ئه‌ڤرۆ نیوز:
قوباد تاله‌بانى د په‌یجێ خوه یێ فێسبوكێ نووترین وێنێ مام جه‌لال به‌لاڤكریه كو رۆژانه ژبلى وه‌رگرتنا چاره‌سه‌ریا سروشتى، مام جه‌لال وه‌ختێ خوه بۆ خواندنێ ژى ته‌رخان دكه‌ت.
نووترین وێنێ مام جه‌لال
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
ڤیدیو: راگه‌هاندنا ئه‌نجامێ كومبوونا پێنج قولى
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 2ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئاسايشێ گرتيێن كۆمه‌لا ئيسلامى ئازادكرن
ئه‌ڤرۆ نيوز:
عه‌بدولستار مه‌جيد ئه‌ندامێ مه‌كته‌با سياسى يا كۆمه‌لا ئيسلامى د داخۆيانيه‌كێ دا بۆ رووداو ئاماژه ب وێ چه‌ندێ كر كو ئه‌ڤرۆ رۆژا ئێكشه‌مبى 2ى ته‌باخا 2015ێ ئاسايشا گشتى هه‌شت ئه‌ندام و لايه‌نگرێن وان ئازادكرن كو به‌رى نوكه ب تۆمه‌تێن جودا جودا هاتبوونه ده‌سته‌سه‌ركرن.
دا زانين ژى كو پێشتر ئه‌وان ليسته‌كا 18 كه‌سى دابوويێ كو ناڤێ ده‌سته‌سه‌ركريان تێدا بوون، به‌لێ ئه‌وان گۆت پشكه‌ك ژ وان كه‌سان يا هاتيه ئازدكرن و ئه‌ڤرۆ يێن دژى هاتنه ئازادكرن.
نه‌ڤه‌شارت ژى كو چه‌ند رۆژان به‌رى نوكه ب مه‌ره‌ما ئازادكرنا وان كه‌سان، ئه‌و ل گه‌ل نێچيرڤان بارزانى سه‌رۆكێ حوكمه‌تا هه‌رێما كوردستانێ ئاخفتينه و گۆت: “ئه‌وى سۆزا هاريكاريێ دا و ب بزاڤێن به‌رێزى ئه‌و گرتى هاتنه ئازادكرن”.
سالڤه‌گه‌را شه‌هید عه‌مید بژار بێتكارى هاته ساخكرن
ئه‌ڤرۆ نیوز،زنار تۆڤى:
ئه‌ڤرۆ رۆژا ئێكشه‌مبى 2/8/2015 ب به‌رهه‌ڤبوونا ئه‌ندامێن سه‌ركردایه‌تیا پارتى دیمۆكراتى كوردستان و ئه‌ندامێن په‌رله‌مانێ كوردستانێ و عێراقێ و فه‌رمانده‌یێن له‌شكه‌رێ كوردستانێ و كادرێن له‌شكه‌رى و حزبى و مامۆستایێن ئاینى و رهسپى و ماقولێن پارێزگه‌ها دهۆكێ سالڤه‌گه‌را شه‌هیدكرنا عه‌مید بژار بێتكارى ل هۆلا كۆنگران ل زانكۆیا دهوكێ هاته گێران.
ل ده‌ستپێكێ عه‌بدولخالق بابیرى به‌رپرسێ تایێ ئێك یێ پارتى دیمۆكراتى كوردستان په‌یڤه‌ك پێشكێشكر و ب تێروته‌سه‌لى قۆناغێن ژیانا شه‌هیدى دانه دیاركرن و ل دووڤدا زه‌عیم عه‌لى ژى به‌حسێ خه‌بات و به‌رخوه‌دانا ناڤهاى كر،پاشى هه‌ر ئێك ژ رزگار كێسته‌یى و مه‌سعود سه‌رنى هه‌لبه‌سته‌ك بۆ شه‌هیدى پێشكێشكر،هه‌روه‌سا گۆتاره‌ك ژلایێ مه‌لا ئیحسان رێكانى ڤه هاته پێشكێشكرن.
هه‌روه‌سا د وان رێره‌سمان دا فلمه‌كێ دكیومێنتارى ل سه‌ر ژیان و قۆناغێن خه‌بات و قاره‌مانیا شه‌هیدى بۆ به‌رهه‌ڤبوویان هاته نیشادان.
