ئه‌ڤرۆ نیۆز، قائید میرۆ
ل میحوه‌رێ رۆژئاڤایێ دیجله پێشمه‌رگه‌ی باره‌گایه‌كێ تیرۆرستێن داعش خراپكر و هه‌موو تیرۆرستێن ناڤا گوندی هاتنه كوشتن.
عه‌قید دلشاد مه‌ولوود، به‌رپرسێ هۆبا راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” ده‌مژمێر دوو و 35 ده‌قیقێ پشتی نیڤرۆیا ئه‌ڤرۆ، تۆپخانه‌یێن فه‌رماندا زێره‌ڤانی ب هه‌ماهه‌نگیا فڕۆكه‌یێن هه‌ڤپه‌یمانان بنگه‌هه‌كێ تیرۆرستێن داعش ل گوندێ ته‌شتێ یێ میحوه‌رێ رۆژئاڤایێ دیجله بوردۆمانكرن”.
عه‌قید دلشادی گۆتژی” ئه‌ڤی گوندی هاوه‌نێن داعش تێدابووینه و گوره‌ی زانیاریێن مه ته‌ڤایا تیرۆرستێن ناڤا ئه‌ڤی گوندی هاتینه كوشتن و باره‌گایێ داعش هاتیه خراپكرن”.
ئه‌ڤرۆ نیوز، بارزان
ئه‌ڤروسپێدێ 21/6/2015 چه‌كدارێن تیرورستێن داعش ئه‌و وه‌لاتیێن دوو خانى ل سه‌ر ناڤێ وى بن، ئێك ژ وان خانیا لسه‌ر ناڤێ وى رادكه‌ن و د ئیخنه سه‌ر ناڤێن وان كه‌سێن رێكخستییێن داعش ئه‌وێن بیانى هاتینه دناڤ رێزێن وان .
عصمت ره‌جه‌ب به‌رپرسێ لقێ 14 ل مووسل بۆ ئه‌ڤرۆ نیوز گوت : هه‌ركه‌سێ دوو تشت ل سه‌ر ناڤى بن ئێك ژ وان دهێته ژێ ستاندن و دزڤرینن بو رێكخستیێن داعش .
ناڤبرى زێده‌تر گوت: دهه‌مان روژدا چه‌كدارێن تیرورِستێن داعش عه‌قید شامل مزهر كو به‌رى نها دناڤ رێزێن له‌شكه‌رێ عێراقێ بو دگه‌ل كورێ وى دناڤ سه‌نته‌رێ مووسل سێداره‌دان ل پێش چاڤێن خه‌لكى .
ئه‌ڤرۆ نيوز:
ژه‌نرال دايڤد پاتريۆس، سه‌ركردێ سه‌ركرداتيا ناڤه‌ندى يا هێزێن چه‌كدارێن ئه‌مريكى يا به‌رێ، راگه‌هاند ميليشياتێن شيعه مه‌ترسيدارترن بۆ ئێكگرتنا عيراقێ ژ چه‌كدارێن داعش، د سه‌ر وێ چه‌ندێ ژى دانپێدانێ ب وێ چه‌ندێ دكه‌ت كو پێشتر ئه‌گه‌رێ رزگاركرنا عيراقێ بوون ژ نه‌كه‌فتنێ.
ده‌رباره‌يى شه‌رێن دژى داعش، دێڤێد پترايۆس گۆت: “هێزێن په‌ژايى يێن بيانى ره‌وانه‌يى عيراقێ و سوريا ناكه‌ين، ئه‌و ئه‌ركێ وانه”، ئاماژه ب وێ چه‌ندێ ژى كر كو ل چ كوژيكێن دونيايێ جهێ رێكخستيا تۆندڕه‌وا داعش نينه.
ئاماژه ب وێ چه‌ندێ ژى كر كو راكێشه‌رێ موگناتيسى يێن داعش ل سوريا به‌شار ئه‌سه‌ده و نابيته پشكه‌ك ژ چو چاره‌سه‌ريان.
ئه‌ڤرۆ نيوز:
وه‌زيرێ به‌ره‌ڤانيا فره‌نسا دێ سه‌ره‌دانا هه‌رێما كوردستانێ كه‌ت و بێ ڤه‌گه‌ريان بۆ به‌غدا، دێ چه‌كى راده‌ستى هێزێن پێشمه‌رگه‌يى كه‌ت.
