ئه‌ڤرۆ نیوز: د ڤى لینكى ل خوارێ ئه‌نجام دێ هێنه راگه‌هاندن
ژڤانێ وه‌رگرتنا ئه‌نجامێن 12 ئاماده‌یى و 9 بنه‌ره‌تى
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
سه‌ركرده‌یه‌كێ دیارێ داعش هاته كوشتن
ئه‌ڤرۆ نیۆز، قائید میرۆ
گروپا تیرۆرستیا داعش یا به‌رده‌وامه ل ڤه‌گوهاستنا ته‌رمێن چه‌كدارێن خوه ل قه‌زا بێجی بۆ باژێڕێ مووسل.
غه‌یاس سورچی، په‌یڤدارێ مه‌لبه‌ندێ نه‌ینه‌وا یێ ئێكه‌تی نیشتیمانی كوردستان ب ئه‌ڤرۆ نیۆز راگه‌هاند” ڕۆژێن بۆری ل قه‌زا بێجی شه‌ڕه‌كێ گران دناڤبه‌را سوپایێ عێراقێ و چه‌كدارێن داعش چێبوویه و هژماره‌كا زۆرا چه‌كدارین داعش دڤی شه‌ڕیدا هاتینه كوشتن.
غه‌یاسی گۆتژی” داعش یا به‌رده‌وامه ژ ڤه‌گوهاستنا ته‌رمێن چه‌كدارێن خوه بۆ مووسل و 20 ته‌رمێن دیژی ل بێجی گه‌هشتینه نه‌خۆشخانه‌یێن باژێڕی مووsل و دناڤدا سه‌ركرده‌یه‌كێ دیارێ داعش بناڤێ ئه‌بو حه‌مزه حیجابی هه‌بوو، كو ب ره‌گه‌ز خه‌لكێ یه‌مه‌نه.
نه‌خوشخانێن ئه‌هلى ئه‌گه‌ر ڤى ئامیرى دابین نه‌كه‌ن دێ هێنه داخستن
ئه‌ڤرۆنیۆز، سالار دۆسكى
ژ ئه‌نجامێ نه پێگریكرنا پتریا نه‌خوشخانێن ئه‌هلى ب رێنمایێن ساخله‌میێ و ژینگه‌هێ و نه‌بوونا ئامیرێن تایبه‌ت بۆ ژناڤبرنا ئه‌وان به‌رمایكێن ساخله‌میێ ل ئه‌وان نه‌خوشخانان، بریار ل سه‌ر داخستنا چه‌ندین نه‌خوشخانێن ئه‌هلى هه‌رێمێ ده‌ركه‌فت.
سه‌رۆكا لژنا ساخله‌میێ ل په‌رله‌مانێ كوردستانێ دیاركر كو ب مه‌به‌ستا دیتنا چاره‌كێ بۆ گرفتێن دكه‌ڤنه به‌ر سینگێ پرۆسێسا ژینگه‌هێ ل كوردستانێ، لژنا ساخله‌میێ ل په‌رله‌مانێ كوردستانێ ل گه‌ل تیما ژینگه‌هێ ل نڤسینگه‌ها جێگرێ سه‌رۆكێ حوكمه‌تا هه‌رێما كوردستانێ كومبوو.
زولفێ مه‌حمود سه‌رۆكا لژنا ساخله‌میێ بۆ مالپه‌رێ فه‌رمیێ په‌رله‌مانێ كوردستانێ گۆت: دكومبوونێ دا رژى ل سه‌ر گرتنا پارزینگه‌هێن نه‌قانوونى هاته‌كرن ئه‌وێن بریارا گرتنێ بۆ ده‌ركه‌فتى كو بهێنه‌گرتن و كارتێكرنێ ل سه‌ر ساخله‌میا وه‌لاتیان دكه‌ن، هه‌ر دو ئالى رێكه‌فتین كو میكانزمه‌ك بهێته‌دان و سه‌رجه‌م ئه‌ڤ پارزینگه‌هێن نه‌قانوونى بهێنه‌گرتن.
گۆت ژى: هه‌ر دكومبوونێ دا به‌حسێ نه‌خوشخانێن ئه‌هلى هاته‌كرن كو ماوه‌ك ل كوردستانێ به‌رمایكێن خوه ب شێوه‌كێ نه‌ساخله‌م ره‌فتارێ ل گه‌ل دكه‌ن و پتریا نه‌خوشخانێن ئه‌هلى ئامیرێ (ئوتو كلێف) بكار نائینن كو یێ تایبه‌ته بۆ ژناڤبرنا به‌رمایكێن ساخله‌میێ، هه‌مان كومبوون دا مووله‌ت بۆ ماوێ ئێك سال بۆ نه‌خوشخانێن ئه‌هلى هاته‌دان كو ئامیره‌ى بخوه دابین بكه‌ن و ئه‌گه‌ر نه دڤێت بهێنه گرتن.
