ئەڤرۆ نیوز : نەوزاد زادە ھلوری:
شەڤا بوری 27 ل سه‌ر 28ى تیرمەھا 2015ێ پێشمەرگێ ھەردو شورشێن ئیلۆن و گۆلانێ “مەلا عیسا فەقێ ئیسماعیل مەلا شێخ” چوو بەردلوڤانیا خودێ و ل گورستانا گوندێ بارزان ھاتە ڤەشارتن.
ناڤبری ژ دەستپێکا گەنجاتیا خوە پەیوەندی ب رێزێن پێشمەرگەى کریە و ل دەما دروستبوونا شورشا ئیلۆن و گۆلانێ پەیوەندی پێ کریە و ئێکبوویە ژ پێشمەرگێن دێرینێن دەڤەرا بارزان.
شێڤدى 27 ل سه‌ر 28ى تيرمه‌هێ ژ ئەگەرێ نه‌خۆشيه‌كا گران چوو بەر دلوڤانیا خودێ و تازیا ناڤبری ل مزگەفتا گوندێ بارزان ھاتیە دانان.
ئەڤرۆ نیوز،زنار تۆڤی:
ژ دەستپێکا ڤێ هەیڤێ هەتا 27 تەمووزێ هەرێما کوردستانێ ب بەردەوامی رۆژانە ژبلی 150 بەرمیلێن نەفتا کەرکۆکێ 600 هزار بەرمیلێن نەفتا خوە ب رەنگەکێ سەربەخۆ هنارتینە بەندەرێ جیهان یێ تورکی.
د. تارق گەردی ئەندامێ لیژنا نەفت و وزێ ل پەرلەمانێ عێراقێ دبێژیت: “ل دەستپێکا ڤێ هەیڤێ هەتا 27 تيرمه‌هێ هەرێما کوردستانێ ب بەردەوامی 600 هزار بەرمیلێن نەفتا خوە ڤرێکرینە بەندەرێ جیهان یێ تورکی ب رەنگەکێ راستەوخۆ فرۆتینە”.
هەروەسا گۆتژی: “هەرێما کوردستانێ رۆژانە 150 هزار بەرمیلێن نەفتا کەرکۆکێ ب بەردەوامی رادەستی کۆمپانیا سۆمۆ کرینە ل بەندەرێ جیهان،ژبلی ڤێ چەندێ د ماوێ ڤێ هەیڤێ دا ئێک ملیۆن بەرمیلێن خوە رادەستی کۆمپانیا سۆمۆ کرینە”.
دەربارەی بۆهایێ فرۆشتنا نەفتا هەرێمێ د.تارق دبێژیت:نەفتا هەرێما کوردستانێ ژ نەفتا سەرجەم دەڤەرێن دی یێن عێراقێ بۆهایێ وێ زێدەترە،نەفتا بەسرا ب 55 دۆلاران هاتیە فرۆشتن،د بەرامبەردا نەفتا هەرێمێ ب 58 دۆلاران هاتیە فرۆشتن.
ل دووڤ گۆتنا وی پەرلەمانتارێ عێراقی،داهاتیێ رۆژانە یێ نەفتا هەرێما کوردستانێ دگەهیتە 34 ملیۆن و 800 هزار دۆلاران،هەروەسا داهاتیێ ڤێ هەیڤێ یێ هەرێما کوردستانێ کو 31 رۆژن،دگەهیتە ملیارەک و 78 هزار و 800 دۆلارێن ئەمریکی.
ناڤهاتی دبێژیت ژی:ژبەرکو نەفتا هەرێمێ نێزیکی بەندەرێ جیهانیە،لەورا سێ دۆلارێن وێ پترن ژ دەڤەرێن دیتر یێن عێراقێ.
ئه‌ڤرۆ نيوز:
به‌رى ده‌مه‌كێ كێم كۆمبوونا ئێكه‌تى نشتيمانى كوردستان و بزاڤا گۆڕان ل باره‌گايێ مه‌كته‌با سياسى يا ئێكه‌تيێ ل سلێمانيێ ب دووماهى هات و هه‌ردولا ته‌كست ل سه‌ر سيسته‌مێ په‌رله‌مانى دكه‌ن و دده‌نه زانين كو تێكگه‌هشتن د ناڤبه‌را وان دا هه‌يه.
