ئه‌ڤرۆ نيوز:
ژماره‌كا په‌رله‌مانتارێن كوردستانێ داخوازا كومبوونه‌كا نه‌ئاسايى ل دۆر دياريا كوچكرنا گه‌نجێن گه‌نجان بۆ ده‌رڤه دكه‌ن و سكرتێرێ وێ ژى گومان يا هه‌ى كو ئه‌ڤ كێشه‌يه ب كومبوونه‌كا په‌رله‌مانى بهێته چاره‌كرن.
فه‌خره‌دین قادر سكرتێرێ په‌رله‌مانێ كوردستانێ بۆ ئاژانسا ئه‌نادول راگه‌هاند: ژماره‌كا په‌رله‌مانتارێن هه‌رێما كوردستانێ داخواز ژ سه‌رۆكاتيا په‌رله‌امانى كريه كومبوونه‌كا نه‌ئاسايى ل دۆر دياردا كوچكرنا گه‌نجان ب تايبه‌ت گه‌نجێن ئێزدى بۆ ده‌رڤه‌ى وه‌لاتى ئه‌نجام گرێبده‌ن.
ئەڤرۆ نیوز:
نابیت کەسێ روژیگر ژ سیستەمێ خوە یێ خوارنێ ئەوێ روژانە ب کاردئینا ب دەرکەڤیت، بو نموونە مە ھەموو مروڤان چ بچووک یان مەزن بیت سێ گروپێن خوارنێ یێن ھەین گروپێ ئێکێ کاربوھیدراتن وەکی نان و برنج و دڤێت سێَچارێکا خوارنا مە ژ کاربوھیدراتان بیت و چارێکا دی ژ ھەردو گروپێن دی بیت، گروپێ دوێ ژ فێقی و کەسکاتی پێک دھێت گروپێ سیێ ژ شیر و گوشت و شریناھی و تشتێ قەلاندی پێک دئێت و ھەر ئێکێ ژی تەمەت خوە بھایێ خوە یێ خوارنێ ھەیە.
د. ھەلات ێالح مەجید، تایبەتمەندا خوراکیێ، دیارکر کو دڤێت کەسێ روژیگر روژیا خوە ب قەسپەکێ یان ب رتەبەکێ بشکێنیت، چونکە قەسپ یا زەنگینە ب کاربوھیدراتا و لەشێ مروڤێ روژیگر گەلەک پێدڤی ب کاربوھیدراتانە و گۆت: چونکە د روژێ ھەمیێ دا لەش کاربوھیدراتێن خوە دمەزێخیت و ئەو دێ ئێکسەر ھەڤسەنگیێ ئێخیتە لەشێ مروڤێ روژیگر و ھێزا وی زێدەکەت.
تایبەتمەندا خوراکیێ دیارکر ژی کو رۆژیگر دشێت روژیا خوە ب فرەکا ئاڤێ ژی بشکێنیت بەلێ نابیت زێدە ڤەخوت و گۆت: زێدە ڤەخوارنا ئاڤێ دبیتە رێگر ل خوارنێ و جھێ وێ ناھێلیت و دیسا زکێ مروڤی ژی لێ دبیتە ئێش.
دیسان د.ھەلاتێ دیارکر کو ل دەمێ پاشیڤێ پێدڤیە رۆژیگر وان شەکر و کاربوھیدراتا بخوت ئەوێن پتر دمەعیدەی و رووڤیکادا دمینن کو دبێژنێ کاربوھیدراتێن ئاسێ وەکی برنجا زەر و ساڤار و نیسک و فاسولی و نانێ جەھی کو ئەڤە بو ماوێ ھەشت سەعەتا د رووڤیکادا دمینن و گۆتژی: ئەڤ خوارنە د پرن ژ ئەلیافا و زوو ناھێنە حەلاندن ب ڤێ چەندێ مروڤێ روژیگر دێ ھەر تێر مینیت.
