ئه‌ڤرۆ نیوز:
توركیا دیواره‌كێ كونگرێنى ب درێژاهیا 911 كیلومتران و ب بلنداهیا سێ متر و 50 سه‌نتیمتران ل سه‌ر سنورێ سوریا دروست دكه‌ت.
ل گور ده‌نگوباسه‌كێ ئاژانسا سون ده‌قیقه یا توركى، حكومه‌تا توركیا بریاردایه بۆ رێگرتن ژ هه‌ر جوره ره‌نگه‌كێ قاچاخچیاتێ، پرۆژێ دیوارێ كونگرێتى ل سه‌ر سنورێ د ناڤبه‌را توركیا و سوریا ئه‌نجام بده‌ت.
ئه‌ڤرۆ نیوز:
ساله‌ك ب سه‌ر دانانا قه‌لایا هه‌ولێرێ د لیستا شوونوارێن جیهانێ دا ده‌رباز دبیت، به‌لام نوكه ژ ئه‌گه‌رێ راوه‌ستیانا كارى تێدا، مه‌ترسیا وێ یه‌كێ ل سه‌ر هه‌یه كو رێكخراوا یونسكو قه‌لایا هه‌ولێرێ ژ لیستا شوونوارێن جیهانى بئینته ده‌ر.
د جیهانێ دا 107 جهێن شوونوارى هه‌یه كو ناڤێن وان د لیستا یونسكو دا هاتینه توماركرن، قه‌لا هه‌ولێرێ ژى ئێك ژ وانه.
ئه‌ڤرۆ نیوز:
میرزا دناى چالاكڤانێ ئێزدى بۆ سومه‌ریه نیوز دیاركر كو د ماوێ دو رۆژێن بوورى دا، نێزیكى 2 هه‌تا 3 هزار وه‌لاتیێن ئێزدى ل كه‌مپێن توركیا
ب پێیان به‌ره‌ڤ سنورێ ده‌وله‌تا بولگاریا چووینه بۆ وێ یه‌كێ داخوازا مافێ په‌نابه‌ریێ ل وى وه‌لاتى بكه‌ن و د رێیێ دا روى ب روى ره‌وشه‌كا ئالوز بووینه، دڤێت كومه‌لگه‌هێ نێڤده‌وله‌تى د هه‌وارا وان بچیت.
ئه‌ڤرۆ نیوز:
د.دیندار نه‌جمان دوسكى ئه‌ندامێ ده‌ست ژ كاركێشایى یێ مه‌كته‌با سیاسى یا یه‌كگرتووى ئیسلامى كوردستان دیاركر كو پشتى وى ده‌ست ژ كاركێشاى، دو شاندێن یه‌كگرتوو سه‌را مالى وى كرینه و گۆت” ژبلى ئه‌نجومه‌نێ سه‌ركردایه‌تیا یه‌كگرتوو ل بادینان، شانده‌كێ مه‌كته‌با سیاسى ل سه‌ركردایه‌تیا یه‌كگرتوو ل مال سه‌را من دا، به‌لێ من گوته وان ئه‌زێ رژدم ل سه‌ر بریارا ده‌ست ژ كاركێشانا خوه و لێڤه‌نابم”
دیندار دبێژیت: پرسا سه‌رۆكایه‌تیا هه‌رێمێ پرسه‌كا هه‌ستیاره، دڤێت ب سازان بهێته چاره‌كرن.
ئه‌ڤرۆ نیوز:
ئاراس ره‌شاڤایى په‌یامنێرێ ئه‌ڤرۆ ل نه‌رویج پشكدارى د به‌ریكانه‌كا وێنه‌گرتنێ دا كربوو كو رۆژنا ( Hardanger Folkeblad) یا نه‌رویجى رێكخستبوو، پشتى ب سه‌دان رۆژنامه‌ڤانێن نه‌رویجى وێنێن خوه پێشكێشى به‌ریكانێ كرین، وێنێ رۆژنامه‌ڤان ئاراس ره‌شاڤایى ب باشترین وێنه هاته هه‌لبژارتن و خه‌لاتكرن… پیرۆزه
ئاراس ره‌شاڤایى ب ڤى وێنه‌ى پشكدارى د به‌ریكانێ دا كربوو
ئه‌ڤرۆ نیوز، رێوار مزیرى:
ئه‌ڤرۆ ل ده‌مژمێر 3 و نیڤى ئێڤارى ل پیشه‌سازبا ترۆمبێلان ل دهۆكێ ئاگر به‌ربوو ترۆمبێله‌كێ ژ جورێ ئوبترا و ترۆمبێل هه‌مى هاته سوتن.