ئه‌ڤرۆ بۆ جارا ئێكێ پشتى ژ وێ پارتێ جودابووى، رێكخه‌رێ بزاڤا گۆڕان نه‌وشيروان مسته‌فا ب هه‌ڤالينيا شانده‌كى سه‌ره‌دانا باره‌گايێ مه‌كته‌يا سياسى يا ئێكه‌تى نشتيمانى كوردستان دا و ژ لايێ مه‌لا به‌ختيار و هێرۆ ئيراهيم و چه‌ند ئه‌ندامێن دى يێن مه‌كته‌ب سياسى ڤه هاته پێشوازيكرن و پاشان كۆمبوونه‌ك ل دۆر ره‌وشا هه‌ردو پارتان و ماوێ سه‌رۆكاتيا هه‌رێمێ ئه‌نجام دا.
پشتى ڤێ كۆمبوونێ محه‌مه‌د توفيق ره‌حيم، رێكخه‌رێ ژوورا په‌يوه‌نديێن دبلۆماسى يا بزاڤا گۆڕان د كۆنگره‌كێ رۆژنامه‌ڤانى دا راگه‌هاند: د كۆمبوونا ئه‌ڤرۆ دا به‌حسێ دووماهى گۆڕانكاريان و پرسا سه‌رۆكاتيا هه‌رێمێ هاته كرن.
گۆتژى: “جاره‌كا دى ته‌كستێ ل سه‌ر وێ چه‌ندێ دكه‌ين كو داخوازا سيسته‌مه‌كێ په‌رله‌مانى بۆ هه‌رێما كوردستانێ دكه‌ين و ده‌سته‌لاتێن سه‌رۆكێ هه‌رێمێ ژى دڤێت بهێنه دياركرن”.
ئاماژه ب وێ چه‌ندێ ژى كر كو ل گه‌ل ئێكه‌تى نشتيمانى كوردستان لێكتێگه‌هشتنا ته‌مام هه‌يه و كۆمبوون ژى دێ د به‌رده‌وام بن دا كو بگه‌هنه رێيه چاره‌يه‌كا گۆنجاى بۆ كێشان.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1227 |
| 1 يۆرۆيێ ئه‌ورۆپى | 1350 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ب گۆره‌يى ژێده‌رێن مالپه‌رێ فه‌رميێ پارتى ديموكراتى كوردستان پشته‌ڤان و لايه‌نگرێن په‌كه‌كێ ئه‌ڤرۆ به‌رى ماوه‌كێ كێم ژى هێرش كره سه‌ر گه‌شيارێن هه‌رێما كوردستانێ و بۆ ڤێ جارێ ژى 11 ترۆمبێل ژ كار خستن و ژنه‌ك ژى بريندار بوو.
ب گۆره‌يى ژێده‌رێن خوه يێ تايبه‌ت مالپه‌رێ KDP.info به‌لاڤكريه كو به‌رى نيڤرۆيا ئه‌ڤرۆ رۆژا سێشه‌مبى رێكه‌فتى 28ى تيرمه‌ها 2015ێ هنده‌ك پشته‌ڤان و لايه‌نگرێن په‌كه‌كێ هێرش كريه سه‌ر گه‌شتيارێن هه‌رێما كوردستانێ و ترۆمبێلێن وان ژ ناڤبرينه و زيانێن مه‌زن يێن گيانى گه‌هاندينێ.
ئه‌وى ژێده‌رى ئاشكه‌را ژى كريه كو ئه‌وان هێرش كريه سه‌ر 11 ترۆمبێلان ل ده‌ڤه‌رێن سلۆپى و جزيرێ و د ئه‌نجامێ هێرشه‌كا خوه ژنه‌ك ژى ب سڤكى بريندار كريه و بوويه ئه‌گه‌رێ هندێ پۆليس د هه‌وارا وان بچن و ب گازا رۆندكرێژ ڤان گه‌شتياران ژ ده‌ستێن وان ده‌ربێخن.
ئه‌ڤرۆ نيوز:
نه‌وشيروان مسته‌فا ب هه‌ڤالينيا شانده‌كى بۆ جارا ئێكێ پشتى جودابوونا خوه ژ وێ پارتێ، گه‌هشته باره‌گايێ سه‌ره‌كى يێ مه‌كته‌با سياسى يا ئێكه‌تى نشتيمانى كوردستان ل سلێمانێ و بڕياره ل دۆر پرسا مانا سه‌رۆك بارزانى كۆم ببن.