ئاماژە دا ب وێ چەندێ کو یا فەرە ل دووڤ سیستەمێ خوە یێ خوارنێ یێ بەری رەمەزانێ بچن و ئەڤە ھەمی بو کێشا لەشچی باشە کو دێ شێن سەنگێ خوە د رەمەزانێدا کونترۆل کەن ب تایبەتی ئەو کەسێن فشارا خوینێ و نەخۆشیا شەکرێ ھەی ھەر ب وی سەنگی بمینن ئەوێ بەری رەمەزانێ.
ھەروەسا د.ھەلاتێ دیارکر کو پێدڤیە رۆژیگر گەلەک ئاڤێ و شەربەتێن سروشتی ڤەخوون و خوە دوور بکەن ژ پێپسی و ڤەخوارنێن کافائین تێدا، چونکە ئەو ڤەخارنێن کافائین تێدا گەلەک دەستئاڤا مروڤی دئینن و لەشی ڤالا دکەن ژ ئاڤێ و ئاسنی ب رێکا دەست ئاڤێ، و گۆت: پێدڤیە خوە ژ وان شرینیا دووربێخن یێن ھاتینە قەلاندن و وان شرینیا بخون یێن ب شیری ھاتینە چێکرن، چونکە شیر یێ زەنگینە ب پروتیناتا.
ل دووماھیێ تایبەتمەندا خوراکیێ دیارکر ھەکە مروڤێ روژیگر برسی بوو پشتی فتارێ بلا برسا خوە ب فێقی و کەسکاتی و شەربەتێن سروشتی بشکێنیت و ماوێ دناڤبەرا فتارێ و پاشیڤێ دا گەلەک ئاڤێ ڤەخوت دا ھشکاتی بو چێنەبیت.
ئەڤرۆ نیوز:
ل دووڤ ئەنجامێن ڤەکولینەکێ ئاشکرابوویە پتریا مروڤێن رۆژیگر د ھەیڤا رەمەزانێ دا تووشی سەر ئێشانێ دبن، سەرئێشان ژ ئەگەرێ نەڤەخۆارنا ئاڤێ و شلەمەنیا ژی پەیدادبیت، پتریا جارا ھەکە گەلەک نڤستی بیت یان ژی ھەکە کێم بنڤیت ژی ھەر ئێشانا سەری بۆ پەیدادبیت، و پێدڤیە مرۆڤ ب کێماسی ھەشت ھەتا نەە دەمژمێران نڤستی بیت ھەتا تووشی سەرئێشانێ نەبیت و راستە کو سەرئێشان یا ب مەترسی نینە، بەلێ ھەکە پتر ژ دو جارا سەرئێشان بۆ کەسەکی پەیدابوو ل ھەیڤا رەمەزانێ باشترە خوە نیشا نوشدارەکی بدەت.
د. سەگڤان محەمەد ێالح تایبەتمەندێ نەخۆشێن کۆما دەماران دیارکرکو رۆژیگر گەلەک تووشی شقە سەرێ دبیت و ئەڤ حالەتێن سەرئێشانێ ل دھۆکێ ژی گەلەک یێن ھەین، ئەوژی ھەکە مرۆڤ گەلەک تێھنی و برسی ببیت، ئیکسەر سەرێ مروڤێ دئێشیت و پێدڤیە ئەڤ حالەتێن وەسا یێ تووشی سەرئێشانێ دبن، گەلەک برسی نەبن و گەلەک خۆارنێ بخوون، ئانکو ھەکە دەمێ خوارنێ ھات و ئەو خوارنێ نەخوت دێ سەرێ وی ئێشیت و گۆت: ھندەک مروڤ ھەنە یێن فێری ڤەخوارنا گەلەک چایێ و قەھوێ بووینە و دەمێ ڤەنەخوون سەرێ وان دئێشیت، چونکو مادێ کافائین دناڤ چایێ و قەھوێ دانە و رۆژیگر ژی دەمێ چایێ و قەھوێ نە ڤەخووت سەرێ وی دئێشیت.
