رەوشا دراڤی ئەڤرۆ رۆژا شەمبی رێکەفتی ٤ی تیرمەھا ٢٠١٥ێ ل بازارێن پارەگوھۆڕ ل دھۆکێ ب ڤی رەنگێ خوارێ یە:
رەوشا دراڤی ل بازارێن پارەگوھۆڕان
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى Twitter
دا خوە ب ھێزێن پێشمەرگەی ڤە تەقینیت
راگەھاندنا فەرماندا پێشمەرگێ زێرەڤانی راگەھاند: ھێزێن فەرماندەیا پێشمەرگێ زێرەڤانی ل میحوەرێ ناوەران ترۆمبێلەکا داعش یا مینرێژکری تەقاند.
ب گۆرەیی راگەھاندنەکێ کو وێنەک بۆ ئەڤرۆ نیوز رەوانەکریە، سەر سپێدەھیا ئەڤرۆ رۆژا شەمبی رێکەفتی ٤ی تیرمەھا ٢٠١٥ێ ترۆمبێلەکا مینرێژکری یا داعش، کو خۆکۆژەک تێدا بوو و ب مەرەما خوە تەپاندنێ ب ھێزێن فەرماندا پێشمەرگێ زێرەڤانی ڤە ل گۆندێ خوسەبات ل میحوەرێ ناوەران، نێزیکێ چەپەرێن ھێزێن پێشمەرگەیی، بەلێ بەری بگەھیتە ھێزێن پێشمەرگەی ھاتە ژ ناڤبرن.
ئەڤێ راگەھاندنا فەرماندا پێشمەرگێ زێرەڤانی ئاماژە ب زیانێن وێ تەقینێ نەکریە.
ل شنگالێ داعش دھێتە بوردۆمانکرن و زیان ھەنە
ئەڤرۆ نیۆز، قائید میرۆ:
سەرپەرشتیارێ میحوەرێ شنگال ئاشکراکر، دەمەکی بەری نوکە فڕۆکەیێن ھەڤپەیمانان تیرۆرستێن داعش ل سەنتەرێ قەزا شنگال بوردۆمانکرن.
عەمید عزەدین سەعدۆ، فەرماندێ میحوەرێ شنگال ب ئەڤرۆ نیۆز راگەھاند” شەڤا بۆری فڕۆکەیێن ھەڤپەیمانان دو ترۆمبێلێن ژ جۆرێ پیکاب یێن داعش ل سەنتەرێ قەزا شنگالێ ھاتینە ژناڤبرن و ھەموو چەکدارێن ناڤداژی ھاتینە کوشتن”.
عەمید عزەدینی گۆتژی” دەمەکی بەری نوکەژی فڕۆکەیێن ھەڤپەیمانان بنکە و بارەگایێن تیرۆرستێن داعش ل ھەردو تاخێن سەید زەینەب و کەلھێ، بەلێ ھێشتا دیار نینە زیانیداعش چنە د بوردۆمانا ئەڤرۆ دا”.
ئەمریکا دەست ب بەرھەڤیێن شەرێ رومادی دکەت
ئەڤرۆ، سالار دۆسکی:
ل دووڤ دەنگ و باسەکێ کەنالێ (الحدث) کو ژ زار دەڤەرێ پەیڤدارەکێ کوچکا سپی ئاشکراکریە کو نێزیکترین دەم حوکمەتا ئەمریکا دێ دەست ب مەشقکرنا ھوزێن عەرەبێن سونە کەت ل رومادی، بێ ئەمریکا پشکداریێ بکەت.
ھەمان ژێدەر ئاشکراکریە کو ل دەسپێکێ دێ مەشق ب (٥٠٠) کەسێن سونە ھێتەکرن، وەک بەرھەڤی بۆ شەرێ رومادی، ل قوناغا دوویێ دێ (٥٠٠)کەسێن دی کەڤنە بن پێلێن راھێنانان و ئەڤە ل بن چاڤدێریا ھێزێن ئەمریکی کو دێ راھێنان پێ کەن، ھێزێن ئەمریکی ژ (٤٠٠) سەرپەرشتن لەشکەری و سەربازی پێک دھێن و دێ بنگەھەکێ سەربازی ل پارێزگەھا ئەنبار ھێتەدانان.