نه‌وشيروان مسته‌فا يێ كو بۆ جارا ئێكێ يه سه‌ره‌دانا مه‌كته‌ب سياسى يا ئێكه‌تيێ ل سلێمانيێ دكه‌ت هه‌ر ئێك ژ محه‌مه‌د توفيق ره‌حيم و ئاسۆ مه‌حمود و ئاسۆ ره‌حيم و جه‌لال جه‌هوه‌ر و برزۆ مه‌جيد هه‌ڤالينيا شاندێ وى دكه‌ن و دێ ل گه‌ل ئێكه‌تى نشتيمانى كوردستان كۆم بيت كو هه‌ر ئێك ژ مه‌لا به‌ختيار و هێرۆ ئيبراهيم و عيماد ئه‌حمه‌د و دلێر سه‌ى مه‌جيد و بێگه‌رد ته‌له‌بانى و رزگار عه‌لى و عه‌دنان حه‌مه‌ى مينا و سه‌عدى ئه‌حمه‌د پيره ب خوه ڤه دگريت.
ب گۆره‌يى ئه‌وا ب چاڤ هاتيه ديتن، جێگرێ دويێ يێ سكرتێرێ گشتيێ ئێكه‌تى نشتيمانى كوردستان، د. به‌رهه‌م سالح ئاماده‌يى ڤێ كۆمبوونێ نه‌بوويه و تێدا دێ به‌حس ل سه‌ر پۆستێ سه‌رۆكاتيا هه‌رێما كوردستانێ و كيشه و ئاريشێن ناڤ هه‌ردو لايان كه‌ن.
زاخۆ، ھشیار دوبانکی:
دکونگرەکێ رۆژنامەڤانێ دا ل یاریگەھا زاخۆ یا نێڤدەولەتی کارگێریا یانا زاخۆ ھەر سێ پێشەکارێن خوە یێن رومانێ پێشکیشی دەزگەھێن راگەھاندنێ کرن ئەوژی فلورین کوستا و دانیال و کریستیان دومینوتا.
وەلات فەرید ئەمیندارێ دارای ل یانێ دبێژیت: بھایێ ھەڤبەستا ھەر سێ پێشەکارین مە یێن رومانی 500 ھزار دولارێن ئەمریکی نە بۆ وەرزەکێ بتنێ و ئەف یاریکەرە ل دوف داخازا راھێنەرێ رومانێ ئیلیا ستانێ ھاتینە یانێ.
دەربارەی نەھاتنا ریڤەبەری تێمی عەلی وەھیبی و یاریکەران کەریم دلی، ئەمیر سەباح و کوسرەت بایز بۆ ناف رێزێن تێمی ناڤبری گوت: عەلی وەھیبی پاسپورتا وێ بدوماھی ھاتیە و پێشکێشی ئێکا نوو کریە و ل ڤان دۆ روژان دێ گەھێتە باژیرێ زاخۆ و ئەمیر سەباح یێ دەستیر دایە ژلایێ کارگێریا یانێ ژبەر کارەکێ خێزانی و کەریم دلی دگەل ھەلبژارتیێ لاوێن عیراقێ یە و راھێنانا دکەت ل دەمەکێ نێزیک دێ ڤەگەریتە زاخۆ.
ئەڤرۆ نیوز:
ھێرشبەرێ سویدی زەلاتان ئیبراھیموڤیچ ئەوێ چەنسەکێ لاواز ھەی کو بچیتە دانا رێزێن یانا ریال مەدرید دا نوکە ھەتا رادەکی ئێک لابوون و دبیت دەرگەە ب ئێجاری لێ ھاتنە گرتن تایبەت پشتی د داخویانیەکا خودا جەماوەرێ ریال و مانچستەر یونایتد تورە کری و داخویانیا خودا ڤی یاریکەری گوتیە کو راھێنەرێ ھولەندی لویس ڤان گالی یێ یانا مانچستەر مورڤەکێ گەلەکێ باشە لێ راھێنەرەکێ نە باشە و بەروڤاژی راھێنەرێ ئسپانی پیپ گواردیولا راھێنەرەکێ سەرکەفتی یە لێ مروڤەکێ نە باشە.
د بەرسڤا پرسیارەکا دی دا ل دور ستێرا تەپا پێ یا ئەرژەنتینی لیونێل میسی گولکەرێ مێژوی یێ یانا بەرشەلونە و ھەڤرکێ وی
یێ ئێکسەر کریستانو رونالدو دیارکر کو میسی یاریکەرەکێ زیرەکی و میسی یێ خودان شیانە و پشت گیریا میسی کر کو یاریکەرەکێ ب تنێ نەشێت بەرپرساتیا ھەلبژارتیێ وەلاتێ خوە راکەت پشتی ھەلبژارتیێ وەلاتێ وی نەشیای ناسناڤێ کوبا ئەمریکا ببەت.
