ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.2.5 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1233 |
| 1 يۆرۆيێ ئه‌ورۆپى | 1415 |
| 1 ليرێ توركى | 510 |
نووترين نووچه
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
سهرهكى Twitter
په‌رله‌مانێ كوردستانێ پۆستێن پارێزگه‌ها هه‌له‌بچه ئێكلا دكه‌ت
ئه‌ڤرۆ نيوز:
په‌رله‌مانێ كوردستانێ د روونشتنا ئه‌ڤرۆ دا ل باژێرێ هه‌له‌بچه دێ پۆستێن ئيدارى يێن وێ پارێزگه‌هێ ئێكلاكه‌ت.
يوسف محه‌مه‌د، سه‌رۆكێ په‌رله‌مانێ كوردستانێ د گۆتاره‌كێ دا ل ده‌مێ ڤه‌كرنا روونشتنێ ئاماژه ب وێ چه‌ندێ كر كو جارا ئێكێ يه ده‌زگه‌هێن شه‌رعى يێن هه‌رێما كوردستانێ بڕيارێ ل سه‌ر ب پارێزگه‌هبوونا ده‌ڤه‌ره‌كێ دده‌ن.
بڕياره ئه‌ڤرۆ د روونشتنه‌كا نه‌ئاسايا په‌رله‌مانێ كوردستانێ دا ده‌نگ ل سه‌ر پرۆژێ قانوونا ئيدارا پارێزگه‌ها هه‌له‌بچه بده‌ن.
ئامینا زکری: دێ بزاڤێ کەین بودجەکا تایبەت ب ئاواران ھەبیت
ئەڤرۆ نیوز، نیوار محەمەد سەلیم:
بڕیاردەرا فراکسیۆنا زەر ل پەرلەمانێ کوردستانێ بۆ ئەڤرۆ نیوز دیارکر کو دێ بزاڤێ کەین بەھرا دھۆکێ یا جودا بیت ژ سالا بۆری ژ بەر ھاتنا رێژا زێدە یا ئاواران یان ژی ھەر چو نەبیت بودجەکا تایبەت ب ئاواران ھەبیت.
ئامینا زکری، بڕیاردەرا فراکسیۆنا زەر ل پەرلەمانێ کوردستانێ، گۆت: “دێ بزاڤێ کەین بەھرا دھۆکێ یا جودا بیت ژ سالا بۆری ژ بەر ھاتنا رێژا زێدە یا ئاواران یان ژی ھەر چو نەبیت بودجەکا تایبەت ب ئاواران ھەبیت و بۆ ڤێ مەرەمێ ژی پشت راستم دێ فراکسیۆنا پارتی یا رازی بیت، بەلێ دڤێت ل گەل فراکسیۆنێن دی دانوستاندنێ بکەین”.
سالا بۆری پشتی بزاڤێن مەزن یێن پەرلەمانتارێن دھۆکێ شیابوون بەھرا پارێزگەھا دھۆکێ ژ بودجێ گشتی یێ ھەرێما کوردستانێ بکەنە ٢٣%ێ.
ھەر دڤێ دەربارێ دا، پێشتر محەمەد عەلی یاسین، ئاخفتنکەرێ ب ناڤێ فراکسیۆنا زەر ل پەرلەمانێ کوردستانێ ژی راگەھاند بوو کو ئەو وەکو پارتی دێ بزاڤێ کەن بەھرا دھۆکێ ژ بودجەیی زێدەتر لێ بکەن ژ بەر ھاتنا وێ رێژا زێدە یا ئاواران.
رازی یێ دھێتە رازیکرن
ئەڤرۆ:
سەروکێ ئێکەتیا تەپا پێ یا ناڤەندی ل عیراقێ راگەھاند ئەو یێ کار دکەن ب فەرمی ھەڤبەستێ ل گەل راھێنەرێ عیراقێ رازی شنێشل ئیمزا بکەن ژبو بەردەوامی دا ب کارێ خوە.