نیوار فه‌ریق به‌رپرسێ په‌یوه‌ندى و راگه‌هاندنا رێڤه‌به‌ریا به‌ره‌ڤانیا باژێرى ل دهۆكێ بۆ ئه‌ڤرۆ نیوز دیاركر كو ئه‌گه‌رێ سووتنا ڤێ ترومبێلێ ڤه‌دگه‌ریت بۆ وێ چه‌ندێ كو زارۆیه‌كێ ئاگر به‌ردابوونه كلێشه‌كێ ل نك ترۆمبێلێ و گۆت” ژبه‌ر دژوایا ئاگرى، ئاگر خوه ل ترۆمبێله‌كا ب ره‌خ ڤه‌دا و هنده‌ك پارچێن له‌شێ شوفێرى هاتنه سوتن و ئێكسه‌ر بۆ نه‌خوشخانێ هاته ڤه‌گوهاستن”.
ئه‌ڤرۆ نیوز:
نڤیسینگه‌ها سكرتێرێ مه‌كته‌با سیاسى یا پارتى دیموكراتى كوردستان ئه‌و داخویانیێن ب ناڤێ فازل میرانى ل تورێن جڤاكى به‌لاڤبووى، ب نه‌وه‌یى ده‌رێخستى یه.
نڤیسینگه‌ها سكرتێرێ مه‌كته‌با سیاسى یا پارتى دیموكراتى كوردستان د رۆنكرنه‌كێ دا دیاركریه: ئه‌و تشتێ ب ناڤێ میرانى به‌لاڤبووى، دوورن ژ راستیێ و نه ئاخافتنا میرانى یه، هه‌ڤال فازل میرانى دووپاتیێ ل سیاسه‌تا پارتى و بلندراگرتنا به‌رژه‌وه‌ندیێن گه‌لێ كوردستانێ و ئێكرێزیا ناڤ مالا كوردستانێ دكه‌ت و پابه‌ندبوون ب بنه‌مایێ سازانێ وه‌ك بژاردا سیاسى بۆ ڤێ قوناغا چاره‌نڤیساز.
ئه‌ڤرۆ نیوز،زنار تۆڤى:
ژ ئه‌گه‌ره‌كێ نه‌دیار ل رۆژا شه‌مبى 27/6/2015 ئاگر به‌ر دبیته چه‌مه‌كێ جوتیاره‌كێ ل ده‌ڤه‌را به‌ورارى بالا و د ئه‌نجام دا پتریا چه‌مێ وى دهێته سۆتن و زیانێن مه‌زن گه‌هشتنه داروبارێ وى.
عه‌بدولا حه‌جى جوتیاره‌كێ ده‌ڤه‌را به‌روارى بالایه بۆ ئه‌ڤرۆ نیوز دبێژیت:ئه‌ڤه پترى 11 سالانه وى چه‌مه‌كێ مه‌زن چێكرى و پترى هزار بنێن داروبارێ جودا ل ناڤ چاندینه و گه‌له‌ك مه‌زاختن لێكریه،لێ ژ نشكه‌كێڤه وى دیت ئاگر به‌ربوویه چه‌مێ وى و هه‌تاكو گه‌هشتینه جهێ ئاگرى ژ ئه‌گه‌رێ هه‌بوونا پیش و په‌له‌خه‌كێ زۆر ل ده‌وروبه‌رێن چه‌مى وى ئاگرى پتریا چه‌مى سۆت و وان زه‌حمه‌ته‌كا مه‌زن بر هه‌تاكو شیاین ئاگرى كونترول بكه‌ن.
ئه‌و ڤێ چه‌ندێ ڤه‌دگه‌رینیت كو ئه‌و چه‌م نێزیكى جادێ یه له‌ورا ئه‌و ئاگر ژلایێ جادێ ڤه به‌ربوویێ و گوتژى:ئاگرى گه‌له‌ك زیان گه‌هاندینه چه‌مێ وى و پترى 350 بنێن داروبارێ وه‌كى سیڤ و باهیڤ و مشمش و هژیران سۆتینه،ب ڤێ چه‌ندێ به‌رهه‌مێ ئه‌ڤ ساله پتریا وى ژناڤ چوو.
نيشاندان