يابان گرنگيه‌كا زێده ب كوردستانێ دده‌ت
ئه‌ڤرۆ نيوز:
ئه‌ڤرۆ رۆژا سێشەمبى 7ى تيرمه‌ها 2015ێ ل پيرمام مەسعود بارزانی سەرۆکێ ھەرێما کوردستانێ پێشوازیا ئوکی ئۆکامۆتۆ سیاسەتمەدارێ ناڤدار و شێورمەندێ تایبەتێ سەرۆک وەزیرێ بەرێ یێ يابان و شاندەکێ ل گەل کر کو ژ کازۆیا ناشیدا بالیۆزێ يابان ل عيراقێ و ھەژمارەک ژ شێورمەندێن بالیۆزخانەیا يابان پێک ھاتبوو.
ل ھەڤدیتنێ دە شێورمەندێ تایبەتی یێ سەرۆک وەزیرێ بەرێ یێ يابان ژ بۆ وان پێشکەتنێن ل ڤان دەھ سالێن دەرباسبوویی دە ل ھەرێما کوردستانێ دا ل وارێ جوور ب جوور پێک ھاتیە پیرۆزباھیێ ل سەرۆک بارزانی کر. ئەڤە ژی راگه‌ھاند کو وەلاتێ وان گرینگیەکە زێدە ب کوردستانێ ددن و يابان ئامادەیە کو بەشداریەکی چالاک ل یارمەتیدانا کەرتا گشتی و تایبەتییا ل کوردستانێ دا ھەبێ.
ھەروه‌سا ئەڤە ژی خستەروو کو وەلاتێ يابان ب نیگەرانیێ ڤە تەماشا رەوشا ئاساییشا ناڤچەیێ و ھەرەشەیا تەرۆریستان دکە و رۆلا ھێزێن پێشمەرگەیێن کوردستانێ ژی ل رووبرووبوونا تەرۆریستان و پاراستنا پێکھاتان ب ئازایەنە و نیشتیمانپەروەرانە وەسف کر.
ئوکی ئۆکاتۆمۆ سیاسەتمەدارێ ناڤدارێ يابان پێشمەرگە ب تەنێ ھێزا سەرکەفتی دا زانین کو کو ب ئاوایەکە باندۆر ل رووبرویێ تەرۆر بویە و رۆلا خوەیا ل پاراستنا ئاساییشا جیھانێ دە دیتیە.
ل بەرانبەر دا سەرۆک بارزانی ب گەرمی ب خێرھاتنا شاندا میھڤان کر و ئامادەھیا ھەرێما کوردستانێ ژ بۆ بەرفرەھتر کرنا پەیوەندیێن ل گەل وەلاتێ يابان ل وارێ سیاسی و ئابۆری و کەرتا چاندنێ دە راگه‌ھاند و ئەڤە ژی خستەروو کو ل کوردستانێ دەرفەتەکە گەلەک باش ھەیە کو سوود ژ شیانێن سرووشتی بێ وەرگرتن و کەرتا چاندنێ بێ پێشخستن.
ل درێژاھیا ئاخافتنا خوە دە سەرۆک بارزانی تیشک خستە ل سەر شەرێ دژی داعیش و تەکەز ل وێ یەکێ کر کو داعیش رێخستنەکە تەرۆریستییا جیھانیە و تەھدید و ھەرەشەیە ل سەر ھەموو ئالیەک، ژ بۆ وێ یەکێ رووبرووبوونا وێ دە ھەولا ھەموو ئالیان پێویستە.
هۆشدارى بۆ وان كه‌سێن دڤێت ئه‌ڤ ساله عۆمرێ بكه‌ن
ئه‌ڤرۆ نيوز:
رێڤه‌به‌ريا گشتيێ حه‌ج و عومرێ هوشداريێ دده‌ته ئه‌وان وه‌لاتيێن دڤێت گه‌شتا عۆمرێ بكه‌ن و رادگه‌هينيت كو هه‌كه د ماوێ 10 رۆژێن بهێت دا نه‌چنه عۆمرێ مافێ وان نامينيت و نه‌شێت ئه‌ڤ ساله عۆمرا خوه بكه‌ن.
