ئه‌ڤرۆ نیوز:
بهایێ به‌رمیلا نه‌فتا برنت ل بازارێن جیهانى گه‌هشته 57 دولاران و ئه‌ڤه جارا ئێكێ یه د ماوێ 4 حه‌فتیێن بوورى دا، بهایێ نه‌فتێ ڤى بهایى تومار بكه‌ت و ب ڤێ چه‌ندێ د ماوێ حه‌فتیه‌كێ دا بهایێ نه‌فتێ زێده‌تر ژ 10 دولاران بنلد بوویه.
رویته‌رز به‌لاڤكریه كو نزمببوونا خه‌رجى و تێچوویێن كومپانیا بى بى یا به‌ریتانى ئێك ژ ئه‌گه‌رێن بلندبوونا بهایێ نه‌فتێ یه، دیسا ئه‌گه‌ره‌كێ دى 9 سه‌ندیكایێن كرێكاران یێن تایبه‌ت ب وه‌به‌رهێنانێ نه‌فتێ ده‌ست ب خوه‌نیشادانان كرینه.
ئه‌ڤرۆ نيوز:
جێگرێ سه‌رۆك كۆمارێ عيراقێ و سه‌رۆك وه‌زيرێ به‌رێ، نورى مالكى ئه‌ڤرۆ د داخۆيانيه‌كا رۆژنامه‌ڤانى دا راگه‌هاند كو ئه‌و ژ بوو وێ چه‌ندێ كار ناكه‌ت پۆستێ خوه ڤه‌گه‌رينيت، ب تنێ هه‌كه ل ده‌مێ هه‌لبژارتنێن شه‌رعى نه‌بيت.
نورى مالكى گۆت: “من چو نيه‌ت نينن ڤه‌گه‌رمه سه‌رۆكاتيا حوكمه‌تێ، ب تنێ هه‌كه جه‌ماوه‌ر وێ ب خوازيت”، گۆتژى: “هه‌كه خه‌لكێ عيراقێ ئه‌ز هه‌لبژارتم، ئه‌ز ره‌ت ناكه‌م”.
ئاماژه ب وێ چه‌ندێ ژى كر كو وى نه‌دڤيا سه‌رۆكاتيا حوكمه‌تا عيراقێ بكه‌ت، به‌لێ ل سه‌ر وى هاتبوو سه‌پاندن و گۆت: “هه‌كه وه‌كو تاك ب بێژنه من، تو كار دكه‌يى دا ببيه سه‌رۆك وه‌زير، نه‌خێر ئه‌ز كار ژ بوو وێ چه‌ندێ ناكه‌م”.
ئه‌ڤرۆ نيوز:
ده‌سته‌پا گشتيا ده‌سپاكيا هه‌رێما كوردستانێ د نڤيساره‌كێ دا كو ئاراسته‌يى هه‌موو دامه‌زراوێن هه‌رێما كوردستانێ كريه داخوازا پێزانينان ل سه‌ر حاله‌تێ پاداشتنا فه‌رمانبه‌ران ل ژێر ناڤێ “رێز و سۆپاس- پێشخستنا (قدم) – بلندكرن”ێ دكه‌ت.
نڤيسارا ده‌سته‌يا ده‌ستپاكيا هه‌رێمێ ئاشكه‌را دكه‌ت كو ئه‌و پێزانين پێدڤيه د ناڤبه‌را 2015.2.1 هه‌تا كو 2015.12.31 دا ئه‌و پاداشت ب فه‌رمانبه‌ران دابن.
ناڤه‌رۆكا نڤيسارێ كو بۆ ئه‌ڤرۆ نيوز ره‌وانه كريه ب ڤى ره‌نگى يه:
ئه‌ڤرۆ نيوز:
ل دارفۆر، دو فرۆكه‌ڤانێن رۆسى هاتنه ره‌ڤاندن و بالوێزخانا وى وه‌لاتى سه‌ره‌رايى پشتراستكرنێ راگه‌هاند كو ئه‌و دێ هه‌موو بزاڤا كه‌ن بۆ ئازادكرنا ڤان هه‌ردو فرۆكه‌ڤانان.
