ئه‌ڤرۆ نيوز:
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سه‌ره‌كى Twitter
16 هزار سه‌رباز بۆ ئازادكرنا مووسل د به‌رهه‌ڤن
ئه‌ڤرۆ نيوز:
نێزيكى 16 هزار سه‌ربازان دووماهى ب راهێنانێن خوه ئينايه كو د كه‌مپه‌كا مه‌شق و راهێنانا سه‌ربازى دا هاتينه به‌رهه‌ڤكرن بۆ كونترولكرنا مووسل.
ئەسیل نوجيفی پارێزگارێ مووسل دياركر ڤێ ژمارا سه‌ربازان راهێنانێن كولان ب كولان يێن كرين، هه‌روه‌سا رژدى ل سه‌ر پشكداريكرنا هێزا پێشمه‌رگه‌ى د شه‌رێ ئازادكرنا باژێرێ مووسل دا كر.
ئەسیل نوجيفی پارێزگارێ مووسل ئاماژه ب وێ چه‌ندێ ژى دا كو نوكه 8 هزار سه‌ربازێن دى مه‌شق يێ پێ دهێته كرن كو 3 هزار ل قه‌زا مه‌خمون و 5 هزارێن دى ل قه‌زا شێخانن.
600 هزار ئاواره ژ بریاره‌كێ دێ د مفادار بن
ئه‌ڤرۆنیۆز، سالار دۆسكى:
رێڤه‌به‌رێ كۆمپانیا ئاهێن خوارنێ ل پارێزگه‌ها دهۆكێ دیاركر كو ئێدى ئاوارێن پارێزگه‌ها دهۆك دێ ب رێكا بریكارێن ئاهێن خوارنێ شێن ئه‌رزاقى وه‌ك وه‌لاتیێن پارێزگه‌هێ وه‌رگرن.
ئه‌حمه‌د تاها رێڤه‌به‌رێ كۆمپانیا ئاهێن خوارنێ بۆ مالپه‌رێ ئه‌ڤرۆ گۆت: ئارێ هه‌یڤا ئادارێ ل سه‌ر ئاواران هاتیه به‌لاڤكرن، نوكه دێ ئه‌رزاقێ هه‌یڤا ئادارێ ژى ل سه‌ر ئاواران هێته به‌لاڤكرن، بڤى ره‌نگى هه‌موو ئاواره ب شێوه‌كێ دا دپه‌روه‌رانه ب ئه‌رزاق كه‌ڤن.
تاهاى گۆت: به‌رى نوكه ئه‌رزاق ب رێكا رێكخراوان دهاته به‌لاڤكرن نوكه لدووڤ بریاره‌كا به‌غدا ب رێكا بریكارێن ئاهێن خوارنێ دێ هێته به‌لاڤه‌كرن، هه‌ر چه‌ند ئاواره ل پارێزگه‌ها دهۆكێ بن دێ مفاداربن ژ بریارێ و هه‌ر وه‌لاتیه‌كێ دهۆكێ چ وه‌ربگریت، ئاواره ژى دێ هه‌مان مادێ ئه‌رزاقى وه‌رگریت و هه‌تا 600 هزار ئاواران دێ مفا دارێ بریارێ بیت.
رێڤه‌به‌رێ كۆمپانیێن ئاهێن خوارنێ گۆتژى: په‌نابه‌رێن توركى ژى ئه‌وێن نوكه ل پارێزگه‌هێ و پێشتر ناڤێ خوه تۆماركر بیت ئه‌وژى دێ ئه‌رزاقى وه‌ردگرن.
فێسبوكێ، مه‌لبه‌ندێ 4 ێ ئێكه‌تیێ ل دهۆكێ ئینا ده‌نگ
ئه‌ڤرۆ نیۆز، سالار دۆسكى:
د ناڤا چه‌ندین په‌یچێن فێسبووكى دا، چه‌ندین كه‌ساتیێن سه‌ر ب ئێكه‌تى نشتیمانى كوردستان ڤه ل دهۆكێ دیاركرینه كو ئێكه‌تیێ پوست ل پارێزگه‌ها دهۆك وه‌رگرتینه، جێگرێ به‌رپه‌رسێ مه‌لبه‌ندێ 4 ێ ئێكه‌تیێ ژى ل دهۆكێ بۆ ئه‌ڤرۆ نیۆز ل سه‌ر بابه‌تى دهێته ده‌نگ.
