ئه‌ڤرۆ نیوز:
داعشه‌كێ ل میحوه‌رێ باشیك، به‌رى بگه‌هته سه‌نگه‌رێن پێشمه‌رگه‌ى، دهێته كوشتن.
ب ڤیدیو: پێشمه‌رگه، خوه‌كوژه‌كێ داعش دكوژيت
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سه‌ره‌كى Twitter
چوونا نێچیرڤان بارزانى بۆ به‌غدا دێ یا ئێكلاكه‌ر بيت
ئه‌ڤرۆ نیوز:
ل دووڤ پێزانینێن دلشاد شه‌عبان، جێگرێ سه‌رۆكێ لژنا سامانێن سروشتى ل په‌رله‌مانێ كوردستانێ، سه‌ره‌دانا نێچیرڤان بارزانى یا رۆژا ئێكشه‌مبى بۆ به‌غدا دێ یا ئێكلاكه‌ر بیت، یان دێ رێككه‌فتنا ل دۆر هنارتنا نه‌فتا هه‌رێمێ هاتیه كرن، هێته تمامكرن یان دێ رێككه‌فتن هێته هه‌لوه‌شاندن، ژبه‌ر كو به‌غدا یێ به‌هانا دگریت.
دلشاد شه‌عبان گۆت: نێچیرڤان بارزانى پێشنیازێن نوو د گه‌ل دانه، كو سێ هه‌یڤا جاره‌كێ نه‌فتا هه‌رێم دهنێریت بهێته هژمارتن، نه رۆژانه ژبه‌ر ك هنده‌ك رۆژان كێشێن ته‌كنیكى دروست دبن.
به‌غدا و هه‌ولێر ل سه‌ر وێ یه‌كێ رێككه‌فتبوون كو هه‌رێم رۆژانه 250 هزار به‌رمیلێن نه‌فتێ ب رێیا كومپانیا سومو بهنێریت و نه‌فتا كه‌ركوكێ ژى رۆژانه 300 هزار به‌رمیل ب رێیا بوریێن هه‌رێمێ بهێنه هنارتن.
هه‌لویسته‌كێ مروڤایه‌تى، ده‌مێ دیتى زارۆیه‌ك د سه‌رمادا یێ د له‌رزیت
بۆچى مێسى شڤێدى په‌نالتى لێنه‌دا ؟
ئه‌ڤرۆ نیوز:
لویس ئێنریكی راهێنه‌رێ یانا به‌رشه‌لونه ئه‌گه‌رێ بجهئینانا په‌نالتیێ ژ ئالیێ نیمار داسیلڤیا ل جهێ لیونیل مێسى دیاریا شڤێدى دا ژ جامێ شاهێ ئسپانیا به‌رامبه‌ر یانا ڤیا ریال ئاشكرا كر.
شڤێدى ده‌مێ كو نیمار ل جهێ مێسى لێدانا سزایێ بجهئیناى، هه‌موو حه‌زژێكه‌رێن ته‌پا پێ ل جیهانێ پرسیارا وێ چه‌ندێ كرن، بۆچى مێسى لێدانا سزایێ بجه نه‌ئیناى، هنده‌ك ده‌زگه‌هێن راگه‌هاندنێ به‌حسێ وێ چه‌ندێ كرن كو مێسى ب خوه ڤیایه نیمار سزایێ بجه بینیت بۆ وێ یه‌كێ ئێدى به‌س مێسى ب دكتاتور بهێته هژمارتن، به‌لێ د ڤى بیاڤى دا راهێنه‌رێ یانا به‌رشه‌لونه راستى ئاشكرا كر و دبێژیت: مێسى و نیمار كه‌سێن ئێكێ و دوێ نه بۆ لێدانا سزایا د یانا به‌رشه‌لونه‌دا، به‌لێ د وێ یاریێ دا، نێمار ب خوه داخواز ژ مێسى كر كو ئه‌و لێدانا سزایێ بجه بینیت، مێسى ژى ئاخافتنا وى نه‌شكاند.
