ئه‌ڤرۆ نيوز:

ژنەکا خودان سێ زارویێن کوڕ ل تاخێ پێشەسازی کو ل بن خانیەکی بێ سەروبەرڤە دژیت و بۆ ئەڤرۆ دبێژیت: ئەڤە بۆ ماوێ نەە ھەیڤایە ھەڤژینێ من دگەل شەش پێشمەرگەھا د دەستێ داعش دایە و ھەتا نھا چ ژێ نزانین.

زاھیدا چیرۆکا ھەڤژینێ خوە یێ پێشمەرگە ڤەدگێریت و دبێژیت: ھەڤژینێ من گەلەک ژ مێژەیە پێشمەرگە بەری ئەز ھەڤژینیێ دگەل پێک بینم پێشمەرگە بوو ئەڤە سێزدە سالە ژی من ھەڤژینی دگەل پێک ئینای، بەلێ بەری ئەڤ شەرە چێبیت ئەم گەلەک دکەیف خوەش بووین دگەل ھەرسێ زارویێن خوە ، ھەڤژینێ من پێشمەرگە بۆ ل سکرێ موسل دھەموو ھێرشاندا یێ پشکدار بۆ ھەتا کەفتیە دەستێ داعشا و ئەڤە ژ ھینگی َوەرە ژ قەھرێن ھەڤژینێ خوە دا ئەز روژانە دمرم و ساخ دبمەڤە.
ھەروەسا گۆت: ئەڤە بۆ ماوێ نەە ھەیڤانە ھەڤژینێ من یێ بێ سەر و شینە ئەم چ ژێ نزانین و چ جاران ژی وی پەیوەندی ب مە نە کریە لێ ب رێکا خەلکی ئەم دزانین و دبێژن ئەو دساخن و ئەز گەلەک یا ب ھیڤی مە و ھەموو دەما ھزر دکەم ئەو دێ زڤریتە ڤە و دێ جارەکادی ل مالا مە بیتە کەیف و خوەشی.
ئەڤ ژنە دبەردەوامیا ئاخفتنێن خوەدا دبێژیت: مە چ مووچە نینە و ئەم ب ھیڤیا موچێ ھەڤژینێ من ڤەینە و ئەگەر مووچە نەھێت ئەم یێ ب ھیڤیا خەلکی ڤە ھەکە خودان خێرەک تشتەکی بۆ مە بینت، لێ پشتی ئەم ل سەرتەلەڤزونێ دەرکەفتین و ھەموو کەسان و حکومەتێ ژی رەوشا مە زانی ھاریکاریا مەکریە و حەزدکەم حکومەت ھاریکاربیت چونکو مخابن خێزانێت پێشمەرگا بڤی رەنگی بن!
دیسان گوت: مالا بابێ من گەلەک ھاریکاریا من دکەن ب تایبەتی برایێ من سەرەرای کو خودان زارویە و بابێ من و ژنبابا من ژی بھیڤیا وویڤەنە و مالا خەزیری من ژ مەھەژار ترن لەوا ئەونەشێن ھاریکاریا مەبکەن و گەلەک جاران برایێ من دبێژیتە من وەرە مالا مە ھەتا زەلامێ تە دھێتە ڤە لێ بۆ من مالامن خوەشترە، ژبەرکو ئەز جھێت ھەڤژینێ خوە دبینم و ئارام دبم.
ل دوماھیێ ڤێ خانمێ گۆت: دەمێ ئەز دچمە بازاری کەل وپەلان دکرم ئەگەر بھایێ کەل و پەلان یێ گران بیت ئەز چیرۆکا خوە بۆ دبێژم دا ئەرزان بدەنە من ھەروەسا من چ داخوازی ژ حکومەتێ نین بتنێ داخازیا من ئەوە ھەڤژینێ من بۆمن بزڤرینە ڤە .