ھەمان ژێدەتر ئاشکراکریە کو ئەڤ ھێزە دھێتە بەرھەفکرن بۆ رزگارکرنا پارێزگەھا ئەنبار ژ چەکدارێن داعش، ئەڤە پشتی ھندێ دھێت کو ھێزێن حەشەد شەعبی نەشیان وێ پارێزگەھێ جارەکا دی ڤەگەرینە بن کونترولا حوکمەتا عیراقێ و ھەتا نوکە بن کونترولا چەکدارێن داعشە.
ق
هاتیه نووكرن…روودانه‌ك ل بازارێ دهۆكێ
ئه‌ڤرۆ نیوز، رێوار
كومیسه‌ر محه‌مه‌د بیلال عه‌بدولا ژ بنگه‌هێ ئاگرڤه‌مراندنا گه‌لیێ دهۆكێ بۆ ئه‌ڤرۆ نیوز دیاركر كو ئه‌ڤ شه‌ڤه ل ده‌مژمێر 11 و 35 ده‌قیقه روودانه‌كا ئاگر به‌ربوونێ ل ناڤ سه‌نته‌رێ بازارێ دهۆكێ ل پانوراما سه‌نته‌ر په‌یدابوویه و ژ ئه‌گه‌ره‌كێ نه‌دیار ئاگر به‌ردبیته ترۆمبێله‌كا تیوتا مه‌رزیا مودێل 2012 و شیان ئاگرى كونترول بكه‌ن و ب تنێ لایت و كاره‌بایا ڤێ ترومبێلێ سوتن و ژبه‌ر دویكێلێ گه‌راجێ كرێكاره‌ك گیژ دبیت و بۆ نه‌خوشخانا ته‌نگاڤیا دهێته ڤه‌گوهاستن.
عه‌لى عه‌ونى پرۆژێ پارتى بۆ پرسا سه‌رۆكاتیا هه‌رێمێ ئاشكه‌را دكه‌ت
ئه‌ڤرۆ نیوز،زنار تۆڤى:
ئه‌ندامه‌كێ سه‌ركردایه‌تیا پارتى دیمۆكراتى كوردستان ئه‌گه‌رێن به‌رده‌م پارتا وى سه‌باره‌ت ب پرسا سه‌رۆكاتیا هه‌رێمێ ئاشكه‌را دكه‌ت و دبێژیت:ئه‌و درژدن ل سه‌ر هه‌لبژارتنا سه‌رۆكێ هه‌رێمێ دناڤ خه‌لكى دا و كاندیدێ وان ژى مه‌سعود بارزانییه.
عه‌لى عه‌ونى ئه‌ندامێ سه‌ركردایه‌تیا پارتى دیمۆكراتى كوردستان و به‌رپرسێ تایێ 20 یێ پارتى ل شێخان دیاردكه‌ت: پرۆژێ پارتى ئه‌وه كو سه‌رۆكێ هه‌رێمێ ژلایێ خه‌لكى ڤه بهێته هه‌لبژارتن و كاندیدێ وان بۆ ڤى پۆسته‌ى هه‌ر مه‌سعود بارزانییه.
ب گۆتنا وى ئه‌ندامێ سه‌ركردایه‌تیا پارتى،دوو سالان به‌رى نوكه سه‌رۆكێ هه‌رێمێ داخوازا ئێكلایكرنا پرسا سه‌رۆكاتیا هه‌رێمێ ژ په‌رله‌مانى كربوو،لێ ل وى ده‌مى ب پێداگیریا ئێكه‌تیا نیشتیمانى و هنده‌ك لایه‌نان دوو سالێن دى بۆ بارزانى درێژكربوون بۆ سه‌رۆكاتیێ.