عه‌لى مسته‌فا ئوره‌مارى جێگرێ به‌رپرسێ مه‌لبه‌ندێ 4 ێ ئێكه‌تی نشتیمانى كوردستان ل دهۆكێ بۆ ئه‌ڤرۆ نیۆز گۆت: هه‌تا ئه‌ڤرۆ چو دانوستان ل سه‌ر پوستێن پارێزگه‌ها دهۆكێ نه‌هاتینه‌كرن، هه‌ر تشته‌كێ هه‌بیت، بۆچوونێن كه‌سوكى نه، ئه‌ڤان به‌لاڤه‌كرنا چو په‌یوه‌ندى نه ژنێزیك و نه ژدوور ب مه‌ڤه نینه و چ بنیات نینه و سه‌ر و بن پرۆپاكنده‌نه، پارتى نه‌یا به‌رهه‌ڤه دانوستاندنا بكه‌ت.
ئوره‌مارى گۆتژى: پارتى نه‌ڤێت ل پارێزگه‌هێن سلێمانیێ و هه‌له‌بجه رێكه‌فتن چێ ببیت، دا ل دهۆك و هه‌ولێرێ چ پوستان ب لایه‌نان نه‌ده‌ن و بڤى ره‌نگى ئه‌و مفاداره، پارتى ل دهۆك چ ده‌ست پێشخه‌رى بۆ دانوستاندنا نینه.
نه‌ورۆز ل دهۆكێ دێ چه‌وا هێته ساخكرن؟
ئه‌ڤرۆنیۆز، سالار دۆسكى:
ب هه‌لكه‌فتا هاتنا نه‌ورۆزێ و سه‌رێ سالا كوردى، رێڤه‌به‌ریا گشتى یا ره‌وشه‌نبیرى و هونه‌رى دیاركر كو چوو به‌رنامێن فه‌رمى نین بۆ گێرانا ئاهه‌نگان یان ساخكرنا ڤێ بیره‌وه‌ریا نه‌ته‌وه‌یى.
حه‌سه‌ن عارف به‌رپرسێ راگه‌هاندنا رێڤه‌به‌ریا گشتى یا ره‌وشه‌نبیرى و هونه‌رى، بۆ مالپه‌رێ ئه‌ڤرۆ نیۆز گۆت: ژ به‌ر كاودانێن نوكه كوردستان تێدا دبوریت، شه‌رێ ل سه‌ر ملله‌تێ مه هاتیه سه‌پاندن، چوو به‌رنامه و ئاهه‌نگ بڤێ هه‌لكه‌فتێ نابن.
هه‌ڤده‌م، ئدریس هه‌ركى، بریارده‌رێ ئه‌نجوومه‌نێ پارێزگه‌ها دهۆك گۆت: هه‌كه ئاهه‌نگ و ستران و دیلان نه‌بن باشتره، چونكه نوكه د قوناغه‌كێ دا ده‌رباز دبین رۆژانه شه‌هید و بریندار هه‌نه و ملله‌تێ مه د كاودانێن شه‌رى دا دبوریت، بتنێ هه‌كه بۆ ساخكرنا بیره‌وه‌ریێ ئاگر بهێته‌هه‌لكرن.
مام خه‌لیلێ چایچی هاته كوشتن
ئه‌ڤرۆ نیۆز، قائید میرۆ
ژێده‌ره‌كێ رۆژنامه‌ڤانی ل باژێڕێ هه‌ولێرێ ب مالپه‌ڕێ ئه‌ڤرۆ نیۆز راگه‌هاند” كو ده‌مه‌كی به‌ری نوكه ته‌رمێ مام خه‌لیل چایچی ل گۆڕستانا مه‌عه‌مه‌ل قیرا هه‌ولێرێ هاته دیتن و نوكه بۆ نوشداریا داد هاتیه هنارتن.
ده‌رباره‌ی گیان ل ده‌ستدانا مام خه‌لیلى، ژێده‌ری گۆت” هێشتا چو زانیاریێن دروست نینه، به‌لێ مام خه‌لیل هاتیه كوشتن و ته‌رمێ وی هاتیه هاڤێتن بۆ ناڤا گۆڕستانێ.
