ئه‌ڤرۆ نیوز، ره‌وان نهێلى
بریاره سوبه مووچێ هه‌یڤا 12 یێ فه‌رمانبه‌رێن وه‌زاره‌تا ساخله‌میێ بهێته به‌لاڤكرن.
د. رێكه‌وت حه‌مه ره‌شید وه‌زیرێ ساخله‌میا حكومه‌تا هه‌رێما كوردستانێ د په‌یوه‌ندیه‌كا ته‌له‌فونى دا بۆ ئه‌ڤرۆ نیوز راگه‌هاند كو ئه‌و ژ ئالیێ وه‌زاره‌تا دارایى ڤه هاتینه ئاگه‌هداركرن كو سوبه و دوسبه، ئانكو د ماوێ دو رۆژان دا، دێ هه‌موو فه‌رمانبه‌رێن وه‌زاره‌تا ساخله‌میێ مووچێ هه‌یڤا 12 یێ سالا 2014 وه‌رگرن.
ئه‌ڤرۆ نیۆز، قائید میرۆ
ل ده‌ستپێكا شه‌ڕێ گروپا تیرۆرستێن داعش هه‌تا نوكه، به‌حسێ جهێ مانا خه‌لیفێ داعش ئه‌بوبه‌كر به‌غدادی دهێته‌كرن و به‌رپرسه‌كێ كورد ژی دبێژیت نوكه به‌غدادی ل مووسله.
ژێده‌ره‌كێ ل پارێزگه‌ها نه‌ینه‌وا بؤ ئه‌ڤرۆ نیۆز راگه‌هاند” مه زانیاری هه‌نه به‌ری نوكه ئه‌بوبه‌كرێ به‌غدادی خه‌لیفێ گروپا داعش ل باژێڕێ ره‌ققا یا سووریا بوویه و نوكه ڤه‌گه‌ڕیایه بۆ ناڤا خاكا عێراقێ.
ئه‌ڤی ژێده‌ری كو نه‌خواست ناڤێ وی بهێته به‌لاظكرن گۆتژی” ل گوره‌ی زانیاریێن مه پشتی ئه‌بوبه‌كر به‌غدادی خاكا سووریێ بجه هێلایه و هاتیه باژێڕێ مووسڵ، به‌لێ جهێ ئاكنجیبوونا به‌غدادی ل مووسڵ دیارنینه و یێ ڤه‌شارتیه.
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ د پشكا دوێ یا هه‌ڤپه‌یڤینا خوه دا ل گه‌ل رۆژناما حه‌یات، هه‌لویستێ خوه سه‌باره‌ت ( حه‌شدا شه‌عبى ) و ڤه‌گه‌ریانا سوپایێ عیراقێ بۆ كه‌ركووكێ رادگه‌هینیت.
مه‌سعود بارزانى سه‌رۆكێ هه‌رێما كوردستانێ سه‌باره‌ت هنارتنا 5 هزار چه‌كدارێن حه‌شدا شه‌عبى بۆ پشكداریكرن د به‌ره‌ڤانیكرنا كه‌ركووكێ دا گۆت: مه پێدڤى ب حه‌شدا شه‌عبى نینه، و رێكێ ب چ هێزه‌كێ ناده‌ین بهێته ناڤ كه‌ركووكێ، ئه‌گه‌ر مه پێدڤى پێ بوو، دێ داخوازێ ژ هه‌ڤپه‌یمانێن خوه كه‌ین، نوكه مه نه پێدڤى ب حه‌شدا شه‌عبى یه، نه چ هێزه‌كا دى.
ئه‌ڤرۆ نیۆز، قائید میرۆ
وه‌زیرێ ساخله‌میا حوكمه‌تا هه‌رێما كوردستانێ ئه‌شكراكر، وه‌زیرێ ساخله‌میا عیراقێ سۆزدایه، ژبلی 17%یا پشكا هه‌رێما كوردستانێ دێ رێژه‌یه‌كا دی یا ده‌رمان و پێدڤیێن نوشداری بۆ كوردستانێ فرێكه‌ن كو كێماسیا د دابینكرنا ده‌رمانان دا بهێته پركرن.
