ئه‌ڤرۆ نيوز:
ڤيديو: ئه‌ڤ پشيكه ب ره‌نگه‌كێ سه‌ير تێشكا خوه قورتال دكه‌ت
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى Twitter
ڤيديويه‌ك ژ مايكروسوفت.. پاشه‌رۆژا مه يا ته‌كنولوجى
عه‌بادى بۆ مالكى: دڤێت بچيه هه‌مبه‌ر دادگه‌هێ
ئه‌ڤرۆ نيوز:
ژێده‌ره‌كێ سياسى يێ نێزيكى سه‌رۆك وه‌زيرێن عيراقێ راگه‌هاند كو نورى مالكى جێگرێ سه‌رۆك كومارێ عيراقێ د په‌يوه‌نديه‌كا ته‌له‌فونى دا ل گه‌ل حه‌يده‌ر عه‌بادى يێ سه‌رۆك وه‌زيرێن عيراقێ، گوتيێ كو د پرسا كه‌تنا مووسل دا ئه‌و ب تنێ گونه‌هبار نينه و د به‌رسڤێ دا عه‌بادى گوتيێ : ئه‌گه‌ر تو نه تاوانبارى ژ دادگه‌هێ نه‌ترسه، قانوون يا دادپه‌روه‌ره و غه‌درێ ل كه‌سێ ناكه‌ت، به‌لێ ل كه‌سێ ژى نابووريت ئه‌گه‌ر ل هه‌ر پۆسته‌كێ دا بيت.
لیبیا په‌یوه‌ندیێن خوه ل گه‌ل توركیا هه‌لاویستن
حكومه‌تا عه‌بدولا سه‌نی ل لیبیا ب ته‌مامی په‌یوه‌ندیێن خوه ل گه‌ل حكومه‌تا ئه‌نكه‌ره هه‌لاویستن.
عه‌بدولا سه‌نی سه‌رۆك وه‌زیرێ حكومه‌تا نیشتمانیا لیبیا راگه‌هاند:لیبیا باوه‌ری ب په‌یوه‌ندیێن ل گه‌ل ئه‌نكه‌ره نه‌مایه و بو وان رۆن بویه توركیا ل هه‌مبه‌ر گه‌لێ لیبی په‌یوه‌ندیین وێ ل سه‌ر بنه‌مایێ راستگویێ نینه توركیا ژێده‌رێ هه‌ڤكاریكرنا سه‌بازی و چه‌ك و ته‌قه‌مه‌نیانه بو گرۆپێن تیرۆریستیا (فه‌جر) له‌ورا زه‌حه‌مه‌ته لیبیا بشێت به‌رده‌وام بیت د په‌یوه‌ندیێن خو ل گه‌ل حكومه‌تا ئه‌نكه‌ره .
ل هه‌مبه‌ر گوتنێن سه‌رۆك وه‌زیرێ لیبیا وه‌زاره‌تا ده‌رڤه‌یا توركیا گوتنێن وی ب تومه‌ت و بێ بنه‌ما و بێ هه‌بونا گرۆڤه‌كێ راست دیاركر و بزاڤێن ئه‌نكه‌ر و نه‌ته‌وه‌یێن ئیكگرتی بو چاره‌كرنا ره‌وشا لیبیا .
جهێ ئاماژه پێدانی یه حكومه‌تا لیبیا بریار هه‌لاویستنا كارێ كومپانیێن توركی ل ناڤا ئه‌وی وه‌لاتی راگه‌هاند و بریاره ته‌ڤایا گرێبه‌ستێن ل گه‌ل توركیا بهێنه راوه‌ستاندن.
توركیا داخوازیه‌كا عیراقێ ره‌تكر
سه‌رۆك وه‌زێرێ توركیا راگه‌هاند:حكومه‌تا عیراقێ بو رزگاركرنا موسلێ داخازا هه‌ڤكاریكرنا سه‌ربازی ژ ئه‌نكه‌ره كریه .
