ئه‌ڤرۆ نیوز:
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى Twitter
ل كه‌سكێ پێشمه‌رگه‌ی دو ترۆمبێلێن داعش ژناڤبرن
ئه‌ڤرۆ نیۆز، قائید میرۆ
پێشمه‌رگه‌ی دو ترۆمبێلێن داعش و باره‌گایه‌كێ داعش ل ده‌ڤه‌را كه‌سكێ بوردۆمانكرن و د ئه‌نجامدا هاتنه ژناڤبرن.
عه‌قید دلشاد مه‌ولوود، به‌رپرسێ هۆبا راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” ده‌مژمێر شه‌شی ئێڤاریا ئه‌ڤرۆ، فه‌رماندا زێره‌ڤانی ب هه‌ماهه‌نگیا فڕۆكه‌یێن هه‌ڤپه‌یمانان، باره‌گایه‌كێ تیرۆرستێن داعش و دو ترۆمبێلێن تیرۆرستا كو چه‌كێ كاتیۆشا هه‌لگرتبوو، ل گوندێ عاشق نێزیكی دۆڕیانا كه‌سكێ كرنه ئارمانج”.
عه‌قید دلشادی گۆتژی” گوره‌ی زانیاریێن فه‌رماندا زێره‌ڤانی ئه‌ف باره‌گایێ داعش بته‌مامی هاتیه خراپكرن و هه‌ردو ترۆمبێلێن وانژی ب چه‌كدارڤه هاتینه ژناڤبرن”.
ئێكشه‌مبیێ ئه‌ڤ جهه دێ مووچه‌ى وه‌رگرن
ئه‌ڤرۆ نیوز:
ل دووڤ راگه‌هاندنه‌كێ كو رێڤه‌به‌ریا راگه‌هاندن و په‌یوه‌ندیێن وه‌زاره‌تا دارایى و ئابوورى یا حكومه‌تا هه‌رێما كوردستانێ دانه‌یه‌ك بۆ ئه‌ڤرۆ نیوز هنارتیه، بریاره سوبه ئێكشه‌مبى 21 خزیرانێ مووچێ هه‌یڤا نیسانێ ل سه‌ر ڤان وه‌زاره‌ت و ده‌سته‌یان بهێته به‌لاڤكرن”
١_وەزارەتا پلاندانان
٢_ وەزارەتا سامانێن سروشتی
٣- دەستەیا وەبەرهێنان
٤_ ئەنجوومەنی دادوەری
٥_دەستەیا دەسپاكی
٦_ دەستەیا مافی مرۆڤ
٧_دەستەیا ده‌ڤه‌رێن ده‌رڤه‌ى هەرێم
٨_ دەزگایێ مین
٩_ دەستەیا ژینگەهێ
١٠_ دیوانا چاودێری دارایی.
داعش ئه‌گه‌رێن قه‌ده‌غه‌كرنا ته‌راویحان ئاشكرا دكه‌ت
ئه‌ڤرۆنیۆز، ئه‌یاد به‌روارى
ئیمامه‌كێ مزگه‌فته‌كا باژێرێ مووسلێ راگه‌هاند، رێكخستیا داعشێ نڤیژا ته‌راویحا ل هه‌موو مزگه‌فتێن مووسلێ قه‌ده‌غه‌كرن.
ل دووڤ په‌یچێ (رۆژناما نه‌ینه‌وا) ل سه‌ر تۆرا فیسبووكێ، شێخ سه‌عدوون نعێمی ئێك ژ ئیمامێن ب سه‌ر رێڤه‌به‌ریا ئه‌وقافا پاریزگه‌ها نه‌ینه‌وا دیاركریه كو رێكخستیا داعشێ بریاره‌ك ده‌ركریه ل دۆر قه‌ده‌غه‌كرنا نڤێژا ته‌راویحا ل هه‌موو مزگه‌فتێن باژێرێ مووسلێ.
ل دووڤ نعێمی، به‌هانه‌یا داعشێ بۆ قه‌ده‌غه‌كرنا نڤێژا ته‌راویحا ئه‌وه كو ئه‌و نڤێژ بدعه‌كا زانایێن ئایینی یه ل سعودیێ و نابیت ب چو شێوه‌كی ل (ده‌وله‌تا ئیسلامی) بهێته كرن.
