ئه‌ڤرۆ نیوز:
ژێده‌ره‌كێ ژ سه‌رۆكاتیا هه‌رێما كوردستانێ راگه‌هاند بریاره سوبه مه‌سعود بارزانى سه‌رۆكێ هه‌رێما كوردستانێ په‌یامه‌كا گرنگ ل دۆر ره‌وشا هه‌رێما كوردستانێ رابگه‌هینیت.
سه‌رۆك بارزانى دێ په‌یامه‌كا گرنگ به‌لاڤ كه‌ت
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
ناكوكى د كه‌ڤیته ناڤ داعش
ئه‌ڤرو نیوز،بارزان مزوورى
ژێده‌ره‌ك ژ هێزێن پێشمه‌رگه‌ى ل ئاسكى مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 11 ب شه‌ڤ 29/6/2015 ناكوكى دكه‌ڤیته دناڤ رێكخستیێن چه‌كدارێن تیرورستێن داعش ل بادوش و شه‌ر د ناڤبه‌را داعشێن عه‌شیره‌تا الجبورى و عه‌شیره‌تا جه‌حێش رویدده‌ت و ئه‌میرێ ویلایه‌تا مووسل د هه‌وارا وان دچیت و د ئێك جهدا ل ناڤ بادوش كوم دبن و پاشان فروكه‌یێن هه‌ڤپه‌یمانان بوردومانا وان دكه‌ن و ل دوڤ زانیاریێن ده‌ست پێكێ ده‌هان داعش هاتینه كوشتن و ئێك ژ شه‌هره‌زایێن چێكرنا بومبا بناڤێ ئه‌بو شیبه یێ تونسى دگه‌ل هه‌ڤالێن خو دهێته كوشتن.
هه‌لویستێ یانا دهۆك پشتى سه‌ركه‌فتنا وێ یا ئه‌ڤ شه‌ڤه
ئه‌ڤرۆ نیوز: هه‌ژار
یانا دهۆك د یاریا خوه یا گه‌را 5 دا ژ قوناغا بژاره یا خولا عیراقێ ئه‌ڤ شه‌ڤه ل ناڤ یاریگه‌ه و جه‌ماوه‌رێ خوه، شیا سه‌ركه‌ڤیت ل سه‌ر یانا نه‌فت جنوب ب گوله‌كێ بێ به‌رامبه كو گولا ئێكانه یا یانا دهوك ل ده‌قا 47 ژ نیڤا دوێ هاته توماركرن و هه‌لویستێ كومێ ب ڤى ره‌نگى یه:
مینا‌و ٧ خال
جه ویه ٧ خال
دهوك ٥ خال
نه فت جنوب ٥ خال
ب وێنه: سه‌ركه‌فتنا یانا دهۆك یا ئه‌ڤ شه‌ڤه
هێزا ئایفونێ، بزانه گولله كارتێكرنێ لێ دكه‌ن
كریارێن ئه‌ڤرۆ یێن داعش ل مووسل
ئه‌ڤرو نیوز،بارزان مزوورى
عصمت ره‌جه‌ب، به‌رپرسێ لقا 14 ل مووسل بو ئه‌ڤرو نیوز دیار كر كو ئه‌ڤرو سپێدێ 28/6/2015 به‌رپرسه‌كێ ئیدارى یێ رێكخستیا داعش بناڤێ عسمان ئه‌بو حفسه ل بازارێ ئه‌ربیعا ل مووسل سێداره‌دا ژ ئه‌گه‌رێ نه‌رازى بونا وى كو د اعش مالێ خه‌لكى ببه‌ت، ژ ئالیه‌كێ دى ڤه ل تاخێ ره‌شیدیه سێ خانیێن تاخێ ره‌شیدیه یێ توركمانا په‌قاندن:
ناڤبرى گوت ژى : دهه‌مان روژدا مه‌زنترین ئه‌میرێ داعش یێ بناڤ و ده‌نگ ل ناڤ مووسل بناڤێ عبدالله محه‌مه‌د ل ده‌ڤه‌را حى زراعى كه‌فته به‌ر بوردومانێن فروكه‌یا و ل گه‌ل چه‌كدارێن خوه دهێته كوشتن.
هةروةسا ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو ئه‌ڤرو نيوز دیار كر كو ئه‌ڤرو 28/6/2015 چه‌كدارێن تیروستێن داعش ژنه‌كا حه‌فتێ سالى بناڤێ هه‌نا ئه‌حمه‌د عبوش ب شێوه‌یه‌كێ درندانه پشتى سێداره‌دانێ سوت ل كومه‌لگه‌ها كراملێس سه‌ر قه‌زا تلكێف سه‌ر ب پارێزگه‌ها مووسل ڤه.