ئه‌ڤرۆ نيوز:

پارێزەرەکا دادگەھا دھۆکێ راگەھاند، کو کچەک د جڤاکەکێ ئەوروپی دا مەزن ببو و کوڕک د جڤاکێ مە یێ کوردی دا مەزن ببو و خودان باوەرنامەکا مەزن بو ھەردو ناسیارێن ئێک بوون، گۆتژی رۆژ بۆ رۆژێ مالا کوڕکی ئاریشە بۆ کچێ پەیدا کرن و مایتێکرن د ژیانا وان دا کر بۆ نموونە دگۆتە ھەڤژینا کوڕکی ئەم قەبیل ناکەین تو برەخڤە روینیە خوار و لنک وی سەرێ خوە شەکەیی ئانکو ڤان ئاریشێن مالێ یێن بێ رامان و چ بنەما بوونە بۆ ئەگەر کچێ خوە ژ وی کوری دا بەردان.

پارێزەر ئاواز مەجید ل دادگەھا دھۆکێ بۆ رۆژناما ئەڤرۆ دیارکر کو رەوشەنبیریا دەرڤە چەند یا بەرفرەە بیت مرۆڤ نەشێت ل سەر جڤاکێ خوە ب سەپینیت و گۆت: ھندەک کەس باوەرنامێن بلند بو خوە دکەنە چەکەک و ژیانا خێزانا خوە دکەنە جەھنەم و د ھەرفینن، کێشەکا بەردانێ ل دادگەھێ ھاتە تومارکرن دڤێ کێشێ دا کچێ داخوازا بەردانێ کر، کچەک د جڤاکەکێ ئەوروپی دا مەزن ببو و کورک د جڤاکێ مە یێ کوردی دا مەزن ببو و خودان باوەرنامەکا مەزن بو ھەردو ناسیارێن ئێک بوون، ھەردویا دەواتا خوەکر ل سەر بنەمایەکێ راست و دروست، پاشان رۆژ بۆ رۆژێ مالا کورکی ئاریشە بۆ کچێ پەیدا کرن و مایتێکرن د ژیانا وان دا کر بۆ نموونە دگۆتە ھەڤژینا کورکی ئەم قەبیل ناکەین تو برەخڤە روینیە خار و لنک وی سەرێ خوە شەکەیی ئانکو ڤان ئاریشێن مالێ یێن بێ رامان و چ بنەما بوونە.
پارێزەرێ گۆتژی: کچکێ گۆت ئەڤە وەسا چێ نابیت دو ھەتا سێ جاران سل بو و چوو مالا بابێ خوە و دگۆت ئەز نەشێم ھەر وەکو نە زەلامێ من، مالا زەلامی چو بوون و گۆت بوویێ بزڤرە کەس مایێ خوە تە ناکەت، لێ ھەر چ مفا نەبوو ھەر ھاتە سەر بەردانێ، مالا کورکی گۆت ئەم خوە تشتەکی نادەینێ، کچێ ژی گۆت بەس ئەز خلاس بم من چ تشتێ وان نەڤێت ھندی بێھنا وی تەنگ کربو دڤیا زوو ژێ خلاس بیت لەوما داگێران ژ ھەموو مافێن خوەکرن، ل ڤێرە دیار دبیت کو جڤاکێ مە و یێ دەرڤە چوو جاران پێک ناکەن.
ئەو چەندە ژی گۆت: راستە کورکی باوەرنامەکا مەزن ھەبوو، بەلێ چ ژ رەوشەنبیریا خێزانی نە دزانی و ژیانا خوە یا ھەڤژینی ھەرفاند و گوری عەقلیەتا مالا خوە کر و ھندەک ئاریشێن بێ رامان.
ل دووماھیێ گۆت: حالەتێن ب ڤی رەنگی بەردەوام ل دادگەھێ دھێنە تومارکرن ئەگەر ژی مایتێکرنا دەیکێ یان برایی و ئاریشێن سڤک ژێک دھێنە بەردان.