نعێمی گوت ژى” داعشێ هوشداری یا دایه هه‌موو ئیمامێن مزگه‌فتان ل مووسلێ كو نڤێژا ته‌راویحا نه‌كه‌ن و ئه‌وێ سه‌رپێچیا بریارێ ژى بكه‌ت دێ هێته جه‌لدكرن”.
رێكخستیا تیرۆرستی یا داعشێ راگه‌هاندبوو كو رۆژا ئه‌ینیێ 19 خزیرانێ رۆژا ئێكێ یا مه‌ها ره‌مه‌زانێ یه.
لۆس ئه‌نجلۆس: دڤێت دانپێدانێ ب سێ پارچه‌يا عيراقێ بكه‌ين
ئه‌ڤرۆ نيوز:
رۆژناما لۆس نه‌جلۆس راپۆرته‌ك به‌لاڤكرينا و تێدا ئاماژه ب وێ چه‌ندێ كريه كو دڤێت هزرا عيراقا ئێگرتى ژ مێشكێ خوه ده‌ربێخن و راپۆرت ئاماژێ ب وێ چه‌ندێ دكه‌ت بۆچى راستيان ڤه‌شێرن؟ ل عيراقێ سێ هێزێن سه‌ره‌كى شه‌رى ل سه‌ر ئه‌ردى دكه‌ن ل دژى داعش، پێشمه‌رگه به‌ره‌ڤانيێ ژ كوردستاني دكه‌ت و دپارێزيت و ل ده‌ڤه‌رێن كوردى ل دژى داعش راوه‌ستيايه و چه‌كدارێن عه‌شيره‌تان كو پتريا وان ل رومادى شه‌رى دكه‌ن، ميليشياتێن شيهاتن ژى به‌ره‌ڤانيێ ژ به‌غدا و ده‌ڤه‌رێن دى دكه‌ن، باشه ته‌ماشه بكه‌ن ئێكگرتنا عيراقێ د كيرێ رايه؟
د لايه‌كێ دى يێ راپۆرتێ دا ئاماژه ب وێ چه‌ندێ هاتيه كرن كو عيراقێ له‌شكره‌ك يێ هه‌يى هه‌موو هاريكارى و پشته‌ڤانيا خوه يا له‌شكرى ژ ئه‌مريكا وه‌ردگريت، به‌لێ شه‌رى ناكه‌ت و ئه‌وى چه‌ك و ته‌قه‌مه‌نيێن ژ ئه‌مريكا وه‌رگرتين بۆ داعش ل مه‌يدانێ دهێليت.
هه‌ر د ڤێ راپۆرتێ دا پشت به‌ستن ل سه‌ر گۆتنێن سيناتۆرێ ئه‌مريكى جۆن مه‌ككين هاتيه كرن ده‌ما دبێژيت: “ئه‌و چه‌ك و ته‌قه‌مه‌نى و پشته‌ڤانى و مه‌شقكرنا ب له‌شكرێ عيراقێ هاتيه كرن، هه‌كه بۆ پێشمه‌رگه‌يى و چه‌كدارێن سونى بايه، دا ستراتيژيه‌تا شه‌رى يا كارا بيت و داعش ژ ناڤ چيت و شكێت، ئه‌ڤه‌يه يا حوكمه‌تا ناڤه‌ندى نه‌شيايى بكه‌ت”.
جۆن مه‌ككين گۆتژى: “ده‌م يێ هاتيه عيراق ل سه‌ر هه‌رسێ پشكێن وێ بهێته نياسين كو ئه‌و ژى كورد و عه‌ره‌بێن سونه و عه‌ره‌بێن شيعه نه”.
رۆژناما لۆس ئه‌نجلۆس وه‌سان دبينيت كو ئه‌مريكا دڤێت رازى بيت كو تشتێ ئه‌و نه‌شێت بگوهۆڕيت ئه‌و دژاتيا سونا و شيعايه، ژ به‌ر هندێ ژى بۆ ئارام راگرتنا عيراقێ، پێدڤيه خزمه‌تێن له‌شكرى ل هه‌رسێ پارچێن عيراقێ دابين بكه‌ت وه‌كو سێ پارچه سه‌ره‌ده‌ريێ ل گه‌ل بكه‌ت.
