ئه‌ڤرۆ نيوز:
سه‌ركرداتيا پارتيا كرێكارێن كوردستانێ بڕيار دا گه‌ريلايێن په‌كه‌كێ نوكه يێن ل به‌ره‌يێن شه‌رى ل باشوورێ كوردستانێ و خوه ڤه‌ناكێشن، سه‌ركردێ ئێكێ يێ په‌كه‌كێ ژى دبێژيت: “په‌كه‌كێ خزمه‌تا باشوور كريه و ده‌سكه‌فتێن وێ پاراستينه و ژ به‌ر هندێ ژى مه بڕيار دا خوه ڤه‌نه‌كێشين”
ئه‌ڤرۆ هژماره‌كا پارت و لايه‌نێن سياسى سه‌ره‌دانا بنارێ قه‌نديل كر و ل گه‌ل سه‌ركرداتيا پارتيا كرێكارێن كوردستانێ كۆمبوون و داخوازى ئاراسته‌يى سه‌ركرداتيا په‌كه‌كێ كرن و تێدا داخواز كريه گه‌ريلا خوه ڤه‌نه‌كێشن.
ديارى محه‌مه‌د ئێك ژ وان رۆژنامه‌نڤيسێن نێزيكى پارتيا كرێكارێن كوردستانێ و پشكدارى د كۆمبوونێ دا كرى بۆ تۆڕا ده‌نگوباسێن سلێمانيێ گۆت: “مه ب ئاشكرايى مه‌ترسيا خوه‌ڤه‌كێشانا گه‌ريلايێن په‌كه‌كێ راگه‌هاند”
ده‌رباره‌يى هه‌لويستێ سه‌ركرداتيا په‌كه‌كێ ده‌رباره‌يى وێ داواكاريێ، ديارى گۆت: “جه‌ميل بايك هه‌ڤسه‌رۆكێ كۆنسه‌يا رێڤه‌به‌ريا كۆما جڤاكێن كوردستانێ “كه‌جه‌كه” كو كه‌سێ ئێكێ يێ نوكه‌يه د ناڤ په‌كه‌كێ دا، گۆتى گه‌ريلا خوه ڤه‌ناكێشن”
ئه‌ڤى رۆژنامه‌ڤانى ئاماژه ب وێ چه‌ندێ ژى كريه كو جه‌ميل بايك گۆتيه كو ئه‌وان داخوازيا خه‌لكێ باشوور پێگه‌هشتيه و ئه‌و پشته‌ڤانيه ديتيه كا خه‌لك چه‌ند حه‌ز ژ گه‌ريلا دكه‌ن، ژ به‌ر هندێ دێ د ناڤ شه‌رى دا مينن و خوه ڤه‌ناكێشن.
به‌رى نوكه چه‌ندين جاران حوكمه‌تا هه‌رێما كوردستانێ ته‌كست ل سه‌ر وێ چه‌ندێ كريه كو پێدڤيه په‌كه‌كه خوه ژ باشوورێ كوردستانێ ڤه‌كێشيت، به‌لێ ئه‌و ل سه‌ر وێ چه‌ندێ د رژن كو خوه ڤه‌ناكێشن.
نيشاندان