ناڤهاتى ل سالا 1969 ل گوندێ بیتكار ل ده‌ڤه‌را به‌روارى بالا ژ دایك بوویه،ل سالا 1978 گوندێ وان دهێته خرابكرن و خێزانا شه‌هیدى دهێت ڤه‌گوهاستن بۆ كۆمه‌لگه‌ها بێگوڤا،ل سالا 1991 ئاماده‌یا كشتوكالى ل زاخۆ بدوماهى دئینیت. د ماوێ ژیانا خوه‌دا چه‌ندین پله‌یێن سه‌ربازى وه‌رگرتینه و ژبه‌ركارو چالاكیێن وى ل سالا 1996 ژلایێ سه‌رۆك بارزانى دهێته خه‌لاتكرن،هه‌روه‌سا ل سالا 2009 دبیته ئه‌ندامێ فه‌رمانده‌یا دهوك یێ له‌شكه‌رێ كوردستانێ.
شه‌هیدێ فه‌رمانده بژار خه‌لیل بێتكارى دژیانا خودا به‌شدارى چه‌ندین شه‌ران دبیت ژ هه‌وێن رامالینا تیرورستان دا دو جاران دهێته برینداركرن،تاكو ل رۆژا 2/8/2014 ل میحوه‌رێ كه‌سكێ ل شه‌رێ دژێ تیرۆرستێن داعش دا دهێته شه‌هیدكرن.
ل دوماهیا رێوره‌سمان عه‌للى خه‌لیل برایێ شه‌هیدى سۆپاسیا به‌رهه‌ڤبوویان كر و سۆز دا كو ئه‌و ل سه‌ر رێیا برایێ خوه ل سه‌ر خه‌باتێ به‌رده‌وام بن و به‌ره‌ڤانیێ ژ كوردستانێ بكه‌ن.
كۆمبوونا لايه‌نێن سياسى ده‌سپێكر
ئه‌ڤرۆ نيوز:
ئه‌ڤرۆ رۆژا ئێكشه‌مبى رێكه‌فتى 2ى ته‌باخا 2015ێ و به‌رى ده‌مه‌كێ كێم كۆمبوونا پێنج لايه‌نێن سياسى ل پارێزگه‌ها سلێمانيێ ل باره‌گايێ كۆمه‌لا ئيسلامى ده‌سپێكر.
هه‌ر چه‌نده بڕيار بوو ئه‌ڤ كۆمبوونه دوهى رۆژا شه‌مبى هاتبا ئه‌نجام دان، به‌لێ ژ به‌ر ئاماده‌نه‌بوونا نوونه‌رێ ئێكه‌تێ ب به‌هانه‌يا پشكداريكرن د كۆمبوونا مه‌كته‌با سياسى يا ئێكه‌تيێ دا، ئه‌ڤ كۆمبوونه هاته پاشخستن.
حه‌فتيا بۆرى ل سه‌ر پێشنيازا ئێكگرتوويا ئيسلامى كوردستان ژ لايێ پێنج لايه‌نێن سه‌ره‌كى يێن هه‌رێما كوردستانێ ژووره‌كا عه‌مه‌لتيان بۆ دانوستاندنا پرسا سه‌رۆكاتيا هه‌رێما كوردستانێ هاتيه پێكئينان، كۆمبوونا ئێكێ ژى ل گه‌ل مه‌كته‌با سياسى يا ئێكگرتوو ئه‌نجام دايه.
نوونه‌رێن لايه‌نێن سياسى ب ڤى ره‌نگى نه: فازل ميرانى نوونه‌رێ پارتى، محه‌مه‌د ئه‌حمه‌د نوونه‌رێ ئێكگرتوو، جه‌لال جه‌هوه‌ر نوونه‌رێ بزاڤا گۆڕان، رزگار عه‌لى نوونه‌رێ ئێكه‌تيێ، محه‌مه‌د حه‌كيم نوونه‌رێن كۆمه‌لا ئيسلامى.
پلێن گه‌رمێ دێ بلند بن
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزا هه‌رێمێ راگه‌هاند كو بڕياره سوبه‌هى رۆژا ئه‌ينى رێكه‌فتى 2ى ته‌باخا 2015ێ پلێن گه‌رمێ يێن پارێزگه‌ها دهۆكێ دێ د هه‌ڤبه‌ركرى بن ل گه‌ل ئه‌ڤرۆ.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن گه‌رما سالانه بۆ سه‌ر هه‌رێما كوردستانێ بڕياره د 24 ده‌مژمێرێن بهێت دا پلێن گه‌رمێ د بلند ببن.
پشكا پێشبينيان دايه زانين ژى كو دهێته پێشبينيكرن بلندترين پلێن گه‌رمێ يێن پارێزگه‌هێن هه‌رێمێ بۆ ئه‌ڤرۆ ب ڤى ره‌نگى بن: دهۆك 42 پله، سلێمانى 45 پله، هه‌ولێر 45 پله و كه‌ركووك 46 پله.
ده‌رباره‌يى پلێن گه‌رمێ ێن سوبه‌هى ژى دهێته پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 44 پله، سلێمانى 46 پله، هه‌ولێر 46 پله و كه‌ركووك 48 پله.
