ئەڤرۆ نیۆز، قائید میرۆ

ئێڤاریا دوھی رۆژا ئێكشه‌مبى رێكه‌فتى 8ى خزيرانا 2015ێ تیرۆرستێن داعش ل میحوەرێ گوێڕ ھێزێن پێشمەرگەی بوردۆمانکرن و د ئەنجامدا دوو پێشمەرگە برینداربوون.

موقەدەم پیرۆ رەشید، فەرماندێ پێشمەرگەی ل میحوەرێ گوێڕ بۆ ئەڤرۆ نیۆز گۆت: “ئێڤاریا دوھی تیرۆرستێن داعش ل میحوەرێ گوێڕ سەنگەرێن ھێزێن پێشمەرگەی بوردۆمانکرن و د ئەنجام دا دو پێشمەرگە برینداربوون، بەلێ رەوشا وان دو پێشمەرگەیان باشە و ھاتینە چارەسەرکرن”.

ئەڤی فەرماندێ پێشمەرگەی زێده‌تر گۆت: “ھەر ئێڤاریا دوھی فڕۆکەیێن ھەڤپەیمانان بنگەھێن چەکدارێن داعش ل گوندێن نەسر و سولتان عەبدولا یێ میحوەرێ گوێڕ بوردۆمانکرن و گورەی زانیاریان زیانێن مەزن گەھاندینە تیرۆرستێن داعش”.

ئه‌ڤرۆنیۆز، ئه‌یاد به‌روارى
ل دووڤ دووماهی پێزانین ل سه‌ر هه‌لبژارتنێن گشتی یێن توركیا، هه‌تا نوكه‌ 59،78% ژ ده‌نگان یێن هاتینه‌ ڤاڤارتن و رێژا ده‌نگدانێ یا گه‌هشتیه‌ 85% و هه‌ده‌پێ ژى ده‌نگێن خوه‌ زێده‌كرینه‌.
ل دووڤ وان پێزانینێن مالپه‌رێ (میللیه‌ت) یێ توركی به‌لاڤكرین، هه‌تا نوكه‌ (ئه‌كه‌په‌) ل رێزا ئێكێ دهێت ب رێژا ،42%ده‌نگان و پتر ژ 15 ملیۆن ده‌نگان بده‌ستڤه‌ئیناینه‌ و (جه‌هه‌به‌) ل رێزا دویێ دهێت ب 24% ژ ده‌نگان كو نێزیكی 9 ملیۆن ده‌نگانه‌ و (مه‌هه‌به‌) ل رێزا سیێ دهێت ب 16%ژ رێژا ده‌نگان كو دبنه‌ پتر ژ 6 میلۆن ده‌نگان و (هه‌ده‌پێ) هه‌تا نوكه‌ رێژا 11% بده‌ستڤه‌ئینایه‌ كو دبنه‌ زێده‌تر ژ 4 ملیۆن ده‌نگان و حزبێن دی ژى رێژا 4% بده‌ستڤه‌ئیناینه‌ و هه‌تا نوكه‌ پرۆسا ڤاڤارتنا ده‌نگان یا به‌رده‌وامه‌.