دكتۆر رێكه‌وت حه‌مه ره‌شید وه‌زیرێ ساخله‌میا هه‌رێما كوردستانێ بۆ ئه‌ڤرۆ نیۆز دیاركر” كو ئه‌ڤرۆ دگه‌ل لیژنا ساخله‌میا جڤاتا نوونه‌رێن عێراقێ و وه‌زیرێ ساخله‌میا عێراقێ كۆمبووینه و تێدا، ب هویری به‌حسێ ره‌وشا ساخله‌می ل هه‌رێما كوردستانێ بتایبه‌ت ئه‌و خزمه‌تێن نوشداریێن پێشكێشی ئاواره‌یان دهێته كرن كریه .
وه‌زیرێ ساخله‌می گۆتژی” وه‌زیرێ ساخله‌میا عێراقێ سۆزدایه ژبلی رێژه‌یا هه‌رێمێ 17%ێ یا ده‌رمانا، دێ رێژه‌یه‌كا زێده ده‌رمان و پێدڤیێن نوشداری هێنه فڕێكرن بۆ هه‌رێما كوردستانێ و ب رێیا لیژنه‌یه‌كا هه‌ڤبه‌ش دێ كار بۆ زێده‌كرنا ده‌رمانێن نه‌خۆشیێن دوم درێژ و ئامیرێن نۆشداری هێنه‌كڕین بۆ هه‌رێمێ.
ئه‌ڤرۆ نیوز، ره‌وان نهێلى
حاكم ئازاد حه‌مه ئه‌مین نه‌قیبێ سه‌ندیكا رۆژنامه‌نڤیسێن كوردستانێ ل دۆر گرتنا رۆژنامه‌نڤیس سه‌باح ئه‌ترووشى بۆ ئه‌ڤرۆ نیوز دیاركر كو ئه‌و ئاگه‌هدارى بابه‌تى نه و ڤان ئێك، دو رۆژان دێ لقێ دهۆك یێ سه‌ندیكا رۆژنامه‌نڤیسێن كوردستانێ رۆنكرنه‌كێ بۆ ده‌زگه‌هێن راگه‌هاندنێ به‌لاڤ كه‌ن.
سه‌نته‌رێ میترۆ بۆ به‌ره‌ڤانیكرنێ ژ مافێن رۆژنامه‌نڤیسان د به‌یاننامه‌كێ دا به‌لاڤكریه پشتى كو سه‌باح ئه‌ترووشى ل رۆژا پێنجشه‌مبى پشكدارى د به‌رنامه‌كێ ته‌له‌فزیونا بادینان سات دا كرى، ل دۆر ناڤه‌رۆكا ئه‌و ئاخافتنێن وى د به‌رنامه‌ى دا كرین، ژ ئالیێ ده‌زگه‌هێن ئێمناهیێ یێن باژێرێ دهۆكێ ڤه هاتیه گرتن.
ئه‌ڤرۆ نیوز:
كونسه‌یا برێڤه‌برنا كوما جڤاكێن كوردستانێ رادگه‌هینیت كو هنده‌ك ئالووزى و نه‌دانا ناسنامه‌یان بۆ هاتن و چوونا هێزێن وان بوویه ئه‌گه‌ر كو ئه‌و به‌حسێ ڤه‌كێشانا هێزێن خوه ل باشوورێ كوردستانێ بكه‌ن.
كه‌جه‌كه د راگه‌هاندنه‌كێ دا دیاركریه: ل باشوورێ كوردستانێ ب تایبه‌تى پارته‌ك ب ره‌نگه‌كێ نهێنى سیاسه‌ت و پرۆپاكندێن خوه دژى پارتا مه دكه‌ن، له‌وما مه ڤه‌كێشانا هێزا گه‌ریلایێن خوه ئێخستیه به‌ر دانوستاندن كو نوكه به‌رامبه‌ر داعش شه‌رى دكه‌ن، و ئه‌م به‌رده‌وام یێ دانوستاندنا ل سه‌ر ڤێ پرسێ دكه‌ین، به‌لێ بوچوونا گه‌لێ مه ل باشوور یا گرنكه.
د پشكه‌كا دى یا راگه‌هاندنێ دا هاتیه: هه‌تا نوكه چ پێدڤیه‌كا سه‌ربازى، ئێك فیشه‌ك و ئێك چه‌ك ب گه‌ریلایێن مه یێن شه‌رێ داعش دكه‌ن نه‌هاتیه دان، به‌لێ شه‌رێ مه ژ پێخه‌مه‌ت گه‌لێ مه‌یه و مه چاڤه‌رێى چ تشته‌كێ نه‌كریه.
