ئه‌ڤرۆ نیوز:
كه‌ناله‌كێ ته‌له‌فزیونى یێ ئه‌مریكى گرته‌یه‌كا ڤیدیویى به‌لاڤ كریه كو شه‌قامه‌كێ باژێرێ دنفر یێ ئه‌مریكى ترومبێله‌كا پولیسان داعویرتیه، دیاره ئه‌رد ژبه‌رێك چوویه و ترۆمبێلا پولیسان كه‌تیه تێدا كو كویراتیا وێ 7 مترن.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
پرانیا کوردێن باکور چووینە سەر سندوقێن دەنگدانێ
ئەڤرۆ نیۆز، هۆشەنگ تاجر:
ل گۆر راپۆرتەکا ئاژانسا جیهان یا نووچەیان هەتا نها باژارێن کو پرانیا خەلکێ قەستا سندوقێ دەنگدان کرینە باژارێن باکورێ کوردستانێ نە و ب تایبەتی ژی ل باژارێن وەک : وان، هەکاری، سیرت، باتمان و ئاگری هەر سبێدێ زوو خەلک چووینە بنگەهێن دەنگدانێ و قەرەبالغەکا مەزن دروست بوویە و دهێتە چاڤەرێ کرن کو بەری ب دووماهی هاتنا دەمێ فەرمی یێ داخستنا سندوقان کو دەمژمێر ٨ شەڤێ یە ل وان باژاران پرۆسە دەنگدانێ ب دووماهی بهێت.
د بەردەوامیا راپۆرتێ دا هاتیە دیار کرن کو هەکە وەسا بەردەوام بیت دێ رێژا پشکداریا دەڤەرێن کوردی ژ دەڤەرێن دی یێن تورکیا پتر بیت و ئەوە ژی بۆ هندێ ڤەدگەریت کو کورد ڤێ هەلبژارتنێ بۆ خوە ب هەلبژارتنەکا چارەنڤیساز ل قەلەم ددەن.
حەنان فەتلاوی: ل سەر ھەلویستی جەماوەرێ یانا زاخۆ ھاتە دەنگ
ئه‌ڤرۆ نيوز، یوسف موسـا:
حەنان فەتلاوی ئەنداما جڤاتا نوونەرێن عێراقێ راگەھاند ئەوا دناڤ یاریگەھا زاخۆ دا روودای سڤکاتیکرن بو ب عێراق و ھەلبژارتیێ وێ، بێدەنگیا دو بەرپرسێن بلند ل سەر سزانەدانا یانا زاخۆ گۆت: سەرباری سڤکایەتیکرنێ بەلی یاریگەھا زاخۆ ب پارەیێ ناسریە و بەسرا و عۆممارە ھاتیە دروستکرن.
حەنان فەتلاوی سەرۆکا بزوتنەوەیا ئیرادە دیارکر ب داخەوە پشتەڤانێن یانا زاخۆ ب ئامادەبوونا عەبدۆلحوسەین عەبتان وەزێرێ وەرزش و لاوێن عێراقێ و ھەروەسا مەسعوود محەمەد سەرۆکێ ئێکەتیا تەپاپیا عێراقێ سڤکایەتی ب عێراق و ئالا و سرۆدا نشتیمانیا عێراقێ و ھەلبژارتیێ وێ ھاتە کرن، بێ کو چ لێچینەوەیەک بھێتە کرن گۆت: دو رۆژان پشتی یاریێ چاڤەرێبووین سزا یان نەرازیبوون یان ھەلویستەکێ بەرامبەر یانە یان جەماوەرێ وێ وەرگرن لێ مە ژ چوو ئالیان نەدیت.
سەرۆکا بزوتنەوەیا ئیرادە د ھەمان دەم دا ئەنداما جڤاتا نوونەرێن عێراقێ یە ل پەیجێ خوە یێ تایبەتێ فەیسبوکێ ل بیرا وەزیرێ وەرزش و لاوێن عێراقێ و سەرۆکێ ئێکەتیا تەپیا عێراقێ دئینیت، کو یاریگەھا زاخۆ و ئەوێن دیتر ژی ب پارەیێ بەسرا و ناسرییە و عۆممارە ھاتینە درۆستکرن گۆت: ئەڤا ھاتیە کرن ژ ھەردوویان دپرسین ئەڤ لۆژیکە ھەلبژارتیەکێ نشتیمانی ئەم بێحینە بەرامبەر یانەیا ناوچەیەکێ.
