ئه‌ڤرۆ نيوز:

شاندێ پارێزگه‌ها هه‌له‌بجه‌  ئه‌ڤرۆ ل گه‌ل حه‌يده‌ر عه‌بادى سه‌رۆك وه‌زيرێن عيراقێ كومبوون و داخواز ژێ كرن بودجه‌كێ تايبه‌ت بۆ ئاڤه‌دانكرنا هه‌له‌بجه‌ بهێته‌ دابينكرن و قه‌ره‌بوونا ماددى و مه‌عنه‌وى يا خه‌لكێ هه‌له‌بجه‌ بكه‌ت و  رێ ل دووباره‌بوونا ڤان تاوانان بگريت و بزاڤێ بكه‌ت عيراق ببيته‌ ئه‌ندام ل دادگه‌ها داد يا نێڤده‌وله‌تى و ئاڤاهيێن هه‌له‌بجه‌ كو ژ ئه‌گه‌رێ بوردومانا رژێما به‌رێ يا عيراقێ وێران بووى، نووژه‌ن بكه‌ت و هه‌روه‌سا كار بۆ ديتنا زارۆييێن به‌رزه‌بووى ييێن هه‌له‌بجه‌ ل ئيرانێ بكه‌ت و چاره‌سه‌ريا برينداران بكه‌ت و كار بۆ نێڤده‌وله‌تيكرنا مه‌رزێ شوشمێ – تەوێڵە. بكه‌ت و ژ ئاليێ خوه‌ڤه‌ ، عه‌بادى سوز دا يا دشياندابيت بۆ هه‌له‌بجه‌ بكه‌ت.

ئه‌ڤرۆ نيوز:

حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ پێشوازيا شاندێ پارێزگه‌ها هه‌له‌بجه‌ كر و رژدى ل سه‌ر گرنگيدان ب دابه‌شكرنا سامانێ وه‌لاتى ل سه‌ر بنه‌مايێ دادپه‌روه‌رى و خزمه‌تكاريان بۆ هه‌موو پارێزگه‌هان كر.

عه‌بادى د ديدارا شاندێ پارێزگه‌ها هه‌له‌بجه‌ كو ژماره‌كا خێزانێن قوربانييێن كيميابارانكرنا هه‌له‌بجه‌ و ئالا تاله‌بانى په‌رله‌مانتارا فراكسيونا ئێكه‌تيێ ل په‌رله‌مانێ عيراقێ به‌رهه‌ڤبوو راگه‌هاند: حزبا به‌عس يا سه‌دامى و رێكخراوا تيرورستيا داعش هه‌مان شێواز و ره‌فتارا كوشتنا عيراقيان په‌يره‌و دكه‌ن.

عه‌بادى  ديسا گۆت: تاوانا هه‌له‌بجه‌ دڤێت نه‌هێته‌ ژبيركرن.