ئه‌ڤرۆ نيوز:
ژنه‌كا رۆسى ژ ئه‌گه‌رێ جوانيا خوه، سه‌رنجا هه‌موو جيهانێ بۆ خوه كێشا و ناسناڤێ جوانترين ژن ل جيهانێ ب ده‌ست خوه ڤه ئينا.
جۆليا ئۆنينا ژنه‌كا رۆسى يا 29 ساليه پشتى پشكداريكرنێ ل هه‌لبژارتنا جوانترين ژنێن خودان هه‌ڤژين ل جيهانێ دا كرى ل وه‌لااێ ئيكوادۆر ب پشكداريا 40 وه‌لاتان شيا ناسناڤى ب ده‌ست خوه ڤه بينيت.
هه‌ڤده‌م كو خودانا سێ زارۆيانه نوكه پشكدارێن وێ ژى ل تۆرێن جڤاكى ب جوداهيه‌كا گه‌له‌ك زێده ل به‌رى هه‌موو هه‌ڤركێن وێ نه.
ئه‌ڤرۆ نيوز:
سه‌رۆك وه‌زيرێن توركيا و جێگرێ وى، ب دژوارى هێرشێ دكه‌نه سه‌ر سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ و ب رێگرى كرن ل هه‌مبه‌ر قووناغا ئاشتيێ دده‌نه زانين.
ئه‌حمه‌د داود ئۆغلۆ، سه‌رۆك وه‌زيرێن توركيا، د ماوێ پێشكێشكرنا گۆتاره‌كێ دا ل به‌رامبه‌ر لايه‌نگرێن پارتيا خوه، راگه‌هاند جودايه‌ك هه‌يه د ناڤبه‌را رۆهنكرنێن په‌رله‌مانتارێن هه‌ده‌پێ و سه‌لاحه‌دين ده‌ميرتاش، ژ به‌ر هندێ پێدڤيه بهێته چاره كرن و ئێگ گۆتار هه‌بيت.
ئۆغلۆيى گۆتژى: “رۆژا 28ى شياتێ قووناغه‌كا نوو ل توركيا ده‌سپێكر كو قووناغا ئاشتيێ و دانانا چه‌كى يه، ژ به‌ر هندێ پێدڤيه ده‌ميرتاش رۆهنكرنێن 28ى شياتێ تێك نه‌ده‌ت”.
ژ لايه‌كێ دى ژى ڤه، بۆلند ئارنج، جێگرى سه‌رۆك وه‌زيرێن توركيا و ئاختنكه‌رێ حوكمه‌تا توركيا، ره‌خنه ئاراسته‌يى گۆتنێن ده‌ميرتاش گرتن و گۆت: “هه‌ڤسه‌رۆكێ هه‌ده‌پێ، ل سه‌رێ وان هه‌موو كه‌سان دهێت يێن رێگريێ ل قووناغا ئاشتيێ و چاره‌سه‌ريێ دكه‌ن”.
زێده‌تر گۆت: “ده‌ميرتاش كه‌سه‌كێ نيه‌ت پاقژ نينه و نه‌ڤێت قووناغا چاره‌سه‌ريێ ب گه‌هيته ئاشتيێ، ژ به‌ر هندێ هيڤى دكه‌ين بزاڤێن تێكدانا قووناغێ نه‌كه‌ت”.
هێرشێن حوكمه‌تا توركيا بۆ سه‌ر ده‌ميرتاش پشتى وێ چه‌ندێ دهێن پشتى هه‌ڤسه‌رۆكێ هه‌ده‌پێ راگه‌هاندێ ئه‌و قووناغا نوكه گه‌هشتينێ بزاڤا ئاكه‌پێ بوو نه‌يا هه‌ده‌پێ.
ئه‌ڤرۆ نيوز:
سه‌رۆكا فراكسيۆنا ئێكه‌تيێ ل په‌رله‌مانێ عيراقێ دبێژيت: د دانوستاندنێن دو رۆژێن بۆرى دا ل گه‌ل سه‌رۆك وه‌زيرێن عيراقێ، بۆ وان ديار بوويه كو عه‌بادى نه‌ڤێت سياسه‌تا مالكى به‌رامبه‌ر هه‌رێما كوردستانێ دووباره بكه‌ت.
دا زانين ژى كو ده‌رباره‌يى بودجه‌يى ژى گۆتيه كو هه‌رێم چه‌ند په‌ترۆلێ بهنێريت دێ هند پاره‌يى بۆ ره‌وانه كه‌ن.