تایبەتمەندێ نەخۆشێن کۆما دەماران زێدەتر دیارکر کو ژبەر نەڤەخۆارنا ئاڤێ و شلەمەنیا ژی رۆژێگر تووشی سەرئێشانێ دبیت وھندەک کەس ژی ھزرا برسیبوون و تێھنێ دکەن، ئەوژی تووشی سەرئێشانی دبن ژبەر ھزرکرنێ وەکو لایەنێ دەروونی و گۆت: ل وەلاتی مالیزیا ڤەکولینەک یا ھاتیە کرن ل سەر ھژمارەکا وەلاتیان دەمێ رۆژیا دگرن و ھەکە ب رۆژی نەبن و تێدا دیاربوویە دەمێ مروڤ یێ ب رۆژی بیت پتر تووشی سەرئێَشانێ دبن.
د. سەگڤان محەمەد ێالح دیارکر کو نەخۆشێ شقەسەر ھەبیت، پێدڤیە دەرمانێن خوە بخۆت ب شەڤێ و دەمێ پاشیڤێ خۆارنی بخۆت داکو نەمینت برسی، چونکو ھەکە برسی بمینت دێ سەرئێشانا وی گەلەک زێدەبیت، لەورا ژی پێدڤیە گەلەک شلەمەنیا و ئاڤێ ڤەخۆت وخۆارنی ژی بخوت دا سەرئێشانا وی گەلەک زێدە نەبیت و گۆتژی: ھەر دەمێ فشارا خۆینێ ژی بلند ببیت دێ رۆژێگر تووشی سەرئێشانی بیت، لەورا پێدڤیە رۆژێگرێ بلندبوونا فشارا خۆینێ ھەبیت خۆارنا سویر نەخۆت داکو فشارا وی بلند نەبیت وسەرئێشانا وی دژوار نەبیت.
ناڤبری ئەوژی دیارکرکو نڤستنێ ژی گەلەک پەیوەندی ب سەرئێشانێ ڤە یا ھەی و گۆت: ھەکە مروڤ زێدە بنڤیت دێ تووشی سەرئێشانێ بیت، ھەکە کێمژی بنڤیت دێ ھەر تووشی سەرئێشانێ بیت، ڤیجا ھەیڤا رەمەزانی ھندەک کەس گەلەک دنڤن تووشی سەرئێشانێ دبن و ھندەک ژی کێم دنڤن ئەوژی تووشی سەرئێشانێ دبن، لەورا ژی پێدڤیە مروڤ نەکیمتر ژ ٨ ھەتا ٩ دەمژمیران نڤستی بیت، چونکو ھەکە کێمتر بنڤیت دێ سەرێ وی ئێشیت و ھەکە زێدە ژی بنڤیت دێ سەرێ وێ ئێشیت.
تایبەتمەندێ نەخۆشیێن کۆما دەمارا ئاشکرا کر کو ھندەک کەس ھەنە سەرئێشان ژ سەرێ وی بخوە دروست دبیت وەکو تووشبوویێن شقەسەری و فڕک بۆ سەرێ وی دروست دبیت وھندەک مروڤ ھەنە ژبەر جیووبا وئێشانا چاڤی وگوھی و رەھێن ستووی و ددانان تووشی سەرئێشانێ دبن و حالەت ھەنە ژبەر وەرمینێ دسەری دا، و گۆت: دەمێ سەرێ مروڤەکی دئێشیت پێدڤیە سەرا نوشداران بدەت بۆ ھندێ ئەگەرێن سەرئێشانا وی بھێنە ئاشکراکرن و چارەسەریێ وەربگریت ب تایبەتی ھەکە جارەکێ یان دو جاران سەرێ کەسەکێ بئێشت یا فەرە سەرا نوشدارێ بدەت بۆ ھندی نوشدار پشکنینا وێ بکەت، چونکو دبیت وەرمینەک دسەرێ وی دا ھەبیت ئەڤە یا ب مەترسیە و یا گرنگ ئەوە ئەگەرێن سەرئێشانێ بھێنە زانین بەری نوشدار دەست ب چارەسەریێ بکەت.
