ئه‌ڤرۆ نیوز:
راهێنه‌را شێرا، (فاتن الحلو) د نمایشه‌كا جه‌ماوه‌رى دا، ل گه شیرێن خوه، تووشى روودانه‌كێ دبیت، پشتى كو شیره‌ك ژ نشكه‌كێ ڤه هێرشێ دكه‌ته سه‌ر.
چ نه‌مابوو شێر بخووت
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سهرهكى Twitter
بۆ وان كه‌سێن دخوازن هاریكاریا خێزانا شه‌هید هوجام سۆرچی بكه‌ن
ئه‌ڤرۆ نیۆز، قائید میرۆ
كه‌مپینا كۆمكرنا هاریكاریان بۆ خێزانا شه‌هیدێ پێشمه‌رگه هوجام سۆرچی، داخوازێ ژ وه‌لاتیان دكه‌ت كو هاریكاریێن خوه بگه‌هینن كه‌مپینێ و بۆڤێ مه‌ره‌مێ هژماره‌كا حیسابا بانكی هاتیه ڤه‌كرن.
سه‌وری نسره‌دین، ئه‌ندامێ كه‌مپینێ بۆ ئه‌ڤرۆ نیۆز گۆت” پشتی مه كه‌مپینه‌ك بۆ كۆمكرنا هاریكاریان بۆ مالباتا شه‌هید هوجامی پێكئینای هه‌تا نوكه هژماره‌كا زۆرا وه‌لاتیان ده‌ستێ هاریكاریێ درێژكریه و هنده‌كێن دیژی به‌رهه‌ڤیا خوه دایه‌نیشاندان هاریكاریان فڕێكه‌ن.
سه‌وری دیاركر” بۆ ئاگه‌هداریا وه‌لاتیان دشێن ب ڕێیا ڤێ هژمارا ته‌له‌فۆنێ په‌یوه‌ندی بكه‌ن( 07512359190) یانژی بڤێ هژمارا بانكی
( Bank Name: Kurdistan International Bank
Swift Code: KIBIIQBA
IBAN Number: IQ01KIB 10003181
Account Number: 10003181
گۆڕه‌كێ ب كۆم ل زوممار هاته هه‌لدان
ئه‌ڤرۆ نیۆز، قائید میرۆ
وه‌زاره‌تا شه‌هید و ئه‌نفالكریان هه‌لدانا گۆڕه‌كا ب كۆم ل گونده‌كێ زوممار ئه‌شكراكر كو تێدا، رۆفاتێن 23 وه‌لاتیێن كورد هه‌نه و هاتینه گولله بارانكرن.
فوئاد عوسمان په‌یڤدارێ وه‌زاره‌تا شه‌هید و ئه‌نفالكریان بو ئه‌ڤرۆ نیۆز راگه‌هاند” ئه‌ڤرۆ ل گوندێ به‌ردی یێ سه‌رب ناحیا زوممار تیمه‌كا وه‌زاره‌تێ شیایه گۆڕه‌كا بكۆم هه‌لده‌ت و تێدا رۆفاتێ 23 كه‌سان هه‌بوویه و هاتینه هنارتن بۆ نۆشداریا داد.
ناڤبری گۆتژی” ل گوره‌ی ئاخافتنا شایه‌تحالێن گوندی، داعش شه‌ڤه‌كێ ئه‌ڤ كه‌سه ئیناینه ده‌ڤه‌رێ و ده‌ستێن وان ب قاریشه‌كا لاستیك گرێداینه و گولله بارانكرینه و دناڤا گۆڕه‌كا بكۆمدا ڤه‌شارتینه.
فوئادی خویاژیكر، ل گوره‌ی زانیاریێن وان ئه‌ڤ كه‌سه كوردێن ده‌ڤه‌را شنگالێ بووینه و دده‌مێ ئێرشا داعش ل باشورێ سكرێ مووسڵ كار دكرن، به‌لێ ژلایێ تیرۆرستانڤه هاتینه ده‌سته‌سه‌ركرن.
ئورۆپا ئێك ملیار یورۆيان بۆ ژناڤبرنا داعش ته‌رخان دكه‌ت
ئه‌ڤرۆ نیوز، ڤه‌ده‌ر سوبحى
فێدێریكا مۆگێرینی وه‌زیرا كارێن ده‌رڤه یا ئێكه‌تیا ئه‌ورۆپا راگه‌هاند : ئێكه‌تیا ئورۆپی سۆزا 1 ملیار یورویان دا بۆ ئیراق و سوریا ژبۆ به‌رهنگاربوونا داعش ل ده‌ڤه‌رێ.
