ئه‌ڤرۆ نيوز:
ب هه‌ماهه‌نگى ل گه‌ل فه‌رمانده‌يا هێزا پێشمه‌رگێ زێره‌ڤانى فرۆكێن شه‌ركه‌رێن هه‌ڤپه‌يمانان د به‌رده‌وامن ل سه‌ر بۆردومانكرنا بنگه‌هـ و باره‌گايێن چه‌كدارێن تيرۆرستێن داعش.
فه‌رماندا له‌شكرێ زێره‌ڤانى د به‌ياننامه‌كێ دا كو دانه‌ك بۆ ئه‌ڤرۆ نيوز هنارتيه ئاماژه ب وێ چه‌ندێ كريه كو ئه‌ڤرۆ رێكه‌فتى 5ى خزيرانا 2015ێ و ل ده‌مژمێر 8:00 شه‌ڤ، ژماره‌كا فرۆكێن شه‌ركه‌رێن هه‌ڤپه‌يمانان چه‌ند بنگه‌هـ و باره‌گايێن چه‌كدارێن داعش ل گۆندێن “خورسه‌بات” يێ سنورێ ميحوه‌رێ ناوه‌ران بۆردومانكرن.
ئەڤرۆ نیوز، ئەیاد بەرواری:
بەرپرسەکێ حوکمەتا ھەرێما کوردستانێ راگەھاند، حوکمەتا عیراقی یا نوکە یا رژدە ل سەر وێ چەندێ کوردان وەکو ھەپشکێن راستەقینە د پرۆسا سیاسی دا نەھەژمێریت و بەغدا تۆمەتبارکر ژی کو باشترین و نووترین چەک وەکو دیاری ددەتە داعشێ، لێ کوردان بێ بەھر دکەت ژ چەکی.
فەلاح مستەفا بەرپرسێ پەیوەندیێن دەرڤە یێن حوکمەتا ھەرێما کوردستانێ بۆ (الشرق الاوسظ) گوت: “حوکمەتا بەغدا یا نوکە ھەمان سیاسەتا حوکمەتا نوری مالکی د پشت گوە ھاڤێتنا کوردان دا بکاردئینیت، سەرەرای وێ چەندێ ئەم ژی شەڕێ داعشێ دکەین و ھێزێن پێشمەرگەی دەڤەرێن بەرفرەە ژ تیرۆرستێن داعشێ یێن رزگارکرین، لێ حوکمەتا بەغدا مە ھەڤپشک دبینیت د شەڕێ داعشێ دا ل سەر ئەردی ، لێ وێ چەندێ نابینیت د پشکداریێ د کونگران و پلانا ستراتیژی و پڕچەککرنا پێشمەرگەی”.
فەلاح مستەفا رەخنە ل حوکمەتا عیراقی گرت کو پڕچەککرنا پێشمەرگەی رەت دکەت، لێ د ھەمان دەم دا چەکێ پێشکەفتی وەکو دیاری ددەتە داعشێ ب ڕێیا خوەڤەکێشانا لەشکرێ عیراقی ژ مووسلێ و رومادی
ئه‌ڤرۆ نيوز:
چه‌نده‌كێ به‌رى نوكه ل باژێرێ ئامه‌دا باكوورێ كوردستانێ، ته‌قينه‌ك د ناڤ كۆمبوونه‌كا جه‌ماوه‌رى يا هه‌ده‌پێ دا روودا، ب گۆره‌يى پێزانينێن هه‌ين ژى، شه‌ش كه‌س د ڤێ ته‌قينێ دا بريندار بووينه.
ئه‌ڤرۆ نيوز، ئه‌ياد به‌روارى:
ب گۆره‌يى ئه‌و پێزانينێن هاتينه به‌لاڤكرن ل پارێزگه‌ها زيقار ژ ئه‌نجامێ نه‌خۆشيه‌كێ جێگرێ سه‌رۆك وه‌زيرێن عيراقێ يێ به‌رێ تارق عه‌زيز گيانێ خوه ژ ده‌ست دا.