ژێده‌ر: KNN
ئەڤرۆ:
نەبوونا چو قانوونێن پاراستنا بەرھەمێ ناڤخۆ و بیاڤێ پیشەسازی، بوویە ئەگەر کو ھەتا نوکە پتریا پێدڤیێن وەلاتیان ژ دەرڤەی وەلاتی بھێتە د ناڤ ھەرێمێ دا و ئەو بەرھەمێ ل ناڤخوە و خومالی ژی پەیدا دبیت بھێتە فەرامۆشکرن و وەلاتیەک ژی دبێژیت: حەیف ئەم د وەلاتەکی دابیت مە مریشکێن خۆمالی ھەبن کەس نەخۆش و مریشک بۆ مە ژ بەرازیلێ بھێن.
نەبوونا چو قانوونان بۆ پووتەدان ل بەرھەمێ خۆمالی و فەرامۆشکرنا وێ بوویە ئەگەر کو پتریا وەلاتان قەستا ھەرێما کوردستانێ بکەن و کەرەستە و کەل و پەلێن خوە ب ستوویێ وان ڤەدەن و ھەموو وەلاتی ب کوردستانێ خنێ بوون، چونکو دزانن ھەر تشتەکێ بینن دێ شێن فرۆشن و ب تنێ چاڤێ خەلکی ل کەرەستێن دەرڤەیە. وەکو وەلاتیەک ژی دبیتَژیت: ھەر ژ پێلاڤ و گۆرە و ھەتا قات و ریبات و جلکێن زارۆ و ژنا و ھەتا ھەموو جۆرێن خوارنێ و فێقی و ھەموو پێدڤیێن ژیانا مە یا رۆژانە ژ دەرڤەی وەلاتی دھێن، د سەر ھندێ را ژی مانە حەیفە مە ل وەلاتێ خوە مریشکێن خۆمالی ھەبن کەس نەخۆش و مریشک بۆ مە ژ بەرازیلێ بھێن و ئەو پتر ژ مریشکێن خۆمالی بھێنە فرۆتن.
بەری چەند رۆژەکان وەزیرێ بازرگانی ل ھەرێما کوردستانێ د داخویانیەکێ دا راگەھاند، ژ بەر نەبوونا چو قانوونان د بیاڤێ پیشەسازی و ھاتنا بەرھەمێ بیانی دا، نھا نێزیکی ٩٠% پێدڤیێن ھەرێمێ ژ دەرڤەی وەلاتی دھێن و گۆت: حوکمەتا ھەرێمێ ژی چو گرنگی ل پیشەسازیا ناڤخۆ نەدایە و چو وەلات پێشناکەڤن ھەکە حوکمەت گرنگیێ ب کەرتێ ناڤخۆ و پیشەسازیێ نەدەت، لەوما کار دھێتە کرن بۆ ھندێ ١٦ کارگەھێن بەرھەمئینانا بەرھەمێ خۆمالی دھێنە دروستکرن.
شێرکو جەودەت، سەرۆکێ لیژنا پیشەسازی و ووزە و ژێدەرێن سرۆشتی ل پەرلەمانێ کوردستانێ بۆ ئەڤرۆ دیار کر، لیژنا وان یا د بزاڤێ دا ب ھەماھەنگی ل گەل وەزارەتا پیشەسازی بۆ ھندێ پێداچوونی د کەرتێ پێشەسازی دا بکەن و قانوونەکا نوو بۆ پێشخستنا کەرتێ پیشەسازی بھێتە دەرکرن و گۆت: نھا کار بۆ نڤێسینا قانوونا کانزایانن و ب رێیا ڤێ قانوونێ ژێرخانا پیشەسازیا ھەرێمێ ب ھێز بکەڤیت.
شێرکو ئاشکرا ژی کر، د وێ قانوونێ دا ھزرا ھەموو لایێن کەرتێ پێشەسازی دھێتە کرن و دێ دووڤچوونا ھندێ ھێتە کرن کا چو جە بۆ پیشەسازیێ یێ گونجایە و چو کارگەە بھێنە ڤەکرن و گۆت: دێ ھەموو بزاڤان کەین ژێرخانا پیشەسازی ل ھەرێمێ ب ھێز بێخین و بونیاتەکێ موکوم بۆ بدانین.