زێدەتر عەبدولخالق مەسعود خویاکر بزاڤێن وان د بەردەوامن بو رازیکرنا رازی و ئیمزاکرنا ھەڤبەستا بەردەوامی دا ب ئەرکێ راھێنەریا ھەلبژارتیێ عیراقێ و تایبەت کو پشتی دو ھەیڤێن دی دێ دەست ب ڤاڤارتنێن قارەمانیا کاسا جیھانێ یا ٢٠١٨ ل روسیا ھێتە کرن.
زێدەتر ناڤبری ئەو چەندە ژی ئاشکەراکر کو نووکرنا ھەڤبەستا رازی پشتی پشکداریا سەرکەفتی یا ھەلبژارتیێ عیراقێ یە د قارەمانیا کاسا نەتەوێن ئاسیا ئەوا ھەڤرکیێن وێ ل ئوسترالیا ھاتینە کرن و عیراق ل رێزا چارێ ھاتی و د ماوەکێ کورت دا رازی شیا پێکھاتەکێ تێکەل ژ یاریکەرێن گەنج و یێن خودان شارەزای و پیشەکار کوم بکەن پشێت ب سەرکەفتیانە پشکداری قارەمانیێ بن.
ل دووماھیێ ژی مەسعودی دیارکر ئەوا دھێتە داخوازکرن بو بەرھەڤکرنا ھەلبژارتی ل قوناغا بھێت دێ بو دەستەیا راھێنەریێ دابین کەن.
ب کارئینانا فه‌یسبۆکی ل ده‌ف سنێلان یا کێم بوويی
ئه‌ڤرۆ نیوز
ژێده‌رێن ده‌نگوباسان دده‌نه زانین کو ب کارئینانا فه‌یسبۆکی ب رێژا ٦٪ یا کێم بووی و به‌رامبه‌ر چینێن دی رێژه‌کا گه‌له‌ک مه‌زنه.
د راپرسیه‌کێ دا کو ژ لایێ Magid Associates ڤه هاتیه ئه‌نچامدان دیاربوویه کو شه‌ش ژ سه‌دێ ژ سنێلێن د ناڤبه‌را ١٣ هه‌تا ١٧ سالیێ دا ژ فه‌یسبۆکی دوور که‌فتینه.
ب ئاماژێ ب وێ چه‌ندێ ژی دده‌ن کو ژ به‌ر هه‌بوونا هه‌موو توخمێن مرۆڤان د فه‌یسبۆکی دا ئه‌و خوه ئارام نابینن و ژ به‌ر ڤێ چه‌ندێ ژی رووی کریه ئینستگرامی.
شاره‌زایه‌کا وارێ تۆڕێن چڤاکی ژی دده‌‌ته زانین کو نوکه فه‌یسبۆک وه‌کو فاتۆرا ئاڤێ یێ لێ هاتی پێدڤیه هه‌موویان هه‌بیت.
ب وێنه: جهێ معاز كه‌ساسبه لێ هاتيه سوتن دكه‌ڤيته كيرێ؟
ئه‌ڤرۆ نيوز، مه‌سعود خه‌له‌ف:
ل گور هنه‌ك راپورتێن رۆژنامه‌ڤانی جهێ كو معاز كه‌ساسبه لێ هاتی سوتن ژلایێ گروپا تیروریستیا داعش ڤه دكه‌ڤیته پارێزگه‌ها ره‌قه یا سووری و دئڤاهیێ هێزین ئێمناهیا سیاسی كو به‌ری نوكه فروكه‌یێن هه‌ڤپه‌یمانان ئه‌و ده‌ڤه‌ر بومبه باران كربوون و تێدا نێزی 25 تیروریستان هاتبوونه كوشتن.
هه‌ر وه‌سا ب رێك مالپه‌رێ گوگل جهێ فیلمی هاتیه ته‌كه‌زكرن كو دكه‌ڤیته ( 35.938725, 39.013118 ) كو ئه‌ڤ جهه ژی ب رێكا نه‌خشه‌یێن گوگل هاتیه دیاركرن.