ژێده‌رێن ده‌نگوباسان دايه زانين پشتى ئێشانا سنگێ وى، ئێكسه‌ر ژ زيندانا ناسريه هاتيه ڤه‌گوهاستن بۆ نه‌خۆشخانه‌كێ ل ناڤه‌راستا وى باژێرى، به‌لێ گيانێ خوه ژ ده‌ست دايه و ئيدارا زيندانێ ژى هێشتا ئه‌ڤ ده‌نگوباسه پشت راست نه‌كريه.
عادل دەخیل جێگرێ پارێزگەرێ زیقار بۆ سومەریە نیوز راگەھاند” پشتی ئەڤرۆ رەوشا ساخلەمیا تارق عەزیزی تێکچووی، کارگێریا زیندانا ناسریێ ئیکسەر بۆ نەخوشخانا حوسەین یا فێرکاریێ ل باژێرێ ناسریێ ڤەگوھاست، لێ پشتی دەمەکێ کێم گیانێ خوە ژدەستدا”.
دادگه‌ها تاوانێن عيراقێ ل سالا 2012 حوكمێ سێداره‌دانێ ل سه‌ر سه‌پاند بوو ب تاوانبا نه‌هێلانا حزبێن ئاينى و پاشان ژى يێ هه‌تا هه‌تايێ ژئه‌گه‌رێ نه‌هێلانا بارزانيان.
تارق عه‌زيز، ناڤێ وى يێ دروست، ميخائيل يوحه‌نايه و ژ دايكبوويێ 1936ێ يه ل باژێره‌كێ نێزێكى مووسل ژ بنه‌ماله‌كا كلدانى يا كاسولوكى يه و مه‌سيحى يێ ئێكانه‌يه د ناڤ رژێما به‌عسا ژ ناڤ چوويى دا.
عه‌زيز يێ به‌رچاڤ بوو د جادا عيراقى دا پشتى بوويه وه‌زيرێ ژ ده‌رڤه د شه‌رێ كه‌نداڤى دا ل سالا 1991ێ و ئاخفتنكه‌رێ ب ناڤێ حوكمه‌تێ بوو، ئه‌ڤه ژى ببوو ئه‌گه‌رێ وێ چه‌ندێ كو گه‌له‌ك بهێته ديتن د راگه‌هاندنا نێڤده‌وله‌تى دا و زانيا وى ب زمانێ ئنگليزى و ل 24ى نيسانا 2003ێ خوه دا ده‌ست هێزێن ئه‌مريكى پشتى چووينه د به‌غدا دا.
ئه‌ڤرۆ نيوز:
ئه‌ڤرۆ رۆژا ئه‌بنى رێكه‌فتى 5ى خزيرانا 2015ێ چه‌كدارێن داعش هێرش بۆ سه‌ر ده‌رگه‌هێن باشوورێ حه‌سه‌كه دژوارتر لێ كر و نوكه شه‌ره‌كێ دژوار ل وێ ده‌ڤه‌رێ بۆ گرتنا وى باژێرێ پتريا خۆجهێن وێ كورد ژ لايێ چه‌كدارێن داعش ڤه يێ دهێته كرن.
ره‌وانگه‌ها سۆرى بۆ مافێن مرۆڤى، د راگه‌هاندنه‌كێ دا ئه‌و چه‌ند ئاشكه‌را كر كو فرۆكێن شه‌رى يێن رژێما سوريا وكه‌تيبێن به‌ره‌ڤانيا نشتيمانى، زۆر ب دژوارى به‌ره‌ڤانى ژ هێرشا چه‌كدارێن داعش دكر.
هه‌ر ديسا د وێ راگه‌هاندنێ دا هاتيه ژى: “بۆردومانا چرا فرۆكان ناڤه‌راستا حه‌سه‌كه و پشكێن باشوورى ب خوه ڤه گريته”، ئه‌ڤه ژ هه‌يڤا گۆلانێ و هه‌تا نوكه جارا سيێ يه چه‌كدارێن داعش بزاڤێن گرتنا ڤى باژێرى دكه‌ن.
ب گۆره‌يى ژێده‌رێن ده‌نگوباسان ئه‌وێن ئه‌ڤرۆ نيوز ب ده‌ست خوه خستين، ئه‌ڤرۆ رۆژا ئه‌ينى چه‌كدارێن داعش به‌ر ب ناڤ باژێرێ حه‌سه‌كه ڤه چووينه.
