ئه‌ڤرۆ نیوز، ئه‌كره‌م ئیبراهیم:
پشتى بابه‌ته‌ك هاتیه‌ به‌لاف كرن ل هنده‌ك ده‌زگایێن راگه‌هاندنێ كو دێ خانى بو عه‌ره‌با ل پارێزگه‌ها دهوكێ هێنه‌ ئاڤاكرن و ژبو دیار كرنا راستیا ڤى بابه‌تى بو هه‌مى خه‌لكێ كوردستانێ ئه‌ڤرو (ئیسماعیل محه‌مه‌د ئه‌حمه‌د) هاریكارێ پارێزگه‌رێ دهوكێ دكونگره‌كێ روژنامه‌ڤانى دا دیار كر كوچ راستى بو ڤى بابه‌تى نینن و ئه‌ڤه‌ یا دویره‌ ژ هه‌مى راستیه‌كێ و گوت : ده‌رباره‌ى وى ده‌نگوى و ئه‌و راپورتێن هاتینه‌ به‌لاف كرن ل ده‌زگایێن راگه‌هاندنێ و شوسیال میدیایێ كو دێ پارێزگه‌ها دهوكێ هنده‌ك خانیا بوخێزانێت عه‌ره‌با ئاڤا كه‌ت , چ بناغه‌ و راستى بو ڤى بابه‌تى نینن نه‌ژدویر و نه‌ ژ نێزیك و هه‌ر ل ده‌ستپێكا هاتنا ئاواره‌ و په‌یدا بونا ئاریشێ ل ده‌ڤه‌رێ و هاتنا وان بو پارێزگه‌ها دهوكێ سیاسه‌تا كارگێریا پارێزگه‌ها دهوكێ یا دیار و ئاشكه‌را بو ئه‌وژى بتنێ ئاڤا كرنا كه‌مپا بویه‌ ل سنورێ پارێزگه‌هێ و ئه‌ف كه‌مپه‌ خیڤه‌ت بن یان كه‌ره‌ڤانه‌ و ب مه‌رجه‌كى نه‌ دجێگیر بن و هه‌مى وه‌ختى بن و هه‌تا ئه‌و خزمه‌تێن دناڤدادهێنه‌ دورستكرن وه‌كو قوتابخانه‌ و بنگه‌هێ ساخله‌میێ و فرنێن نانى وماركێت دڤێت ئه‌وژى به‌روه‌خت بن نه‌ جێگیر بن و مه‌رجێن مه‌ ل سه‌ر هه‌مى رێكخراوێن بیانى چ یێن UN یا NGO یان هه‌ر رێكخراوه‌كا دى ئه‌و بو كو ئه‌و تشتێ ئاڤا دكه‌ن نه‌یێ جێگیر بیت و بتنێ رێك هاتیه‌ دان كو خیڤه‌ت بهێنه‌ دانان دگه‌ل كابینا و نه‌زێده‌تر .
هه‌روه‌سا گوت نوكه‌ مه‌ ل سنورێ پارێزگه‌ها دهوكێ 16 كه‌مپێن ئاوارا هه‌نه‌ و دوو یێن دى ل ژێر بجهئینانێ نه‌ و لڤان كه‌مپێن نوكه‌ ئاواره‌ تێدا كو 16 نه‌ زێده‌تر ژ 42 هزار خێزان تێدا نه‌ و هه‌مى كه‌ره‌ڤان و خیڤه‌تن ,,,
دیسان گوت : ئه‌و رێژا خێزانێن عه‌ره‌ب ئه‌وێن ل ڤان كه‌مپا بتنێ 97 خێزانن و نابیته‌ رێژا 1 % ژ رێژا ئاكنجیا خێزانا ل كه‌مپا كو 86 % ئه‌وژى 26525 خێزانێن كوردێن ئێزدى نه‌ ,, بو زانیا مه‌هیا گه‌له‌ك جارا ب فه‌رمى داخاز ژ پارێزگه‌هێ هاتیه‌ كرن و پارێزگه‌هێ ره‌ت كریه‌ كو هه‌ر تشته‌كى جێگیر بهێته‌ ئاڤاكرن بو ئاوارا وه‌كو خانى یان هه‌ر تشته‌كى دى بیت و ئه‌وێن هاتینه‌ چێكرن بتنێ كه‌مپن و كه‌مپ ژى ددیارن كا جاوا هاتینه‌ ئاڤاكرن و دوو كه‌مپێن دیژى نوكه‌ ل ژێر ئاڤاكرنێ نه‌ ئێك ل مام ره‌شان ل شێخان كو 2000 كابینه‌ نه‌ و یا دى ل زاخو ده‌ركارێ ئه‌ژى بتنێ800 كابینه‌نه‌.
دده‌رباره‌ى به‌رهه‌ڤى و سیاسه‌تا پارێزگه‌ها دهوكێ بو ئاوارێن ژبه‌ر رزگار كرنا میسل بهێن
هاریكارێ پارێزگه‌رێ دهوكێ گوت : مه‌ ب راژكاوى و بنڤیسینێن فه‌رمێ ئاگه‌هداریا هه‌مى لایه‌نا یا كرى كو پارێزگه‌ها دهوكێ چ شیان نینن كو چ كه‌مپێن دى ل سنورێ پارێزگه‌هێ بهێنه‌ چێكرن و هنده‌ك جه هاتینه‌ ده‌ست نیشانكرن ل ده‌رڤه‌ى سنورێ پارێزگه‌ها دهوكێ و نێزیكى سكرێ موسل و زمار كو كه‌مپ بهێنه‌ چێكرن ئه‌وژى ب مه‌رجه‌كى كو UN و حكومه‌تا ئێراقێ ئه‌و وان كومپا چێكه‌ن و ئاڤا كه‌ن و ئیداره‌ بكه‌ن ژبه‌ر كو پارێزگه‌هێ شیان نینن نه‌ ئاڤا كه‌ت و نه‌ ئیداره‌ بكه‌ت و ئه‌و كومپ دڤیت ژ میزانیا ئێراقێ و UN ئه‌و ڤى كارى بكه‌ن ,
دده‌رباره‌ى زڤراندنا ئاوارا بو جهێن وان : به‌رێز ئیسماعیل محه‌مه‌د گوت : ده‌رباره‌ى زڤراندنا ئاوارا بو جهێن وان هنده‌ك مه‌رج پێدڤى نه‌ وه‌كو بابه‌تێ ئه‌منى و چێكرنا ژێرخانا خزمه‌تكارى و گه‌هاندنا پروژێن خزمه‌تكارى بو وان ,
دده‌رباره‌ى ئامارا ئاوارا كا گه‌هه‌شته‌ كیرێ هاریكارێ پارێزگه‌رێ دهوكێ گوت : ئامار یا هاتیه‌ كرن لێ ئامارا دورست پشتى هه‌یڤا ره‌مه‌زانا پیروز دێ هێته‌ كرن و هه‌مى ئه‌نجام و هژمار دێ هێنه‌ راگه‌هاندن ..