حه‌فتیا بهێت ئه‌ڤ وه‌زاره‌ته دێ مووچه‌ى وه‌رگرن
ئه‌ڤرۆ نیوز:
ل دووڤ چه‌ند پێزانینه‌كان كو ژ وه‌زاره‌تا دارایى هاتینه زانین، حه‌فتیا بێت دێ مووچێ هه‌یڤا 12 یێ سالا 2014 یێ وه‌زاره‌تێن ( ناڤخو، په‌روه‌رده، كاروبارێن شه‌هیدان، كاره‌با، چاندن و ژێده‌رێن ئاڤێ، ئه‌وقاف و كاروبارێن ئاینى، خواندنا بلند و ڤه‌كولینێن زانستى، كار و كاروبارێن جڤاكى، باژێرڤانى و گه‌شت و گوزار ) هێنه به‌لاڤكرن.
داعش د هێرشه‌كا خوه يا ڤێ سپێدێ دا گه‌له‌ك خوه‌كوژ بكارئینان
ئه‌ڤرۆ نیۆز،بارزان مزوورى
به‌رپرسێ لقا 14 ل میحوه‌رێ باشیك، عصمت ره‌جه‌ب، بۆ ئه‌ڤرۆ نیۆز دیاركر كو ئه‌ڤرۆ سپێدێ، هێش دونیا یا تارى چه‌كدارێن تیرورستێن داعش ب هه‌مى لایه‌كى ڤه هێرش كره سه‌ر میحوه‌رێ چیایێ باشیك د وێ هێرشێدا گه‌له‌ك خوكوژ دگه‌ل دابوون، پێشمه‌رگه‌ى ب توندى هێرشا وان شه‌رمزار كر، خوكوژه‌ك كوشت و خوكوژه‌كێ دى خو په‌قاند به‌س دویر ژ هێزێن پێشمه‌رگه‌ى بۆ د وێ هێرشێ دا چ زیان ب پێشمه‌رگه‌ى نه‌كه‌فتن به‌س ئێك ژوان پێشمه‌رگه‌یێن لیوا 112 ب سڤكى برینداربو ژماره‌كا زور یا چه‌كدارێن تیرورستێن داعش هاتن كوشتن گه‌له‌ك ته‌رمێن وان كه‌فتینه بن ده‌ستێن پێشمه‌رگه‌ى.
ناڤبرى زێده‌تر گوت: چه‌كدارێن تیرورستێن داعش ل شه‌ڤا بورى و ئه‌ڤرۆ سپێدێ 15 خانى ل باژێرێ گه‌یارا و شوره په‌قاندن ئه‌و خانى ئه‌فسه‌رێن سه‌ربازێن عه‌سكه‌رى و پولیسا بوون ئه‌و كه‌ل و په‌لێن دناڤ دا به‌رى په‌قینن بو جهه‌كى دى ڤه‌گوهاستن .
ژبه‌ر خوساره‌تیا شه‌رێ خازر داعش شه‌ش چه‌كدارێن خوه سێداره‌دان
ئه‌ڤرۆ نیۆز ،بارزان سلێمان مزوورى
عه‌مید سه‌ید هه‌ژار جێگرێ فه‌رمانده‌یا زێره‌ڤانى ل میحوه‌رێ خازر بۆ ئه‌ڤرۆ نیۆز دیار كر كۆ چه‌كدارێن تیرۆرستێن داعش شڤێدى 9 ده‌مژمێران شه‌ر دگه‌ل پێشمه‌رگه‌ى كر نه‌شیان سه‌ركه‌فتنێ ده‌ست خوڤه بینن و هێرشا وان هاته تێك شكاندن و زیانێن مه‌زن لدوڤ هێرشا خو هێلان ز
ناڤبرى دیار كر كۆ لدوڤ پێزانینێن گه‌هشتینه مه ده‌مێ ژ هێرشا خو زڤرین بۆ مووسل دان ب شكه‌ستنا خوه كر و شه‌ش چه‌كدارێن خوه سێداره‌دان ل پێش چاڤێن چه‌كدارێن خو ژبه‌ر كۆ د شه‌ریدا ره‌ڤی بوون و شكه‌ستن ئینا.