ئيسماعيل گه‌لاله‌يى، رێڤه‌به‌رێ راگه‌هاندنێ ل رێڤه‌به‌ريا گشتيا حه‌ج و عۆمرا هه‌رێما كوردستانێ د داخۆيانيه‌كێ دا بۆ SNN راگه‌هاند ئه‌گه‌رێ سه‌رهلدانا كێشا بۆ پشكه‌كا وه‌لاتيان دروست بوويى يێن كو دڤێت گه‌شتا عۆمرێ بكه‌ن ئه‌وه كو هه‌رێما كوردستانێ هێلا ئه‌سمانى يا تايبه‌ت ب خوه ڤه نينه، ژ به‌ر هندێ دابينكرنا فرۆكێ كێشه بۆ دروست كريه.
گۆتژى: “د بزاڤا وێ چه‌ندێ دانه چاره‌سه‌ريا وێ كێشێ بكه‌ن، به‌لێ هه‌كه د ماوێ 10 رۆژێن هه‌يڤا ره‌مه‌زانێ دا، موسلمان گه‌شتا عۆمرێ ئه‌نجام نه‌ده‌ن، دێ مافێ وان ژ ناڤ چيت و ب دووماهى هاتنا هه‌يڤا ره‌مه‌زانێ گه‌شتا عۆمرێ دێ هێته رگرتن و به‌رهه‌ڤيێن حه‌جێ هێنه كرن”.
ئۆباما: دێ زێده‌تر هاريكاريا پێشمه‌رگه‌يى كه‌ين
ئه‌ڤرۆ نيوز:
سه‌رۆك كۆمارێ ئه‌مريكا راگه‌هاند: ئه‌مريكا و هه‌ڤپه‌يمانێن وێ پێشڤه‌چوونێن به‌رچاڤ د شه‌رێ داعش دا ب ده‌ست ڤه ئيناينه و د وى چارچۆڤه‌يى دا، دێ هێرشێن ئه‌سمانى ژى دژوارتر لێ كه‌ين و هاريكاريان ژى بۆ هێزێن ئۆپۆزسيۆنا سوريا و هێزێن ئه‌منى يێن عيراقێ و پێشمه‌رگه‌يى و چه‌كدارێن عه‌شيره‌تان زێده‌تر لێ كه‌ين.
باراك ئۆباما، سه‌رۆك كۆمارێ ئه‌مريكا د كۆنگره‌كێ رۆژنامه‌ڤانى دا ل په‌نتاگۆن راگه‌هاند: ئه‌مريكا و هه‌ڤپه‌يمانێن وێ پێشڤه‌چوونێن به‌رچاڤ ل شه‌رێ دژى داعش ب ده‌ست ڤه ئيناينه، به‌لێ ئه‌وێ چه‌ندێ دزانن كو شه‌ره‌كێ ماوه‌درێژه.
گۆتژى: “ئه‌مريكا يا به‌رده‌وامه د بزاڤێن رێگرتنێ د مامه‌له‌يا دارايى دا ل گه‌ل داعش و هه‌ڤده‌م بزاڤێن خوه بۆ راهێنان و پرچه‌ككرنا هێزێن ئۆپۆزسيۆنا سوريا و هێرشێن ئه‌سمانى بۆ سه‌ر بنگه و باره‌گايێن داعش د وى وه‌لاتى دا دژوارترلێ دكه‌ت، ژ بلى ڤێ چه‌ندێ ژى هاريكاريان بۆ هێزێن ئه‌منى يێن عيراقى و پێشمه‌رگه و چه‌كدارێن عه‌شيره‌تان زێده‌تر لێ كه‌ت.
سه‌رۆكێ ئه‌مريكا دا زانين كو هه‌تا نوكه ئه‌مريكا و هه‌ڤپه‌يمانێن وێ زێده‌تر ژ پێنج هزار هێرشێن ئه‌سمانى كرينه داعش و ژ ئه‌گه‌رێ ڤێ چه‌ندێ ژى ب هزاران چه‌كدارێن داعش و سه‌ركردێن وێ رێكخراوێ كوشتينه.
ئۆبامايى گۆتژى: “نوكه داعش رۆژ بۆ رۆژێ ل سوريا تێك دشكێت، ئه‌ڤه ژى ژ به‌ر وێ چه‌ندێ كو ئه‌مريكا د رێيا ئه‌ردى دا هاريكاره‌كا كاريگه‌ره د روو ب رووبوونا داعش دا”.