ئه‌حمه‌د داود ئوغلو سه‌رۆك وه‌زیرێ توركیا دیاركر،هه‌فتیا رابۆری د په‌یوه‌ندیه‌كا ته‌له‌فونی دا ل گه‌ل ئوسامه نوجێفی جێگرێ سه‌رۆك كومارێ عیراقێ، ره‌وشا ئه‌وی وه‌لاتی و پرسا ئازادكرنا باژێرێ موسلێ ژ ده‌ستێن تیرۆریستێن داعشێ شرۆڤه‌كر و سه‌رۆك وه‌زیرێ توركیا ئه‌و چه‌نده ژی دیاركر كو جێگری سه‌رۆك كومارێ عیراقێ داخاز ژ توركیا كریه ل پرۆسیسا ئازادكرنا موسلێ هه‌ڤكاریا سوپایێ عیراقێ بكه‌ت و ئه‌نقه‌رێ ئه‌و داخوازی ره‌تكریه .
ئه‌حمه‌د داود ئوغلو سه‌رۆك وه‌زیری توركیا ته‌ئكید كر كو وه‌لاتێ وی پشته‌ڤانیا پرۆسیسا ئازادكرنا موسلێ دكه‌ت و بڤان نێزیكان وه‌زیرێ به‌ره‌ڤانیا وه‌لاتێ وی دێ سه‌ره‌دانا به‌غدا كه‌ت،داكو دوڤچونا پێدڤیێن سه‌ربازیێن عیراقێ بكه‌ت و ژ نێزیكڤه پلانا سه‌ربازی یا پرۆسێسا ئازادكرنا موسلی شرۆڤه كه‌ن.
باله‌فره‌كا هاریكاریان بۆ داعش به‌ردده‌ت، ئێخسته خوار
ل ناحیا به‌غدادیه باله‌فره‌كا كو هاریكاری دگه‌هاندنه داعشێ ژلایێ هێزێن حه‌شدی شه‌عبی ڤه هاته تێكدان.
ئه‌ڤرۆ هێزێن حه‌شدی شه‌عبی و سوپایێ عیراقێ ل باكوری ناحیا به‌غدادیه باله‌فره‌كا شه‌ری ئێخستیه خوارێ كو ب ژڤان بو هه‌ڤكاری و چه‌كی و ته‌قه‌مه‌نیان بو داعش بهاڤێژیت .
ل گوری ژێده‌رین سه‌ربازی تا نها نه‌هاتیه زانین ئه‌و باله‌فر سه‌ر ب چ لایه‌ن و ده‌وله‌ته‌كێ ڤه‌یه و ڤه‌كولین دوی بیاڤی دا به‌رده‌وامن .
هه‌يڤا ئادارێ دێ ب ڤى ره‌نگى ده‌مژمێرێن كاره‌با نيشتمانى هێنه دابينكرن
ئه‌ڤرۆ نيوز:
رێڤه‌به‌رێ گشتى يێ كونترول و گه‌هاندنا كاره‌با هه‌رێما كوردستانێ خشتێ كاره‌با نيشتمانى بۆ هه‌يڤا ئادارێ راگه‌هاند.
ئه‌ندازيا ئومێد محه‌مه‌د رێڤه‌به‌رێ گشتى يێ كونترول و گه‌هاندنا كاره‌با هه‌رێما كوردستانێ راگه‌هاند كو ئه‌گه‌ر كه‌ش و هه‌وايێ هه‌رێمێ يێ خوه‌ش بيت، دێ زێده‌تر ژ 20 ده‌مژمێران كاره‌با نيشتمانى ده‌نه وه‌لاتيان، به‌لێ ئه‌ڤ خشته‌يه دێ پشتى 10 بۆ 15 هه‌يڤا سێ ده‌ستپێكه‌ت.
يه‌په‌گه د پێشره‌ويێ دا يه بۆ ئازادكرنا چه‌ند ده‌ڤه‌ره‌كێن پارێزگه‌ها حه‌سه‌كێ
روانگه‌ها سوریا بو مافێن مرۆڤی راگه‌هاند شه‌رڤانێن یه‌په‌گێ ل باژێركێ ته‌ل حه‌میس ژ ده‌ستێن داعشێ ئازادكر و دوی بیاڤی دا رامی عه‌بدولره‌حمان رێڤه‌به‌رێ روانگه‌ها سوری دیاركر پشتی شه‌روپه‌ڤچونێن چه‌ند رۆژێن رابۆری دناڤبه‌را یه‌په‌گێ و چه‌كدارێن داعشێ ل باژێركێ ته‌ل حه‌میس و چه‌ند گونده‌كێن ده‌وروبه‌ر ژ ده‌ستێ تیرۆریستان رزگاركرن .