عه‌مید سه‌ید هه‌ژار جێگرێ فه‌رمانده‌یا زێره‌ڤانى ل میحوه‌رێ خازر بۆ ئه‌ڤرۆ نیۆز دیار كر كو د هێرشا شه‌ڤا بوریدا یا چه‌كدارێن تیرورستێن داعش بۆ سه‌ر هێزێن پێشمه‌رگه‌ى ل میحوه‌رێ خازر د وێ هێرشێدا 100 داعش هاتن كوشتن و 8 ته‌رمێن داعش كه‌فتینه ده‌ستێن پێشمه‌رگه‌ى و گه‌له‌ك هه‌ولدان ته‌رمێن خو ل ده‌ستێن پێشمه‌رگه‌ى ده‌رباز كه‌ن به‌لێ نه‌شیان و پتریا ئه‌و كه‌سێن دناڤ داعشدا به‌شدارى ڤى شه‌رى بوین خه‌لكێ وان ده‌ڤه‌را بون و پتریا وان خه‌لكێ گوندێ حه‌شه‌ن شام و مه‌نگوبه‌ى بون، دوو ئه‌میرێن مه‌زن یێن داعش دگه‌ل دابون بناڤێ مه‌نسور و ئه‌بو ئه‌حمه‌د گه‌له‌ك ئه‌میرێن دى دگه‌ل بون به‌س ناڤێن وان نه‌كه‌فتینه به‌رده‌ستێن مه به‌س ئه‌و هه‌ردووكێن ناڤێن وان كه‌فتینه به‌رده‌ستێن مه گرنگیه‌كا مه‌زن دناف داعش دا هه‌بوون و هنده‌ك ژ وان چه‌كدارێن هاتین كوشتن بیانى بون نه‌عێراقى.
ناڤبرى دیار كر كۆ دڤى شه‌ریدا 4 ترومبێلێن هه‌مه‌ر هاتن سوتن دگه‌ل 5 ترومبێلێن پیكاب 1 شه‌فه‌ل و 1 حه‌فاره هاتن سوتن.
ناڤبرى ئاشكرا كر ژى كۆ مه‌ره‌م ژ ڤى شه‌رى ئه‌و بو كو گوندێ حه‌سه‌ن شام بكه‌ڤیته ل بن كونترولا داعش چونكۆ ئه‌ڤ گونده دكه‌ڤیته ژبه‌ر كومپانیێن پترولێ و جهه‌كى ئیستراتیجى دهێته هژمارتن.
بكوژێ وى هه‌ڤژينا وى و برايێ وى بوون
ئەڤرۆ نيوز، نيوار محه‌مه‌د سه‌ليم:
بەرپرسێ پەیوەندی و راگەھاندنا پۆلیسێن پارێزگەھا دھۆکێ بۆ ئه‌ڤرۆ نيوز راگه‌هاند كو پشتى ل رۆژا 10-2-2015 ل کۆمەلگەھا رزگاری زەلامەکێ 41 سالی ب ناڤێ (س،م ،ا) ل دەمژمێر سێی شەڤێ د حەوشا مالا خوە دا ب گوللەکا دەبانجێ ھاتیە کوشتن، ئێكسه‌ر ئه‌و ل جهێ روودانێ ئاماده ببوون، به‌لێ ل وى ده‌مى ته‌رمێ وى بۆ نوشداريا داد هاتبوو هنارتن.
رائيد هێمن سلێمان گۆت: “ئه‌م وه‌كو پۆليس شياين گۆمانلێكريان د ماوێ كێمتر ژ 24 ده‌مژمێران دا ده‌سته‌سه‌ر بكه‌ين و پاشان دان ب تاوانا خوه كر كو ئێك ژ وان هه‌ڤژينا وى بوو و يێ دويێ ژى برايێ وى بوو”.
رائيد هێمن سلێمان ئاماژه ب وێ چه‌ندێ ژى كر كو ئەڤ کەسە خێزاندار بوو و پێنچ زارۆ ژى هه‌بوون و ئه‌گه‌رێ كوشتنێ ژى بۆ كێشه‌كا خێزانى ڤه‌گه‌راند و گۆت: “هه‌ڤژينا وى و برايێ وى هه‌ردو د ژيێ د ناڤبه‌را 30 هه‌تا 35 ساليێ دا بوون”.
