ئه‌ڤرۆ نیوز:
قه‌ته‌ر بریاردا دو ملیون یورویان وه‌ك هاریكارى بده‌ته ئاوارێن ل هه‌رێما كوردستانێ ئاكنجى بووى، ئه‌ڤ چه‌نده هاته گوتن د كومبوونه‌كا د ناڤبه‌را خالد بن محەمەد ئەلعەتیە وه‌زیرێ ده‌رڤه‌یێ قه‌ته‌رێ ل گه‌ل سه‌رۆكێ هه‌رێمێ و دیسا به‌حسێ شه‌رێ داعش و رۆلێ پێشمه‌رگه‌ى هاته كرن د روى ب بوونا داعش دا.
ئه‌ڤرۆ نيوز:
فرۆكێن شه‌ركه‌رێن هه‌ڤپه‌يمانان دو جاران به‌نگه‌هـ و باره‌گايێن تيرۆرستێن داعش ل بلنداهيێن بادۆش بۆردومان كرن و زيانێن مه‌زن گه‌هاندنێ.
دلشاد مه‌ولود ژ راگه‌هاندنا فه‌رماندا زێره‌ڤانى بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى رێكه‌فتى 20ى خزيرانا 2015ێ ل ده‌مژمێر 2:30 ده‌قيقه چه‌ند بنگه‌هـ و باره‌گايێن تيرۆرستێن داعش ل بلنداهيێن بادۆش به‌رامبه‌ر ئاسك مووسل يا سه‌ر ب ميحوه‌رێ رۆژئاڤايێ ديجله ژ لايێ فرۆكێن شه‌ركه‌رێن هه‌ڤپه‌يمانان ڤه دو جاران ل سه‌ر ئێك هاتنه بۆردۆمان كرن”.
گۆتژى: “ب گۆره‌يى ئه‌و پێزانينێن ل به‌ر ده‌ستێ فه‌رماندێن پێشمه‌رگێ زێره‌ڤانى كه‌فتين، ژ ئه‌گه‌رێ ڤێ بۆردۆمانێ، زه‌ره‌ر و زيانه‌كا مه‌زن يا مادى و گيان ب به‌ر تيرۆرستێن داعش كه‌فتيه”.
ئەڤرۆنیوز، ئەیاد بەرواری
ژێدەرەکێ رۆژنامەڤانی ل تورکیا راگەھاند، بەری دەمەکی پەیقینەکا مەزن ل دەڤەرا سروجێ ل پارێزگەھا ئورفا روودا و دئەنجامدا ب دەھان وەلاتی بوونە قوربانی.
محەمەد باشکورد، رۆژنامەڤان ژ تورکیا بۆ ئەڤرۆنیۆز گوت” ئەڤرۆ ل دەمژمێر ١٢ نیڤرۆ دەمێ کۆمبوونەک دھاتە ئەنجامدان ل بنگەھێ ئامارا یێ چاند و ھونەرێ ل دەڤەرا پرسوسێ یا ب سەر پارێزگەھا ئۆرفایێ ڤە تەقین ھاتە روودان و پتری ٢٠ وەلاتیان شەھید بوون و ١٠٠ ژی ب گرانی بریندار بوون”.
باشکوردی گوت ژی” ھەتا نوکە نەھاتیە زانین ئەگەرێ وێ تەقینێ چ بوو”.
ئەڤرۆ نیۆز، قائید میرۆ:
پەرلەمانتارەکێ پارتی ل پەرلەمانێ کوردستانێ بەرسڤا وەفیق سامەڕائی کەڤنە بەعسی و سەرۆکێ بەرێ یێ مخاباراتا عێراقی ددەت و رادگەھینیت، شانازیێ دکەین کەسێن وەک وەفیق سامەڕائی دوژمنایەتیا بارزانی دکەن.
فەرحان جەوھەر، پەرلەمانتارێ پارتی دیموکراتی کوردستان بۆ ئەڤرۆ نیۆز راگەھاند” ئەڤە ماوەیەکە وەفیق سامەڕائی یێ کەڤنە بەعسی و سەرۆکێ مخاباراتا رژێما بەرێ یا عێراقێ خوە لمە کریە دیموکراتی خوازو چارەسەریان بۆ لایەنێن سیاسیێن ھەرێمێ ڤەدبینە، جارەکادی ھێرشکریە سەر سەرۆک بارزانی و ژەھرا خوە یا بەعسیاتە رژتیە.