ده‌رباره‌وى هه‌لویستێ بارزانى پشتى بدووماهى هاتنا ویلایه‌تا وى عه‌لى عه‌ونى دبێژیت:ئه‌گه‌ر چ یاسایێن نوو ده‌رنه‌كه‌ڤن، د 20 ته‌باخێ دا مه‌سعود بارزانى دێ داخوازا هه‌لبژارتنا سه‌رۆكێ هه‌رێمێ ژ خه‌لكى كه‌ت.
سه‌باره‌ت ئه‌گه‌رێن به‌رده‌م حزبا وى ناڤهاتى دبێژیت:ئه‌گه‌ر سازان نه‌هێته‌كرن پارتى دشێت په‌نایێ بۆ دادگه‌ها ئيدارى ببه‌ت و ل وێرێ ڤێ پرسێ ئێكلایى بكه‌ت،ئه‌گه‌ر وێ ژى سه‌رنه‌گرت،دستوورێ هه‌رێما كوردستانێ یێ ئاماده‌یه وهه‌مى قۆناغێن خوه ده‌ربازكرینه،دشێین ڤى ده‌ستوورى بێخینه ریفراندۆمێ،ب بۆچوونا وى بژارده‌یه‌كا دى ژى هه‌یه، ئه‌وژى ئه‌وه كو حوكمه‌تا هه‌رێمێ بهێته هه‌لوه‌شاندن و پارتى كو كۆتله‌یا زۆرینه‌یه ب سه‌رۆكاتیا نێچیرڤان بارزانى دێ حوكمه‌تێ پێكئینیت.
مزگینى بۆ هه‌موو فه‌رمانبه‌ران.. هه‌رێم د پلانا خوه‌دا سه‌ركه‌فت
ئه‌ڤرۆ نیوز،زنار تۆڤى:
هه‌رێما كوردستانێ دمه‌ها خزیرانێ دا رێژه‌یه‌كا زۆرا نه‌فتێ ب ره‌نگه‌كێ سه‌ربه‌خۆ فروشتیه،سه‌رۆكێ لیژنا پیشه‌سازى و وزێ و ژێده‌رێن خوه‌زایى یێن په‌رله‌مانێ كوردستانێ سه‌رجه‌مێ داهاتیێ نه‌فتا فروشتى ئاشكه‌را دكه‌ت.
وه‌زاره‌تا سامانێن خوه‌زایى یا حوكمه‌تا هه‌رێمێ سه‌رجه‌مێ ئه‌و برا نه‌فتا فروشتى ئاشكه‌راكر یاكو دمه‌ها خزیرانێ دا بره‌نگه‌كێ سه‌ربه‌خۆ هنارتیه ژ ده‌رڤه.
دكتور شێركو جه‌وده‌ت سه‌رۆكێ لیژنا پیشه‌سازى و وزێ و ژێده‌رێن خوه‌زایى یێن په‌رله‌مانێ كوردستانێ دیاركر:ئه‌گه‌ر هه‌ر به‌رمیله‌كێ وێ نه‌فتا هه‌رێمێ ل مه‌ها خزیرانێ هنارتیه ژ ده‌رڤه،ب پێنجى دولاران هاتبیته فرۆشتن،دێ داهاتیێ وێ گه‌هیته دناڤبه‌را(850_900) ملیون دولاران و گۆت ژى:حوكمه‌تا هه‌رێمێ دێ شێت مووچێ فه‌رمانبه‌ران دابینكه‌ت،چونكى مووچێ مانگه‌كێ یێ هه‌مى فه‌رمانبه‌رێن هه‌رێمێ نێزیكى 750 ملیون دولارانه،سه‌باره‌ت داهاتیێ نه‌فتێ دبێژیت:وه‌زاره‌تا سامانێن خوه‌زایى ل دوووڤ نرخێ رۆژێ نه‌فتێ دفروشیت،له‌ورا ئه‌م نزانین تێكرایا نرخێ رۆژانه یێ فرۆشتنا هه‌ر به‌رمیله‌كى چه‌نده،لێ ئه‌گه‌ر نه‌فت به‌رده‌وام ب 50 دولاران بهێته فرۆشتن،حوكمه‌تا هه‌رێمێ دێ شێت د مه‌ها دا ئیلۆنێ دا مووچێ فه‌رمانبه‌ران رێكئێخیت.