مۆگێرینی دیاركر ئه‌ڤ كوژمێ پاره‌ی دێ بزاڤێن ئه‌ورۆپا بهێز ئێخیت بۆ ڤه‌گه‌راندنا ئاشتی و ته‌ناهیێ بۆ سوریا و ئیراقێ كو بۆ ده‌مه‌كێ درێژه تیرۆرێ و توندوتیژیێ زیان گه‌هاندینێ له‌ورا دێ ئێك ملیاران بۆ دو سالێن داهاتی پێشكێشی هه‌ردو وه‌لاتان كه‌ین.
ناڤهاتی گۆت”سۆتنا فرۆكه‌ڤانێ ئوردنی به‌لگه‌یه‌كا دی یه كو تیرۆرێ سنۆر نینه و موسلمان قوربانیێن سه‌ره‌كی یێن ڤێ تیرۆرێ نه.”
هنده ملیون دولار ب كنفێ سێداره‌دانا سه‌دام دهێنه دان
ئه‌ڤرۆ نیوز، ڤه‌ده‌ر سوبحى
ل دووڤ راپۆرته‌كا (زه ئیندیپێندنت) كنفێ بۆ سێداره‌دانا سه‌دام حوسێن هاتیه بكارئینان ل سالا 2006 دێ ل سه‌ره‌كزێده‌كرنه‌كێ دا هێته فرۆتن .
ژێده‌ره‌كێ ئیراقی راگه‌هاندیه كو گه‌له‌ك داخازی لسه‌ر ڤی كنفى هه‌نه كو ژ ئالیێ موه‌فه‌ق ئه‌لرۆبێعی ڤه شیره‌تكارێ ئاسایشا نه‌ته‌وی یا ئیراقی ل سالا 2004 بۆ 2006هاتیه پاراستن.
هه‌تا نها خێزانه‌كا زه‌نگین یا ئیسرائیلی و رێكخراوه‌كا ئایینی یا ئیرانی و بازرگانه‌كێ كوێتی داخازا خوه پێشكێشكریه بۆ كرینا ڤی كنفى.
هه‌تا نوكه بكر 7 ملیون دولاران دده‌ن، لێ ناڤهاتی پتر دڤێت بۆ فرۆتنا وه‌ریسێ سه‌دام پێ هاتیه سێداره‌دان.
حه‌فتی ب دوماهی هات و مووچه هه‌ر نه‌هات
ئه‌ڤرۆ نیۆز، قائید میرۆ
گروپا (خه‌می خه‌لك) ئاماژه ب وێ چه‌ندێ دكه‌ت، ل گوره‌ی داخویانیا وه‌زاره‌تا دارایی بڕیاربوو د حه‌فتیا بۆری دا موچێ هه‌یڤا دوازده بهێته به‌لاڤكرن، به‌لێ حه‌فتی دووماهی هات و مووچه نه‌هات.
مه‌حه‌مه‌د گومه‌شینی رێكخه‌رێ گروپا خه‌می خه‌لك بۆ ئه‌ڤرۆ نیۆز گۆت” به‌ری نوكه وه‌زاره‌تا دارایی و ئابوری دداخویانیه‌كێ دا ئه‌شكراكربوو، حه‌فتیا بۆری دێ موچێ هه‌یڤا دوازده هێته به‌لاڤكرن، به‌لێ د حه‌فتیا بۆری دا تنێ وه‌زاره‌تا پێشمه‌رگه‌ی مووچه وه‌رگرت و چو فه‌رمانبه‌رێن دی موچه وه‌رنه‌گرتیه.
مه‌حه‌مه‌دی گۆتژی” پێدڤیه وه‌زاره‌تا دارایی رۆنكرنێ بده‌ت، كا بۆچی سۆزا خوه بجه نه ئینا و ده‌ست ژ سۆزێن خوه بۆ به‌لاڤكرنا مووچێ فه‌رمانبه‌ران به‌رده‌ت، ژبه‌ركو بۆیه ئه‌گه‌رێ بێزاریا خه‌لكێ كوردستانێ.