ئاماژه ب وێ چه‌ندێ ژى كر كو داعش ب تنێ دێ ب ده‌ستێ هێزێن وه‌لاتێن خوه شكێت، ژ به‌ر ڤێ چه‌ندێ د به‌رنامه‌يى دا نينه له‌شكرى ره‌وانه‌يى سوريا و عيراقێ بكه‌ن.
ڤیدیو: داعش ل بێجى چ ل پشت خوه هێلایه!
نووترين پێزانين ل سه‌ر ره‌وشا پانزينێ و رۆژانێن جه‌ژنێ
ئەڤرۆ نیۆز، سالار دۆسکی:
سەرۆکێ لژنا سوتەمەنیێ و پیشەسازی ل جڤاتا پارێزگەھا دھۆکێ دیارکر کو ھاتینە ئاگەھارکرن ژ لایێ وەزارەتێ ڤە کو دێ پانزین بەردەوام ھێت و گرێبەست ھاتینە نووکرن و ئێدی قەیرانا پانزینێ ل کوردستانێ سەرھلنادەتەڤە.
عەبدوسەمەد تێلی سەرۆکێ لژنا سوتەمەنیێ و پیشەسازی ل جڤاتا پارێزگەھا دھۆکێ، زێدەتر بۆ مالپەرێ ئەڤرۆ نیۆز گۆت: “وەزارەتێ ھایدار کرینە کو گرێبەستێن ئینانا پانزینێ ژ ده‌رڤه دێ بەردەوامی ھەبیت و ناھێنەبرین، ئەڤە دەستھەلاتێن وەزارەتێ نە گرێبەستان گرێدەت”.
تێلی ھێشتا ژی گۆت: “پێنچ پانزینخانە ل سەنتەرێ دھۆکێ ھاتینە ژێگرتن بۆ دانا پانزینێ بۆ پشتی فتارێ، قەزا ژی ب ھەمان شێوە، رۆژانە ملیۆن لترێن پانزینێ ل پارێزگەھێ دھێنە پارڤەکرن”.
ھەمبەر ھەبوونا سرایێ بەردەوام ل پانزینخانا ناڤبری گۆت: “وەرزێ ھاڤینێ یە و ته‌زينكه‌ر دھێنە ھەلکرن و پانزین دھێتە مەزاختن، دیسا ھێشتا خەلک چاڤ ترسیە ژ چێبوونا قەیرانا پانزینێ و بەردەوام ناھێلێن ترۆمبێلێن وان پانزین تێدا کێم ببیت، لێ سرایا نوکە ب تنێ چەند خولەکن و نە وەک پێشترە”.
ل دووماھیێ تێلی ئاشکراکر کو پانزینا نھا دھێتە ناف ھەرێما کوردستانێ ب رێکا دەرگەھێ ئیبراھیم خەلیل بۆ ھەر دو پارێزگەھێن ھەولێر و سلێمانیێ ژی دچیت و نە ب تنێ بۆ دھۆکێ یە.
ئەڤرۆ سەلیم جبۆری دێ د گەل داود ئۆغلۆی کۆم بیت
ئەڤرۆ نیوز،زنار تۆڤی:
ب مەرەما پشتەڤانیکرنا عێراقێ ژ ھەمی روویەکێ ڤە سەلیم جبۆری سەرۆکێ پەرلەمانێ عێراقێ سەرەدانا وەلاتێ تورکیا کریە و مەدیایایێن وەلاتێ تورکی وەسا دانەدیارکرن کو ئەڤرۆ لدەمژمێر ١ پشتی نیڤرۆ سەلیم جبۆری سەرۆکێ پەرلەمانێ عێراقێ دێ دگەل داود ئۆغلۆی سەرۆکوەزیرێن وەلاتێ تورکیا ل ئاڤاھیێ وەزارەتێ ل ئەنقەرێ کۆمبن و وان ژێدەران دیارکرینە،کو سەرۆکێ پەرلەمانێ عێراقێ دێ داخوازا ھاریکاریێ ژ حوکمەتا داود ئۆغلۆی کەت کو تورکیا ھاریکاریێن سەربازی و لۆجستی و ئەمنی دا ھەڤکاریا عێراقێ بکەت د شەرێ دژی داعشێ دا،چونکی تورکیا دگەل ھەڤپەیمانا ناتۆ دایە و دشێت ھەڤکاریەکا باش دگەل وەلاتێ عێراقێ بکەت.
دۆلار جاره‌كا دى بلند بوو
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1250 |
| 1 يۆرۆيێ ئه‌ورۆپى | 1375 |
| 1 ليرێ توركى | 460 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
نيشاندان
WP Facebook Auto Publish Powered By : XYZScripts.com