ئەڤرۆ نیۆز، سالار دۆسکی:
تاكه نوونه‌رێ ئزدیان ل په‌رله‌مانێ كوردستانێ سه‌ر ب فراكسیۆنا پارتى دیموكراتى كوردستان، به‌حسێ ئازادكرنا شنگالێ ب ته‌مامى دكه‌ت.
شێخ شامۆ ئه‌ندامێ په‌رله‌مانێ كوردستانێ زێده‌تر بۆ مالپه‌رێ ئه‌ڤرۆ نیۆز گۆت: ل دووڤ پلانا سه‌ربازى ل ده‌ڤه‌رێ باشورێ شنگالێ گرێدای پلانا ئازادكرنا مووسله، چونكه جوگرافیه‌تا مووسل گرێدایه ب ته‌لعفه‌ر و به‌عاج ڤه، ئه‌ڤ ده‌ڤه‌ر ل ده‌ڤ داعش ستراتیجى نه، هه‌تا ئه‌ڤ ده‌ڤه‌ر هه‌موو نه‌هێته ئازادكرن، شنگال ب ته‌مامى ناهێته ئازادكرن، ئازادكرنا شنگال ژلایێ باشور ڤه ناهێته گرنتیكرن و دربێن هه‌ره مه‌زن ب خه‌لكێ باشورێ شنگال كه‌فتیه، 60% ژ ئزدیان ل باشورێ شنگال بووینه و چاره‌نڤیسێ ڤى خه‌لكى دێ چ بیت، یان دڤێت سه‌رانسه‌ر بیت یان ئازادیا مه دڤێت چێ نابیت.
شێخ شامۆ ل دووماهیێ ژى گۆت: هه‌كه به‌حسێ شنگال بهێته‌كرن پێشمه‌رگێ كوردستانێ شیانێن هه‌ین د 24 ده‌مژمێران دا شنگالێ رزگار بكه‌ت.
ئه‌ڤرۆ نيوز:
مه‌سعود بارزانى، سه‌رۆكێ هه‌رێما كوردستانێ ناڤه‌كێ دى بۆ حه‌يده‌ر عه‌بادى سه‌رۆك وه‌زيرێن عيراقێ بلند كر دا كو ل جهێ بابه‌كر زێبارى سۆپاسالارێ خانه‌نشينكرى بهێته دانان.
ل 19ى خزيرانا 2015ێ حوكمه‌تا عيراقێ راگه‌هاند كو حه‌يده‌ر عه‌بادى، سه‌رۆك وه‌زيرێن عيراقێ كو فه‌رماندێ گشتێ هێزێن چه‌كداره ل عيراقێ فه‌رمانا خانه‌نشينكرنا فه‌ريق روكن بابه‌كر زێبارى، سۆپاسالارێ عيراقێ ده‌ركر.
پشتى ده‌ركرنا ڤێ بڕيارێ بابه‌كر زێبارى راگه‌هاند كو خانه‌نشينكرنا بابه‌كر زێبارى ل سه‌ر داخوازيا وى بوويه و پێشتر ژى چه‌ندين جاران ئه‌و داخوازه كريه، به‌لێ دێ كورده‌كێ دى ل جهێ وى هێته دانان.
زێبارى ناڤێ وى فه‌رمانده‌يێ له‌شكرى يێ كورد ژى ئاشكه‌را دكه‌ت و دبێژيت: “فه‌ريق ئه‌نوه‌ر حه‌مه ئه‌مين ژ لايێ بارزانى ڤه هاتيه پێشنياز كرن و ناڤ ب عه‌بادى هاتيه دان”.
ئه‌ڤرۆ نيوز:
ئەگەرێن مرۆڤی پال ددەن بۆ ب کارئینانا دەرمانێن بێھوشکەر:
• نەزانینا مەترسیێن ب کارئینانا وان.
• بێھێزیا پەیوەندیێن جڤاکی و پەروەردەکرنا جڤاکی یا نەساخلەم.
• ژێکڤەقەتیانا خێزانێ.
• ھەژاری و نەزانینا خواندنێ و فێرکرنێ.
• دوورکەتنا دایبابان ژ زارۆیان و نەبوونا چاڤدێری و زێرەڤانیێ ل سەر وان.
• بەتالی و ھەبوونا ڤالاتیێ دژیانێ دا.
نیشانێن کەسێ ئیدمان ھەی:
• گوھۆرینا ئێکسەر د شێوازێ ژیانێ دا وەکو دوورکەتنێ ژ کاری و ڤەبرین ژ خواندنێ.
• ھاتنەخواران ئاستێ خواندنێ و کێمبوونا بەرھەمێ کاری.
• دەرکەتن ژ مال بۆ دەمێن درێژ و ب شەڤ درەنگ قەستا مال دکەت.
• تێکچوونا گێولی و نەگرنگیدان ب کەسایەتیا خوە.
• تورەبوون ژ رەفتارێن بچووک.
• ھەموو رەفتارێن وی ب شێوەیەکێ نھێنی دھێنە کرن.