دبيت پانزينا حكۆمى نه‌مينيت و په‌رله‌مان دێ دووڤچوونێ كه‌ت
ئه‌ڤرۆ نيوز، نيوار محه‌مه‌د سه‌ليم:
په‌رله‌مانتاره‌كێ كوردستانێ راگه‌هاند كو ئه‌و دێ دوشه‌مبێ دووڤچوونا وى بابه‌تى كه‌ن يێ كو دبێژيت دبيت پانزينا حكۆمى نه‌مينيت و سه‌رۆكێ لژنا سامانێن سرۆشتى ل پارێزگه‌ها دهۆك ژى بێ ئاگه‌هيا خوه ژێ دده‌ته زانين.
دو رۆژه ده‌نگويێ وێ چه‌ندێ به‌لاڤبووى كو ئاشتى هه‌ورامى وه‌زيرێ سامانێن سرۆشتى ل حوكمه‌تا هه‌رێما كوردستانێ به‌رپرسێن يه‌كێن ئيدارى ل هه‌رێمێ ئاگه‌هدار كرينه كو ئه‌و نه‌شێت پانزينا حكۆمى دابين بكه‌ن و ئێدى ب تنێ دێ ئا ئه‌هلى هێته فرۆتن و بهايێ وێ ژى يان هزار دينار بيت يان ژى د سه‌ر دا.
ل دۆر ڤێ چه‌ندێ عه‌بدولسه‌مه‌د تێلى، سه‌رۆكێ لژنا سامانێن سرۆشتى ل جڤاتا پارێزگه‌ها دهۆكێ بۆ ئه‌ڤرۆ نيوز گۆت: “وه‌كو لژنه نه‌هاتينه ئاگه‌هداركرن كو بابه‌ته‌كێ ژ ڤى ره‌نگى يێ هه‌يى”.
زێده‌تر گۆت: “ب تنێ د كۆمبوونا ل گه‌ل وه‌زاره‌تێ دا، بڕياره‌ك هه‌يه كو دبيت ئێدێ هه‌ر يه‌كه‌كا ئيدارى به‌رپرس بيت ژ دابينكرنا سۆته‌مه‌نيا پارێزگه‌ها خوه”.
هه‌ر ل دۆر ڤێ چه‌ندێ، به‌يار تاهر دۆسكى، ئه‌ندامێ لژنا پێشه‌سازى و وزه و ژێده‌رێن سرۆشتى ل په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “ب تنێ وه‌كو گۆتن مه گوهـ لێ بوويه و زێده‌ر ژى ژ ده‌زگه‌هێن راگه‌هاندنێ و ب گۆتگۆتك دده‌ينه زانين”.
زێده‌تر گۆت: “وه‌كو لژنا پێشه‌سازى و وزه و ژێده‌رێن سرۆشتى ل په‌رله‌مانێ كوردستانێ ل رۆژا دوشه‌مبى رێكه‌فتى 22ى خزيرانا 2015ێ دێ دووڤچوونا ڤى بابه‌تى كه‌ين”.
زێده‌ترى 15 رۆژايه ل پارێزگه‌ها دهۆكێ ب ره‌نگه‌كێ گه‌له‌ك به‌رچاڤ و ل پارێزگه‌ها سلێمانيێ هه‌تا راده‌كى كێشا نه‌بوونا پانزينێ هه‌يه و ل هه‌ولێر ژى ب ره‌نگه‌كێ گه‌له‌ك نۆرماله و ئه‌و كێشه نينه.
ب وێنه:عه‌بادى ل ئیرانێ دبیته قاز
ئه‌ڤرۆ نیوز:
پشتى كو رۆژا 17 ڤێ هه‌یڤێ د سه‌ره‌دانه‌كا 1 رۆژى دا، حه‌یده‌ر عه‌بادى سه‌رۆك وه‌زیرێن عیراقێ سه‌را ئیرانێ دده‌ت، ئه‌وا د سه‌ره‌دانا عه‌بادى دا بوویه جهێ سه‌رنجا راگه‌هاندنێن ئیرانى، ئه‌وه كو یێ حێبه‌تى بوو ب كوچكا مه‌رمه‌رى یا وى وه‌لاتى و وه‌كو قازان سه‌رێ خوه هێڤه دباده‌ت و وێڤه دباده‌ت.