مام خه‌لیل چایچی، خه‌لكێ قه‌زا ره‌واندزه و ئه‌ڤه پتری نیڤ سه‌ده‌یه چایخانه‌كا ناڤدار لناڤا قه‌یسه‌ریێن هه‌ولێرێ هه‌یه و كه‌سه‌كێ ناڤداربوویه و چه‌ندین به‌رپرس و سه‌ركرده و مێهڤانێن بیانی سه‌ره‌دانا وی كریه.
ب وێنه: پروسا ئازادكرنا تكريت
ئه‌ڤرۆ نيوز:
رۆژا دوشه‌مبى، ئوپه‌راسيونێن سه‌ربازى بۆ كونترۆلكرنا باژێرێ تكريت ده‌ستپێكر، كو 20 هزار سه‌ربازێن رێزێن سوپايێ عيراقێ و هه‌روه‌سا هێزێن ئێمناهيێ و حه‌شدى شه‌عبى د پشكدارن و د ئوپه‌راسيونێن ئه‌ڤرۆ دا، پرانيا ده‌ڤه‌رێن باشوورێ باژێرێ تكريت هاته كونترولكرن و پاقژكرن ژ داعش.
گه‌ف ل چه‌كدارێن داعش دهێنه كرن
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل محیوه‌رێ خازر دیاركر، ره‌وشا چه‌كدارێن داعش زۆر خراب بوویه و لسه‌ر دیوارێن باژێرێ مووسل كه‌سێن نه‌نیاس گه‌فان ل چه‌كدارێن داعش دكه‌ن. سه‌ید هه‌ژار، جێگرێ فه‌رماندێ فه‌رمانده‌یا زێره‌ڤانی ب مالپه‌ڕێ ئه‌ڤرۆ نیۆز راگه‌هاند” ئه‌ف هێرشێن ڤێ دووماهیێ داعش دكه‌ته سه‌ر هێزێن پێشمه‌رگه چو كاریگه‌ری لسه‌ر ره‌وشا پێشمه‌رگه‌ی نه‌بوویه و د هه‌موو هێرشاندا چه‌كدارێن داعش شكه‌ستن ئینایه و ب ده‌هان كه‌س هاتینه كوشتن. سه‌ید هه‌ژاری گۆتژی” نوكه زانیاریێن دروست مه لسه‌ر ره‌وشا ناڤا باژێڕێ مووسڵ هه‌نه و گه‌فێن زۆر ل چه‌كدارێن داعش دهێنه‌كرن و داعش هه‌ست بڤێ مه‌ترسیێ كریه و لسه‌ر دیوارێن باژێڕی گه‌ف ل داعش دهێنه‌كرن و ژبه‌رڤێ چه‌ندێ داعش د ره‌وشه‌كا خراپدایه.
وه‌زيرێ به‌ره‌ڤانيا توركيا دێ هێته هه‌رێمێ
ئه‌ڤرۆ نيوز:
ب مه‌ره‌ما ئاماده‌كاريان بۆ رزگاركرنا مووسل، سوبه‌هى رۆژا چارشه‌مبى رێكه‌فتى 4\3\2015 وه‌زيرێ به‌ره‌ڤانيا توركيا، عسمه‌ت به‌لماز دێ سه‌ره‌دانا عيراقێ و هه‌رێما كوردستانێ كه‌ت.
مه‌ره‌م ژ سه‌ره‌دانا وه‌زيرێ به‌ره‌ڤانيا توركيا نيشادانا ئه‌ماده‌يا وه‌لاتێ وى يه بۆ پشكداريكرن د ئۆپه‌راسيۆنێن دژى داعش دا ژ بوو رزگاركرنا باژێرێ مووسل.
عسمه‌ت يه‌لماز د كۆنگره‌كێ رۆژنامه‌ڤانى دا ل ناڤ په‌رله‌مانێ توركيا گۆت: “دێ ل گه‌ل سه‌رۆكێ وه‌زيران و وه‌زيرێ به‌ره‌ڤانيێ و سه‌رۆكێ ده‌سته‌يا ئه‌ركانێن سۆپايێ عيراقێ و سه‌ركرداتيا هه‌رێما كوردستانێ كۆم بم”.