ل رۆژا چوار شەمبیا بووری ل یاریگەھا زاخۆ ژلایێ نێچیرڤان بارزانی سەرۆکێ حکۆمەتا ھەرێمێ و ب ئامادەبوونا وەزیرێ وەرزش و لاوێن عێراق و ھەرێم وئێکەتیا تەپاپیا عێراقێ ھاتە ڤەکرن د دووڤرا یارییەکا ھەڤالینی دناڤبەرا یانا زاخۆ و ھەلبژارتیێ عێراقێ دا ھاتبوو کرن.
ب وێنه: چوار ترۆمبێلان چوار کەس ل زاخۆ بریندار کرن
زاخۆ، یوسف موسـا:
شڤێدن د دو روودانێن پێگڤە گرێدایی دا چوار ترۆمبێلان لێکدا، د ئەنجام دا چوار کەس بریندار بوون، دکانەکا کەلوپەلێن كاره‌بێ دا ل گەل چوار ترۆمبێلان ژی زیانێن دراڤی پێ کەفتن.
بەشیر یوسف ژ ھۆبا راگەھاندنا پۆلیسێن ھاتنوچوونێ ل زاخۆ بو ئەڤرۆ نیوز دیارکر روودانا ئێکێ ل راستا گۆرستانا زاخۆ بوو، ب ترۆمبێلەکا ژ جورێ کەیا ب رەنگێ ڕەش ل راستا گۆرستانا زاخۆ یا کەڤن ژ ئەنجامێ ب لەزاتیا ھاژۆتنێ ژ دەست دەردکەڤیت، ل ستوونەکا کارەبێ دەت د سەر شوستەیی دا دەربازی سایدێ دن دبیت ل ترۆمبێلا ژ جۆرێ کەیا دو تەنی دەت گۆت: “ل دەمژمێر 10:00 ب شەڤ دڤێ روودانێ دا کەسەک بریندار دبیت”.
ناڤھاتی ئاشکرا ژی کر کو روودانا دووێ ژی گرێدان ل گەل یا ئێکێ دا ھەبوو کو ئەو ژی ترۆمبێلەکا ژ جۆرێ شۆفرلیت دا بریندارێ بوویەرێ گەھینیتە نەخۆشخانەیا ھەوار ھاتنێ، ل ترافیک لایتا ل راستا نەخۆشخانەیان ژیان یا ئەھلی دەن بێ کو پولیسێ ھاتنوچوونێ رێکێ بدەنێ.
بەشیر یوسف گۆت: “شۆفرلێت ل ترۆمبێلەکا ژ جۆرێ ئازیرا ددەت، ھەردو ترۆمبێل پێکڤە دچنە دکانەکا فروتنا کەلوپەلێن کارەبێ دا ل وێرێ ژی سێ کەس بریندار بووینە”.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ساهى بيت و هنده‌ك ئه‌ورێن كێم دێ په‌يدا بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن گه‌رما سالانه بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 8ى خزيرانا 2015ێ ئه‌سمان دێ ساهى بيت و هنده‌ك ئه‌ورێن كێم يێن جودا جودا دێ په‌يدا بن.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلێن گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 20 بۆ 34 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 10 بۆ 20 کلم د دەمژمێرەکێ دا، ماوێ دیتنێ ژی دێ 8 بۆ 10 کلم بیت.
هەلبژارتنێن تورکیا د گەشەکا ئارام دا برێڤە دچن
ئەڤرۆ نیۆز، هۆشەنگ تاجر:
ئەڤرۆ دەمژمێر ٧ سبێدێ ب دەمێ تورکیا هەلبژارتنێن پەرلەمانێ وی وەلاتی دەستپێ کرن و سەرۆکێ هەر چار پارتێن سەرەکی ل تورکیا چوونە سەر سندوقێ دەنگدانێ و دەنگێ خوە دان، سەرۆک کۆمار و سەرۆک وەزیرێن تورکیا پشتی دەنگدانێ دیار کرن کو ئەڤ هەلبژارتنە بۆ پاشەرۆژا تورکیا گەلەک گرنگە.