به‌نكا ناڤه‌ندى ژڤانێ كارپێكرنێ ب پارێ 50 هزار دينارى راگه‌هاند
ئه‌ڤرۆ نيوز:
به‌نكا ناڤه‌ندى يا عيراقى ئه‌ڤرۆ رۆژا شه‌مبى رێكه‌فتى 20ى خزيرانا 2015ێ راگه‌هاند كو ئه‌و دێ ل دووماهيا ئه‌ڤ ساله پارێ ژ جۆرێ 50 هزار دينارى ئێخيته د ناڤ بازارى دا و هێشتا ژڤانێ پارێ ژ جۆرێ 100 هزار دينارى ديار نه‌بوويه.
پارێزگارێ به‌نكا ناڤه‌ندى عه‌لى عه‌لاق د كۆنگره‌كێ رۆژنامه‌ڤانى يێ هه‌ڤپشك دا ل گه‌ل سه‌رۆكێ ئێكه‌تيا بانكان، وه‌ديع حه‌نزل راگه‌هاند: “دبيت ل دووماهيا ئه‌ڤ ساله پارێ ژ جورێ 50 هزار دينارى بهێته چاپكرن”، ئاماژه ب وێ چه‌ندێ ژى كر كو چاپكرنا پارێ ژ جورێ 100 هزار دينارى دێ بۆ ده‌مه‌كێ دى بيت ژ ئه‌گه‌رێ هه‌لاوسانێ.
ره‌وشا دراڤى د بازارێن دهۆكێ دا
ئه‌ڤرۆ نيوز:
ره‌وشا دراڤى ل بازارێن دهۆكێ ئه‌ڤرۆ رۆژا شه‌مبى رێكه‌فتى 20ى خزيرانا 2015ێ ل بازارێن دهۆكێ ب ڤى ره‌نگێ ل خوارێ بوو:
ژ به‌ر كو به‌رده‌وام ره‌وشا دراڤى ل بازارێن دهۆكێ و كوردستانێ د گوهۆڕينێ دايه، سه‌ره‌دانا مالپه‌رێ ئه‌ڤرۆ نيوز بكه كو ب ره‌نگه‌كێ به‌رده‌وام ل گه‌ل گوهۆڕينێن ل سه‌ر دراڤى دهێنه كرن، دهێته نووكرن.
د رۆژا ئاواران دا چار زارۆيێن ئاواره گيانێ خوه ژ ده‌ست دا
ئه‌ڤرۆ نيوز:
ئه‌ڤرۆ رۆژا جيهانى يا ئاواران دێ هێته كرن و ب گۆره‌يى دووماهى ئاماران ژى نوكه زێده‌تر ژ 60 مليۆن كه‌سان ل سه‌رانسه‌رى جيهانێ دا د ئاواره نه، هه‌ڤده‌م ل كه‌مپه‌كا ئاوارێن پارێزگه‌ها سه‌لاحه‌دين ژى چار زارۆيان ژ ئه‌گه‌رێ گه‌رمێ گيانێ خوه ژ ده‌ست دا.
ب گۆره‌يى دووماهى ئاماران كو ژ لايێ كۆمسيۆنا په‌نابه‌ران يا سه‌ر ب نه‌ته‌وێن ئێكگرتى ڤه هاتيه به‌لاڤكرن، ل دووماهيا سالا 2014ێ 59 مليۆن و 500 هزار كه‌س ل سه‌ر ئاستێ جيهانێ ئاواره بووينه و رۆژانه 42 هزار و 500 كه‌س ئاواره دبن و وێ سالێ دا ب تنێ 126 هزار كه‌س ژ وان ئاواران ڤه‌گه‌رياينه سه‌ر مال و حالێن خوه.
ژ لايه‌كێ دى ڤه، ژێده‌ره‌كێ ئه‌منى ل پارێزگه‌ها سه‌لاحه‌دين راگه‌هاند: ئه‌ڤا بۆرى ل ناڤ كه‌مپه‌كا ئاواران ل نێزيك زه‌لوعيه ژ ئه‌گه‌رێ بلندبوونا پلێن گه‌رمێ چار زارۆيان گيانێ خوه ژ ده‌ست دا.
ژێده‌ر: سبه‌ى
نيشاندان
WP Facebook Auto Publish Powered By : XYZScripts.com