خراب تووش دبیت
وه‌زاره‌تا دارایيا عێراقێ ده‌ربارى پارێ هه‌رێمێ روونكرنه‌كێ دده‌ت
ئه‌ڤرۆ نیوز،زنار تۆڤى:
وه‌زاره‌تا دارایا عێراقێ ره‌تدكه‌ت كو بریار دابیت ڤێ هه‌یڤێ پاره‌یان بۆ هه‌رێمێ نه‌هنێریت.
بریكارێ وێ وه‌زاره‌تێ دبێژیت:هه‌تانوكه حسابا دووماهى یاڤێ هه‌یڤێ ته‌مام نه‌بوویه،هنده‌ك میدیایێن عێراقى دیاركرینه،بۆ ڤێ هه‌یڤێ به‌غدا بریاردایه كو هیچ پاره‌یه‌كێ بۆ هه‌رێمێ ره‌وانه نه‌كه‌ت،ب به‌هانه‌یا هندێ كو هه‌رێم پابه‌ندى هنارتنا نه‌فتێ نه‌بوویه.
د.فازل نه‌بى بریكارێ وه‌زاره‌تا دارایا عێراقێ دبێژیت:ب مه‌به‌ستا هنارتنا به‌شه بۆدجه‌یێ هه‌رێمێ بۆ هه‌یڤا خزیرانێ ژلایێ به‌غداڤه،لدووماهیا هه‌مى هه‌یڤان ده‌ست ب ئاماده‌كاریان دكه‌ین،هه‌مى هه‌یڤان ل گووره‌ى وێ نه‌فتا هه‌رێم دفروشیت رێژا وى پاره‌ى دهێته دیاركرن كو به‌غدا بۆ هه‌رێمێ دهنێریت.
دیاركر ژى:ب ئه‌گه‌رێ نه ته‌مامكرنا وان حیسباتان،نزانین بۆ ڤێ هه‌یڤێ به‌غدا دێ چه‌ند پاران بۆ هه‌رێمێ ره‌وانه‌كه‌ت، دهێته چاڤه‌رێكرن كو ل حه‌فتیا بهێت ده‌ست ب وێ پروسه‌یێ بكه‌ین.
هه‌روه‌سا گوت ژى:ئه‌و گۆتنه هه‌مى دوورن ژ راستیێ یێن كو دبێژن:به‌غدا بۆ هه‌یڤا خزیرانێ هیچ پاره‌یه‌كێ ره‌وانه ناكه‌ت،چونكى هه‌تانوكه هه‌یڤ بدووماهى نه‌هاتیه و مه ژى حیساباتێن خوه ته‌مام نه‌كرینه.
سه‌فین دزه‌یى ئاخفتنكه‌رێ حوكمه‌تا هه‌رێمێ دبێژیت:ب ئه‌گه‌رێ پابه‌ند نه‌بوونا به‌غدا ب رێكه‌فتنا دگه‌ل هه‌رێمێ،ل ڤێ هه‌یڤێ هنارتنا نه‌فتێ برێیا كۆمپانیا سۆمۆ كێمكریه،چونكى ل هه‌یڤا بۆرى حوكمه‌تا هه‌رێمێ ب ته‌مامى پابه‌ندى رێكه‌فتنێ بوو دگه‌ل به‌غدا به‌لێ به‌غدا وه‌ك پێدڤى به‌شه بۆدجه‌یێ هه‌رێمێ ڤرێ نه‌كربوو.
پێنج شه‌مبى و ئێكشه‌مبیێ ئه‌ڤ جهه دێ مووچه‌ى وه‌رگرن
كوردستان ل سالا 2100
ئه‌ڤرۆ نيوز:
ئه‌ڤێن ل خوارێ چه‌ند خه‌ونه‌كن رۆژنامه‌ڤان به‌يار زاويته‌يى ل لاپه‌رێ هه‌مه‌ره‌نگ يێ رۆژناما ئه‌ڤرۆ به‌لاڤكرينه:
• حكوومه‌تا كۆمارا كوردستان هنده‌ك پاسپورت چێكرینه و ل سه‌ر نڤیسیه ” كوردستان یا به‌رهه‌ڤه هه‌تا دووماهی پێشمه‌رگه به‌رگریێ ژ خودانێ ڤێ پاسپورتێ بكه‌ت”.