سەلاحەدین دەمیرتاش هەڤسەرۆکێ هەدەپێ ژی پشتی کو ل ئستەنبۆلێ دەنگ دا بۆ دەزگەهێن راگەهاندنێ دیار کر کو ئەڤ هەلبژارتنە بۆ دیموکراسیا تورکیا و چارەکرنا پرسا کوردی گەلەک گرنگە و ئەم هیڤیدارین کو بشێین پاشەرۆژەکا گەش بۆ وەلاتیێن خوە دابین بکەین.
هەلبژارتنێن پەرلەمانێ تورکیا دێ هەتا دەمژمێر ٨ شەڤێ بەردەوام بن و پاشێ دێ ب فەرمی سندوق هێنە داخستن، و هەتا نها هەلبژارتن د سەقایەکێ ئارام دا برێڤە دچن و چو ئالۆزی و پێشیلکاری دیار نەبووینە.
داعش سێ باژارێن لیبیا کۆنترۆل کرن و ئورۆپا یا دلگرانە
ئەڤرۆ نیوز:
ل گۆر راپۆرتەکا ئاژانسا رویتەرز یا نووچەیان چەکدارێن رێکخراوا تیرۆرستی یا داعشێ دوھی شیان کو ھێرشی باژارێ ھراوێ ل لیبیا بکەن و وی باژاری بکەنە ژێر کۆنترۆلا خوە و بەری نھا ژی داعشێ دو باژارێن دی ل لیبیا کۆنترۆل کربوون و نھا مەترسیا داعشێ ل سەر پایتەختێ لیبیا ژی زێدەتر دبیت و پشتی کۆنترۆل کرنا باژارێ ھراوێ وەزیرێ دەرڤە یێ فرەنسا راگەھاند کو دڤێت وەلاتێن ئێکەتیا ئوروپا ل ھەمبەر روودانێن ل لیبیا بێدەنگ نەبن، چونکو ئالۆزیێن ل لیبیا دشێن ب رەنگەکێ راستەوخوە کاریگەریا خوە ل ئوروپا بکەن و ھەکە لیبیا وەک عیراقێ بکەڤیتە دەستێ داعشێ دێ تیرۆر بگەھیتە ئوروپا و بەر وێ یەکێ دڤێت ئەم دەست ب پێرابوونێن پێدڤی بکەین.
شیرەتکارا ئەلمانیا ئانجێلا مێرکەل ژی د پرێس کۆنفرانسەکێ دا راگەھاند کو ژ بەر شەرێ ناڤخوەیی و ناکۆکیێن ل لیبیا داعشێ ژی ل وی وەلاتی جھێ لنگێ خوە دروست بکەت و خوە ب ھێز کەت، ژ بەر ھندێ ژی دڤێت بەری ھەر تشتەکێ ئالیێن سیاسی ل لیبیا ب رێیا دانوستاندنان ئاریشێن د ناڤبەرا خوە دا چارە بکەن و بشێن حوکمەتەکا نیشتمانی ب پشکداریا ھەموو ئالیان دروست بکەن، ھەکەر ئەو یەک دروست نەبیت و ناکۆکی بەردەوام بن داعش دێ بشێت پتر خوە ل وی وەلاتی ب ھێز بکەت، ھەکەر ئالیێن سیاسی ل لیبیا بشێن ل سەر ھندەک خالان رێککەڤن ئەم دێ ھاریکاریا وان بکەین دا لیبیا ژی تووشی چارەنڤیسێ عیراق و سووریێ نەبیت و گۆت: (تیرۆر وەک شێرپەنجەکێ لێ ھاتیە و دخوازیت ھەموو مرۆڤاتیێ ژناڤ ببەت، ژ بۆ ھندێ ژی ئەڤرۆکە د ئاستێ جیھانی دا شەرەکی مەزن ل دژی تیرۆرێ برێڤە دچیت، ئەڤرۆکە شەرەکی مەزن ل عیراق و سووریێ ل دژی تیرۆرێ دھێتە کرن و دڤێت سەبارەت ب رەوشا لیبیا ژی ھێزێن ھەڤپەیمان کۆمبوونەکا نەئاسایی ساز بکەن و ھندەک بریارێن بلەز بھێنە وەرگرتن، چونکو مەترسی یا بەر ب ئوروپا دھێت و ئەو یەک دێ کاریگەریا خوە ل ھەموو جیھانێ کەت).