هه‌روه‌سا گوت ژى:دڤێ مه‌هێ دا هه‌رێما كوردستانێ 90% نه‌فتا خوه سه‌ربه‌خۆ هنارتیه،دهێته چاڤه‌رێكرن لڤان نێزیكان مووچێ مه‌ها ئه‌یارێ ده‌ست پێبكه‌ت.
هه‌روه‌سا بریارده‌را لیژنا دارایى ل په‌رله‌مانێ كوردستانێ هیڤیا حاجى میرخان دبێژیت:رۆژا ئێكشه‌مبیا داهاتى(12 ى ته‌موزێ) دێ ده‌ست ب دابه‌شكرنا مووچێ مه‌ها ئه‌یارێ هێته‌كرن و یه‌كه‌م وه‌زاره‌ت ژى دێ یا پێشمه‌رگه‌ى بیت.
عه‌لی عه‌دنان ئه‌ڤرۆ هه‌ڤبه‌ستا یانا ئودینیزی یا ئیتالی موركر
ئه‌ڤرۆنیۆز، ئه‌یاد به‌روارى
یانا ئودینیزی یا ئیتالی ئه‌ڤرۆ ئه‌ینیێ د مالپه‌رێ خوه یێ فه‌رمی ل سه‌ر تۆرا ئه‌نترنێتێ ده‌نگوباسێ موركرنا هه‌ڤبه‌ستا یاریكه‌رێ هه‌لبژارتیێ عیراقێ یێ ته‌پا پێی عه‌لی عه‌دنان بۆ وێ یانێ راگه‌هاند.
یانا ئودینیزی یا ئیتالی بهایێ هه‌ڤبه‌ستا عه‌لی عه‌دنان ئاشكرانه‌كر ودیاركر كو دێ هه‌لگرێ فانێلا هژمار 53 بیت.
عه‌لی عه‌دنان یاریكه‌رێ هێلا به‌ره‌ڤانیا هه‌لبژارتیێ عیراقێ یه، دهێته هژمارتن ئێكه‌مین یاریكه‌رێ عیراقی كو ل خۆلا پلا ئێك یا ئیتالی یاریێ بكه‌ت، به‌ری نوكه بۆ یانا (به‌غداد) یا عیراقی یاری دكر و ل سالا 2012 هاته ڤه‌گوهاستن بۆ یانا (ریزا سپۆر) یا توركی.
یانا ئودینیزی یا ئیتالی ئه‌وا ل وه‌رزێ بۆری یا خۆلا ئیتالیا 2014-2015 ل پلا 17 هاتی، دهێته هژمارتن دووه‌مین كه‌ڤنترین یانا ته‌پا پیێ یا ئیتالی پشتى یانا ( جه‌نوا) و ل سالا 1896 یا هاتیه دامه‌زراندن و یانا باژێرێ (ئودینی) یا ل باكوورێ ئیتالیا، هه‌تا نوكه چو جاران ناسناڤێ خۆلا ئیتالیا ب ده‌ستڤه‌نه‌ئینایه و باشترین ئه‌نجامێن وێ یانێ ل وه‌رزێ 1954-1955 بوو ده‌مێ ل رێزا دویێ هاتی پشتى یانا میلان و چه‌ندین جاران ژى رێزا سیێ و چارێ بده‌ستڤه‌ئینایه و چه‌ندین جاران ژى پشكداری د خۆلا قاره‌مانێن خۆلێن ئورۆپی دا یا كری.
