ئه‌ڤرۆ نیوز، شه‌وكه‌ت محه‌مه‌د
پشتی پێشمه‌رگه هوجام سورجی ب درنده‌ترین شێوه ب ده‌ستێ چه‌کدارێن تیروریستێن داعش هاتیه شه‌هید کرن بریار ژ ئالیێ قایمقامێ قه‌زا به‌رده‌ره‌ش هاتبوو دان كو په‌یکه‌ره‌کێ بو شه‌هید هوجام ل به‌رده‌ره‌ش چێکه‌ن.
که‌سه‌کی ب ناڤێ عمار نورالدین تایبه‌ت بو ئه‌ڤرو نیوز دیارکر و گوت : په‌یکه‌رێ شه‌هید هوجام سورچی یێ ئامادیه بو دانانێ لێ تا نها چ جھ نه‌هاتیه ده‌ست نیشانکرن کا دێ ل چار ریانا به‌رده‌ره‌ش یان ل روڤیا هێته دانان.
په‌یدا بونا شه‌رێ ل گه‌ل داعشێ و گوتن و كلیپكرنا چه‌ند ستران و هوزانان ل سه‌ر خوراگریێ و قه‌هره‌مانیێ ئه‌رێ ئه‌ڤ یه‌كه، چه‌ند ل سه‌ر بنه‌مایه‌ك زانستی بوویه، هوزانڤان لایق كورێمه‌ی د به‌رسڤێ دا بو ئه‌ڤرۆ نیوز دیاركر ئه‌ڤرۆ كوردستان یا د ململانێ یه‌كا به‌رخودانێ دا و رۆلێ نڤیسه‌ر و هونه‌رمه‌ندی دڤی شه‌ری دا زورێ دیاره و گۆت: سانسور ل سه‌ر داهێنانه‌كا هزری ئه‌ز ب ره‌وا نابینم چونكو نه خاسمه د كاودانین هوسا كو د پاراستن و به‌رخودانێ داینه و هه‌ر ده‌ربرینه‌ك ژ هه‌سته‌كێ یه و به‌رهه‌م خه‌لكێ خوه یێ هه‌ی، بلا ئه‌و جه‌ماوه‌ر بریارێ ل سه‌ر بده‌ت و باشی و لاوازیێن وێ بده‌نه دیاركرن و یا ساخله‌م تر ئه‌و هه‌لبژێرن.
ئه‌ڤرۆ نيوز، ناجى به‌ده‌ل
د.مێڤان عارف عه‌بدولره‌حمان ماموستایێ زانستێن سیاسی ل زانكویا دهۆك بو ئه‌ڤرۆ دیاركر كوردان مفایه‌كێ باش ژ سه‌ربورێن ب سه‌رى هاتین وه‌رگرتینه چ د سیاسه‌تا ده‌وله‌تێن ده‌ورۆبه‌ر دابیت یان ئه‌و شوره‌شێن كورد پێ رابووى، پرانیا شوره‌شێن كوردان یێن به‌رخودانێ بوون، نه به‌ره‌ڤانیكرنێ، شوره‌شێن كوردان زولم و زورداریێ ژ خه‌لكی نه‌كرینه، ئه‌ڤێ چه‌ندێ كه‌لتوره‌ك په‌یدا كر ل ناڤا خه‌لكێ كورد كو جوداهیه‌ك هه‌بیت ژ ئه‌وان مله‌تێن ده‌وروبه‌ر و ئه‌ڤێ سه‌نگا هه‌رێمێ و كوردستانیان و سه‌ركردایه‌تیا سیاسی یا كورد ب تایبه‌تی سه‌رۆكێ هه‌رێما كوردستانێ بنلدكر دناڤا جڤاكێ نێڤ ده‌وله‌تی و ده‌وله‌تێن ده‌وروبه‌ر.
ناڤبری ئه‌و چه‌نده ژی گوت:سه‌ركرده‌یێن كورد ل دیرۆكا مه دوو كه‌س هه‌نه، ئێكێ قاره‌مانێ رۆدانان و دوو قاره‌مانێ چێكه‌رێ رۆدانان و پرانیا سه‌ركرده‌یێن كوردان ب تایبه‌تی ژی سه‌رۆكێ هه‌رێمێ ب قاره‌مانێن چێكه‌رێ روودانان دهێته دانان.
ئه‌ڤرۆ نیۆز ،بارزان مزوورى
به‌رپرسێ لقا 14 ل مووسل، عصمت ره‌جه‌ب، بۆ ئه‌ڤرۆ نیۆز دیار كر ل ده‌ڤه‌را حه‌مام عه‌لیل ل پارێزگه‌ها مووسل ترومبێله‌كا بارهه‌لگر ژ جورێ تانكه‌ر یێ TNT كرى ب كاروانه‌كێ چه‌كدارێن تیرورستێن داعش ڤه د په‌قیت، د ئه‌نجام دا 30 داعش دهێنه كوشتن، گه‌له‌ك ژ وانا به‌رپرسێن مه‌زن یێن داعشن .
ناڤبرى دیار كر كۆ روژانه گه‌له‌ك ژ رێكخستێن چه‌كدارێن تیرورستێن داعش دهێنه كوشتن ژلایێ رێكخراوێن ناڤ مووسل .
ئه‌ڤرۆنیوز, ره‌زوان رۆژبه‌یانى:
ل سه‌ر داخازیا قایمقامێ به‌رده‌ره‌ش، حكومه‌تا هه‌رێمێ بریاردا كاره‌با نیشتمانێ بو گوندێن سنورێ ناحیا به‌عشیقه دابین بكه‌ت.