ئه‌ڤرۆ نيوز:
پشتى كۆمبوونا شاندێ پارتى ديموكراتى كوردستان ل گه‌ل حزبا ديموكراتا ئاشوورى د كۆنگره‌كێ رۆژنامه‌ڤانى دا نێچيرڤان بارزانى راگه‌هاند كو ئه‌ڤا نوكه پارتى ژ بوو قانوونا سه‌رۆكاتيا هه‌رێما كوردستانێ بۆ شه‌خسێ مه‌سعود بارزانى نينه، به‌حس ل رۆلێ بارزانى ژى دكه‌ت د شه‌رێ دژى داعش دا.
نێچيرڤان بارزانى، سه‌رۆكێ حكومه‌تا هه‌رێما كوردستانێ د كۆنگره‌كێ رۆژنامه‌ڤانى دا كو ئه‌ڤرۆ رۆژا چارشه‌مبى رێكه‌فتى 8ى تيرمه‌ها 2015ێ ئه‌نجام دا به‌حس ل وێ چه‌ندێ كر كو ئه‌و قووناغا نوكه وه‌لات تێدا دبۆريت ژ هه‌موو لايان ڤه پێدڤى ب دانوستاندنێ هه‌يه و دڤێت ب دانوستاندنێ بهێنه چاره‌كرن.
ئاماژه ب وێ چه‌ندێ ژى كر كو هه‌كه به‌حس ل ده‌سته‌لاتێن سه‌رۆكێ هه‌رێمێ دكه‌ن و دبێژن دزێده نه، بلا ب دانوستاندن چاره بكه‌ن و گۆت: “ئه‌و دبێژن بلا سيسته‌مێ سياسى وه‌كو يێ عيراقێ لێ بهێت و ئه‌و نه سيسته‌مه‌كێ ب رێك و پێكه، هه‌موويان ژى ديت مالكى ب ده‌سته‌لاتێن خوه چ كر”.
نێچيرڤان بارزانى گۆت: “نوكه ئه‌م 1100 كيلۆمه‌تران يێ د شه‌رى دا ل گه‌ل چه‌كدارێن داعش و شه‌رێ ڤێ دووماهيێ مه حه‌فت شه‌هيد دان و نوكه مه‌سعود بارزانى بۆ ديتنا به‌ره‌يێن شه‌رى و روونشتن ل گه‌ل فه‌رماندێن كه‌ركووك يێ ل وى باژێرى.
جێگرێ سه‌رۆكێ پارتى به‌حسێ رۆلێ سه‌رۆكێ هه‌رێما كوردستانێ كر و گۆت: “هه‌كه ماوێ ئێك سالا شه‌رێ دژى داعش به‌حس بكه‌ين بزانين ئه‌ڤى به‌رێزى كو ئه‌ڤرۆ ئه‌ڤ به‌رپرساتيه ل سه‌ر ملێن وى وه‌كو سه‌رۆكێ هه‌رێما كوردستانێ چه‌ند رۆژان ل مالا خوه نڤستيه؟ ئه‌وا ئه‌ڤرۆ سه‌رۆكێ هه‌رێما كوردستانێ دكه‌ت، به‌رپرساتيا خوه‌يه وه‌كو سه‌رۆكێ هه‌رێما كوردستانێ و دڤێت يێ به‌رده‌وام ژى بيت”.