هه‌ر وه‌سا ب رێك مالپه‌رێ گوگل جهێ فیلمی هاتیه ته‌كه‌زكرن كو دكه‌ڤیته ( 35.938725, 39.013118 ) كو ئه‌ڤ جهه ژی ب رێكا نه‌خشه‌یێن گوگل هاتیه دیاركرن.
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ساهى بيت ل گه‌ل هنده‌ك ئه‌ورێن كێم.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ زێده‌بوونا فشارێن لاواز يێن نزمێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.6 ئه‌سمان دێ ساهى بيت ل گه‌ل هنده‌ك ئه‌ورێن كێم.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ هێته خوار ب ره‌نگه‌كى د ناڤبه‌را 15 بۆ 4 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكوورێ رۆژهه‌لات بيت ب ره‌نگه‌كى دێ يێ ل سه‌ر خوه و ناڤه‌ندى بيت د ناڤبه‌را 5 بۆ 10 كلم د ده‌مژمێره‌كێ ماوێ ديتنێ ژى دێ 8 بۆ 10 كلم بيت.
په‌رله‌مان ئه‌ڤرۆ دێ ل پارێزگه‌ها هه‌له‌بچه روونشتنه‌كا نه‌ئاسايى ئه‌نجام ده‌ت
ئه‌ڤرۆ نيوز، نيوار محه‌مه‌د سه‌ليم:
بڕياره پشتى ده‌مكێ كێم كۆمبوونا دويێ يا نه‌ئاسايى يا ڤى وه‌رزى ل ناڤ ئاڤاهيێ مۆنۆمێنتێ هه‌له‌بچا شه‌هيد بهێته ئه‌نجام دان و دێ ل سه‌ر دو ته‌وه‌ران بيت كو ئێك ژ وان ل دۆر پرۆژێ قانوونا ئيدارا هه‌له‌بچه‌يه.
د ڤێ ده‌ربارێ دا، محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز گۆت: “بڕياره ئه‌ڤرۆ رۆژا پێنجشه‌مبى ل هۆلا مونۆمێنتا ل ده‌مژمێر 11ى سپێدێ په‌رله‌مانێ كوردستانێ ل پارێزگه‌ها هه‌له‌بچه كۆمبوونا خوه يا نه‌ئاسايى يا دويێ ل ڤى وه‌رزى بگێرين”.
زێده‌تر گۆت: “دێ دانوستاندن ل سه‌ر پرۆژێ قانوونا ئيدارا پارێزگه‌ها هه‌له‌بچه هێته كرن كو پێشبينى دكه‌ين بهێته په‌سه‌ندكرن، ژ به‌ر كو لايه‌نێن سياسى چو تێبينيێن مه‌زن ل سه‌ر نينن”.
ئاماژه ب وێ چه‌ندێ ژى كر كو ب گۆره‌يى به‌رنامێ كارى دێ خواندنا ئێكێ بۆ پرۆژێ قانوونا هه‌لبژارتنا قايمقام رێڤه‌به‌رێن ناحيا بيت كو ب گۆره‌يى ڤى پرۆژه‌يى دێ رێڤه‌به‌رێن ناحيا و قايمقام ژ لايێ سه‌رۆكێ جڤاتا پارێزگه‌هان ڤه هێنه هه‌لبژاتن.
ب گۆره‌يى به‌رنامێ كارى كو ل مالپه‌رێ فه‌رمى يێ سه‌رۆكاتيا په‌رله‌مانى به‌لاڤ بوويه، دێ كۆمبوون يا ته‌رخانكرى بيت بۆ دانوستاندنێ ل دۆر پرۆژێ قانوونا ئيدارا پارێزگه‌ها هه‌له‌بچه بيت كو روونشتنا نه‌ئاسايى يا حه‌فتيا بۆرى دا خواندنا ئێكێ بۆ هاتيه كرن.
ديسا دێ خواندنا ئێكێ بۆ پرۆژێ قانوونا هه‌لبژارتنا قايمقام و رێڤه‌به‌رێن ناحيان ل هه‌رێما كوردستانا عيراقێ بيت.
