ئه‌ڤرۆ نیوز:
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
جیب بۆش خوه بۆ سه‌روكاتیا ئه‌مریكا كاندیدكر
ئه‌ڤرۆ نیوز،زنار تۆڤى:
جیب بۆش كو كورێ سه‌روكێ به‌رێ یێ ئه‌مریكا جورج ده‌بلیۆ بوشه و ب ره‌نگه‌كێ فه‌رمى ل سه‌ر پارتا كۆماریا ئه‌مریكا خوه كاندیدكر بۆ پوستێ سه‌روكاتیا ئه‌مریكا،ناڤهاتى زۆر جاران د پرێس كونفرانسادا پشته‌ڤانیا خوه بۆ ملله‌تێ كورد دیاركریه و گه‌له‌ك جاران داخواز ژ سه‌روكێ ئه‌مریكا و كونگرێسى كریه كو راسته‌وخو چه‌كى بده‌نه پێشمه‌رگه‌ى و هه‌روه‌سا گوتیه،ئه‌گه‌ر ئه‌ز ببمه سه‌روكێ ئه‌مریكا دێ پشته‌ڤانیه‌كا مه‌زن و راسته‌وخو ل گه‌لێ كورد كه‌م،هه‌ژى گوتنێ یه كو بابێ جیب بۆشى ده‌بلیۆ بوش ل سالا 1989 تا 1993 سه‌روكێ ئه‌مریكا بوویه و هه‌روه‌سا برایێ وى جورج بۆش ل سالا 2001 تا 2009 بۆ ماوێ 8 سالان سه‌روكێ وه‌لاتێ ئه‌مریكا بوو،هه‌روه‌سا ناڤهاتى د پرێس كونفرانسه‌كى دا ئاماژه ب هندێ دا ” ئه‌ز زۆرێ پێ خوش حالم كو كورێ بنه‌مالا جورج بۆشیمه”
14 هزار گه‌شتیاران ژ سێ وه‌لاتێن عه‌ره‌بی سه‌ره‌دانا ئیسرائیلێ كریه
ئه‌ڤرۆنیۆز، ئه‌یاد به‌روارى
ئۆفیسا ئامارا ناڤه‌ندی یا ئیسرائیلی دیاركر كو هژمارا گه‌شتیارێن عه‌ره‌ب ئه‌وێن سه‌ره‌دانا ئیسرائیلێ كرین د پێنج مه‌هێن بۆری دا ژ سالا 2015 ێ، یێن گه‌هشتینه 14 هزار و 200 گه‌شتیاران.
ئۆفیسا ناڤبرى خویاكر كو ئه‌و گه‌شتیارێن عه‌ره‌ب ژ هه‌ر سێ وه‌لاتێن (ئوردن، مسر و مه‌غرب) بوون كو 7500 گه‌شتیار ژ ئوردنێ بوون و 5200 گه‌شتیار ژ مسرێ بوون و 1500 گه‌شتیار ژ مه‌غربێ بوون.
ل دۆر هژمارا گشتی یا گه‌شتیارێن سه‌ره‌دانا ئیسرائیلێ كرین د پێنج مه‌هێن بۆری دا دیار دكه‌ت كو یێن گه‌هشتینه ملیۆنه‌ك و 259 گه‌شتیاران كو پتریا وان ئه‌مریكی نه ( 255 هزار) و گه‌شتیارێن روسی ل پلا دویێ دهێن ( 180) هزار و گه‌شتارێن فره‌نسی ل پلا سیێ دهێن (114) هزار.
سێ ترۆمبێلێن داعش هاتنه ژناڤبرن
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ئاشكراكر ئه‌ڤ شه‌ڤه هێزێن پێشمه‌رگه‌ی ب هه‌ماهه‌نگیا هه‌ڤپه‌یمانان سێ ترۆمبێلێن داعش كرینه ئارمانج و زیانێن مه‌زن گه‌هاندینه داعش.
عه‌قید دلشاد مه‌ولوود، به‌رپرسێ هۆبا راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” ده‌مژمێر 9 و نیڤێ ئه‌ڤ شه‌ڤه ل گوندێ زاره‌خاتوون ل میحوه‌رێ خازر، پێشمه‌رگه‌یێن زێره‌ڤانی ب چه‌كێ گران و ب هه‌ڤكاریا هه‌ڤپه‌یمانان سێ ترۆمبێلێن داعش كرینه ئارمانج و د ئه‌نجامدا، هه‌رسێ ترۆمبێل هاتینه ژناڤبرن.
عه‌قید دلشادی گۆتژی” ل گوره‌ی زانیاریێن هه‌والگه‌ریا زێره‌ڤانی ئه‌ڤان سێ ترۆمبێلان چه‌ك و ته‌قه‌مه‌نی باركربوون و ب چه‌كدارێن تێدا هاتینه ژناڤبرن.
ڤیدیو: چه‌كدارێن داعش به‌ره‌ڤ توركیا دره‌ڤن
گه‌نجه‌كی خوه كوشت و نامه‌یه‌ك ل پشت خوه هێلا
ئه‌ڤرۆ نیۆز، قائید میرۆ
گه‌نجه‌كی خوه كوشت و ل پشت خوه‌ژی نامه‌یه‌ك هێلایه و د نامه‌یا خۆدا، داخوازا گه‌رده‌ن ئازایێ دكه‌ت و ئه‌گه‌ر خۆ كوشتنێ بۆ بێزاربوونێ ل ژیانێ ڤه‌گه‌ڕاند.
كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” دوهی رۆژا 14ی خزیرانێ، هێزێن پۆلیسان هاتنه ئاگه‌هداركرن ل دۆر هه‌بوونا حاله‌ته‌كێ كوشتنێ و پشتی گه‌هشتنێ بۆجهێ بۆیه‌رێ ده‌ركه‌فت، ل ئێك ژ ئوتێلێن باژێڕێ هه‌ولێرێ گه‌نجه‌كێ ته‌مه‌ن 32 سال ب گولله‌ی دوماهی ب ژیانا خوه ئینایه.
كاروانی گۆتژی” ئه‌ڤی گه‌نجی نامه‌یه‌ك لپشت خوه هێلایه و تێدا ته‌كه‌زكریه، كو وی بخوه خوه كوشتیه و داخوازكریه كه‌س نه‌هێته تۆمه‌تباركرن، هه‌روه‌سا ئه‌ڤی گه‌نجی زارۆیه‌ك هه‌یه و نڤیسیه” چاڤێ كۆڕی خوه ماچی دكه‌م و ئیشه‌لا ل دونیایا دیكه دێ ئێك بینین و گه‌رده‌نا من ئازا كه‌ن”.
په‌یڤدارێ پۆلیسان دیاركر، د نامه‌یا پاش خوه هێلای ئه‌ڤی گه‌نجی ئه‌گه‌رێ كوشتنا خوه بۆ بێزاریێ ل ژیانێ ڤه‌گه‌ڕاندیه و نوكه پۆلیس یێ ڤه‌كۆلینێ دكه‌ن”.
گرێ سپى ب تمامى هاته كونترولكرن
ئه‌ڤرۆ نیوز:
هێزێن كوردى ل رۆژئاڤایێ كوردستانێ ب تمامى باژێرێ گرێ سپى یێ رۆژئاڤایێ كوردستانێ ژ چه‌كدارێن داعش پاقژكر.
ئه‌ڤرۆ شه‌رڤانێن یه‌كینه‌یێن پاراستنا گه‌ل ( یه‌په‌گێ) شیان ب تمامى باژێرێ گرێ سپى ژ ده‌ست داعش بئیننه ده‌ر.
گرێ سپی دكه‌ڤیته ده‌شتا ره‌ها- سرووجێ ل باكوور و رۆژئاڤا كوردستانێ، 100 كم ژ ره‌قه دووره.
سێ ليوایێن نوو یێن پێشمه‌رگه‌ى دێ ژ ئالیێ ئه‌مریكا ڤه هێنه پرچه‌ككرن
شه‌رێ پیره‌مێرا
ئه‌گه‌رێن بلندبوونا بهایێ دولارى د ئه‌ڤرۆ نیوز دا بزانه
ئه‌ڤرۆ نیۆز ،سالار
شاره‌زایه‌كێ ژمێریارى ئاشكراكر كو بلندبوونا دۆلارى به‌رامبه‌ر دینارێ عیراقێ ژ شاشی و سه‌رده‌ریێن نه دروست یێن بانكا ناڤه‌ندى یا عیراقێ بوویه و پێشبینى دكه‌م هه‌تا 150 یان ژى بلند بیت.
ئارام قادر شاره‌زا دبیاڤێ ژمێریارى دا هه‌مبه‌ر بلندبوونا دۆلارى به‌رامبه‌ر دینارێ عیراقى بۆ مالپه‌رێ ئه‌ڤرۆ نیۆز گۆت: هه‌كه كێشه ژلایێ بانكا مه‌ركه‌زى ڤه نه‌هێته چاره‌سه‌ركرن دێ دۆلار به‌رده‌وام گرانبیت ، دیسان ئه‌ڤ به‌رزبوونه په‌یوه‌ندى ب بازرگانێن كرین و فرۆتنا دۆلارى ڤه هه‌یه دبورسێن جیهانى دا، بلندبوون ژى یا سنورداكریه و ناگه‌هیته ڤى ئاستى.
هه‌مان شاره‌زا گۆت: بۆ مه دهێته دیاركرن كو ئه‌ڤ بلندبوونا نها ل بازارى دا په‌یدابووى په‌یوه‌ندى ب بازرگانێن مه‌یێن نافخوه‌یى هه‌یه، بهایێ دینارا عیراقى هه‌تا راده‌كێ باش ل بورسێن جیهانێ یێ جێگیره.
هێشتا گۆت: دیسان ژبه‌ر ئه‌ڤان شاشیان و كونتولكرنا بازارێ دۆلارى ژلایێ چه‌ند به‌رپرسان ڤه، هه‌تا نوكه ژى هه‌كه ئه‌ڤ شێوازێ سه‌رده‌ریكرنێ بهَته په‌یروكرن ، بلندبوونا دولارى سه‌قف نابیت.
نيشاندان
WP Facebook Auto Publish Powered By : XYZScripts.com