• حەز ژ بەرپرسیاتیێ ناکەت و داخوازا گەلەک پارەیان دکەت.
• حەزدکەت پتریا دەمی دھزران دابیت و یێ ب تنێ بیت.
• کێمبوونا سەنگێ وی ژ ئەنجامێ نەمانا حەزا خوارنێ.
ئه‌ڤرۆ نيوز:
هۆنه‌رمه‌ند چۆپى فه‌تاح به‌حس ل جودابوونا خوه و هه‌ڤژينێ خوه دكه‌ت و دبێژيت كو ل سه‌ر داخوازا وێ بوويه ژ هه‌ڤژينێ خوه جودا بوويه.
د داخۆيانيه‌كێ دا چۆپى فه‌تاح دبێژيت: “ماوێ ساله‌كێ يه ژ هه‌ڤژينێ خوه جودا بوويمه”، د ده‌ته زانين ژى كو ئه‌و بۆ ماوێ پێنج سالان ل گه‌ل ئێك بووينه.
ته‌كستێ ل سه‌ر وێ چه‌ندێ ژى دكه‌ت كو ئه‌وێ داخواز ژ هه‌ڤژينێ خوه كريه ژێ جودا بيت و د ماوێ وان پێنج سالان ژى دا چو زارۆ نه‌بووينه.
پێشتر هاتبوو راگه‌هاندن كو چۆپى فه‌تاح و هه‌ڤژينێ خوه يێن ژێكجودا بووين و هه‌ڤژينێ وێ ژى ژ بنه‌مالا ته‌له‌بانى يه.
ژێده‌ر: په‌يك
ئه‌ڤرۆ نيوز:
سترانبێژا گەنج لانە زەنگەنە دیارکر بۆ دەمێ چەند حەفتیانە ئەو مژوولی تۆمارکرنا سترانەکا نوویە، دووڤدا ھندەک سترانێن دی ل بەردەستن و دێ کاری ل سەر کەت.
ناڤبریێ بۆ رووداو گۆت: ئەڤە سترانا سێیێ یە ئەز تۆماردکەم و ئەڤێ سترانێ ژلایێ ناڤەرۆکێ ڤە جۆداھی ل گەل سترانێن بۆری ھەیە، ناڤەرۆکا وێ ل دۆر دوکەسانە کو حەزژ ھەڤدۆ دکەن، لێ رێیا ھەردویان ئێک نینە.
سترانا ناڤبری ژ پەیڤ و ئاوازێن ھەرێم سەلاح، مۆزیک ل وەلاتێ تورکیا ھاتیە چێکرن و تۆمارکرنا دەنگی ل ستودیۆیەکا وەلاتێ ھولەندا بوویە.
ئەڤرۆ:
سترانبێژا گەنج (دۆنیا بەرواری) بۆ ئەڤرۆ دیارکر ل چەند رۆژێن بۆری وێ سترانەکا دوقولی ل گەل سترانبێژ (حەسەن ئەمین) ل ستودیۆیەکا باژێرێ دھۆکێ تۆمارکریە و پشتی چەند رۆژێن دی دێ ھێتە کلیپکرن.
ناڤبریێ گۆت: سترانا مە ب ناڤێ (شەھید) ژ پەیڤ و ئاوازێن سەعید مستەفای نە، بەری چەند رۆژان من و کاک حەسەنی پێکڤە تۆمارکریە و نوکە یا بەرھەڤە ژبۆ کلیپکرنێ و ئەم یێ ل ھیڤیێ ئەگەر چو گوھۆرین پەیدا نەبن ل چەند رۆژێن بھێن ل چیایێ گارە کلیبکەین، و بۆ زانین ئەڤە کێمترین وەفاداریە بۆ گیانێ پاقژێ شەھیدان ئەم پێشکێش دکەین و ھەتا مرنێ خوە ب قەردارێن وان دزانیین.
دووڤدا گۆت: ژبلێ ڤێ سترانا دوقۆلی چەند سترانێن دی ژی ژبۆ تۆمارکرنێ دحازرن، کو ئێک ژوان فولکلۆری یە، لێ کاودانێن نوکە و قەیرانا ئابووری کارتێکرنا خوە ھەبوویە و ئەم یێ ل ھیڤیا دەلیڤەکێ دەست ب تۆمارکرنا وانژی بکەین.
ناڤھاتی بەری چەند سالەکێن کێم ھاتیە دناڤ بوارێ ھونەری دا، و ل دەستپێکێ وەکو ئەکتەر پشکداری د چەند کلیپاندا کریە، دووڤدا
ل گەل ھەڤژینێ خوە ( عاشۆر بەرواری) پشکداری دچەند زنجیرە و درامایێن تەلەفزیۆنی دا کریە، و دھێتە چاڤەرێکرن ل چەند رۆژێن بھێن پشکداریێ دفلمەکێ سینەمای دا بکەن کو دێ ل دەڤەرا ئامێدیێ ھێتە وێنەکرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى خزيرانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1250 |
| 1 يۆرۆيێ ئه‌ورۆپى | 1385 |
| 1 ليرێ توركى | 460 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
نيشاندان