بەرپرسەکێ پایەبلند یێ حوکمەتا لیبیا ژی بۆ ئاژانسا دەنگێ فرەنسا دیار کر کو باژارێ ھراوێ کو کەڤتیە دەستێ داعشێ ئێکە ژ باژارێن مەزن ل لیبیا کو ھژمارا ئاکنجیێن وێ گەلەک زێدە نە، چونکو باژارەکی گەلەک جوان و گەشتیاریە و دەولەمەندە و داگیرکرنا وی باژاری ژ ئالیێ داعشێ ڤە دێ وەسا کەت کو چەکدارێن وێ رێکخراوا تیرۆرستی بشێن ل لیبیا داھاتەکێ گەلەک مەزن بدەستڤە بینن و ئەو یەک دێ وەسا کەت کو گەلەک کەس ل لیبیا بچنە ناڤ رێزێن داعشێ و دێ مەترسیەکا گەلەک مەزن بۆ مە دروست بیت و ژ بەر ھندێ ئەم داخواز دکەین کو ئەنجوومەنێ ئاسایشا نێڤدەولەتی بلەز کۆمبوونەکا نەئاسایی سەبارەت ب رەوشا لیبیا و مەترسیا تیرۆرێ ب گێریت و گۆت: (داعش رۆژ ب رۆژێ ل وەلاتێ مە ب ھێز دکەڤیت، مخابن ژ بەر ناکۆکیێن ناڤخوەیی نە لەشکرێ مە و نە ژی ھێزێن سیاسی نەشیاینە ئێکەتیەکا ب ھێز ئاڤا بکەن و لاوازیەکا مەزن د ھەموو ئاستەکێ دا ل وەلاتێ مە دیار دبیت و داعشێ ژی ئەو یەک بۆ خوە ب دەلیڤە دیتیە و رۆژ ب رۆژێ باژار و قەزا و گۆندێن وەلاتێ مە دکەنە ژێر کۆنترۆلا خوە، دیارە لەشکرێ نھا یێ لیبیا نەشێت شەرێ داعشێ بکەت. ژ بەر ھندێ ژی ئەم داخواز ژ ھێزێن ھەڤپەیمان دکەین کو ھاریکاریا مە بکەن دا ئەم بشێین وەلاتێ خوە ژ تیرۆرێ پاقژ بکەین و بەردەوامیێ بدەینە پرۆسا ئاڤەدانیێ و ھەکە ھاریکاریا مە نەھاتە کرن ئەز باوەرم دێ رەوشا وەلاتێ مە ژ عیراق و سووریێ ژی خرابتر بیت).
ئەندازیاریا سلامەتیا کرێکاران د پرۆژان دا نینە
ئەڤرۆ نيوز:
ل دووڤ وان پێزانینێن ئەڤرۆ ب دەستخوەڤە ئیناین، د ھەیاما دو سال و نیڤان دا، ھەر ژ دەستپێکا سالا ٢٠١٣ و ھەتا نھا، نێزیکی ١٥٠ کرێکاران ل ھەرێما کوردستانێ گیانێ خوە ژ دەست داینە کو پتریا وان ل پارێزگەھا سلێمانیێ بووینە. سەرۆکێ سەندیکا کرێکارێن بیناسازی ل کوردستانێ راگەھاند کو پێدڤیە د ھەموو پرۆژان دا ئەندازیاریا سلامەتیێ ھەبیت.
ل گۆرەی وان ئاماران، ل سالا ٢٠١٣ نێزیکی ٩٠ کرێکاران و ل سالا ٢٠١٤ نێزیکی ٥٠ کرێکاران ل ھەرێما کوردستانێ گیانێ خوە د روودانێن کاری دا گیانێ خوە ژ دەست داینە، ھەروەسا د ماوەیێ چەند مەھێن بۆری یێن ئەڤ سالە دا، پتر ژ ١٠ کرێکاران د روودانێن کاری دا گیانێ خوە ژ دەست دایە. ھەروەسا ھژمارا برینداربوون و کێم ئەندامبوونا کرێکاران د کاری دا سێ جاران تەمەت کوشتیانە، بەلێ پتریا وان ژی ناھێنە تۆمارکرن.