ب وێنه: هه‌كه بۆ جه‌ژنا ئه‌ڤيندارا ته خوه ئاماده نه‌كريه ڤێره كليك بكه
نێچيرڤان بارزانى: ئاواران ل هنده‌ك ده‌ڤه‌ران كارتێكرن ل سه‌ر بارێ ژيانا وه‌لاتيێن وێ ده‌ڤه‌رێ كريه
ئه‌ڤرۆ نيوز، ناجی به‌ده‌ل:
ئه‌ڤرۆ كونفرانسێ كاریگه‌ریا ئاواره‌یان ل سه‌ر هه‌رێماكوردستانێ ل هه‌ولێرا پایته‌خت ده‌ست ب كارێن خو كر ب به‌شداریا سه‌رۆكێ حكومه‌تێ و قونسه‌لگه‌رێن هه‌رێمێ و نونه‌ری نه‌ته‌وه‌یین ئیكگرتی .
نێچیرڤان بارزانی سه‌رۆكێ حومه‌تا هه‌رێما كوردستانێ ل كونفرانسێ كاریگه‌ریا ئاواره‌یان دیاركر هه‌ڤكاریكرنا نێڤ ده‌وله‌تی یا زێده‌تر بو پێشمه‌رگه‌ی و هاریكاریا مرۆڤی بو ئاواره‌یان پێشكێشی هه‌رێما كوردستانێ كرین و هه‌بونا زێده‌ترا ئێك ملیون و نیڤ ئاواره‌یان و ئه‌ڤێ چه‌ندێ وه‌كریه دیموگرافیا هه‌رێما كوردستانێ تێك چویه و ب 28% ل ده‌مێ ئیك سال دا ئاواره زێده‌بوینه .
سه‌رۆكێ حكومه‌تێ گوت ژی ئه‌ركێ حكومه‌تا هه‌رێما كورستانێ ل بیاڤێ په‌روه‌رده و ساخله‌میێ و خزمه‌تگوزاری و ئاكنجیبون و ده‌لیڤه‌یا كاری دا گرانكریه و برێكا قونسه‌لگه‌ریێن وه‌لاتان و رێكخراوا نه‌ته‌وه‌یێن ئیكگرتی و ته‌ڤایا به‌شداربویێن ئه‌ڤی كونفرانسی داخازێ ژ جڤاكا نیڤ ده‌وله‌تی دكه‌ین چاڤه‌كێ جدی ل بارۆدوخێ هه‌رێما كوردستانێ دا بخشینن و ژبوی رێژه‌یا هه‌ڤكاری و هاریكاریان ل ئاستێ ئه‌وێ پیدڤیا هه‌رێما كوردستانێ دانه‌بون و ئه‌و داتا و و پلانێن وه‌زاره‌تا پلان ئێخستنه ری دشیێن رێكێن باش بكار بینن و حكومه‌ت ب گرنگی دنێریته ئه‌ڤێ راپۆرتێ و هاریكاریا مه دكه‌ت بو ریب ری بونا قه‌یرانا دارای.
نێچیرڤان بارزانی دیاركر زوربونا ژمارا ئاواره‌یان ل هنده‌ك ده‌ڤه‌ران كاریگه‌ری ل سه‌ر بارێ ژیانا وه‌لاتیێن ئه‌وێ ده‌ڤه‌رێ كریه ژ گرانبونا كه‌ل و په‌لێن ژیانێ و سوته‌مه‌نی و بێكاریێ .
سه‌رۆكێ حكومه‌تێ گوت: سوپاسیا هه‌لویستێ مرۆڤ دوستایه‌تیا وه‌لاتیێن هه‌رێما كوردستانێ كر و ل پێشوازیكرن و هه‌ڤكاریكرنا ئه‌وێ هژمارا زورا ئاواره‌یان رێ ل هه‌رێما كوردستانێ كری و سوپاسیه‌كا تایبه‌ت ئاراسته‌ی پارێزگارێ دهۆكێ و ب تیمێن خوه ڤه به‌رده‌وام كاركرینه بو بنه‌جیهكرنا ئاواره‌یان و سوپاسیا تایبه‌تر بو خه‌لكێ دهۆكێ دكه‌م ئه‌و بارێ گرانێ كه‌تیه ل سه‌ر ملێن حكومه‌تێ سڤكریه و ته‌حه‌مولكر ل ده‌مه‌كی دا كو هه‌رێم توشی قه‌یرانا ئابۆری بویه و زارۆیێن ئه‌وان نه‌چونه قوتابخانێ.