ئەڤرۆ نیوز، ئەیاد بەرواری:
سەرۆکێ لیستا بەدر ل پەرلەمانێ عیراقێ راگەھاند، بالیۆزێ سعودی یێ نوو ل عیراقێ رۆژەکێ ژی کارێ دبلۆماسی نەکریە و پشتەڤانی ل (بەرەیێ نوسرە) ل سووریێ دکر و مەندەھوشیا خوە ژ قەبوولکرنا وی ژلایێ عیراقێ ڤە وەکو بالیۆز.
قاسم ئەعرەجی، ل دووڤ سایتێ (جاکوج) د بەیاننامەکا رۆژنامەڤانی دا گۆت: “بالیۆزێ سعودیێ ل عیراقێ (سامر بن سەبھان ئەلعەلی ئەلحمود ئەلسەبھان) رۆژەکێ ژی کارێ دبلۆماسی نەکریە و دێ سەرکێشیا شەڕەکی کەت، نەکو بالیۆزخانەکێ”.
زێدەتر گۆت: “ئەلسەبھانی سەرکێشیا شەڕەکی ل سووریێ دکر و پشتەڤانی ل (بەرەیێ نوسرە) دکر و نزان چاوان عیراقێ ئەو قەبوولکریە و ئایا دشیاندا ھەیە دەولەتەکا دی ژبلی عیراقێ سەرکردێن لەشکری ل شوونا دبلۆماسیان، ل سەر بھێنە سەپاندن؟”.
دھێتە زانین ل وەلاتێ سعودیێ پاشبەندێ لەشکریێ بالیۆزخانا خوە ل لوبنانێ (سامر ئەلسەبھان) ل رۆژا 2ى ڤێ مەھێ وەکو بالیۆزێ خوە ل عیراقێ دەستنیشانکر.
ئەڤرۆ نیۆز، قائید میرۆ:
ب ھەلکەفتا رۆژا جیھانیا ژینگەھێ، جڤاتا بلندا ژینگەھا ھەرێمێ ناڤێ کرێکارێن باژێڕڤانیێ بۆ کارمەندێن ژینگەهـ پارێز گۆھۆڕی.
لوقمان شێروانی، پەیڤدارێ دەستەیا پاراستنا ژینگەھا ھەرێمێ بۆ ئەڤرۆ نیۆز گۆت: “جڤاتا بلندا پاراستنا ژینگەھێ ب ھەلکەفتا رۆژا ژینگەھا جیھانی بڕیار دایە، ناڤێن کرێکارێن پاقژکرنێ بھێتە گۆھۆڕین بۆ کارمەندێن ژنگەهـ پارێز، وەزیرا باژێڕڤانیێ ژی ئەف بڕیار پەسەندکریە و ئەڤرۆ پێڤە ناڤێ وان ژینگەهـ پارێزە، ئەوژی وەکە رێزەک بۆ کارێ وانا یێ پیرۆز”.
شێروان گۆتژی: “پێدڤیە وەلاتی و لایەنێن پەیوەندیدار ئەڤێ بڕیارێ پەسەند بکەن و رێز ل ژینگەە پارێزا بھێتەگرتن”.
ئەڤرۆنیۆز، ئەیاد بەرواری:
ئەڤرۆ دەمژمێر ١٢:١٥ نیڤرۆ ئاگر بەربوو ترۆمبێلەکا تاکسی ژ جۆرێ تویوتا و رێڤەبەریا بەرگریا شارستانی ئەگەرێن سوتنا وێ ترۆمبێلێ بۆ فیولپەمبى زڤراند.
وەلاتیەکێ نێزیکی جھێ روودانێ بۆ (ئەڤرۆنیۆوز) گوت” ترۆمبێل ل بەرامبەر پەیکەرێ ئەحمەدێ خانی ل نێزیک خوارنگەھا مەنقەل سوت و چار وەلاتیان بزاڤا ئاگر ڤەمراندنێ کر ھەتا ترۆمبێلێن ئاگر ڤەمراندنێ بگەھن”.
نیوار فەریق ژ پشکا راگەھاندنا رێڤەبەریا بەرگریا شارستانی ل دھۆکێ بۆ ئەڤرۆ نیوز گوت” ئەگەرێ روودانێ دزڤریت بۆ (فیولپەمپێ) وێ ترۆمبێلێ و تیمێن مە شیان کونترۆلێ ل سەر ئاگری بکەن، لێ ٨٠% ترۆمبێلا ناڤبری ھاتیە ژکارخستن”.
