ئه‌ڤرۆ نيوز:

جێگرێ به‌رێ يێ فه‌رمانگه‌ها په‌وه‌نديێن ژ ده‌رڤه‌ يێ حوكمه‌تا هه‌رێما كوردستانێ وه‌كو نوونه‌رێن حوكمه‌تا هه‌رێما كوردستانێ ل بريتانيا ده‌ست ب كار بوو.

ب گۆره‌يى راگه‌هاندنه‌كا فه‌رمانگه‌ها په‌يوه‌نديێن ژ ده‌رڤه‌ يا هه‌رێما كوردستانێ كو وێنه‌ك بۆ ئه‌ڤرۆ نيوز ره‌وانه‌كريه‌، تێدا ئاماژه‌ ب وێ چه‌ندێ كريه‌ كو دوهى رۆژا چارشه‌مبى رێكه‌فتى 3ى خزيرانا 2015ێ ب ئاماده‌بوونا فه‌لاح مسته‌فا به‌رپرسێ په‌وه‌نديێن ده‌رڤه‌ يێن حوكمه‌تا هه‌رێما كوردستانێ و به‌يان سامى عه‌بدولره‌حمان، نوونه‌رێن حوكمه‌تا هه‌رێما كوردستانێ ل ئه‌مريكا و ژماره‌كا رێڤه‌به‌رێن پێشكه‌فتى ل فه‌رمانگه‌ها په‌وه‌نديێن ژ ده‌رڤه‌، كاروان جه‌مال، جێگرێ به‌رێ يێ فه‌رمانگه‌ها په‌يوه‌نديێن ژ ده‌رڤه‌ يا هه‌رێمێ وه‌كو نوونه‌رێن نوو يێ حوكمه‌تا هه‌رێما كوردستانێ ل وه‌لاتێ بريتانيا ده‌ست ب كار بوو.

پێشتر به‌يان سامى عه‌بدولره‌حمان ل وى پۆستى هاتبوو دانان، لێ پشتى قوباد ته‌له‌بانى نوونه‌رێن حوكمه‌تا هه‌رێما كوردستانێ ل واشنتۆن بوويه‌ جێگرێ سه‌رۆكێ حوكمه‌تا هه‌رێما كوردستانێ، خانم به‌يان بۆ وى پۆستى هاته‌ دانان و نڤيسينگه‌ها بريتانيا مابوو ڤالا و نوكه‌ ئه‌ڤ كه‌سه‌ لێ هاته‌ دانان.

ئه‌ڤرۆ نيوز:

رێڤەبەرێ پشکا چاڤدێری و سلامەتیا خۆراکی ل رێڤەبەریا کاروبارێن خوەپاراستنا ساخلەمیێ راگەھاند، بکارئینانا شەفرەیان ژ مێژەیە ھاتیە قەدەغەکرن و چو بریار نەھاتینە دان جارەکا دی بھێنە بکارئینان، لێ ھندەک خودانێن سەرتراشخانان ب دزیڤە شەفرەیان بکاردئینن، ھەروەسا نابیت چو تشت ل بەر تاڤی بھێنە دانان و فرۆتن، ئەم یێ بزاڤێ دکەین خوارنگەە خوارنێن کەڤن پێشکێشی وەلاتیان نەکەن و ھەکە تشتەکێ ھۆسا بھێتە کرن و ئەم پێ بھێینە ھایدارکرن، ئەو خوارنگەە دێ ھێنە سزادان.