ئۆسمان حەمە ئەمین، سەرۆکێ سەندیکا کرێکارێن بیناسازی ل کوردستانێ بۆ ئەڤرۆ دیار کر، رۆژ بۆ رۆژێ گیان ژ دەستدانا کرێکاران زێدەتر لێ دھێت و حوکمەت بەرپرسێ سەرەکیە ژ زێدەبوونا کۆشتیان، چونکو حوکمەتێ نوونەرێ چاڤدێرێ کرێکاران د ناڤ پرۆژان دا نینە و گۆت: دەمێ کرێکارەک ل سەر پرۆژەکی گیانێ خوە ژ دەست بدەت، پێدڤیە خودان پرۆژە ژیانا خێزانا وی ھەتا مرنێ دابین بکەت.
ناڤبری دیار کر، پتریا خودان پرۆژان قانوونێ پێشیل دکەن و ھوسا گیانێ کرێکاران دکەڤیتە د مەترسیێ دا، ژ بەر کو پێدڤیە د ھەموو پرۆژان دا ئەندازیاریا سلامەتیێ ھەبیت، بەلێ ٨٠% ژ پرۆژان ئەندازیاریا سلامەتیێ تێدا نینە و گۆت ژی: نەبوونا ئەندازیاریا سلامەتیێ، ئەگەرێ سەرەکی یێ گیان ژ دەستدانا کرێکارانە.
سەرۆکێ سەندیکا کرێکارێن بیناسازی ل کوردستانێ خویاژی کر، ل گۆرەی مادێن ١٠٧ و ١٠٨ ژ قانوونا کرێکاران، پێدڤیە ھەر پرۆژەکێ ٥٠٠ کرێکار تێدا کاربکەن، حوکمەتێ لیژنەکا پێکھاتی ژ بسپۆران ل سەر ھەبیت، بەلێ ٩٠% ژ پرۆژان بێ ئەڤ لیژنە و بێ چاڤدێریا حوکمەتێ ب رێڤە دچن و گۆت: کا چاوا حوکمەتێ گرنگیێ ب ئالیێ ساخلەمیێ دایە و لیژنە بۆ داناینە، پێدڤە ھوسا بۆ پرۆژێن کرێکاران ژی لیژنە بھێنە دانان.
ئەو یەک ژی دیار کر، ل گۆرەی قانوونا خانەنشین و دەستەبەریا جڤاکی یا ھژمارە ٣٩ یا سالا ١٩٨٧ و ل سالا ٢٠١٢ ھاتیە راستڤەکرن، ھەر کەسەکێ کرێکاریێ ل دەڤ کەسەکێ دیتر بکەت بەرامبەر کریەکا رۆژانە یان ھەیڤانە، وی مافێ دەستەبەریا جڤاکی یا ھەی و ھەکە د کاری دا تووشی روودانەکێ یان پەککەفتنەکێ ژی بیت، وی مافێ قەرەبووکرنێ و خانەنشینیێ ھەیە و گۆت: ھەیڤانە ١٧% ژ مووچێ وی دھێتە برین، بەلێ کرێکار ب تنێ ٥% ددەت و کۆمپانیا ئەو لێ کاردکەت ١٢% ژێ ددەت و گۆت: ئەڤ رێژا ١٧% دچیتە د سندوقەکێ دا و حوکمەت نەشێت مایێ خوە تێدا بکەت، چونکو کرێکار خانەنشینیا خوە ژ وێ سندوقێ وەردگرن و دەمێ کرێکارەک پەککەفتی ژی دبیت ھەر ژ ڤێ سندوقێ دھێتە خانەنشینکرن و مووچێ خوە ژێ وەردگریت.
