیێ لەزێ نەکە بچیە لێنانگەھی و ل خوارنێ بگەری چونکو دێ ھەستێ بۆ ھەڤژینێ تە چێکەت کو تە ژ بەر برسێ خۆشی ب ھەڤبەندیێ نەبر.
سەرۆکێ کۆمەلا دوستایەتیا کوردستانێ بولگاری راگەھاند، ھەتا نوکە ب فەرمی 10 کۆمپانیێن وەلاتێ بولگاریا ل کوردستانێ کار دکەن، تشتێ ھەرە زێدە ژ بولگاریا دھێتە کوردستانێ جگارەنە و ھەکە رێ دخۆشبن، ھەیڤانە نێزیکی 100 ترێلێن جگاران دھێنە ھەرێمێ، دیسا پتریا کۆمپانیێن میکاژی یێن وەلاتێ بولگاریا بریکارێن خوە یێن تایبەت ل کوردستانێ ھەنە، ھەروەسا شریناھی وەک نەستلە ب رێژەکا مەزن ژ بولگاریا دھێنە کوردستانێ.
ئەڤرۆ، سالار دۆسکی:
ماجد مزوری سەرۆکێ کومەلا دوستایەتیا کوردستانێ بولگاری بۆ رۆژناما ئەڤرۆ دیار کر، ل رێککەفتی 8\1\2012 کۆمەلا وان مۆلەت وەرگرتیە و ل گەل کۆنسولێ وەلاتێ بولگاریا سەرەدانا پارێزگەھا دھۆک کرینە، وەلاتێ ناڤبری ھەڤکاریا خوە بۆ دابینکرنا شیر و حەفازێن زارۆیان بۆ ئاوارێن پارێزگەھا دھۆکێ بۆ ھەر پێدڤیەکێ دیارکرینە.
ناڤبری زێدەتر گۆت: شاندێن ھەرێما کوردستان یێن وەرزشی و بازرگانی و رەوشەنبیری ب رێیا مە دچنە وەلاتێ بولگاریا و ڤیزا ب رێیا مە وەردگرن و بێ بەرامبەر و ھەموو ئاسانکاری دھێنە کرن بۆ خەلکێ کوردستانێ و ب تنێ ب رێیا مە پاسپۆرت دھێنە ھنارتن و مە پێدڤی ب چوونا وی نینە بۆ کۆنسلخانێ ل وەلاتێ تورکیا. دیسا مە ھەڤکاریەکا باش دناڤبەرا وەلاتێ بولگاریا و کوردستانێ دا چێکریە و مە بزاڤ کرن بەرامبەر ھنارێن کوردستانێ کو ل سالا بوری گەلەک بەرھەم ھەبوو کەل و پەلێن چاندنێ بدەینە کوردستانێ، لێ ژ بەر شەرێ داعش ئەڤ بەرنامێ مە تێکچوو و ب ھیڤی نە و ئەڤ کارە دھێتەکرن.
ماجد مزووری کو د ھەمان دەم دا بەرپرسێ سەنتەرێ بازرگانی ل کوردستانێ و وەلاتێ بولگاریا کو ھەڤدەم نوونەرێ ژوورا بازرگانیا و وەلاتی یە ل کوردستانێ بۆ ئەڤرۆ گۆت: ب مەرەما پێشڤەبرن و خوشکرنا کەرتێ گەشت و گوزارێ و پتر خورتکرنا پەیوەندیان د ناڤبەرا ھەرێما کوردستانێ وەلاتێ بولگاریا دا مە کونفرانسەک ئەنجام دا و ب بەرھەڤبوونا قونسلێ بولگاری و نوونەرێ دەستەیا گەشت و گوزارێ ھەرێما کوردستانێ و چەندین سازیێن راگەھاندنێ.
ناڤبری گۆت ژی: ب ژڤانین بۆ نەورۆزا ئەڤ سالە و ھاتیە راگەھاندن کو ئێکەم گرۆپێ گەشتیاران ژ کوردستانێ بەر ب وەلاتێ بولگاریا ببەین، دیسا د ھەمان دەم دا دێ کارکەین رێژەکا باش یا گەشتیاران ژ ھەمان وەلات بەر ب کوردستانێ بینین، دیسان ژ بەرنامێن کۆمەلێ یە کو نە بتنێ گرۆپ، بەلکو پێنچ ھەڤال ژی بن و ب مەرەما گەشتیاریێ دێ ھەفکار بین و ھەموو وەرزێن سالێ، دیسان ھەکە چەند خێزان ژی بن و دیسان بۆ ھەیڤا پێنچ شاندەکێ بلندێ بازرگانی ل ھەرێما کوردستانێ دێ سەردانا وی وەلاتی کەت، دیسان 13\5 پیشانگەھا نێڤدەولەتیە و وی وەلاتی ژڤانە ژوورێن بازرگانی ھەرێما کوردستانێ پشکداریێ تێدا بکەن.
مزووری زێدەتر دبێژیت: ھەر ژ کارێن کۆمەلا مە و ل سەر وی بنیاتی ھاتیە ئاڤاکرن کو ھنارتنا قوتابیانە بۆ وی وەلاتی و دیسان نەخوشان ژ کوردستانێ بۆ وی وەلاتی و ب مەرەما چارەسەربوونێ، ھەتا نوکە نێزیکی 12 قوتابیان د بیاڤێن جودا جودا مە برینە وی وەلاتی و بەردەوامیێ د دەنە خواندنا خوە.
ماجد مزووری گۆت: کاودانێن ئابووری و برینا بودجا ھەرێمێ کارتیێکرن ل چوونا گەشتیاران کریە و دیسان ھاتنا چەکدارێن داعش بۆ دەڤەرێ و پتریا جاران خەلک حەز ژ وەرزێ ھاڤینێ دکەت و پتریا خەلکی ل وەرزێ ھاڤینێ قەستا جھێن گەشتیاری دکەن. دیسا ب ژڤانین و ھزر ھاتیەکرن کو ل وەرزێ ھاڤینێ ب پاسان خەلکی ببەینە ڤی وەلاتی و نە ب تنێ ب فرۆکان بیت.
ب گۆره‌يى ژێده‌ره‌كى ئه‌منى، داعش ده‌ست ب ڤه‌گوهاستنا وه‌لاتيێن ژ ناڤا باژێرێ تكريت كر و بۆ تلێف ڤه‌گوهاستن و ئه‌ڤه ژى ب ديتنا وى نيشانا روودانا شه‌ره‌كێ دژوار دهێته كرن.
ئه‌ڤى ژێده‌رێ ئه‌منى يێ ئه‌ڤرۆ نيوز پاراستن ل سه‌ر ناڤێ وى كرى گۆت: “شێڤدێ چه‌كدارێن داعش ده‌ست ب ڤه‌گوهاستنا وه‌لاتيێن عه‌ره‌ب يێن لايه‌نگرێن خوه بۆ باژێركێ تلكێف ڤه‌گوهاستن ژ بووى پاراستنا وان”.
زێده‌تر گۆت: “ئه‌ڤ وه‌لاتيێن وان ڤه‌گوهاستين ب هژمار، 40 ترۆمبێلێن مه‌زن پرى وه‌لاتيێن خوه كربوون”.
دا زنين ژى كو ئه‌ڤه نيشانێن وێ چه‌ندێ نه كو دێ شه‌ره‌كێ مه‌زن ل وێ ده‌ڤه‌رێ هێته كرن ئه‌وێ نوكه هێزێن عيراقێ بزاڤا گرتنا وێ ده‌ڤه‌رێ دكه‌ن.
نيشاندان