عسمەت سەلمان وەیسی، رێڤەبەرێ پشکا چاڤدێری و سلامەتیا خۆراکی ل رێڤەبەریا کاروبارێن خوەپاراستنا ساخلەمیێ دیار کر، بکارئینانا شەفرەیان قەدەغەیە و ھەر جھەکێ ئەم بگرین ٣٠٠ ھزار دیناران دێ ھێتە سزادان و دائیخستن بۆ دەمێ چەند رۆژان و نموونە ژێ ل نک مە ھەنە یێن ھاتینە گرتن و سزادان.
گۆت ژی: دێ ل ھەیڤا رەمەزانی خول ئێنە ڤەکرن بۆ سەرتراشخانان بۆ ھندی شفرە بکارنەئینن چونکو دبیت مرۆڤەکێ نەساخلەم قەستا سەرترشخانی بکەت ئەلتھاب کەبد ڤایرۆسی ھەبیت یان ژێ ئیدز و گەلەک نەخۆشین دێ ھەنە دەمێ پاتکا نەخۆشەکێ ب شفری دھێتە چیکرن ئەو شفرە دھێتە بکارئینانا بۆ مروڤێ ساخلەم دبیت مرۆڤێ ساخلەمیێ ژی تووشی نەخۆشیان ببیت تایبەتی ژێ ھەکە پاتکا مرۆڤێ نەساخ بھێتە بڕین ب شفری ژ بەر ھندی قەدەغەکرینە و ریک پێ ناھێتە دان بھێنە بکارئینان ئەم داخوازی ژ وەلاتیان دکەین دەمێ دبینن خودانی سەرتراشخانەکێ شفری بکاردئینت لایەنێن شۆلەژی ئاگەھدار بکەت و نەھیلیت خودانی سەرتراشخانێ ب شفری پاتکا وێ چیکەت داکو تووشی چو ئێشان نەبیت.
عسمەت سەلمان وەیسی رێڤەبەرێ پشکا چاڤدێری و سلامەتیا خۆراکێ دیارکر کو پلانا چاڤدیریا بازاری ژ بوھارێ و زڤستانێ ھاتە گوھۆرین بۆ پلانەکا نوو ژ بەر ھاتنا وەرزی ھاڤینی د ھاڤینی دا ژبەر گەرماتیێ کەرەستە زوو خراب دبن مە بریار یا دایێ چو کەرەستە ژ دەرڤەی مارکیتی و خوارنگەھێ نابیت بھێنە دانان و پێدڤیە ھەموو تشت ژوورڤە بن وپێدڤیە جە یێ گونجایی بیت و نە گەلەک گەرم بیت کو تشت تێدا خراب ببن، پێدڤیە سەقا یێ گونجایی بیت ل فرۆشگەھان کو نە گەلەک گەرم و نە گەلەک سەرما بیت داکو کەرەستە خراب نەبن.
ناڤبری ئەو ژی گۆت: ھەر خوارنگەھەکا خوارنا کەڤن پێشکێشی وەلاتیان بکەت ئەم پێ بھێنە ھایدارکرن ئەو خوارنگەە دێ ھێتە سزادان، چونکو خوارنێن کەڤن دبنە ئەگەری ژەھراویبوونا وەلاتیان و نابیت خەلکەک پاری خوە بدەت و نەساخ ژی ببیت ئەڤ گونەھە یا ستۆیی مە دایە ئەم ب رژدی کاردکەن بۆ کونترۆلکرنا ھەموو تشتان داکو ساخلەمیا خەلکێ مە پاراستی بیت. دبێژت ژێ ئەو جھێن سپێدی و نێڤرۆ ژێ کارنەکەن ب تنی شەڤی کاردکەن تێمین سەرا وان جە ژێ ددەن وەکو کافتریا و یانێن رەوشەنبیری ژ بەر ڤێ چەندی ل ١-٥ تیمێن ساخلەمیی ژ دو شەفتان بوونە سی شەفت یا د شیان دا بیت ئەم ناھێلن خەمساری د کاری مە دا بھێتە کرن چونکو گونەھا ڤێ خەلکێ یا ستۆیێ مە دا.