رامی عه‌بدولره‌حمان دیاركر ئازادكرنا باژێركێ ته‌ل حه‌میس كو كه‌فته سه‌ر پارێزگه‌ها حه‌سه‌كێ ب گرنگترین جهێ تیرۆریستێن داعشێ دهێته زانین و ئه‌ڤه رێخوشكه‌ره بو ئازادكرنا چه‌ند ده‌ڤه‌ره‌كێن دی یێن بن ده‌ستێ تیرۆریستان ل عیراقێ و سوریا .
نه‌واف خه‌لیل به‌رده‌ڤكێ یه‌په‌گێ ب كه‌نالین راگه‌هاندنێ راگه‌هاند:پشتی ئازادكرنا ته‌ل حه‌میس ژلایێ شه‌رڤانێن یه‌په‌گێ نها د خو به‌رهه‌ڤكرنێ و پێشره‌وێ دانه بو ئازادكرنا چه‌ند ده‌ڤه‌ره‌كێن دی ل پارێزگه‌ها حه‌سه‌كێ .
ل دووماهيێ يه‌شار كه‌مال چيرۆكا خوه نڤێسى
ئه‌ڤرۆ نيوز:
نڤيسه‌رێ ب ناڤ و ده‌نگ يێ توركى و د بنه‌ره‌ت كورد، يه‌شار كه‌مال ئه‌ڤرۆ گيانێ خوه ژ ده‌ستدا، يه‌شار به‌رى نوكه بۆ رۆژناما گارديان گوتبوو: مروڤ ژ روحێ دترسن، ئه‌ڤه چيروكه‌كه دڤێت بنڤيسم.
نڤيسه‌ر يه‌شار نڤيسه‌ر و رۆماننڤيس به‌رى نوكه بۆ نه‌خوشخانا كوليژى نوشدارى ل ئه‌سته‌نبولى هاتبوو ڤه‌گوهاستن و هه‌تا ئه‌ڤرۆ ل ئێڤارى كو تووشى ته‌نگه‌نه‌فه‌سيێ و تێكچوونا لێدانا دلى ببوو.
يه‌شار كه‌مال ل سالا 1923 ل ئه‌ده‌نه ژ دايك بوويه و د ژيانا خوه يا ئه‌ده‌بى دا زێده‌تر ژ 50 رومان و چيروكان نڤيسى يه و رومانێن وى بۆ چه‌ندين زمانێن جيهانى هاتينه وه‌رگێران.
مه‌شق و راهێنانێن ئوپوزسیونا سوریا ده‌ستپێكر
وه‌زاره‌تا ده‌رڤه‌یا توركیا راگه‌هاند پرۆسێسا مه‌شق و راهێنانا ئوپوزسیونا سوریا ل ناڤا ئاخا توركیا ده‌ست ب كارێن خو دكه‌ت.
تانگو بیلگیش به‌رده‌ڤكێ وه‌زره‌تا ده‌رڤه‌یا توركیا راگه‌هاند:ده‌ستپێكا هه‌فتیا بهێت پرۆسێسا مه‌شقپێكرنا هێزێن میانره‌وێن سوریا د ناڤا ئاخا توركیا ب سه‌رپه‌رشتیا پنتاگونێ ده‌ست پێ كه‌ت، لێ به‌رده‌ڤكێ وه‌زاره‌تا ده‌رڤه‌یا توركیا ره‌تكر كو زانیاریێن زێده‌تر ل سه‌ر جهـ و هژمارا ئه‌وێ هیزێ ئاشكه‌را بكه‌ت كو دناڤا بنگه‌هێن سه‌ربازیێن توركیا مه‌شق و راهێنان پێ هێنه‌كرن.
جهی ئاماژه پێ كرنێ یه ژ 18 شوباتێ واشنتون و ئه‌نكه‌رێ ریكه‌ڤتينه بو مه‌شق و راهێنانێ ب ژماره‌یه‌كا چه‌كدارێن ئوپوزسیونا میانره‌وا سوریا ل ناڤ یه‌كه‌یه‌كا سه‌ربازی یا توركیا.
نيشاندان
WP Facebook Auto Publish Powered By : XYZScripts.com