عیسا نسری، سەرۆکێ لقێ دھۆک یێ سەندیکا ئێکەتیێن کرێکارێن کوردستانێ ئاماژە دا وێ چەندێ، ھەکە کرێکار یێ دابینکری نەبیت، گەلەک ب زەحمەتە ھەتا ھەموو مافێن وان دھێنە دان و گۆت: نھا مە ل دھۆکێ ٣٨٠٦ پرۆژێن دابینکری ھەنە و نێزیکی ٥ ھزار و ٦٧٧ کرێکارێن دابینکری ھەنە و نھا ١٤٣ کرێکارێن خانەنشینکری ل پارێزگەھا دھۆکێ ھەنە کو ھەیڤانە مووچێ خوە یێ خانەنشینیێ وەردگرن.
بریارا قەدەغەکرنا فرۆتنا مریشکا دو کلیو بجە نەھاتیە
ئه‌ڤرۆ نيوز:
وەزارەتا چاندنێ و ژێدەرێن ئاڤێ بریار دا بوو ل رۆژا ١/٥ مریشکێن سەنگا وان زێدەتر ژ دو کیلویان بھێنە قەدەغەکرن و نەھێنە فرۆتن، لێ ھەتا نوکە بریار نەچوویە د وارێ بجھئینانێ دایە و مریشکێن سەنگا وان ژێدەتر ژ دو کیلویان ل بازاری دھێنە فرۆتن.
ئەندازیارێ چاندنێ رێدیر سدقی شەریف، بەرپرسێ ھۆبا پەلەوەران ل رێڤەبەریا گشتیا چاندنێ ل پارێزگەھا دھۆکێ دیار کر، بریارا قەدەغەکرنا فرۆتنا مریشکێن سەنگا وان د سەر دو کیلویان را بجە نەھاتیە، چونکو چو بەدیل نەبوون، ھەکە بەدیل ھەبیت ھەموو خودانێن پرۆژێن پەلەوەران حەز دکەن مریشکێن خوە یێن سەنگا دو کیلویان بفروشن، چونکو دێ پتر مفاداربن و دێ زووتر قۆناغەکا دێ ئینن، لێ ھەکە حوکمەت مریشکان ژ خودانێن پەلەوەران نەکریت و پشتبەستنا بازاری ناڤخوە نە ل سەر مریشکا خۆمالێ بیت و خەلکێ مریشکێن دو سێ کیلو دڤێن ب تایبەتی خەلکێ پارێزگەھا سلێمانیێ و کەرکوک و ھەولێرە.
رێدیر سدقی شەریف زێدەتر گۆت: ھەکە حوکمەت مریشکا ژ خودانێن پەلەوەران بکریت، دێ بریار ھێتە بجھئینان لێ ھەکە بازار ل سەر نەبیت، بجە ئینانا بریارێ یا زەحمەتە. ل پارێزگەھا دھۆکێ ٢٢٨ پرۆژێن خودانکرنا پەلەوەران ھەنە و ھەیڤانە بەرھەمێ گوشتێ مریشکێن ڤان پرۆژان دگەھیتە دۆرێن دو ھزار و ٤٠٠ تەنێن گوشتی، ھەکە بۆ خەلکێ مە بیت ژ بلی ئاواران ھەیڤانە بۆ ھەر کەسەکی کیلو و نیڤ دێ گەھنی و د سالێ دا دێ بنە ٢٢ کیلو بەھرا ھەر وەلاتیەکێ نێزیکێ ستاندەری جیھانێ یە و ل گەلەک وەلاتان ٢٢ ھەتا ٢٨ کیلو بەھرن ھەر وەلاتیەکی نە ژ گوشتێ مریشکێ.
بەرپرسێ ھۆبا پەلەوەران ل رێڤەبەریا گشتیا چاندنێ ل پارێزگەھا دھۆکێ گۆت: ھەکە چو بەدیل نەھێنە دیتن و بریار بجە بھیت، مریشکێن سەنگا وان ژ دو کیلو زێدەتر نەھێنە فرۆتن، دێ زیان گەھنە خودانێن پرۆژێن مریشکان، لێ ھەکە بەدیلەک ھەبیت و چارەسەریەک بھێتە دیتن، ئەو ژی ب تنێ کرینا مریشکان ژ خودانی پرۆژان، چونکو د ڤی حالەتی دا دێ خودانێ پرۆژەی زێدەتر مریشکان ب خودان کەت و دێ کێمتر میننە د خودانکرنێ دا و دێ گۆشتێ وان پاقژتربیت و ئێش و نەخۆشی ژی زوو ناگەھنە مریشکان.