عه‌لى دۆله‌مه‌رى جێگرێ نوونه‌رێ حوكمه‌تا هه‌رێما كوردستانێ ل فره‌نسا راگه‌هاند: د چه‌ند رۆژێن بهێت دا، وه‌زيرێ به‌ره‌ڤانيا فره‌نسا دێ سه‌ره‌دانا هه‌رێما كوردستانێ كه‌ت و ل گه‌ل به‌رپرسێن بلندێن حوكمه‌تا هه‌رێمێ كۆم بيت.
جێگرێ نوونه‌رێ حوكمه‌تا هه‌رێما كوردستانێ ل فره‌نسا ئاشكه‌را كر كو وه‌زيرێ به‌ره‌ڤانيا فره‌نسا دێ ل گه‌ل خوه ژماره‌كا چه‌كێ پێشكه‌فتى و ژ جۆرێ “ميلان و هاون و دوشك” ئينيت و راستى وه‌زاره‌تا پێشمه‌رگه‌يى ل حوكمه‌تا هه‌رێما كوردستانێ كه‌ت.
ناڤبرى ئاماژه ب وێ چه‌ندێ ژى كر كو فره‌نسا بێ ڤه‌گه‌ريان بۆ حوكمه‌تا فيدرالا عيراقێ دێ ئه‌وان چه‌كان راده‌ستێ هه‌رێما كوردستانێ كه‌ت.
ئه‌ڤرۆ نيوز:
تە جارەکێ پرسیار کریە کا بۆچی ھندەک مرۆڤ ژ ھندەکێن دی دلخۆشترن؟ ھەمی کەس د ژیانێ دا تووشی ئاریشا و کارەساتان دبن چونکو ئەو پارچەکن ژ ژیانێ.
بەلێ ھندەک مرۆڤێن ھەین سەرەرای کاودانێن نەخۆش و زەحمەتیا ژیانێ ھەر گرنژین خوە ل سەر لێڤێن وان دھلاڤێت. شارەزا دبێژن جوداھیا ڤان مرۆڤان ل گەل یێن دی ئەوە کوان شیانێن ھەین رەفتارێ ل گەل ھەلویستێن جودا بکەن، و رێیا سەرکردایەتیا وان بۆ ژیانێ. ھندەک تشتێن ھەین تو دشێی ل دووڤ بچی و رامانا خۆشیێ د ژیانا خوەدا ئاشکرا بکەی.
تیشکا رۆژێ نەکە دوژمنێ خوە. چونکو گەلەک راوەستیان ل بەر تیشکا رۆژێ پیستی پووچ دکەت، ھەروەسا ھەکە گەلەک کێم ژی ل بەر راوەستی ھەر یا خرابە. لەورا بزاڤێ بکە ل سەرێ سپێدێ خوە بدە بەر تیشکا رۆژێ چونکو کێمبوونا ڤیتامین D ئاریشێن ساخلەمی و مێشکی پەیدا دکەت.
مرۆڤێن دلخۆش ھەروەسا قەبارەکێ پێدڤی یێ خەوێ دنڤن، شارەزا دبێژن پێدڤیە ژ حەفت ھەتا ھەشت سەعەتان رۆژانە بنڤن، خەوێ ژ خوە نەکە و رۆژێن بێھنڤەدان تێر بنڤە.
تە کەنگی کریە کەنی ھەتا تە ھەست ب نەخۆشیێ کری؟ دبێژن کەنی نە ب تنێ رێیەکا چارەسەریا لەشی ب تنێ یە بەلکو یا گیانی ژی یە. بەرێخوەدانا فلمێن کومێدی یان خواندنا تشتەکێ بکەنی دێ تە گرنژینیت و گێولێ تە خۆش کەت.
کەسێن دلخۆش مرۆڤێن دلخۆش رادکێشن. بەرێخوە بدە دەوروبەرێن خوە، کەسەک د ژیانا تەدا ھەیە کو ل پرانیا جاران کەیفخۆشیێ و گرنژینێ و ھەلویستێن ب کەنی ل گەل خوە دئینیت؟ سەرەرای کو ئەم نەشێین وان کەسان ھەلبژێرین یێن مە دڤێن ژیانا خوە ل گەل ببۆرینین، بەلێ ھەبوونا ھندەک کەسێن کەیفخۆش بەسە کو ئەم ھەست ب خۆشیێ بکەین.
مرۆڤێن دلخۆش د سوپاسدارن ل سەر وی تشتێ وان ھەی و یێ وان نەی ژی، دەمێ تو یێ سوپاسدار بی بۆ ھەمی تشتێن تە د ژیانا خوە دا ھەین دێ ھەمی تشت ل نک تە باشتر بن.
