ئه‌ڤرۆ نيوز:
ب گۆره‌يى ئاماره‌كا نه‌ته‌وێن ئێكگرتى، 850 مليۆن كه‌س ل سه‌رانسه‌رى جيهانێ د برسى نه و هه‌تا سالا 2025 ئه‌و ژماره دێ بۆ دو مليار و 100 هزار كه‌سان بلند بيت و نوكه سالانه سێ مليۆن كه‌س ژ ئه‌گه‌رێ برسێ دمرن.
ئه‌ڤ برساتيه پتر ل كشوه‌رێ ئه‌فريقيا يا هه‌يى و نوكه كيشوه‌رێ ئاسيا و ئه‌مريكا لاتينى ژى ب خوه ڤه‌گرتيه و ب تايبه‌ت ل وه‌لاتێن ئه‌ندونيسيا و سريلانكا و هندستان و تايله‌ند و گزيرتا ئه‌ندمار و نيكبار يا هندى.
ئەڤرۆ نیوز، زنار تۆڤی:
ھێرشبەرێ ھەلبژارتیێ بەرازیل نیمار داسیلڤا بۆ چار یاریان ژلایێ لیژنەیا رێکخستنا موندیالا کیشوەرێ ئەمریکاڤە ھاتە راگرتن.
ئەڤ بریارە ھات ژ ئەگەرێ وێ چەندێ کو پشتی ھەلبژارتیێ بەرازیل دگەل ھەلبژارتیێ کولومبیا خوسارەت بووی ب گۆلەکێ بەرامبەر چنە،پشتی یاری ب دووماھی ھاتی نیمار داسیلڤای یاریکەرێ ھەلبژارتیێ بەرازیل ھێرشکریە سەر یاریکەرێ ھەلبژارتیێ کولومبیا کارلوس باکای و ژ ئەگەرێ ھندێ دادڤانی کارتا سور دا نیمار داسیلڤای و بۆ یاریەکێ ھات بوو راگرتن،لێ لیژنەیا رێکخستنا موندیالا کیشوەرێ ئەمریکا باشۆر کو نوکە یاریێن وێ ل وەلاتێ شیلی دھێنە برێڤەبرن بریار دا کو نیمار داسیلڤا بۆ چار یاریان بھێتە راگرتن و ب ڤی رەنگی نیمار ژ یاریێن کۆبا ئەمریکا بێ بار دبیت.
ئەڤرۆ نیوز، بارزان مزووری:
پێشەنگێ ھاتنوچوونێ، بەدرخان محەمەد سەلیم، بەرپرسێ پشکا ھاتنوچوونا قەزا شێخان بۆ مالپەرێ ئەڤرۆ نیوز ئاشکرا کر کو ل شەڤا بوری ١٩ی خزیرانا ٢٠١٥ێ و ل دەمژمێر ١١:٣٠ دەقیقە ل سەر رێیا سەرەکیا شێخان بۆ بەردەرەش د ناڤبەرا کومەلگەھا چرە و گوندێ مەلابروان دا روودانەک د ناڤبەرا ترۆمبێلەک بارھەلگر ترێلە تانکەر ژ جورێ مارسیدس و ترۆمبێلەک تەکسی کوردستان ژ جورێ تویوتا کرولا دا روودا، د ئەنجام دا شوفێرێ تەکسی کوردستان گیانێ خوە ژ دەست دا و بۆ نوشداریا داد ل پارێزگەھا دھۆک ھاتە ڤەگوھاستن.
ناڤبری ل دۆر ئەگەرێن روودانێ ژی دیار کر کو ترۆمبێلا تەکسی ب لەز چوویە نە سەحکریە پێشیا خوە کو رێ دبیتە جوتساید، ھەر ژ سایدێ خوە دچیت بۆ سایدێ ترۆمبێلا بارھەلگر و تووشی لێکدانێ دبن.
ناڤبری دیار کر کو د ناڤ ترۆمبێلا تەکسی دا ب تنێ شوفێر تێدا بوو، ماوێ جەند دەمژمێرا شوفێر تێدا ئاسێ بوو نەشیا بوون دەربێخن ب ھاریکاریا وەلاتیان و دەزگەھێن ئیمناھیێ ھەتا شیاین تەرمێ وی بیننە دەر ترۆمبێل ژی ب تمامی ژ ناڤ چوویە.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ساهى بيت پلێن گه‌رمێ بلند بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن ده‌ريا ناڤه‌راست بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 20ى خزيرانا 2015ێ ئه‌سمان ئه‌سمان دێ ساهى بيت.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلێن گەرماتیێ دێ بلند بن وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 23 بۆ 37 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 10 بۆ 20 کلم د دەمژمێرەکێ دا، ماوێ دیتنێ ژی دێ 10 کلم بیت.