د. عەباس عەلی عەبدی بۆ ئەڤرۆ دیار کر، بریار ھاتبوو دان ل رۆژا ١/٥/٢٠١٥ و پێڤە ب چو شێوەیەکی رێ نەھێتە دان مریشکێن سەنگا وان زێدەتر بیت ژ دو کیلویان د ناڤ بازاری دا بھێنە فرۆتن، ب تنێ ئەو مریشک دروستە بھێنە فروتن یێن سەنگا وان ھەتا دو کلیویان بیت و نە زێدەتر، لێ بریار ژ بەر چەند ئەگەران بجە نەھاتیە، ئەو ژی ھێدی ھێدی دێ بجھھێت و بریار نەھاتیە ھەلوەشاندن.
د. عەباس عەلی عەبدی رێڤەبەرێ گشتیێ ڤێتێرنەری و سامانێن ئاژەلی ل وەزارەتا چاندنێ و ژێدەرێن ئاڤێ دیار کر، ئەگەرێن دانا بریارێ ژی ئەو بوون، ل دووڤ ھەموو ڤەکۆلینێن زانستی و ستاندەردێن جیھانی ئاشکرابوویە، مریشک ھەموو ھەتا دو کیلویان دروستە و باشترن بۆ بکارئینانی ژ لایێ ساخلەمیی ژی ڤە باشترن بۆ خوارنێ، ژ لایێ تامی و ژ لایی ئەو دوھن و چەرمێ تێدا ھەی، ئەڤە زێدەباری بکارئینانا دەرمانان بۆ مەزنکرنا مریشکان و زێدەکرنا سەنگا مریشکێ کو ئەو مریشکێن سەنگا وان ژ دو کیلویان زێدەتر لێ دھێت، ھەموو ب دەرمانان مەزن دبن، لەورا ژی بریار ھاتبوو دان بھێنە قەدەغەکرن، لێ نەخۆشیا ئەنفلونزا ھات و جارەکا دی بریار ب تنێ یا ھاتیە راگرتن.
ل گۆرەی ئامارێن وەزارەتا کار و کاروبارێن جڤاکی، ھەتا بەری ھاتنا قەیرانا ئابووری ژی رێژا بێکاریێ ل ھەرێما کوردستانێ ٧% بوو، بەلێ نھا زێدەتر لێ ھاتیە. ھەروەسا ھژمارا وان کرێکارێن بیانی یێن نھا ل ھەرێما کوردستانێ کاردکەن زێدەترە ژ ٢٨ ھزار کرێکاران و ئەڤ ھژمارە ژی سالانە د زێدەبوونێ دایە چونکو خواستا کۆمپانی و خێزانان بۆ کرێکارێن بیانی ھەردەم زێدە دبیت، چونکو ب پارەکێ کێمتر ژ یێن ھەرێمێ کاردکەن و ب تنێ د سالا بووری د حەت ھزار کرێکار ھاتینە د ناڤ ھەرێمێ دا بۆ کارکرنێ.
داعش رێنما بۆ هه‌یڤا ره‌مه‌زانێ ده‌رێخستن
ئه‌ڤرۆ نیوز:
رێكخراوا تیرورستیا داعش ل باژێرێ مووسل به‌رى هاتنا هه‌یڤا ره‌مه‌زانێ، چه‌ند بریار و رێنمایى بۆ هه‌یڤا ره‌مه‌زانێ ده‌رێخستى نه كو د ناڤدا، ئه‌نجامدانا نڤیژا ته‌روایح قه‌ده‌غه كریه.
ل دووڤ وان پێزانینێن كو هاتینه به‌لاڤكرن، داعش چه‌ند رێنمایى بۆ هه‌یڤا ره‌مه‌زانا پیرۆز ده‌ركرینه و هه‌موو مه‌لا و گوتاربێژان مزگه‌فتان گازى كرینه و ل گه‌ل كومبووینه و ناڤه‌رۆكا رێنماییان بۆ خواندى نه كو بجهبینن و ژ وان ژى كرنا ته‌راویحان قه‌ده‌غه‌یه.
نيشاندان
WP Facebook Auto Publish Powered By : XYZScripts.com