ئه‌ڤرۆ نيوز:
ئه‌ندامه‌كێ لژنا دارايى ل جڤاتا نوونه‌رێن عيراقێ راگه‌هاند كو هه‌رێما كوردستانێ د شه‌ش هه‌يڤێن بۆرى دا، ئه‌و رێژا پێدڤى يا ژێ هاتيه خواستن ژ په‌ترۆلێ ره‌وانه‌يى به‌غدا كريه، به‌رامبه‌ر وێ عيراقێ پشكا وێ يا بودجه‌يى ل دووڤ وێ په‌ترۆلێ نه‌هنارتيه و كێم كريه.
تارق سه‌ديف، ئه‌ندامێ لژنا دارايى ل جڤاتا نوونه‌رێن عيراقێ بۆ شه‌ڤه‌ف نيوز گۆت: “ل هه‌رسێ هه‌يڤێن ئێكێ يێن رێكه‌فتنێ ژ به‌ر چه‌ند ئه‌گه‌رێن ته‌كنيكى هه‌رێما كوردستانێ نه‌شيا وه‌كو پێدڤى په‌ترۆلێ ره‌وانه بكه‌ت، به‌لێ د سێ هه‌يڤێن ب دووڤدا شيان رێژه‌كا زێده‌تر ژ ئه‌وا ژێ هاتيه داخوازكرن ره‌وانه بكه‌ت و قه‌ره‌بوويا سێ هه‌يڤێن ئێكێ ژى بكه‌ت”.
زێده‌تر گۆت: “هه‌رێما كوردستانێ ب گۆره‌يى رێكه‌فتنا به‌غدا ئه‌و رێژا پێدڤى يا په‌ترۆلێ ره‌وانه كريه، به‌لێ حوكمه‌تا عيراقێ بودجا وێ ب دروستى ره‌وانه نه‌كريه و پێدڤى بوو ژبلى ئه‌وێ هنارتنى، ملياره‌ك و 120 مليۆن دۆلارێن دژى ره‌وانه كربانه”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1245 |
| 1 يۆرۆيێ ئه‌ورۆپى | 1360 |
| 1 ليرێ توركى | 460 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
ب گۆره‌يى ژێده‌ره‌كێ سياسى، مه‌سعود بارزانى، سه‌رۆكێ هه‌رێما كوردستانێ يێ ل كه‌ركووك و بڕياره ل گه‌ل سه‌ركردێن له‌شكرى يێن وێ پارێزگه‌هێ كۆم ببيت و پاشان ژى ل گه‌ل وه‌لاتى و كه‌سانێن به‌رپرس دێ ره‌وشا ده‌ڤه‌رێ گه‌نگه‌شه كه‌ت.
مه‌سعود بارزانى سه‌رۆكێ هه‌رێما كوردستانێ سپێده‌هيا ئه‌ڤرۆ رۆژا چارشه‌مبى رێكه‌فتى 8ى تيرمه‌ها 2015ێ گه‌هشته باژێرێ كه‌ركووك و بڕياره ل گه‌ل فه‌رماندێن له‌شكرى يێن هه‌رێما كوردستانێ ل وێ پارێزگه‌هێ كۆم ببيت و ژێده‌ره‌كێ سياسى ژى بۆ باسنيوز راگه‌هاند: بارزانى دێ دانوستاندنێ ل گه‌ل فه‌رماندێن له‌شكرى يێن وى باژێرى كه‌ت و ده‌رباره‌يى ره‌وشا ئه‌منى و هێرشێن داعش دێ دانوستاندنێ ل گه‌ل فه‌رماندێن له‌شكرى كه‌ت ب تايبه‌ت باشوورێ رۆژئاڤايێ وى باژێرى”.
ئه‌ڤێ ژێده‌رێ ناڤێ خوه ئاشكه‌را نه‌كرى دايه زانين كو هه‌ر د ڤێ سه‌ره‌دانێ دا، دێ چاڤ ب چه‌ند كه‌ساتيێن وى باژێرى و پارێزگارێ كه‌ركووك و چه‌ند لايه‌نێن سياسى كه‌ڤيت.