هێلى لووڤ دى ب ڤى ره‌نگى خزمه‌تا پێشمه‌رگه‌ى كه‌ت
ئه‌ڤرۆ نیۆز، سالار دۆسكى:
سترانبێژا ده‌نگ خوه‌ش هێلى لووڤ گه‌له‌ك ب نهێنى و دوور ژ سازیێن راگه‌هاندنێ مژوولى به‌رهه‌مه‌كێ نشتیمانى بوو ل سه‌ر پێشمه‌رگێ كوردستانێ و لدووڤ گۆتنێن وێ به‌رهه‌م و تۆماركرن بدووماهى ئیناینه.
هێلى لووڤێ دیاركر كو سروود ب زمانێ ئنگلیزى یه و ل سه‌ر پێشمه‌رگێ كوردستانێ یه و تۆماركرن بدووماهى ئینایه و كه‌فتیه قۆناغا وێنه‌كرنێ وبه‌ر ب دووماهیێ دچیت و ناڤێ سروودێ( ریڤلۆشن) ئانكۆ (شوره‌ش) ئاوازا سروودێ یا سترانبێژا ناڤبرى یه چه‌ندین په‌یڤێن كوردى تێدا دهێنه گۆتن، سروود ژلایێ دو هونه‌رمه‌ندێن ره‌گه‌ز ئه‌مریكى هاتیه دارێتن بناڤێ(میكى و كایل) هه‌ر دو هونه‌رمه‌ندان پێشتر ژى كار بۆ چه‌ندین سترانبێژان كرینه، هێلى لوڤێ ئاماژه كره وێ چه‌ندێ كو كاودانێن كوردستانێ و چه‌ندین وێنێن پێشمه‌رگێ كوردستانێ بۆ هه‌ر دو هونه‌رمه‌ندان به‌حس كرینه و نیشاداینه و ئه‌وان هه‌ر دویان تێكستا ڤى به‌رهه‌مى چێكریه.
سوبه شیره‌تكارا ئه‌لمانیا دێ پێشوازیا سه‌رۆك بارزانى كه‌ت
ئه‌ڤرۆ نیوز:
ئه‌نگیلا مێركل، شیره‌تكارا ئه‌لمانیا ئه‌ڤرۆ رۆژا ئه‌ینى خوه‌شحالیا خوه ب دیدارا ل گه‌ل حه‌یده‌ر عه‌بادى سه‌رۆك وه‌زیرێن عیراقێ ده‌ربرى، هه‌روه‌سا راگه‌هاند كو سبه‌هى رۆژا شه‌مبى دێ پێشوازیا مه‌سعود بارزانى سه‌رۆكێ هه‌رێما كوردستانێ كه‌ت.
سه‌رۆك بارزانى ب شێوه‌كێ فه‌رمى و وه‌كو سه‌رۆكێ ده‌وله‌ته‌كێ پشكدارى د كۆنگرێ میونخ دا كریه.
ئۆباما دێ ڤێ داخوازیێ بۆ ژناڤبرنا داعش ژ كۆنگرێسی كه‌ت
ئه‌ڤرۆ نیوز، ڤه‌ده‌ر سوبحى
ژێده‌ره‌كێ بۆ رویته‌رز راگه‌هاند باراك ئۆباما سه‌رۆكێ ئه‌مریكا دێ داخازا ده‌ستهه‌لاته‌كا نوو ژ كۆنگرێسێ وه‌لاتێ خوه كه‌ت ئه‌و ژی بكارئینانا هێزا سه‌ربازیا ئه‌مریكی بۆ دژی داعش .
لدووڤ گۆتنا نوونه‌ره‌كێ جڤاتا نوونه‌رێن ئه‌مریكا ژ پارتا دیموكراتی، كۆنگرێس دێ ل حه‌فتیا داهاتی ڤێ داخازا ئۆباما وه‌رگریت.
جۆن بۆنه‌ر سه‌رۆكێ جڤاتا نوونه‌رێن ئه‌مریكا ژی راگه‌هاندبوو كو ئه‌و پێشبینی دكه‌ت ئۆباما رازیبوونا كۆنگرێسی وه‌رگریت بمه‌به‌ستا بده‌ستخستنا ده‌ستهه‌لاتا بكارئینانا هێزا سه‌ربازییا ئه‌مریكی دژی داعش.
ڤیدیو: ئه‌رد شه‌ق دبیت و ئاڤ باب و كورى دادعويريت
نيشاندان
WP Facebook Auto Publish Powered By : XYZScripts.com