پەرلەمانتارێ پارتی دیارکر” ئەز دبێژمە وەفیق سامەڕائی و کەسێن وەکی وی، شانازیێ دکەین کەسێن وەکیتە دوژمنایەتیا بارزانی بکەن، چونگو ئەڤێن دوژمنێن بارزانی دوژمنێن گەلێ کوردن و یێ پشتڕاستبە دێ خەونا خوە بەیە بن ئاخێ و عێراقا ھنگو د پایزا عەمرێ خوەدایە.
ئەڤرۆنیوز، ئەیاد بەرواری
ژێدەرەکێ رۆژنامەڤانی ل تورکیا راگەھاند، بەری دەمەکی پەیقینەکا مەزن ل دەڤەرا سروجێ ل پارێزگەھا ئورفا روودا و دئەنجامدا ب دەھان وەلاتی بوونە قوربانی.
محەمەد باشکورد، رۆژنامەڤان ژ تورکیا بۆ ئەڤرۆنیۆز گوت” ئەڤرۆ ل دەمژمێر ١٢ نیڤرۆ دەمێ کۆمبوونەک دھاتە ئەنجامدان ل بنگەھێ ئامارا یێ چاند و ھونەرێ ل دەڤەرا پرسوسێ یا ب سەر پارێزگەھا ئۆرفایێ ڤە تەقین ھاتە روودان و پتری ٢٠ وەلاتیان شەھید بوون و ١٠٠ ژی ب گرانی بریندار بوون”.
باشکوردی گوت ژی” ھەتا نوکە نەھاتیە زانین ئەگەرێ وێ تەقینێ چ بوو”.
ئه‌ڤرۆ نيوز:
• سەرۆکێ باژێرڤانیا دھۆکێ دەست ژ کارێ خوە کێشا پشتی تەسەک ل جادا بەرۆشکێ دیار بووی و بۆ دەمێ دو رۆژان چارە نەبووی.
• ژ ئەگەرێ پەیدابوونا قەرەبالغەکا مەزن ل سەر فرۆکخانا نیڤدەولەتی یا دھۆکێ کو رۆژانە ٨٠٠ – ٨٥٠ فرۆکان لێ دفڕن و داددەن، حکوومەتا کوردستانێ بریار دا فرۆکخانەکا دی ل پارێزگەھا دھۆکێ ئاڤابکەن بۆ سستکرنا ڤێ قەرەبالغێ و پێشبینی دھێنە کرن کو فرۆکخانا بامەرنێ ژ بنگەھەکێ لەشکری ببیتە فرۆکخانەکا مەدەنی.
• پشتی کارەب بۆ دەمێ ٢٠ دەقیقا ژ تاخێ سەرھلدان ل سەنتەرێ باژێرێ دھۆکێ ھاتیە بڕین، پەرلەمانێ کوردستانێ بریار دا روونشتنەکا نەئاسایی گرێدەت بۆ دووڤچوونا رەوشێ و زانینا ئەگەران.
• نوونەرێ کوردستانێ ل جڤاتا ئاسایشا نیڤدەولەتی ب مافێ “ڤیتو” پرۆژەکێ رۆسیا ل سەر وەلاتێ ئەندۆنیسیا رەت کر.
• جڤاتا پارێزگەھا دھۆکێ ب پڕانیا دەنگان پارێزگار ژ کارێ وی لادا پشتی بۆ دەمێ دو رۆژان ل سەر ئێک و بۆ دەمێ ١٥ دەقیقان ژ دەواما خوەیا فەرمی گیرۆ بووی.
• کۆمپانیا “گژەبەرا” یا ئەندازیاری ل کوردستانێ و ب سەرپەرشتیا ئەندازیارێن کوردستانێ شیان ھەردو وەلاتێن مسرێ و یونانێ پێکڤە گرێدەن ب چێکرنا پرەکێ د ناڤ دەریا سپیا ناڤەراست دا و ب دەمێ سالەکێ.
