ئه‌ڤرۆ نیوز:
یەکگرتووی ئیسلامی کوردستان داخوازا كومبوونا بله‌ز یا 5 ئالیێن سیاسیێن كوردستانێ دكه‌ت داكو بگه‌هنه سازانه‌كا نیشتمانى ل سه‌ر پرسا پوستێ سه‌رۆكایه‌تیا هه‌رێمێ.
ئه‌ڤرۆ یەکگرتووی ئیسلامی کوردستان د راگه‌هاندنه‌كێ دا ئاماژه ب وێ یه‌كێ دایه كو چاره‌كرنا پرسا ویلایه‌تا سه‌رۆكێ هه‌رێمێ دێ ب سازانا نیشتمانى و د چوارچوڤێ دستوورى دا هێته چاره‌كرن، به‌لێ پرسا دستوورێ هه‌رێما كوردستانێ ل ژڤانێ خوه ده‌ركه‌فتیه.
ئه‌ڤرۆ نيوز، ئه‌ياد به‌روارى:
بڕياره سوبه‌هى رۆژا سێشه‌مبى رێكه‌فتى 23ى خزيرانا 2015ێ دو وه‌زاره‌تێن دى ل حوكمه‌تا هه‌رێما كوردستانێ دێ مووچێ هه‌يڤا نيسانێ وه‌رگرن.
پشكا په‌يوه‌ندى و راگه‌هاندنێ ل وه‌زاره‌تا دارايى و ئابووريا حوكمه‌تا هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 23ى خزيرانا 2015ێ مووچێ هه‌يڤا نيسانێ يێ هه‌ردو وه‌زاره‌تێن ئاڤه‌دانه‌كرن و بنه‌جهكرنێ و و ڤه‌گوهاستن و گه‌هاندنێ بهێته به‌لاڤكرن.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ فراكسيۆنا يه‌كگرتوو ئيسلامى كوردستان ل جڤاتا پارێزگه‌ها دهۆكێ راگه‌هاند كو ل دۆر ئه‌و كێشا پانزينێ يا نوكه ل پارێزگه‌ها دهۆكێ هه‌يى، پارێزگارى داخوازى جڤاتێ بكه‌ن.
سه‌باح بابيرى، سه‌رۆكێ فراكسيۆنا يه‌كگرتوو ئيسلامى كوردستان ل جڤاتا پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ كۆمبوونا جڤاتا پارێزگه‌ها دهۆكێ هاته ئه‌نجام دان و تێدا دانوستاندن ل سه‌ر سێ ته‌وه‌ران هاته كرن”.
زێده‌تر گۆت: “ئێك ژ وان ته‌وه‌رێن دانوستاندن ل سه‌ر هاتيه كرن، كێشا پانزينێ بوو، كو مه وه‌كو فراكسيۆنا يه‌كگرتوو پێ باش بوو پارێزگارێ دهۆكێ ل دۆر ڤێ كێشێ بۆ جڤاتێ بهێته گازيكرن”.
دا زانين ژى كو سه‌رۆكاتيا جڤاتا پارێزگه‌هێ ل سه‌ر ڤێ چه‌ندێ رازى نه‌بوون ب به‌هانه‌يا وێ چه‌ندێ كو ئه‌و دێ جارێ ب ره‌نگه‌كێ نه‌يێ فه‌رمى بابه‌تى ل گه‌ل گه‌نگه‌شه كه‌ن دا بزانن گه‌هشتيه كيرێ و ل چو ئاسته.
سه‌رۆكێ فراكسيۆنا يه‌كگرتوو ئيسلامى كوردستان ل جڤاتا پارێزگه‌ها دهۆكێ پێ باش بوو پتر ده‌ليڤه بهێته خۆشكرن كو وه‌لاتى بشێن پانزينێ ژ ده‌رڤه بينن و ره‌نگه‌كێ بازرگانى بفرۆشن چونكو نوكه رێكارێن وێ گه‌له‌ك ب زه‌حمه‌تن.
سه‌باح بابيرى گۆتژى: “به‌لێ هه‌كه ره‌زامه‌ندى ل سه‌ر ڤى بابه‌تى هاته كرن ژى پێدڤيه ب هوورى دووڤچوونا ڤان بازرگانان بهێته كرن و كوالێتيا پانزينێ يا باش بيت و بۆ خزمه‌تكرنا وه‌لاتيان بيت”.
ئه‌ڤرۆ نيوز:
ئه‌ندامه‌كێ به‌رێ يێ سه‌ركرداتيا پارتى ديموكراتى كوردستان راگه‌هاند كو دا كو پێگه‌هێ سه‌رۆكى يێ ب هێز بيت باشتره ژ لايێ وه‌لاتيان ڤه بهێته هه‌لبژارتن و لايه‌نێ هه‌ڤدژى ڤێ كار دكه‌ت ژ پێگه‌هێ خوه يێ جه‌ماوه‌رى يێ دو دله.
ئه‌دهه‌م بارزانى، ئه‌ندامێ به‌رێ يێ سه‌ركرداتيا پارتى ديموكراتى كوردستان، ل په‌يجێ خوه يێ تۆڕا جڤاكيا فه‌يسبۆكى نڤيسيه: “چو گۆمان تێدا نينه هه‌ر سه‌رۆكه‌ك ئێكسه‌ر ژ لايێ جه‌ماوه‌رى ڤه بهێته هه‌لبژارتن دێ پێگه‌هه‌كێ ب هزێتر ل ده‌ف وه‌لاتيان هه‌بيت و ب شيانێن زێده‌تر ل سه‌ر ئاستێ ژ ناڤخۆ و ده‌رڤه دێ شێت ئه‌ركێن خوه يێن نه‌ته‌وى د ڤێ قوزناغا ئازادكرنا وه‌لاتى دا ب رێڤه به‌ت”.