ئەڤرۆنیوز، ئەیاد بەرواری:
پارتیا دیموکراتیا گەلان(ھەدەپە) داخواز ژ پارتیا دادپەروەری و گەشەپێدانێ (ئەکەپە) و پارتیا گەل یا کوماری(جەھەپە) کر حوکمەتا تورکی یا نوو پێکبینن و دیارکر کو ئەو دێ بیتە پارتەکا ئوپۆزسیۆن ل تورکیا.
فیگەن یۆکسداغ ھەڤسەرۆکا ھەدەپێ د کۆنگرەکێ رۆژنامەڤانی دا گوت”ئەم دخوازین ببینە ئۆپۆزسیۆنەکا ب ھێز ل تورکیا و ئەڤە ئارمانجا مە یا سەرەکی یە ل قۆناغا داھاتی ل تورکیا”.
ب دیتنا فیگەنێ، چو رێگری د رێیا پێکئینانا کابینا نوو یا حوکمەتا تورکی دا نینن و تورکیا چو پێدڤی ب ھەلبژارتنێن پێشوەخت ژی نابیت و وان ھەلبژارتنان ژی ب چو شێوەکی ب چارەسەری نابینین ل تورکیا”.
ھەڤسەرۆکا ھەدەپێ د وی کونگرێ رۆژنامەڤانی دا پێشنیارا پێکئینانا حوکمەتا نوو یا تورکی کر د ناڤبەرا پارتیا دادپەروەریێ و و گەشەپێدانێ ( ئەکەپە) کو رێزا ئێکێ د ھەلبژارتنان دا ب دەستڤەئینابوو ب کومکرنا ٢٥٨ کورسیان ژ سەرجەمێ ٥٥٠ کورسیێن پەرلەمانێ تورکی و پارتیا گەل یا کوماری (جەھەپە) کو رێزا دویێ د ھەلبژارتنێن ڤێ دووماھیێ بدەستڤەئینابوو ب ١٣٢ کورسیان.
د ھەلبژارتنێن گشتی یێن تورکیا دا کو ل رۆژا ٧ ڤێ مەھێ ھاتبوونە ئەنجامدان، پارتیا دادپەروەریێ و گەشەپێدانێ (ئەکەپە) ٢٥٨ کورسیێن پەرلەمانێ تورکی بدەستڤەئینابوون کو دبیتە ٤٠،٨٧% ژ رێژا گشتی یا دەنگان ل تورکیا و پارتیا گەل یا کوماری (جەھەپە) ١٣٢ کورسی کو دبیتە ٢٤،٩٥% ژ رێژا دەنگان بدەستڤەئینابوون و بزاڤا نەتەوەپەرست (مەھەپە) ٨٠ کورسی و ١٦،٢٩% ژ رێژا دەنگان بدەستڤەئینابوون و پارتی دیموکراتی گەلان (ھەدەپە) ٨٠ کورسی و ١٣،١٢% ژ رێژا دەنگان بدەستڤەئینابوون، ب ڤان ئەنجامان ژی چو پراتێن پشکدار ھژمارا پێدڤی یا کورسیان بدەستڤەبینن بۆ پێکئینانا حوکمەتێ ب تنێ و ب ڤێ چەندێ پێدڤیە ھەڤپەیمانی دروست ببیت بۆ پێکئینانا حوکمەتا تورکی یا نوو.
ئەڤرۆ نیوز، زنار تۆڤی:
مۆکنیس لیکیتۆفت ئەو کەسە یێ کو ب دۆسەتەکێ نێزیک بۆ مللەتێ کورد دھێتە نیاسین و ل سالا ٢٠١١ ھەتا نوکە سەروکێ پەرلەمانێ دانیمارکە و چەندین جاران سەرەدانا کوردستانێ کریە و ھەردەم پشتەڤانیا خوە بۆ مللەتێ کورد دیارکریە و شیایە دەنگێ مللەتێ کورد بگەھینیتە پەرلەمانێ دانیمارک و د شەرێ دژی تیرورستێن داعش دا ئەو کەسە شیایە برێیا وەلاتێ خوە ھاریکاریان بگەھینیتە ھەرێما کوردستانێ.
ناڤھاتی ل هه‌يڤا ١٠ یا ئەڤ سالە دێ بیتە سەروکێ نوو یێ جڤاتا گشتی یێ نەتەوێن ئێکگرتی، د چەندین چاڤپێکەفتنێن خوە دا پشتەڤانی ل مللەتێ کورد کریە و گوتیە:کو ھەتانوکە غەدرەکا مەزن ل ڤی مللەتی ھاتیە کرن و مافێ وانە ببنە دەولەتەکا سەربەخوە، ھەروەسا ناڤبری چەندین جاران سەرەدانا سەروکێ ھەرێما کوردستانێ مەسعود بارزانی کریە و پشتەڤانی ل دامەزراندنا دەولەتا کوردی کریە.