سالح عیسى به‌رپرسێ راگه‌هاندن ل قایمقامیا قه‌زا به‌رده‌ره‌ش بۆ ئه‌ڤرۆنیوز خویا كر كو به‌رى نوكه سه‌ردار یه‌حیا قایمقامێ به‌رده‌ره‌ش داخاز ژ لایه‌نێن په‌یوه‌ندیداركربون كو كاره‌با نشتمانى بۆ وان گوندان بهێته دابین كرن و حكومه‌تا هه‌رێمێ بریاردایه ئه‌گه‌ر ره‌وشا كه‌ش و هه‌وا ئارام بوون ل هه‌یڤا سێ كاره‌با بۆ وان گوندان دابین بكه‌ت و گوت ئه‌ڤرۆ: ل رێكه‌فتێ 11/2/ 2015 سه‌ردار یه‌حیا قایمقامێ به‌رده‌ره‌ش دگه‌ل موختارێن نێزیكى 10 گوند یێن سنۆرێ ناحیا به‌عشیقه كوم بوو، چونكى ل ده‌مێ چه‌كدارێن داعش ده‌ست ب سه‌ر پارێزگه‌ها موسل گرتین هه‌تا نوكه ئه‌وان گوندان یێن سنورێ ناحیا به‌عشیقه كو دكه‌ڤنه بن ده‌سه‌لاتا هێزا پێشمه‌رگه‌ى ژلایێ كه‌رتێ خزمه‌تگوزاریڤه ب تایبه‌ت ئاڤ و كاره‌با بێ به‌هر چووینه.
ئه‌ڤرۆ نیوز:
شاندێ حوكمه‌تا هه‌رێما كوردستانێ دێ رۆژا ئێكشه‌مبیا بهێت چیته به‌غدا و دێ پرسا رێككه‌فتنا هنارتنا نه‌فتا هه‌رێمێ و ئاسته‌نگێن هه‌مبه‌ر وێ دروست بوون بۆ به‌غدا به‌حس كه‌ت.
رێباز محه‌مه‌د وه‌زیرێ دارایى یێ حوكمه‌تا هه‌رێما كوردستانێ راگه‌هاند كو شاندێ هه‌رێمێ بۆ به‌غدا دێ پابه‌ندبوونا خوه ب رێككه‌فتنا هنارتنا نه‌فتا هه‌رێمێ ب رێیا كومپانیا سومو دیاركه‌ت.
بڕیاره شاندێ هه‌رێمێ ب سه‌رۆكاتیا نێچیرڤان بارزانى سه‌رۆكێ حوكمه‌تا هه‌رێما كوردستانێ سه‌را به‌غدا بده‌ن و ل گه‌ل حه‌یده‌ر عه‌بادى سه‌رۆك وه‌زیرێن عیراقێ كوم ببن.
ئه‌ڤرۆ نیۆز، قائید میرۆ
سه‌رۆكێ لیژنا مافێ مرۆڤی ل په‌رله‌مانێ كوردستانێ دبێژیت، هادی ره‌حمانی سه‌رۆكێ به‌رێ یێ دیوانا چاڤدێریا دارایی د ده‌مێ دوسالێن كارێ خوه‌دا 100 ملیۆن دینار بۆ كڕینا كه‌لوپه‌لێن ناڤمالیا خوه كڕینه”.
سۆران عومه‌ر، سه‌رۆكێ لیژنا مافێ مرۆڤی یا په‌رله‌مانێ كوردستانێ بۆ ئه‌ڤرۆ نیۆز گۆت” د سالێن بۆری دا چو چاڤدێری نه‌بووینه، ژبه‌ركو دیوانا چاڤدێریا دارایی بخوه گه‌نده‌لی كریه،
سۆران گۆتژی” سه‌رۆكێ به‌رێ یێ دیوانا چاڤدێریا دارایی 164 رۆژان ب ئیفاد چوویه كه‌نه‌دا و مالی و ل ڤی وێرێ مایه، هه‌ر بۆڤێ مه‌ره‌مێ دده‌مێ وێ سه‌ره‌دانێ دا 93 ملیۆن دینار وه‌رگرتینه، ئه‌ڤه هاتیه‌كرن له‌وڕا چو چاڤدێری نه‌بوویه لسه‌ر حوكمه‌تێ”.
ئه‌ڤرۆ نیۆز، قائید میرۆ
جێگرێ سه‌رۆكێ په‌رله‌مانێ كوردستانێ راگه‌هاند، مه‌ره‌م ژ ناف ئینانا پارێزگه‌ها هه‌له‌بجه بۆ وان كه‌سێن چووینه ناڤا گروپا داعش چو مه‌ره‌مێن خراپ مه نه‌بووینه و خه‌لك ل هه‌موو ده‌ڤه‌رێن هه‌رێمێ چووینه ناڤا داعش.
جه‌عفه‌ر ئیبراهیم، جێگرێ سه‌رۆكێ په‌رله‌مانێ كوردستانێ بۆ ئه‌ڤرۆ نیۆز دیاركر، مه‌ره‌ما من ژ به‌حسكرنا هه‌له‌بجه ژ چوونا گه‌نجان بۆ ناف داعش ب خراپی هاتیه لێكدان و راسته گوره‌ی زانیاریێن مه 500 كه‌س ل هه‌رێما كوردستانێ چووینه ناڤا داعش، به‌لێ ل هه‌موو ده‌ڤه‌رانبووینه و تنێ ل هه‌له‌بجه نه‌بووینه.
جه‌عفه‌ر ئیبراهیم گۆتژی” خه‌لك ل سلێمانیێ و دهۆكێ و هه‌ولێرێ و هه‌موو ده‌ڤه‌ران چووینه ناڤا داعش و ب رێیا ئه‌ڤ ڤیدیۆیێن تێنه به‌لافكرن خویایه خه‌لكێ كیش ده‌ڤه‌رێنه.
نيشاندان