ئاماژه ب وێ چه‌ندێ ژى كريه كو ب بۆچوونا وى هه‌ر كه‌س و لايه‌نه‌ك هه‌ڤدژى ڤێ بۆچوونێ ته‌ماشه بكه‌ت دبيت ژ پێگه‌هێ خوه يێ جه‌ماوه‌رى يێ دو دل بيت.
ئه‌ڤرۆ نيوز:
عه‌لى عه‌ونێ ئه‌ندامێ سه‌ركرداتيا پارتى ديموكراتى كوردستان بۆ ئاوێنه گۆت: “هه‌كه بێژين كاودان نه‌دخۆشن و پلا هه‌لبژارتن نه‌هێنه كرن، دێ بێژن پارتى دڤێت دكتاتۆريه‌تێ بكه‌ت، هه‌كه بێژين ژى بلا بهێنه كرن، دێ بێژن يا كاودانان تێكدده‌ت”.
زێده‌تر گۆت: “وه‌سان دبينم كو سه‌رۆكێ هه‌رێمێ كاره‌كێ باش يێ كرى ده‌ما گۆتى ئه‌ز داخوازا هه‌لبژارتنان دكه‌م، ئه‌وێن 100 پێگوهۆڕ ژى بۆ بارزانى هه‌ين بلا ب فه‌رموون و كه‌سێ رێگرى لێ نه‌كريه”.
پێشتر عه‌لى باپير ئه‌ميرێ كۆمه‌لا ئيسلامى راگه‌هاند بوو كو بۆ پۆستێ سه‌رۆكاتيا هه‌رێمێ، ئه‌و سه‌د به‌ديلێن مه‌سعود بارزانى يێن هه‌ين.
ئەڤرۆ نيوز:
ئەڤین ئاکن ژزارۆکاتیا خوە دناڤ مالبەاتەکا ھونەری دا مەزن بوویە، سەرەرایی کو ناڤھاتی ل ئورۆپا ھاتیە سەر دونیایی، لێ ژبەرکو ھونەر دوستن زوو حەزو ڤیانا سترانگوتنێ ل دەف پەیدا بوو، ھەروەسا ژبلی کارێ سترانگوتنێ وەک پارێزەر کارێ خوە یێ رۆژانە دکەت و بەرھەمەک ب ناڤێ دایێ بەلاڤکریە .
ناڤھاتیێ بۆ ئەڤرۆ گۆت: دژیەکێ گەلەک بچووکدا ب پشتەڤانیا خوە من ستران گۆتینە، و پترحەزا من یێن گەلەری نە، لێ بەری چەند رۆژان ئەلبۆما منا ب ناڤێ (دایێ) کو ژ یازدە تراکان پێک دھێت کەفتە بازاری و پرانیا پەیڤ و ئاوازان یێن ھەلبەستڤان دلفەتارن و ھیڤی یا من ئەوە ئەلبۆما من بگەھیتە باشۆرێ کوردستانێ ژی.
دووڤدا گۆت: نوکە ئەز مژوولی کلیپکرنا سترانەکێ مە کو ل دۆر شنگالێ یە، و کار یێ بەر ب دووماھیێ دچیت.
ل دووماھیێ ئەڤینێ دیارکر کو ئەو ئەڤیندارە و ب گۆتنا وێ ژیانا بێ ئەڤینی چ واتەیا خوە نینە، ھەروەسا حەزژێکرنا من بۆ ھونەری یا بێ سنۆرە.
ئەڤرۆ نيوز:
سترانبێژەکا بەرنیاسا باکۆرێ کوردستانێ راگەھاند کو ئەڤە دەمەکێ درێژە دووماھی ئەلبۆما وێ یا بەرھەڤە ژبۆ بەلاڤکرنێ، لێ ژبەر کاودانێن نوکە جارێ ئەو بەلاڤ ناکەت و بۆ دەمەکێ نەدیار پاشخستیە.
رۆژدایێ گۆت: پشتی زەحمەتەکا زێدە ئەم شیاین دووماھی ئەلبۆما خوە چێکەین و ھەر ژنوکە ئەز ب باوەرم دێ حەزژێکەرێن دەنگێ من پێشوازیێ لێ کەن، لێ ئەوا راست بیت ژبەر کاودانێن نوکە ئەز نەشێم بەلاڤکەم، ژبەرکو خەمێن ھەموو کوردان و ل ھەر جھەکێ ھەبن یێن منن، لێ ئەزا گەشبینم کو ئێدی ئەو خەم ھێدی ھێدی یێ سڤک دبن و من باوەریەکا مەزنا ھەی دووماھیا داعشێ یا نێزیک و ئێدی دێ ژیان نۆرمال بیتە ڤە.
ئەلبۆما ناڤھاتیێ کو ھەتا نوکە چو ناڤ بۆ نەھاتینە دانان ژ نەە تراکان پێک دھێت و پتریا کارێ وێ ل ئیستەمبوولێ ھاتیە چێکرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21ى خزيرانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1300 |
| 1 يۆرۆيێ ئه‌ورۆپى | 1470 |
| 1 ليرێ توركى | 470 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
نيشاندان