گۆتژى: “كۆمبوونێن من ل به‌غدا و هه‌ولێر دێ ل دۆر هه‌ڤكاريا پرۆسا رزگاركرنا مووسل بن، ته‌كست كر كو توركيا پشته‌ڤانيا وێ هه‌ڤپه‌يمانيێ دكه‌ت ئه‌وا ب سه‌ركرداتيا ئه‌مريكا بۆ ژ ناڤبرنا داعش هاتيه پێكئينان”.
ژڤانێ سه‌ره‌دانا شاندێ هه‌رێمێ بۆ به‌غدا يێ ديار نينه
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ په‌رله‌مانێ كوردستانێ ئاماژه ب وێ چه‌ندێ كر كو نێچيرڤان بارزانى ل كۆمبوونا لژنا بلندا نه‌فت و غازێ ل گه‌ل په‌رله‌مانێ كوردستانێ چو به‌حسێ چوونا خوه بۆ به‌غدا نه‌كريه و ئه‌ندامه‌كێ جڤاتا نوونه‌ران ژى ئاماژه ب وێ چه‌ندێ دكه‌ت كو چو ژڤان بۆ چوونا شاندێ هه‌رێمێ بۆ به‌غدا نينن.
به‌يار دوسكى، ئه‌ندامێ لژنا وزێ و سامانێن سرۆشتى ل په‌رله‌مانێ كوردستانێ بۆ ئه‌ڤرۆ نيوز گۆت: “د كۆمبوونا شاندێ دانوستاندكارێ حوكمه‌تا هه‌رێما كوردستانێ ل گه‌ل په‌رله‌مانێ كوردستانێ روونى به‌حس ل رێكه‌فتنا د ناڤبه‌را به‌غدا و هه‌رێمێ دا هاته كرن و ئاماژه ب وێ چه‌ندێ ژى كر حوكمه‌تا هه‌رێما كوردستانێ يا پێگيره ب وێ رێكه‌فتنا د ناڤبه‌را هه‌رێم و به‌غدا دا”.
زێده‌تر گۆت: “سه‌رۆكێ حوكمه‌تێ و شاندێ ل گه‌ل ب هوورى به‌حس ل خالێن رێكه‌فتنێ و چوونا وان بۆ به‌غدا ل جارا پێشيێ كر، به‌لێ چو به‌حس نه‌كرن كو ئه‌و دێ ل ڤى ده‌مى دووباره سه‌ره‌دانا به‌غدا كه‌ن”.
ژ لايێ خوه ڤه ئه‌ندامێ لژنا دارايى و ئابوورى ل جڤاتا نوونه‌رێن عيراقێ، حاكم سه‌رحان سلێڤانه‌يى، بۆ ئه‌ڤرۆ نيوز گۆت: “هه‌تا نوكه په‌رله‌نتارێن كورد ل سه‌ر سه‌ره‌دانا شاندێ هه‌رێمێ بۆ به‌غدا نه‌هاتينه ئاگه‌هدار كرن”.
زێده‌تر گۆت: “د كۆمبوونا لايه‌نێن كوردى ل گه‌ل عه‌بادى ژى دا ب هوورى به‌حس ل ڤێ رێكه‌فتنێ هاتيه كرن، به‌لێ چو به‌حس ل دووباره چوونا شاندێ هه‌رێمێ بۆ به‌غدا نه‌هاتيه كرن”.
زێده‌ترى ساله‌كێ يه حوكمه‌تا عيراقێ پشكا هه‌رێما كوردستانێ ژ بودجێ نه‌هنارتى و هه‌ردو لايه‌ن ئێكدو ب پابه‌ند نه‌بوون ب رێكه‌فتنا هه‌ولێر و به‌غدا دا تاوانبار دكه‌ن، د دووماهى داخۆيانيا خوه ژى دا ل گه‌ل فراكسيۆنێن كوردى، عه‌بادى گۆتيه هه‌رێم چه‌ند په‌ترۆلێ بهنێريت دێ هند بودجه‌يى بۆ هنێرين.
به‌رامبه‌ر ڤێ چه‌ندێ حاكم سه‌رحان دبێژيت: “نه‌هنارتنا بودجا هه‌رێمێ نه‌يا قانوونى يه و پێدڤيه بودجا هه‌رێما كوردستانێ بهێته هنارتن”.
نيشاندان
WP Facebook Auto Publish Powered By : XYZScripts.com