ئەڤرۆ،
سترانبێژ دونیا ل سالا ١٩٩١ ژ دایک بوویە دەسپێکا وێ ل گەل کارێ ھونەری بۆ زارڤەکرنێ دزڤریت و پشکداریکرن د چەندین درامان دا و چەند کورتە فلمان دا، ل دووڤ دا بەر ب جیھانا سترانێ چوویە و خودانا دو سترانانە، حەز ل سەر دەنگێ ھەموو سترانبێژان ھەیە و تایبەت عەبدولقھار زاخۆیی.
دونیا بۆ بەر پەرێ ھونەریێ ئەڤرۆ گۆت: ھەڤژینێ من پێشمەرگەیە و پشتی ھاتیە ڤە خواست سترانەکێ ل سەرر پێشمەرگەی چێکەم و پشتەڤانیا من کر و مە دەسپێکر ژ تۆمارکرنێ ھەتا بدووماھی ھاتی، دونیایێ گۆتژی: پشتەڤانیا من دکارێن منێن ھونەری دا ناھێتەکرن.
ل دووماھیێ دونیایێ گۆت: حەز ژھەموو دەنگێن سترانبێژان دکەم، لێ پتر دەنگێ ھونەرمەند عەبدولقەھار زاخۆیی و ھیڤیا من ئەوە سترانەکا دو قولی ل گەل چێکەم.
ونەرێ خوە خزمەتا کەلتورێ خوە بکەین، ھەتا نوکە دژی ھونەری دراوەستن، ئەو کەسێن دژی ھونەری دراوەستن ئەو دژی ژیانێ نە، مە ھونەرمەندێن باش ھەنە و شیاینە خوە دگەل جیھان و ژیانا نوو ب گونجینن، ل دووماھیێ، دێرسمێ گۆت: ھیڤیا من ئەوە بزاڤا ھونەری یا بەردەوام بیت و بەر ب پێشڤە بچیت و گەلەک ھیڤی و ئومێد من ھەنە دناف ھونەری دا ژ وان حزمەتا وەلاتێ خوە بکەم ب رێکا تابلۆیێ.

ئەڤرۆ:
ھونەرمەند ( مەحمود عەزیز شاکر) خەلکێ رۆژئاڤایێ کوردستانێ یە و دووماھی یا سالێن شێستا ل رادیۆیا بەغدا دەست ب گۆتن و تۆمارکرنا سترانان کریە و بەردەوام بوویە ھەتا نوکە، پشتی سالا ٢٠١٢ ژ بەر کاودانان ل ھەرێما کوردستانێ ئاکنجی بوویە.
سترانبێژ مەحمود عەزیز شاکر، بۆ بەرپەرێ ھونەریێ ئەڤرۆ گۆت: ل سالا ١٩٦٩ وەکی دھاتمە ئێزگێ کوردی بەغدا لژنە ھەبوون بۆ ھەلسەنگاندنا دەنگی و ھەلبەست و ئاوازێ، دڤیا د ھەرسێ لژنان دا سترانبێژ ب سەرکەڤتبا، ھەکە ب ئێکی سەر نەکەڤتبا، ستران نەدھاتە تۆمارکرن، ژ سترانێن ناڤدارێن ھاتینە تۆمارکرن ل بەغدا( ئای گەورێ، بەردلێ من پر شرینە، حەبس و زیندان، گولیزارێ، شین بوون ریحان) گەلەک جاران ب شەڤ ھەتا دەمژمێرەکێ ل رادیۆیێ د دانە سترانبێژی، دەسپێکێ ھەلبەستڤان(یوسف بەرازی) ھاریکاریا من کر و دیسا برایێ من (محەمەد عەلی شاکر) گەلەک ھاریکاریا من و ھەتا (١٤٠) سترنێن من یێن برایێ من و دەسپێکا من ھەتا نوکە نێزیکی (٣٠٠) سترانان من ھەنە.

ھونەرمەند (مەحمود عەزیز شاکر)ی گۆت: نوکە بەرھەڤیان دکەم و ب پشتەڤانیا تەلەڤزیۆنا (قلعە) سترانەکێ چێکەم و دیسان دو ستران من ھەنە ل دھۆکێ دێ تۆماربکەم ل سەر (کۆبانێ و شنگال)ێ نە.
شاکری، رەخنە ل سترانا نوکە گرتن و گۆت: بەرێ ھەتا سترانەک ھاتبا تۆمارکرن، چەندین لژنە ھەبوون ، نوکە بەرۆڤاژی ھەر کەسەکێ سترانەک گۆت و دەرکەفت ل تەلەڤزیۆنێ بۆ ھونەرمەند، ھەڤدەم مەحمود عەیز شاکر ئاشکرا کو دەسپێکا ھونەرمەندێ وەغەرکری(محەمەد شێخوە) ژ سترانێن (سەعید یوسف)ی دەسپێکریە، دووڤ دا پشتی ل سالا ١٩٧٠ ھاتیە و گوھداریا سترانێن من کری گەلەک ب ستایلێ منێ ھونەری داخبار بوو، ھەر سترانەکا من گۆتبا وی دنڤیسی و دگۆتن و چ سترانا من گۆتبا پێ بەرنیاس دبوو ونەگۆت ئەڤە یێن ھونەرمەند (مەحمود عەزیزشاکر)ن، ھونەرمەندەکێ دلۆڤان بوو و خودێ ژێ رازی بیت، لێ ب ستایلێ من ب سەرکەڤت، سترانێن منێن گۆتین و پێ بەرنیاس بووی( ئای گەورێ، بەر دلێ من پرشرینە، زەینب، حەبس و زیندان، ئەمان دلۆ) گەلەکێن دی.
مەمحود عەزیز شاکر گۆتژی: دەسپێکا خوە من گوھداریا گەلەک سترانبێژێن کوردی یێن ناڤدارکریە، مینا( محەمەد عارف، عیسا بەرواری، عەیشەشانێ و حەسەن جزیری) جھێ ئاماژەکرنێ یە کو ھونەرمەندێ ناڤبری ل سالا ١٩٦٩ ھەتا ١٩٧٩ ل رادیۆیا کوردی ل بەغدا ھەتا ٢٠ سترانان تۆمارکرن، ھەتا (١٤) بەرھەم وەک کاسێت و سیدی ھەنە.
ل دووماھیێ ھونەرمەند مەحمود عەزیز شاکری خواست کوردستان ب سەرکەڤیت و ژ ئەڤان کاودانان دەربازبیت.