• سه‌رۆكێ ئه‌مریكا ژ سه‌ره‌دانا خوه بۆ كوردستانێ لێڤه بوو پشتی سه‌رۆكێ كوردستان رازینه‌بووی هاریكاریێن مرۆڤاتی پێشكێشی ئه‌مریكا بكه‌ت پشتی رێكخراوێن تیرۆرستیێن هشكباوه‌ر چه‌ندین ویلایه‌تێن وی وه‌لاتی داگیركرین.
• كوردستانێ 20 هزار ته‌نێن باجانسۆركان و 12 هزار ته‌نێن خیاران و هه‌شت ته‌نێن سێڤێن به‌رواریان هاڤێتنه رووبارێ دیجله‌ی دا بهایێ وان ل بازارێن جیهانێ راگریت.
• پشتی به‌رفره‌هبوونا سنۆرێن كوردستانێ، وه‌لاتێ مسرێ ب فه‌رمی داخواز كر بكه‌ڤیته د نه‌خشێ كوردستانێ دا وه‌كو هه‌رێمه‌كا فیدرال.
• وه‌زیرێ دارایی یێ كۆمارا كوردستانێ د كونگره‌كێ رۆژنامه‌ڤانی دا و ب گولله‌كا ده‌بانجێ دوماهی ب ژیانا خوه ئینا پشتی گه‌ندلیه‌ك د وه‌زاره‌تا ناڤبری دا ئاشكرا بووی.
• سه‌رۆككۆمارێ كوردستانێ ده‌ست ب گه‌شته‌كا دان و ستاندنان ل گه‌ل سه‌رۆكێن وه‌لاتێن ئورۆپا كر بۆ رێگرتنێ ل هه‌مبه‌ر كوچبه‌رێن نه شه‌رعی یێن ئورۆپا به‌ر ب كوردستانێ.
• جڤاتا ئاسایشا نیڤده‌وله‌تی ب بریاره‌كێ رێ دا پێشمه‌رگه‌ی ئۆپه‌راسیونه‌كێ بۆ ڤه‌گه‌راندنا گزیرته‌كا بریتانی ژ ده‌ستێ هشكباوه‌رێن مه‌سیحی یێن به‌ری ده‌مه‌كی داگیركری.
• ژاپۆنێ داخواز ژ كۆمارا كوردستانێ كر بنگه‌هه‌كێ پێشمه‌رگه‌ی ل كنارێن وی وه‌لاتی بدانیت بۆ پاراستنا وه‌لاتێ وان ژ كه‌فێن وه‌لاتێ تایوان.
• وه‌زیرێ پێشمه‌رگه‌ی ل سه‌ر گه‌فێن رۆسی بۆ وه‌لاتێ هندستانێ: هه‌ر گه‌فه‌كا ل سه‌ر نیودلهی گه‌فه ل سه‌ر دیاربه‌كرێ.
• هه‌لبژارتیێ كوردستانێ شیا بگه‌هیته یاریا دووماهیا موندیالێ ئه‌وا نوكه یاریێن وێ ل كوردستانێ برێڤه‌دچن پشتی ل سه‌ر هه‌لبژارتیێ به‌رازیل ب 3 گولان به‌رامبه‌ر گوله‌كێ ب سه‌ركه‌فتی و ل یاریا دووماهیێ ژی دێ ل گه‌ل هه‌لبژارتیێ سۆمالێ ل یاریگه‌ها زاخۆ كه‌ت.
• وه‌زاره‌تا گه‌هاندنێ ل كۆمارا كوردستانێ وه‌كو هاریكاری شیا هێلا ئنترنێتی ب ته‌كنیكا WiFi بده‌ته 75 وه‌لاتێن هه‌ژار كو وه‌لاتی دشێن بێ به‌رامبه‌ر وێ هێلێ بكاربینن.
• وه‌لاتێ ئه‌لمانیا داخوازا قه‌ره‌كێ ب كۆژمێ هه‌شت ملیار دۆلاران ژ كۆمارا كوردستانێ كریه و حكوومه‌تا كوردستانی ژی دیار كر كو دێ ڤه‌كۆلینێ ل سه‌ر داخواز وان كه‌ن.
• په‌رله‌مانێ كوردستانێ بریار دا هه‌ر زه‌لامێ ژنا دویێ بینیت هه‌می مه‌زاختیێن وی دێ حكوومه‌ت ده‌ت ب مه‌رجه‌كی ژنا دویێ یا كوردستانی بیت.
نيشاندان
WP Facebook Auto Publish Powered By : XYZScripts.com