خویاژی کر، پتریا قانوونێن کەرتێ پیشەسازی دکەڤنن و چو پێشکەفتن تێدا نینە، لەوما بزاڤێن دھێنە کرن سەر ژ نوو بھێنە دانان، بۆ ھندێ گرنگی ب بەرھەمێ ناڤخۆ بھێتە دان و گۆت: پارێزگەھا سلێمانیێ ل سەر ئاستێ عیراقێ یا پێشکەفتیە.
شاە جوانا کوردستانێ یا ئەنترنێتێ، ژ سەدەما نەخوەشیەکێ ھاتە رەوانەکرن بۆ نەخوشخانێ، ژ بەر بارێ وێ یێ ساخلەمیێ نەیێ باش بوو شەڤەکێ ل نەخوشخانێ ھاتە نڤاندن
دالیا رێبوار، شاهجوانا کوردستانێ یا ئەنترنێتێ، گۆت: کاودانێن منێن ساخله‌ميێ تێکچوون و ھاتمە ڤەگوھاستن بۆ نەخوشخانا ستوکولمێ ل پایتەختێ سوید.
جھێ ئاماژەکرنێ یە ل سالا ٢٠١٣ دالیا وەک شاهجوانا ئەنتەرنێتێ ھاتیە ھەلبژارتن، پشکداری د به‌ريكانێن جیھانیێن ب ناڤ و دەنگ داکریە و ژ به‌ر كو ل سالا 2014 به‌ريكانه نه‌هاتيه كرن ناسناڤێ وێ بۆ مايه هه‌تا دهێته كرن.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ب ته‌مامى ئه‌ور بيت ل گه‌ل باران بارينێ و ئه‌گه‌رێ بارينا به‌فره‌كا كێم ژى ل ده‌ڤه‌رێن چيايى يا هه‌يى.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌واميا فشارێن وه‌لاتێ توركيا و ده‌ريا ناڤه‌راست بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.3.4 ئه‌سمان دێ ب ته‌مامى ئه‌ور بيت ل گه‌ل باران بارينێ و ئه‌گه‌رێ بارينا به‌فره‌كا كێم ژى ل ده‌ڤه‌رێن چيايى يا هه‌يى
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ نزم بيت هه‌ڤبه‌ركى ل گه‌ل رۆژێن به‌رى نوكه ب ره‌نگه‌كى د ناڤبه‌را 15 بۆ 8 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ د گوهۆرينێ دا بيت ب ره‌نگه‌كى دێ يێ ل سه‌رخوه و ناڤه‌ندى بيت د ناڤبه‌را 5 بۆ 25 كلم د ده‌مژمێره‌كێ دا و ماوێ ديتنێ ژى دێ 8 بۆ 10 كلم دا بيت.
ئه‌ڤرۆ نيوز:
ئه‌ميندارێ گشتيێ وه‌زاره‌تا پێشمه‌رگه‌يى راگه‌هاند كو پێنج هزار پێشمه‌رگێن بريندار يێن هه‌ين و هنده‌ك ژ وان پێدڤى ب چاره‌سه‌ريێ ل ژ ده‌رڤه‌يى وه‌لاتى هه‌يه ژ به‌ر هندێ ژى داخوازێ ل وه‌لاتيان و هه‌ڤپه‌يمانان و حوكمه‌تا عيراقێ و خێرخوازان دكه‌ت ل ته‌وارا وان بچن.
د راگه‌هاندنه‌كێ دا، فه‌ريق جه‌بار ياوه‌ر ئه‌ميندارێ گشتيێ وه‌زاره‌تا پێشمه‌رگه‌يى ل حوكمه‌تا هه‌رێما كوردستانێ راگه‌هاند كو داخوازێ ژ وه‌لاتێن هه‌ڤيه‌يمانان ب گشتى و حوكمه‌تا ناڤه‌ندى و حوكمه‌تا هه‌رێمێ و خێرخوازان دكه‌ت ل ته‌وارا بريندارێن پێشمه‌رگه‌يى بچن.
فه‌ريق جه‌بار ياوه‌ر دبێژيت: “ژ به‌ر ڤان پێنج هزار پێشمه‌رگان نه‌خۆشخانێن هه‌رێما كوردستانێ پێدڤى ب پێدڤيێن نوشدارى هه‌يه”.
پشتى خزيرانا 2014 هه‌تا نوكه ژ ئه‌نجامێ رووى ب روويبوونێن پێشمه‌رگه‌يى ل چه‌كدارێن داعش، زێده‌ترى هزار پێشمه‌رگان شه‌هيد بووينه و زێده‌ترى پێنج هزاران پێشمه‌رگان ژى بريندار بووينه.
نيشاندان