ئه‌ڤرۆ نيوز:
پشتی چەندین ڤەکۆلینان شارەزا گەھشتنە وێ چەندێ کو باجانسۆرک پیستی ژ قورمچینێ و پیراتیێ دپارێزیت.
ب ڤان ئەنجامان بەس نینە کو باجانسۆرکێ وەکو خوارن بخۆن بەلکو پێدڤیە بۆ چێکرنا ملحەمێن پیستی بکار بینن.
زانایێن زانکۆیا لەندن ژ ڤەکۆلینو تاقیکرنێن وان ئەنجامداین دیار کر کو باجانسۆرکا ئەم وەکو خوارن دخۆین، دشێت یا ھاریکار بیت بۆ گیرۆکرنا پیراتیا پیستی و قورمچینا وی، وەسا دیار بوو کو ئەو کەرستێن د ناڤ باجانسۆرکێ دا پیستی ژ تیشکا د سەرمۆری را دپارێزیت و ب تایبەت باندۆرا وێ یا نەرێنی.
زێدەباری ڤێ چەندێ کەرستێ “لاکۆپین” Lakopin یێ ب رێژەکا بلند د ناڤ باجانسۆرکێ دا ھەی ئێک ژ بھێزترین کەرستێن دژی پیربوونا پیستی و قورمچینا وی یە.
زانا دووڤچوونا رەوشا پیستێ ژنان کر یێن عەمرێ وان د ناڤبەرا ٤٠ – ٦٠ سالیێ دا یێن پشکدار د تاقیکرنان دا کو سێ ھەیڤان ڤەکێشابوو، ئەو ژن کرنە دو کۆم. کۆما ئێکێ باجانسۆرک د حالەتێن نۆرمال دا دخوارن، کۆما دویێ رۆژنە باجانسۆرک یان ئاڤکا وان دخوار.
د ئەنجامان دا وەسا دیار بوو کو ژنێن کۆما دویێ ب رێژا ٥٠% کێمتر تووشی باندۆرا تیشکا د سەر مۆری را بوون، و ئەڤە باشترین بەلگەیە کو خوارنا باجانسۆرکان پیستی ژ پیربوونێ دپارێزیت.
ئه‌ڤرۆ نيوز:
گەنجەکێ ٢٦ سالی بۆ گوشا دلێ خوە ڤەکە دبێژیت: ئەز خودان کارم ئەڤە ماوێ سالەکێ یە من و کچەکێ پەیوەندیا ئەڤینیێ لگەل ھەڤدوو ھەیە و پەیوەندیا مە ژی بو ھەڤژینیێ یە ئەو ٢٣ و زانکو دەرچویا زانکویێ من گوتە مالا مە لێ مالا مە گوت کچ بیانیە و نە بسەر تەڤەیە و نە یا جوانە نابیت بخوە بینی من ژی گەلەک دڤێت و گەلەک یێ پێڤە ھاتیمە گرێدان ژبەرکو براستی ژی کچەکا ب رەوشتە و من باوەریا خوە یا دایێ ، ھەکە بھێلم ئەز دێ ھەست بگونەھێ کەم و دێ من ئێشینیت دەرونێ من، چونکی ئەڤە سالەکە بمن ڤە ھاتیە گرێدان و ھەکە بھێلم دێ غەدر لێ بیت ئەڤجا ھیڤیە ھوون چ دبێژن و ئەز چ بکەم؟
گەنجێ ھێژا :
ل دەستپێکێ پێدڤیە لسەر ھەرکەسەکی تەماشای رەوشتێ کچێ یان کوڕی بکەت باشترە لسەر ھەردووا تێگەھشتن ھەبیت دا پتر د گونجای بن دگەل ئێک، ھەروەسا بلا بریار یا تە بیت ھەرچەندە باشە مروڤ مفای ژ دیتنێت دەوروبەرا ببینیت نەخاسمە مالباتا مروڤی، بەلێ دڤێت تو خۆدان بڕیار بی و باوەریێ بومال چێکەی لسەر ھەر بابەتەکێ بھێتە بەردانوستاندنێ ئەڤجا ژدل بابەتی دگەل مال ب ھەلێخە بەر دانوستاندنێ و بدیتنا مە ئەو کچا ب پەروەردەیەکا باش ھاتبیتە پەروەردکرن و دەرچویا زانکویێ بیت دێ یاسەرکەفتی بیت د ژیانا ھەڤژینیێ دا.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
نيشاندان