• کۆمپانیا “kurd m w” بۆ جارا ئێکێ د دیرۆکێ دا ترۆمبێلەک چێکر کو ب بایێ سرۆشتی کار دکەت و دشێت ب لەزاتیا ٢٥٠کم/ ١ سەعەت دا بچیت، ناڤەندێن تەکنولۆژیێن جیھانێ ئەڤ چەندە ب مەزنترین دەستکەفتێ زانستی ل قەلەم دا.
ژ لايێ به‌يارێ زاويته‌يى ڤه دهێته به‌رهه‌ڤكرن
ئه‌ڤرۆ نيوز:
ھندەک شارەزا وەسا پێشنیاز کر کو نۆشدار ھۆشداریێ بدەنە نەخۆشێن دلی و جەلتا مێشکی ل سەر ئەنجامدانا سیکسی ژ ترسا زێدەبوونا وەستیانێ و فشارا ل سەر دلی.
بەرھەڤکەرێ ڤەکۆلینێ مامۆستا “ستاینکی” شارەزایا د بیاڤێ بەرستاریا دلی و دەمارێن خوینێ دا ل زانکۆیا ویتچا یا ئەمریکی دیار کر کو پێدڤیە نەخۆش ب شێوەکێ رۆتینی دوپات بکەن کو ساخلەمیا وان یا باشە بۆ ئەنجامدانان سیکسی.
راسپاردێن نوو دیار دکەن کو پێدڤیە نۆشدار ل گەل نەخۆشان ژڤانێ ئەنجامدانا سیکسی و رێیێن خوە گەرمکرنێ بێی سیکس و خو رەوشێن سیکسیێن ھێمن ژی گەنگەشە بکەن.
د ڤەکۆلینێ وەسا دیار بوو کو ئەنجامدانا سیکسی پشتی تووشبوونێ ب گرفتاریەکا دلی دبیت مەترسیەکا راستەقینە بیت، بەلێ نڤستن ل تەنشتا ھەڤژینێ کارەکێ باشە.
شارەزا پێشنیاز دکەن کو ئەنجامدانا سیکسی د چارچووڤەکێ کەھی دا، و پلا گەرماتیێ یا گونجای بیت، دەمێ ل گەل ھەڤژینێ بیت بارەکێ سڤکتر دئێخیتە سەر زەپلەکا دلی، د وی دەمی دا ئەنجامدانا سیکسی ژ دەرڤەی خەلەکا ھەڤژینیێ دبیتە مەترسی ل سەر ساخلەمیا دلی بتایبەت ئەوێن نەخۆشیا دلی ھەین.
ئه‌ڤرۆ نيوز:
ل بەراھیێ پێدڤیە مرۆڤ ھزر د وێ چەندێ دا بکەت کا ئەوێن تووشی نەخۆشیێن دلی بووین چ لێ قەومایە؟ ئەرێ تو کەسەکی د نیاسی کو جگارەیان بکێشیت و زێرەڤانیا کێشا لەشێ خۆ نەکەت و بێ مننەت ھەموو تشتەکی دخۆت؟ ب راستی گەلەک یا ب زەحمەتە ئەم ھەلسەنگاندنا وان کەسان بکەین ئەوێن تووشی مەترسیێن ئێشێن دلی دبن، ھەکە ئەم تەماشەی پتریا خەلکی ژی بکەین دێ دیاربیت کو گەلەک کەسێن نورمال ژی د مەترسیێ دانە ژوانژی گەلەک ھەنە تووشی نەخۆشیا شەکرێ و بلندبوونا کولیسترولی و فشارا خوینێ بووینە و ل گەل وێ چەندێ جگارکێشن و وەرزشێ ژی ئەنجام نادەن، راستە کو خوارنا گیزان و ب کارئینانا زەیتێ تارادەیەکی دێ ھاریکاریا ڤان کەسان کەن بۆ کێمکرنا مەترسیان، بەلێ چ حەب یان خوارنێن دەستنیشانکری نینن کو نەخۆشی ئێکسەر چارەبکەن و ھەکە نەخۆش پارێزا خۆ نەکەت دێ مەترسیا بەردەوام ل سەر ھەبیت.