ئه‌مریكا ده‌ست ب به‌رهه‌ڤیێن شه‌رێ رومادى دكه‌ت
ئه‌ڤرۆ، سالار دۆسكى:
ل دووڤ ده‌نگ و باسه‌كێ كه‌نالێ(الحدس) كو ژ زار ده‌ڤه‌رێ په‌یڤداره‌كێ كوچكا سپى ئاشكراكریه نێزیكترین ده‌م حوكمه‌تا ئه‌مریكا دێ ده‌ست ب مه‌شقكرنا هوزێن عه‌ره‌بێن سونه كه‌ت ل رومادى، بێ ئه‌مریكا پشكداریێ بكه‌ت.
هه‌مان ژێده‌ر ئاشكراكریه كو ل ده‌سپێكێ دێ مه‌شق ب (500) كه‌سێن سونه هێته‌كرن، وه‌ك به‌رهه‌ڤى بۆ شه‌رێ رومادى، ل قوناغا دوویێ دێ (500)كه‌سێن دى كه‌ڤنه بن پێلێن راهێنانان و ئه‌ڤه ل بن چاڤدێریا هێزێن ئه‌مریكى كو دێ راهێنان پێ كه‌ن، هێزێن ئه‌مریكى ژ (400) سه‌رپه‌رشتن له‌شكه‌رى و سه‌ربازى پێك دهێن و دێ بنگه‌هه‌كێ سه‌ربازى ل پارێزگه‌ها ئه‌نبار هێته‌دانان.
هه‌مان ژێده‌تر ئاشكراكریه كو ئه‌ڤ هێزه دهێته به‌رهه‌فكرن بۆ رزگاركرنا پارێزگه‌ها ئه‌نبار ژ چه‌كدارێن داعش، ئه‌ڤه پشتى هندێ دهێت كو هێزێن حه‌شه‌د شه‌عبى نه‌شیان وێ پارێزگه‌هێ جاره‌كا دى ڤه‌گه‌رینه بن كونترولا حوكمه‌تا عیراقێ و هه‌تا نوكه بن كونترولا چه‌كدارێن داعشه.
وۆل ستریت جورنال یا ئه‌مریكى: ل شه‌قلاوه عه‌ره‌ب ژ كوردان پتر لێ هاتن
ئه‌ڤرۆ نیوز:
رۆژناما وۆڵ ستریت جۆرناڵ یا ئەمریکی به‌لاڤكریه كو ل باژێروكێ شه‌قلاوه ل هه‌رێما كوردستانێ ، كو باژاروكه‌كێ كوردى یه، نوكه ئاكنجیێن وێ نێزیكى 25 هزار كه‌سانه، لێ ژمارا ئاوارێن عه‌ره‌ب بوویه 30 هزار كه‌س.
نەوزاد هادی پارێزگارێ هه‌ولێرێ ب رۆژناما وۆڵ ستریت جۆرناڵ یا ئەمریکی گوتیه: نوكه ئه‌م دبێژینه شه‌قلاوه، شه‌قلوجه، وه‌ك ئاماژه‌یه‌ك بۆ زوریا ئاوارێن عه‌ره‌ب یێن باژاروكێ فه‌لوجه یێ عیراقى كو ل شه‌قلاوه ئاكنجى بووین.
رۆژنامێ به‌لاڤكریه: كوچا عه‌ره‌بان بۆ هه‌رێما كوردستانێ دێ بیته ئه‌گه‌رێ دروستبوونا نه‌هه‌ڤسه‌نگیا نه‌ته‌وان ل كوردستانێ و گه‌له‌ك كورد د وێ باوه‌رێ دانه كو ئه‌ڤ چه‌نده مه‌ترسیه و دوێ باوه‌رێ دا كو خه‌ونا سه‌ربه‌خه‌بوونا كوردستان دێ ژ ناڤ به‌ت.
نيشاندان
WP Facebook Auto Publish Powered By : XYZScripts.com