بێژه‌ر و په‌یمانێرێ كه‌نالێ ناڤدار یێ ئه‌مریكی (NBC NEWS) براین ویلیامز بریاردا بۆ ده‌مه‌كی ده‌ست ژ كارێ خوه‌یێ رۆژنامه‌ڤانی به‌رده‌ت پشتی ئاخڤتنه‌كا وی یا نه‌راست ل سه‌ر ئیراقێ هاتیه ئاشكراكرن.
رۆژنامه‌ڤان براین ل ده‌مێ روومال كرنا شه‌رێ ئیراقێ ل سالا 2003 ل ئیراقێ گۆت بوو كو ئه‌و د هه‌لیكوپتره‌كا ئه‌مریكی دا بو كو به‌ر موشه‌كه‌كا ئیراقی كه‌فتبوو، لێ ئه‌و سه‌ربازێن د وێ هه‌لیكوپترێ دا نها ئاشكرا كر كو ئاخڤتنا وی دره‌و بوو ئه‌و نه‌د هه‌لیكوبترێ دابوو ل ده‌مێ روودانێ.
ئێكسه‌ر پشتی ئاشكرابوونا ڤێ یه‌كێ كه‌نالێ (NBC NEWS) ده‌ست ب لێكولینان كریه و رۆژنامه‌ڤانێ ناڤبری ئه‌ڤرۆ ده‌ست ژ كاركێشانا خوه بۆ ده‌مه‌كی راگه‌هاند هه‌تا بشێت جاره‌كا دی باوه‌ریێ بۆ جه‌ماوه‌رێ خوه چێكه‌ت.
مالپه‌رێ ئه‌لێكسا یێ خزمه‌تگوزاری ل عیراقێ هاتیه راوه‌ستاندن ئه‌گه‌رێ وێ ژی ڤه‌دگه‌ریت بۆ نه‌بوونا داتا و زانیاریێن خزمه‌تگوزاریان.
به‌رپرسێن ئه‌وێ كۆمپانیێ دبێژن مالپه‌ر ب رێ و ئاوایێن دیاریكری ده‌باز دبیت و ژبوويی رێزبه‌ندیێ ل وه‌لاتان ل ناڤ مالپه‌ران دا بكه‌ن نه شیان ژ به‌ر نه‌بوونا زانیاریێن تایبه‌ت ب مالپه‌ران ل عیراقێ كارێ خوه ل وێرێ بكه‌ن.
دبێژن ژى كو ئه‌و وه‌لاتێن كو زانیاریێ ژ مالپه‌رێ وان ب ده‌ست نه‌كه‌فتین نه‌شێن هژمارا خوینه‌ر و رێزبه‌ندیێ بۆ بكه‌ن ل عیراقێ.
مالپه‌رێ ئه‌لێكسا بۆ رێزبه‌ندیا مالپه‌رێن جیهانێ هات بوو دانان كو ئیكه ژ پێگه‌هێن سه‌ره‌كیێن تایبه‌ت ب وی بیاڤی ڤه و ئه‌ڤه بۆ ماوه‌یێ چه‌ندین رۆژانه خزمه‌تگوزاریێن خوه ل عیراقێ راوه‌ستاندنینه.
گرۆپێ هاكه‌ر یێ ناڤدار ئه‌نونیموس د گرته‌یه‌كا ڤیدیوی دا راگه‌هاند كو ب سه‌دان ئه‌كاونتێن داعشێ ل تورا جڤاكيا تویته‌رێ هاك كرینه.
ئه‌وێ گرۆپێ دیاركریه داعشێ ناڤێ ده‌وله‌تا ئیسلامێ ل خوه ناڤكریه و نه موسلمانن، له‌ورا ئه‌و دێ ئه‌ڤی كاری كه‌نه ئێك ژ كارێن خو یێن گرنگ و ئه‌نجام ده‌ن.
ئه‌نونیموس ئێكه ژ ناڤدارترین گرۆپێن هاك كه‌رێن جیهانێ و هه‌تا نها چه‌ندین ئه‌كاونت ژێبرینه یێن فه‌رمی و نه‌فه‌رمی یێن داعش.
نيشاندان