مۆکنیس لیکیتوفت ل سالا ١٩٤٦ ل دانیمارک ژدایک بوویە و ل هه‌يڤا ١٠ دێ بیتە سەروکێ جڤاتا گشتی یا نەتەوێن ئێکگرتی و بریار دایە کو دڤی پوستەی دا ھاریکاریەکا مەزن بۆ کوردان بکەت.
ئه‌ڤرۆ نيوز، ئه‌ياد به‌روارى:
وەزیرێ دەرڤەیێ فرەنسی یێ بەری راگەھاند، بێ زڤرین بۆ حوکمەتا عیراقی چەک و ھاریکاریێن لەشکری یێن پێشکێشی پێشمەرگەی کرین، دوپات کرژی، وەکو دەولەتا فرەنسا پشتگیریێ ل دەولەتا کوردی دکەین و ل دەمێ راگەھاندنا دەولەتا کوردی ژی دێ دانپێدانێ پێ کەین.
برنارد کوشنەر وەزیرێ دەرڤەیێ فرەنسی یێ بەرێ، ل دووڤ سایتێ فەرمیێ پارتی، ل گەل ھژمارەکا رۆژنامەڤانێن کورد ل بارەگایێ نوونەراتیا حوکمەتا ھەرێما کوردستانێ ل پاریس کۆمبوو و د چارچۆڤێ وێ کۆمبوونێ دا گوت” فرەنسا بەردەوام پشتەڤانیا ھەرێما کوردستانێ و گەلێ کورد یا کری، د شەڕێ دژی داعشێ دا ژی، مە پشتەڤانیا پێشمەرگەی یا کری و دێ بەردەوام ژی بین”.
کوشنەری ئاشکراکر ژی” بێ زڤرین بۆ حوکمەتا فیدرالی یا عیراقی، مە ھاریکاریا لەشکری بۆ پێشمەرگەی و ھەرێما کوردستانێ یا کری و دێ د بەردەوام ژی بین ل سەر وێ چەندێ”.
ئەڤرۆ نیۆز، قائید میرۆ:
ئەڤ شەڤە ل میحوەرێ گوێڕ دەمێ بەرھەڤکرن و دانانا بەرمیلەکا TNT یێ ژلایێ چەکدارێن داعشڤە، بەرمیل دناڤ دەستێن واندا پەقیە و زیانێن مەزن گەھشتینە داعش.
ئسماعیل حەمەد، بەرپرسێ لیژنا ناوچا قەراج یا پارتی دیموکراتی کوردستان ب ئەڤرۆ نیۆز راگەھاند” دەمژمێر ١٢ی ئەڤ شەڤە دەمێ چەکدارێن تیرۆرستێن داعش ل دەڤەرا دویزات یا نێزیک گوندێ سولتان عەبدولا سەر ب میحوەرێ گوێڕ مژولی دانانا بەرمیلەکا TNT بوون ئەڤ بەرمیلا تژی تەقەمەنی پێڤە پەقیە”.
ئیسماعیلی گۆتژی” گورەی زانیاریێن گەھشتینە مە، ئەڤ بەرمیلا تژی TNT ھاتبوو بەرھەڤکرن بۆ پەقاندنێ ب ھێزێن پێشمەرگەیڤە، بەلێ ب داعشڤە پەقی و زیانێن ئێکجار زۆر گەھشتینە چەکدارێن وان”.
ئه‌ڤرۆنیۆز، ئه‌یاد به‌روارى
ئه‌ندامه‌كێ جڤاتا نوونه‌رێن عیراقێ ئاشكراكر كو حه‌یده‌ر عه‌بادی سه‌رۆك وه‌زیرێن عیراقێ قه‌سابه‌ك (گوشت فرۆش) یێ كریه شیره‌تكارێ خوه.
سایتێ (جاكوج) به‌لاڤكریه كو ئه‌حمه‌د چه‌له‌بی سه‌رۆكێ لژنا دارایی ل جڤاتا نوونه‌رێن عیراقێ ل په‌یچێ خوه ل سه‌ر فیسبووكی به‌لاڤكریه كو ” شیره‌تكاره‌كێ سه‌رۆك وه‌زیرێن عیراقێ به‌ری ببیته شیره‌تكارێ عه‌بادی، گوشت فرۆش بوو (قه‌ساب) و چو باوه‌رنامێن خواندنێ ژى نینن كو هه‌ژی وی پۆستی بیت ئه‌وێ پێ هاتیه دان”.
نيشاندان