نیواری داخواز ژ وەلاتیان کر دەمێ ھەر روودانەکا ئاگر بەربوونێ، بلا ئێکسەر پەیوەندیێ ب ژۆرا کونترۆلی یا ب سەر رێڤەبەریا وان بکەن ئەوژی ٠٦٢١١٥ و گوت” ھەکە زوو پەوەندی ب ژۆرا کۆنترۆلی ھاتبا کرن دبیت رێژا زیانێن ب وێ ترۆمبێلێ کەفتین گەھشتبا تنێ ٣٠%”.
ئەڤرۆنیۆز، ئەیاد بەرواری:
ئەڤرۆ دەمژمێر ١٢:١٥ نیڤرۆ ئاگر بەربوو ترۆمبێلەکا تاکسی ژ جۆرێ تویوتا و رێڤەبەریا بەرگریا شارستانی ئەگەرێن سوتنا وێ ترۆمبێلێ بۆ فیولپەمبى زڤراند.
وەلاتیەکێ نێزیکی جھێ روودانێ بۆ (ئەڤرۆنیۆوز) گوت” ترۆمبێل ل بەرامبەر پەیکەرێ ئەحمەدێ خانی ل نێزیک خوارنگەھا مەنقەل سوت و چار وەلاتیان بزاڤا ئاگر ڤەمراندنێ کر ھەتا ترۆمبێلێن ئاگر ڤەمراندنێ بگەھن”.
نیوار فەریق ژ پشکا راگەھاندنا رێڤەبەریا بەرگریا شارستانی ل دھۆکێ بۆ ئەڤرۆ نیوز گوت” ئەگەرێ روودانێ دزڤریت بۆ (فیولپەمپێ) وێ ترۆمبێلێ و تیمێن مە شیان کونترۆلێ ل سەر ئاگری بکەن، لێ ٨٠% ترۆمبێلا ناڤبری ھاتیە ژکارخستن”.
نیواری داخواز ژ وەلاتیان کر دەمێ ھەر روودانەکا ئاگر بەربوونێ، بلا ئێکسەر پەیوەندیێ ب ژۆرا کونترۆلی یا ب سەر رێڤەبەریا وان بکەن ئەوژی ٠٦٢١١٥ و گوت” ھەکە زوو پەوەندی ب ژۆرا کۆنترۆلی ھاتبا کرن دبیت رێژا زیانێن ب وێ ترۆمبێلێ کەفتین گەھشتبا تنێ ٣٠%”.
ئه‌ڤرۆ نيوز، ئه‌ياد به‌روارى:
ئۆفیسا ڤەکۆلینێن فیدرالی یا ئەمریکی (FBI) ئاشکراکر کو تۆرێن جڤاکی ل سەر ئەنترنێتی وەکو فیسبووکی و تویتەری بووینە ئەگەرێ ڕاکێشانا ھەڤسۆزیێ ل گەل رێکخستیا داعش یا تیرۆرستی ل وەلاتێ ئەمریکا کو ئەڤ چەندە ژی دێ بیتە ئەگەرێ وێ چەندێ مەترسیا ھێرشێن تیرۆرستی ل ئەمریکا زێدەتر لێ بھێت.
رێڤەبەرێ FBI (جیمس کومی) ل دووڤ ئاژانسا بەترا دبێژیت” ئاشکراکرنا بزاڤێن داعشێ یێن ھاتنا کەسێن نوو بۆ ناڤ رێزێن وێ، یێن ب زەحمەتتر لێھاتین ژ بەر (تەشفیرکرنا) ھندەک پەیوەندیان”.
گوت ژی” ئەم رۆژانە ل سەر ڤێ پرسێ کاردکەین، لێ ب زەحمەتە ئەم ب باوەری ڤە کونترۆلکرنا خوە ل سەر ڤی بابەتی رابگەھینین.
ل دووڤ ئامارەکا ئەمریکی، ١٨٠ وەلاتیێن ئەمریکی گەھشتینە، یان بزاڤا گەھشتنێ بۆ ناڤ گرۆپێن تیرۆرستی کرینە.
نيشاندان