لەورا پێدڤی یە ھندەک پێنگاڤان ب جھبینی داکو رادەیەک بۆ مەترسیێن نەخۆشیێن دلی بھێتە دانان، بەلێ جارێ پێدڤیە تو بزانی کا ئەو چ مەترسینە، ئەوژی ( رەگەز، ژیێ مرۆڤی و مێژوویا ھەبوونا ڤان نەخۆشیان د خێزانێ دا) کو ھەموو د جێگیرکری نە و مرۆڤ نەشێت کونترۆلێ ل سەر بکەت، ئەو کاریگەرێن مرۆڤی شیان ھەبن ل سەر زال ببیت پێکھاتینە ژ بلندبوونا ئاستێ کولیسترولی و روینان د خوینێ دا و جگارەکێشان و کێم چالاکی و و قەلەوی و فشارێن دەروونی.
ھندەک پەیامێن پزیشکی ھەنە بۆ وان کەسێن ل دووڤ شێوازەکێ ساخلەمیێ دچن وەکو رێڤەچوون و مەلەڤانی کرنێ ، ئەوژی ئەوە ئەڤ چالاکیە رادەیەکی بۆ مەترسیێن تووشبونێ ب نەخوشیێن دلی دادنن و ب رێکا وان دشیاندایە گەلەک مفایێن ساخلەمیێ بدەستڤە بینین وەکو کێمکرنا سەنگی و ئاستێ کولیسترولی و روینان دخوینێ دا.
سێ کاریگەرێن سەرەکی یێن مەترسیێ ھەنە ( ئاستێ کولیسترولی و بلندبوونا فشارا خوینێ و جگارەکێشان) و ھەر ئێک ژوان تێرا خۆ مەترسی ھەنە، ھەکە تە پتر ژ کاریگەرەکێ ب مەترسی ھەبیت ھەلبەت دێ زەنگلا مەترسیێ ژی ل دەڤ تە پتر بیت ژبەرکو زیان دێ پتر کومڤەبیت، بلندبوونا رێژا کولیسترولی رامان ژێ ئەوە کو مەترسیەک یا ھەی، و بلندبوونا فشارا خوینێ ل گەل یا کولیسترولی رامان ژێ ئەوە کو ئەڤ مەترسیە دوحارا پتر لێ دھێت، بەلێ بلندبوونا رێژا کولیسترولی و ل گەل یا فشارا خوینێ و جگارەکێشانژی دێ ڤێ مەترسیێ چوار جاران پتر لێ کەت.
بەلێ دشیاندایە رادەیەکی بۆ ڤان مەترسیان بدانین ب دووڤچوونا ڤان ھەر چوار رەفتاران داکو جوداھیەک بکەڤیتە ژیانا مە و بلا ژبیر نەکەین کو ژبلی رێنمایێن پزیشکی گەلەک کار ھەنە تو بخو دشێی ئەنجام بدەی، بەلێ دێ ھەر تە پێدڤی ب ھاریکاریا وانژی بیت، رەنگە نوشدار دەرمانان بۆ تە بنڤیسیت و ل گەل دا بێژیتە دێ چاوان ب کارئینی و یا ل سەر تەژی پێدڤیە ب شێوازەکێ دروستی ھەموو رێنمایێن گرێدای تە بجھبینی.
ئه‌ڤرۆ نيوز:
دناڤ گەنجان دا دیاردەیا ب کارئینانا جھگرێن پرچێ ئەوا دبێژنێ ( جێلی) یا بەربەلاڤ بووی و ھەلبەت چ سالون و سەرتراشخانە نینن کو د ڤالا بن ژڤان کەرستەیان.
پێکھێنەرێن سەرەکی یێن جیلیێ پێکھاتینە ژ ژێدەرێن ئاڤێ و کحول و ھندەک کەرستێن تەیساندنێ و جھگیرکرنا پرچێ و کەرستەیێن پاراستنێ و کارتێکرنا وان ئەوە کو پرچی رەق دراوەستینن یان نەرم دکەن و د تەیسینن بۆ دەمەکی پشتی شەکرنا پرچێ و دەرکەتنا مرۆڤی ژمال.
ژ نیشانێن کو پەیدادبن پشتی ب کارئینانا جێلی یا پرچێ ئەوە کو ھەستداری بۆ ھندەک کەسان پەیدادبیت ژبەر ھندەک پێکھێنەرێن دناڤ جیلیێ دا و دگەل ڤێ ھەستداریێ خوریان ل پیستی و کەڤلێ سەری ب شێوەیەکێ گشتی دیاردبیت و ھەلبەت ھەکە گەلەک کحول دناڤ پێکھاتێ جیلێی دابیت دێ بیتە ئەگەر کو کەڤلێ پرچێ ھشک ببیت، لەورا ل دەمێ ھەر نیشانەک ژ نیشانێن ل سەری دیارکری پەیدادبیت خۆ ژ ب کارئینانا جێلی یا پرچێ دوور بکەن و باشترە چارەسەریا ڤان نیشانان ل دەڤ نوشدارەکێ تایبەتمەندێ پیستی بھێتە کرن.