تارق جه‌هه‌وه‌ر، شيره‌تكارێ راگه‌هاندنێ ل په‌رله‌مانێ كوردستانێ ئاماژه ب ڤه‌گوهاستنا روونشتنێن په‌رله‌مانى كر و گۆت: “د ده‌مێ پێدڤى دا، دشيان دايه په‌رله‌مان روونشتنێن خوه ببه‌ته ژ ده‌رڤه‌يى هۆلا په‌رله‌مانى و پێشتر حه‌فت جاران ئه‌ڤ كاره كريه”.
ھنارتنا بودجا ھەرێمێ حەفتیا بھیت دێ ئێکلا بیت
ئەڤرۆ:
بریکارێ وەزارەتا دارایی و ئابووری ل حوکمەتا عیراقێ د. فازل نەبی بۆ ئەڤرۆ دیارکر کو ھەتا نوکە چو دیار نەبوویە ل دۆر ھنارتنا پشکا بودجا ھەرێمێ ژ لایێ بەغدا ڤە، گۆت ژی ل حەفتیا بھێت شاندەکێ حوکمەتا ھەرێمێ دێ سەرا بەغدا دەت بۆ دانوستاندنێ ل سەر ھنارتنا پشکا بودجا ھەرێمێ ژ بەغدا.
د. فازل نەبی ئەو ژی دیارکر کو بەغدا ھێشتا چو پارە رەوانەی ھەرێمێ نەکرینە، ئەو دەنگوباسێن ھێنە بەلاڤکرن ژی ل دۆر ڤی بابەتی دوورن ژ راستیێ، چونکو ھێشتا چو ژڤان نەھاتینە دەست نیشان کرنا بۆ ھنارتنا پشکا بودجا ھەرێمێ، گۆت ژی نەشێین بێژین دێ پارە ھێتە رەوانە کرن ب تنێ دێ ئاریشا رەوانەنەکرنا پشکا ھەرێمێ دێ ھێتە ئێکلا کرن، دیار ژی نەبوویە ل کێژ رۆژێ دێ شاندێ ھەرێمێ سەرا بەغدا دەت.
بالندە ژی کۆچبەری دھۆکێ بووینە
ئه‌ڤرۆ:
بەرپرسێ رێکخراوا کوردستان بۆ پاراستنا مافێن گیانەوەران د. سلێمان تەمەر بۆ ئەڤرۆ دیارکر کو کۆچبەریا چەندین جۆرێن بالندە و تەیر و تەوالێن کیڤی بۆ سکرێ دھۆکێ ئەڤ سالە دەست پێکریە، گۆت ژی رەنگە ھەتا ناڤەراستا ھەیڤا شەش ل دھۆکێ بمینن کو پتریا وان ژ وەلاتێ روسیا و جھێن سەرما دھێن و قەستا جھێن گەرم دکەن.
د. سلێمان تەمەر ئەو ژی دیارکر کو پێشبینی ناھێتە کرن ئەڤ تەیر و تەوالێن کۆچبەر بووین جۆرین نەخۆشیان ل گەل خوە بینن، چونکو گەلەک د پاقژ و جوانن، ب تنێ تەیر و تەوالێن ب خودان کرنێ ب مەترسینە بۆ بەلاڤبوونا نەخۆشیان، گۆت ژی ھاتنا ڤان جۆرە بالندان دبیتە دەرگەھەک بۆ لڤینا گەشت و گوزارێ ل ھەموو دونیایێ.
داخواز ژی کر کو حوکمەتا ھەرێمێ جھێن تایبەت ل سکرێ دھۆکێ دروست بکەت بۆ داکو خەلک قەست بکەنێ بۆ دیتنا ڤان جۆرە تەیر و تەوالێن دھێن، ل دۆر جۆرێن وان ژی دیارکر کو ژ جۆرێن نەورەس و باعج و گەلەک جۆرێن دێ نە.
نيشاندان
WP Facebook Auto Publish Powered By : XYZScripts.com