پشتى هاتنا شه‌رێ داعش ئه‌ڤه چه‌ندين جاران بۆ كۆمبوون ل گه‌ل سه‌ركردێن له‌شكرى و سياسى و ئيدارى يێن وێ ده‌ڤه‌رێ سه‌رۆكێ هه‌رێما كوردستانێ سه‌ره‌دانا كه‌ركووك كر.
ئه‌ڤرۆ نيوز:
فه‌ريق جه‌بار ياوه‌ر، ئه‌ميندارێ گشتى يێ وه‌زاره‌تا پێشمه‌رگه‌يى ل حوكمه‌تا هه‌رێما كوردستانێ بۆ تۆڕا ده‌نگوباسێن سلێمانيێ راگه‌هاند كو د شه‌رێ چه‌ند شه‌ڤێن بۆرى دا، هێزێن پێشمه‌رگه‌يێ كوردستانێ ل گه‌ل داعش ل ژێريا كه‌ركووك، ئێك پێشمه‌رگه ديار نه‌مايه و دبێژيت: “نه‌شێين بێژين هاتيه ئێخسيركرن، چونكو هه‌تا نوكه ب فه‌رمى ديار نه‌بوويه كا ئه‌و پێشمه‌رگه يێ ده‌سته‌سه‌ركريه يان ژى شه‌هيد بوويه”.
ياوه‌ر زێده‌تر گۆت: “ژمارا پێشمه‌رگێن به‌رزه گوهۆڕين يا ب سه‌ر دا هاتى و نوكه 57 پێشمه‌رگێن نه‌ديار يێن هه‌يى كو هێشتا چو ژ چاره‌نڤيسێ وان نزانين”.
ئه‌ميندارێ گشتى يێ وه‌زاره‌تا پێشمه‌رگه‌يى ل حوكمه‌تا هه‌رێما كوردستانێ ئاماژه ب وێ چه‌ندێ كر كو به‌رى نوكه چه‌ند پێشمه‌رگه‌ك ديارنه‌بوون، پاشان ديار بوو كو ئه‌و پێشمه‌رگه يێن شه‌هيد بووين و ته‌رمێن وان يێن ڤه‌شارتين.
ته‌كست ل سه‌ر وێ چه‌ندێ ژى كر كو ئه‌و چو ئاماران ناڤه‌شێرن هه‌كه پێشمه‌رگه‌ك بهێته ده‌سته‌سه‌ركرن يان نه و گۆت: “د داهاتيه‌كێ نێزيك دا، دێ چه‌ند ئامارێن نوو ل سه‌ر ژمارا شه‌هيد و برينداران به‌لاڤ كه‌ين”.
ئەڤرۆ نیوز،زنار تۆڤی:
ئێدی برێیا عێراقێ چەک ناگەھیتە پێشمەرگەی و ئەڤە پێنگاڤەکا زۆرا سەرکەفتیە بۆ پێشمەرگێ کوردستانێ کو ئەمریکا بریاردایە ئێدی چەک راستەوخۆ دێ گەھیتە پێشمەرگەی،لەورا وەزیرێ بەرگریا ئەمریکا ئاشتۆن کارتەر د پرێس کۆنفرانسەکی دا ل رۆژا سێشەمبی ٧/٧/٢٠١٥ راگەھاند کو ژ ئەڤرۆ پێڤە ئەو دێ راستەوخۆ چەکی دەنە ھێزێن پێشمەرگەی ژ پێخەمەت ھندێ کو ئێدی چەک زوو بگەھیتە پێشمەرگەی و نەھێتە گیرۆکرن،ژبەرکو ھێزێن پێشمەرگە شیاینە پێشکەفتنێن مەزن ل سەر داعشێ تۆمار بکەن و دربێن کۆژەک داناینە وێ رێکخراوا تیرورستی،ھەروەسا گوت ژی:بۆ ھنارتنا چەکی بۆ پێشمەرگەی ئەو دێ حوکمەتا عێراقێ ئاگەھدارکەن.
نيشاندان