سه‌رۆكێ حكومه‌تێ دیاركر ئه‌ڤا دشیانێن حكومه‌تا هه‌رێما كوردستانێ دا بیت دێ كه‌ین و مه كریه ژی به‌لێ دڤێت بزانین مه پێدڤی ب هاریكاریا ده‌رڤه و به‌غدا زێده‌تر ل سه‌ر ئه‌ڤی بابه‌تی هه‌یه و به‌غدا ژی بهێته سه‌رخه‌ت و بو هه‌ڤكاریكرنا هه‌رێما كوردستانێ و حكومه‌تا فیدرال تا نها هژمارا ئاواره‌یێن هه‌رێما كوردستانێ ب هند نه وه‌رگرتی یه و بشیوه‌یه‌كێ جدی و هاریكاریا دارای و مرۆڤی پێشكێشی ئاواره‌یێن هه‌رێمێ نه‌كرینه و ئه‌ڤه ل ده‌مه‌كی دایه بو سالا 2015 حكومه‌تا هه‌رێما كوردستانێ پیدڤی ب ئێك ملیار و چوار سه‌د ملیون دولار هه‌یه بو تژیكرنا كێم و كوریێن ل ڤی بیاڤێ دا .
نێچیرڤان بارزانی گوت سوپاسیا هه‌ڤپه‌یمانێن دژی داعشی دكه‌ین هاریكاریێن سه‌ربازی پێشكێشی مه‌كرین ل دژی داعشێ و پشتگیری و پشته‌ڤانیا وان ل گه‌لێ كوردستانێ و حكومه‌تا وێ كریه و هه‌رچه‌نده ئه‌و هاریكاری ل ئاستێ پێدڤی دانه بوینه ل هه‌مبه‌ر قه‌باره‌یا قه‌یران و رودانان به‌س جهێ دسه‌تخوشیی یه .
سه‌رۆكێ حكومه‌تا هه‌ریما كوردستانێ سوپاسیا فه‌رمانبه‌رێن هه‌ریمێ دكه‌ت ل هه‌مبه‌ر ئه‌وێ قه‌یرانا توشی هه‌رێمێ بوی و ئارامی و سه‌برگرتنا وانا بێ موچه‌ی و د كاودانه‌كێ دژوار دا ژیانا خوه ده‌ربازكریه .
سه‌رۆكێ حكومه‌تێ دیاركر ب خوراگریا پێشمه‌رگه‌یێ كوردستانێ و هه‌رێم مینا دورگه‌هه‌كا ئارام د ناڤا ئاگرێ رۆژهه‌لاتا ناڤین راگرتی یه و جهێ شانازیكرنێ و سوپاسكرنێ یه و دڤیت هه‌ڤپه‌یمانان هاریكاریا پترا چه‌كێن گران پێشكێشی پێشمه‌رگه‌ی بكه‌ت بو ئه‌ڤی شه‌ری دا و دهێته پێشبینیكرن شه‌ری داعشێ به‌رده‌وام بیت و ئه‌گه‌ری قه‌یرانان ل هه‌ریمێ دێ درێژ بیت و زێده‌بونا هژمارا ئاواره‌یان بو هه‌ریما كوردستانێ درۆژه‌ڤێ دایه و دڤێت ب هه‌ماهه‌نگی ل گه‌ل حكومه‌تا عراقێ و هه‌ریمێ و جڤاكا نیڤ ده‌وله‌تی ب پلانه‌كا موكم بهێزكرنا پێگه‌هێ هه‌رێمێ و ژ هه‌مو رویه‌ك ی بهێته‌كرن.
نێچیرڤان دیاركر ئه‌رئه‌نجامێن ئه‌ڤێ ئاریشه‌یا نها ل عیراقێ پابه‌ند نه‌بون بو ب ماده‌یێن دستوری و بكار ئینانا سیاسه‌تا دوركرنا پیكهاته‌یێن دی و تاكره‌وی د برێڤه‌برنا عیراقێ گه‌هانده ئه‌ڤێ چه‌ندێ ئه‌وا نها تێدا پێ ڤه دنالی.
نيشاندان
WP Facebook Auto Publish Powered By : XYZScripts.com