رێڤەبەرێ چاڤدیرَی و سلامەتیا خۆراکێ د درێژاھیا ئاخڤتنێن خوە دا گۆت: ھەموو حەفتیان رۆژێن پێنچ شەمبیی ژ شەش تەنان ھەتا دەە تەنێن کەرەستێن خرابووی دھێنە ژ ناڤبرن، خەلکەک گەلەک ھاریکارە و خودانێن مارکێت و فرۆشگەە و خوارنگەە ژێ ھەڤکارن، ئەم ھەولددەین خەلکێ خوە زێدەتر رەوشەنبیر بکەین بیآ سزادان کاربکەن کو رۆژانە ئەو بخوە کەرەستێن خوە دەم ب سەرڤەچوویی بدانە رەخەکێ ژ ناڤ کەرەستێن باش بینە دەر ئەم دەستخۆشیی ل وان دکەین بۆ ھندی پتر ھەڤکار بن.
ناڤبری گۆت: ڤەخوارنا ھیزی ژێ (تایگەر) ئەو ژی د دەمەکی دا ھەولدان ھاتنە دان بھێنە قەدەغەکرن، لێ وەزارەتا ساخلەمیێ وەسا دیارکر ل ھەموو دونیایێ دەستوورداینە بھێنە فرۆتن لێ بازرگانێن وان د دەستنیشانکرینە بەرێ بھێتە ناڤ بازاری دا ژی ئەم پشکنینەکێ بۆ دکەن کا دەمێ ب سەرڤەچوونێ و ب چ تشتی پێگھاتیە، چونکو گەلەک جاران دھێت یا دوور ژ پیکھاتێن خوە ھندەک مادەیێن کیم یان زێدە ناڤ دانە ئەم ڤێ حالەتێ دا رێکێ پێ نادەن ل بازاری بفرۆشیت و بھێنە ڤەگەراندن ھەر ل سەر سنۆری ھیشتا نە ھاتیە د ناڤ ھەرێمێ دا.
عسمەت سەلمان زێدەتر گۆت: ل کەمپان ژێ سەرتراشخانە و جوانکاری و دوکان یێن ھاتینە ڤەکرن مە ژێ ھەولدان کرینە کونترۆل ل سەر بھێتە کرن چەند جاران مە سەرا کەمپا کریە د گەل جڤاتێن کەمپام کۆمبووینە ب مەرەما وێ چەندی ئەم ریێن خوە مەرج و رینمایان بگەھیننە خەلکی، لێ ١٠٠% ئەو مەرج و رینمایێن ل بازاری دھۆکێ دھێنە بجھئینانا ل کەمپێ نەشین سەد ژ سەدی مەرج و رێنمایان ل سەر وان بجە بینن لێ ئەم بەردەوام ھەولدەن تشتێ خراب و نەباش نەھێتە فرۆتن و بکارئینانا بۆ پاراستنا ساخلەمیا وەلاتێان.
ل دووماھیی ژێ ناڤبری دیارکر کو بەردەوام تیمێن ساخلەمیێ سەرا وان جھان دکەن و رۆژانە ژێ نموونە دھێنە وەرگرتن بۆ تاقیگەھێ داکو بھێنە پشکنین، ھەکە جھەک بیێ دەستووریا ساخلەمیێ کار بکەت دێ ھێتە گرتن ل جھێن کیماسی ژێ لێ ھەین دھێنە ئاگەھدارکرن، ھەکە چارەسەر نەکەن دھێنە سزادان. ل خالێن گۆمرکێ ژی بنگەھێن ساخلەمیێ ھەنە و ھەر کەرەستەکێ خوارنێ یان ڤەخوارنی بھێت بیێ پیشکنینن ب چو رەنگەکێ رێک ب وێ کەرەستێ ناھێتە دان بھێتە بۆ ناڤ ھەرێمێ دا. ھەکە ئەنجامێن کەرەستەکی ل پشکنینێ خراب دەرکەڤن، بازرگانیێ ماف یێ ھەی دوبارە داخوازا پشکنینێ بکەن، ھەکە جارا دویێ ژێ ئەنجام خراب دەرکەڤتن دێ ھێتە ژناڤبرن یان ڤەگەراندنی بۆ جھێ ژێ ھاتێ.