ھەروەسان ھندی دشیان دابیت خۆ ژ کارئینانا جێلیێ دوور بکەن و ل جھێ وێ باشترە شامپو بھێنە ب کارئینان و زێرەڤانی ل پرچێ و کەڤلێ وێ بھێتە کرن و ھەر دەمێ دیاربوو کو ھەستداری تێدا ھەیە باشترە بێ گیروبوون پرچ بھێتە شووشتن و ئێکسەر ھزر ل چوونا نوشدارەکێ پیستی بکەن.
ئێک ژ نوشدارێن پیستی و جوانکاریێ دیاردکەت کو جێلی ھەموو پرچێ ڤەدگریت و دگەھیتە رەھێن موویان و پاشان کاردکەت بۆ گرتنا کونکێن موویان و ئەڤە دبیتە ئەگەر کو ئوکسجین ب دروستی نەگەھیتە پرچێ و پرچ دبیتە دوسەرک و موویێن پرچێ دشکێن.
یا ژڤێ ھەمیێ ب زیانتر ژی ئەوە کو ل دەمێ مرۆڤ پرچێ خۆ جێلی دکەت و فیڕێ پرچێ ب کاردئینیت، ئێکسەر دبیتە ئەگەرێ ھشکبوون و وەریانا پرچێ و ئەگەر ھەر مرۆڤ یێ بەردەوام بوو ل سەر ب کارئینانێ دێ بیتە ھویێ شکەستنا موویان و دوسەرک بوونا موویان.
نوشدار شیرەتان ل مە دکەن کو ھەردو رەگەز نێر و مێ ھندی دشیان دابیت خوە ژ کارئینانا جێلیێ ب پارێزن و ل شوونا وێ زەیتا زەیتینا و زەیتا گیزا ھندێ و باھیڤان ب کاربینن ب مەرجەکی کو ئەوژی ب کێمی بھێنە ب کارئینان، کو ئەو پرچێ ب ھێز دکەن و د تەیسینن و دیسان ناھێلن ب وەریێت.
ب دەھان ژ کەسانێن کارێ سەرتراشیێ و سالوونێن ژنان دکەن دیاردکەن کو جێلی بنێن موویان پووچ دکەت و پرچێ دوەرینیت و ئەڤ چەندە ب چاڤ دیتی یە و دبێژن کو مخابن ھێشتا گەنج ل دووڤ وان سەرتراشان دگەرن یێن کو جێلیێ بکاردئینن کو زیانەکا مەزن لێ دبیت.
ئەڤرۆ نیوز:
ب گۆرەیی ڤەکۆلینەکێ ئەو زەلامێن ژ لایێ دارایی ڤە پشت بەستنآ ل سەر ھەڤژینێن خوە دکەن ١٥% رێژا خیانەتا وان ژ زەلامێن پشت بەستنێ ل سەر مووچێن خوە دکەن زێدەترە.
ب گۆرەی ڤەکۆلینەکێ کو کۆمەلا زانستێن مرۆڤایەتی ل ئەمریکا ئەنجامدایە و تێدا ئاشکەرا بوویە ئەو زەلامێن ھاریکاریێن مادی ژ ژنێن خوە وەردگرن ھەست ب ئارامیا دەروونی ناکەن و بزاڤا ڤەدیتنا ژنەکا دی ددەن دا کو ھەڤسەنگیێ د ژیانا خوە دا ب دەست ڤە بینن.
ڤەکۆلین ئەگەرێ ڤێ چەندێ بۆ دروستبوونا باوەری ب خوە نەبوونا زەلامی د ڤەگەرینن د وی دەمی دا کو نەشێت داھاتێ خێزانا خوە دابین بکەت، ژ بەر ھندێ ژ دەرڤەیی خێزانێ بزاڤێن سەلماندن و ھەبوونا خوە ددەت.
نيشاندان