ئه‌ڤرۆ جه‌ژنا چلێ هاڤينێ يا ئێزديانه
ئەڤرۆ نیوز، لەزگین جۆقى:
شێوەرمەندێ جڤاتا روحانیا ئێزدیان کەریم سلێمان بۆ ئەڤرۆ دیارکر کو ئەڤرۆ 2ى تيرمه‌ها 2015ێ جەژنا چلێ ھاڤینێ یە، به‌لێ ئەڤ سالە ژ بەر ڤان کارەساتێن ب سەرێ مللەتێ ئێزدى ھاتین، جڤاتا روحانیا ئێزدیان بڕیار دا رێ و رەسمێن جەژنا چلێ ھاڤینێ نەھێنە ساخکرن.
کەریم سلێمان شێوەرمەندێ جڤاتا روحانیا ئێزدیان گۆتژی: “رێزگرتن بۆ گیانی شەھیدان و ژ بەر ڤان کاودانێن ھەرێما کوردستانێ ب گشتی و ئێزدی ب تایبەتێ تێدا دەرباز دبن پرانیا کوردێن ئێزدی ئاوارەنە دبن خیڤەتان دا دژێن، لەورا جڤاتا روحانیا ئێزدیان بڕیارا دا مەراسمێن جەژنا نەھێنە گێران”.
ل گه‌ياره 18 چەکدارێن داعش ھاتن کوشتن
ئەڤرۆ نیۆز، قائید میرۆ:
ب ئەگەرێ بۆردومانا فڕۆکەیێن ھەڤپەیمانان ل ناحیا گەیارە یا سەر ب پارێزگەھا نەینەواڤە ھەژدە چەکدارێن داعش ھاتن کوشتن.
غەیاس سورچی، پەیڤدارێ مەلبەندێ نەینەوا یێ ئێکەتیا نیشتیمانی کوردستان بۆ ئەڤرۆ نیۆز راگەھاند” ئێڤاریا دوھی فڕۆکەیێن ھەڤپەیمان بنکە و بارەگایێن گروپا تیرۆرستیا داعش ل ناحیا گەیارە بۆردومانکرن و د ئەنجامێ ئەڤێ بۆردومانێ ١٨ چەکدارێن داعش ھاتنە کوشتن و ھژمارەکا پترژی برینداربووینە.
سورچی گۆتژی” دو سەرکردەیێن داعش دناڤا کوشتیێن ناحیا گەیارەدا ھەنە و یازدە ترۆمبێلێن سەربازیێن وانژی ب ئێکجاری ھاتینە ژناڤبرن، ئەڤە ژبلی زیانێن گەھاندین بارەگایێن وان.
سێ له‌شكرێن توركيا هاتنه كوشتن و ژماره‌ك ژى بريندار بوون
ئه‌ڤرۆ نيوز:
ل ئاكرى يا باكوورێ كوردستانێ دو له‌شكرێن تورك هاتنه كوشتن و ژماره‌كا دى ژى بريندار بوون، ژێده‌رێن توركيا ژى په‌كه‌كێ تۆمه‌تبار دكه‌ن.
ژێده‌رێن وه‌لاتێ توركيا راگه‌هاند، د هێرشه‌كێ دا، پارتيا كرێكارێن كوردستانێ “په‌كه‌كه” بۆ سه‌ر ئێك ژ قه‌رقولێن سۆپايێ توركيا ل ئاگرى، دو له‌شكرێن تورك هاتنه كوشتن و 24 ێن دژى بريندار بوون.
ب گۆره‌يى ميديايێن وى وه‌لاتى، ئه‌ندامه‌كێ پارتيا كرێكارێن كوردستانێ ب ته‌ركتۆره‌كا TNT كرى خوه ب بنگه‌هێ له‌شكرى يێ قه‌ره‌قۆلێ ڤه په‌قانديه.
هه‌ر ب گۆره‌يى ژێده‌رێن ده‌نگوباسێن توركيا، ل مێردينێ ژى لوغمه‌ك ب چه‌ند له‌شكره‌كێن سۆپايێ توركيا ڤه په‌قيه و د ئه‌نجام دا، له‌شكره‌ك هاتيه كوشتن و چارێن دژى بريندار بووينه.
هه‌ر چه‌نده ميديا و لايه‌نێن له‌شكرى يێن حوكمه‌تا توركيا په‌كه‌كێ ب ڤان روودانان تۆمه‌تبار دكه‌ن، به‌لێ هه‌تا نوكه ئه‌وان ب ره‌نگه‌كێ فه‌رمى ئه‌ڤ هێرشه نه‌خستينه ستوويێ خوه.
نيشاندان
WP Facebook Auto Publish Powered By : XYZScripts.com