ئه‌ڤرۆ نيوز:
دەزگەھەکێ خێرخوازی یێ بەریتانی، سێ کچێن ئێزدی یێن کو ژ دەستێ داعش رزگار بووین دبەتە بەریتانیا، بۆ ھندێ کو چیرۆکا خوە بۆ کچێن موسلمان یێن بەریتانی باس بکەن.
ئیما نیکلسون، سەرۆکا دەزگەھێ عەمار یێ خێرخوازی و پەرلەمانتارا بەریتانی ل پەرلەمانێ ئێکەتیا ئورۆپا کو، ئەو ھەر سێ کچێن ئێزدی، نۆر، بوشرا و مونیرا کو ژیێ وان ( ١٦، ١٩، ٢٠) سالن ل بنگەھەکێ تەندرۆستی ل کەمپەکا ئاوارە یێن ئێزدی ناسینە، گەشتەک بۆ وان بۆ بەریتانیا رێک ئێخست.
نیکلسون ب مەرەما ڤەگوھاستنا وێ درندیا بەرامبەری وان ھاتیە کرن، ئەو سێ کچێن ئێزدی برنە ئەکادیمیا بەریتانیا کو زۆربەیا وان موسلمانن و دیدارا ئەوان ھەرسێ کچێن ئێزدی و خویندکارێن موسلمان یێن ئەکادیمیا بەریتانیا زێدەتر لایەنێ سۆزی یێ ل سەر زاڵ بوو، ژ ئەگەرێ بەحسکرنا وان روودانێن کو بسەرێ وان ھاتین.
ل ئەکادیمیێن باژێرێ بریستول و ئەکادیمیا سالتلی ل بێرمیگھام، کچەکا ١٨ سالی ب ناڤێ ناسیرە ئەحمەد، کو تا نھا پەیوەندی یا دگەل یوسرا حەسەن یا ١٥ سالی، کو یا چوویە ناڤ داعش مایە، بەرامبەر ئاخفتنێن ڤان ھەرسێ کچان گۆت” چەکدارێن داعش ھەموو ئەو تشت بۆ یوسرایێ یێت دابین کرین، کو ھەموو کچان حەز و ھیڤی بۆ ھەنە”، لەورا ئەڤە بوو ئەگەرێ تۆرەبوونا ئەڤان ھەر سێ کچان و (نۆر)ێ بەرسڤا وێ دا، کو ئەڤە ھەموو درەوە و ژیانا د ناڤ داعش دا ھەموو رۆژا دەستدرێژیکرنا سێکسی یە و گۆتە وان خویندکاران کو نەچنە د ناڤ رێزێن داعش دا، چونکی ھەموو درەوە و ئەو تاوانبارن.
نۆر یا ٢١ سالی د ئاخفتنێن خوە دا یا بەردەوام بوو و گۆت “جەکدارێن داعش ژن و زەلام ژێک جودا کرن، زەلام کوشتن و دایکا من و ٧٠ ژنێن دی بەرنە جھەکێ دی، پشتی ھینگێ مە گوە ل دەنگێ تەقێ و قیژیا بوو، چەکدارێن داعش ب تنێ کچ و ژنێن گەنج ھێلان”.
ژ ئالیێ خوە ڤە مونیرا یا تەمەن ١٦ سالی بەردەوامی دا ئاخفتنێن نۆرێ و گۆت” ژیێ زەلامێن داعش د ناڤبەرا ٥٠_٧٠ سالیێ دایە، ژیێ من ١٥ سال بوو دەمێ سەرکردەیەکێ داعش ئەز ب خوە بریم و وی سەرکردەی گۆت (کچێن بچووک باشتر و جوانترن)، پاشان ژ من تێر بوو، ئەز فرۆشتمە ئەبو عەبدوللا، ئەو ژی ژ من تێر بوو وی ژی فرۆشتمە عیمادی”.
بۆ زانین ئەو ھەر سێ کچە ل سەر ئەرکێ دەزگەھێ عەمار، ب وی مەرجی کو داخوازا مافێ پەنابەریێ نەکەن، بربوونە بەریتانیا، بەلێ پشتی ھینگێ ئەلمانیا مافێ پەنابەریێ دایێ.
ژێدەر: الشرق الاوسط
نيشاندان