ده‌زگه‌هێن راگه‌هاندنێ يێن رۆسى راگه‌هاند كو ئه‌ڤان هه‌ردو فرۆكه‌ڤانان ل گه‌ل كۆمپانيا يوتير يا رۆسى كار دكر و بۆ هه‌ڤپه‌سته‌كێ ل گه‌ل هنارتيێ هه‌ڤپشكێ ئێكه‌تيا ئه‌فريقى و نه‌ته‌وێن ئێكگرتى بۆ پاراستنا ئاشتيێ ل دارفۆر “يۆناميد” ل دارفور بوون.
ئه‌ڤان هه‌ردو كه‌سێن هاتينه ره‌ڤاندن يۆناميد ئاگه‌هداركريه كو ئه‌ڤ كه‌سێن ئه‌ڤان ره‌ڤاندين، داخوازا تشته‌كى به‌رامبه‌ر بده‌نێ وه‌كو پاره ل به‌رامبه‌ر ئازادكرنا وان.
به‌رى نوكه ژى حوكمه‌تا سودان ئه‌و ئاگه‌هداركرينه كو هه‌كه تشته‌كى ل به‌رامبه‌ر ئازادكرنا وان بده‌ن دێ به‌رده‌ن و ئاماژه ب وێ چه‌ندێ كريه كو ئه‌ڤه نه جارا ئێكێ يه ئه‌ڤ روودانه روو دده‌ت.
ئه‌ڤرۆ نيوز:
جڤاتا وه‌زيران ده‌نگ ل سه‌ر زێره‌ڤانێن نشتيمانى و لێپرسينێ و رێگرتنا به‌عسيا بۆ سه‌ر حوكمى دا.
جڤاتا وه‌زيرێن عيراقێ د روونشتنا خوه يا ئاسايى دا، ئه‌وا ئه‌ڤرۆ ل باره‌گايێ جڤاتا وه‌زيران ب سه‌رۆكاتيا حه‌يده‌ر عه‌بادى گرێدايى هاته گێران و تێدا ده‌نگدان ل سه‌ر سێ ته‌وه‌ران كر كو گرنگترين ته‌وه‌ر بابه‌تێ هێزێن زێره‌ڤانێن نشتيمانى بوون.
كه‌نالێ عيراقيه يێ نيڤ فه‌رمى راگه‌هاند كو ئه‌ڤرۆ جڤاتا وه‌زيران ده‌نگدان ل سه‌ر قانوونا ناڤبرى و يا لێپرسينێ و رێنه‌دان ب حزبا به‌حس و كارێن وێ ل وه‌لاتى كر.
حوكمه‌تا نوكه ب سه‌رپه‌رشتيا مالكى ل سه‌ر بنياتێ ل هه‌ڤهاتنا سياسى د ناڤبه‌را لايه‌نێن سياسى دا هاتيه پێكئينان و ژ گرنگترين كارێن وێ ژى دانانا قانوونا لێبۆرينێ و زێره‌ڤانێن نشتيمانى و لێپرسينێ و رێزكخستيان د ناڤا ده‌وله‌تێ و رێڤه‌به‌ريێن وێ و رێ نه‌دان ب چالاكيێن حزبا به‌عس.
ئه‌ڤرۆ نيوز:
شيره‌تكارێ راگه‌هاندنێ ل په‌رله‌مانێ كوردستانێ راگه‌هاند كو دێ كۆمبوونا دويێ يا نه‌ئاسايا په‌رله‌مانى ل رۆژا پێنجشه‌مبيا بهێت بيت ل رێكه‌فتى 2015.2.5 و دێ ل پارێزگه‌ها هه‌له‌بچه هێته ئه‌نجام دان و بۆ ڤێ مه‌ره‌مێ ژى د گازيكرنه‌كا سه‌رۆكاتيا په‌رله‌مانى دا كو دوهى ده‌رچوويه، داخواز ژ هه‌موو ئه‌ندامێن په‌رله‌مانى كريه ل رێكه‌فتى 2015.2.5 ل هۆلا مونۆمێنتێ پارێزگه‌ها هه‌له‌بچه ئاماده‌بن بۆ پشكداريكرنێ د كۆمبوونێ دا.
ب گۆره‌يى به‌رنامێ كارى كو ل مالپه‌رێ فه‌رمى يێ سه‌رۆكاتيا په‌رله‌مانى به‌لاڤ بوويه، دێ كۆمبوون يا ته‌رخانكرى بيت بۆ دانوستاندنێ ل دۆر پرۆژێ قانوونا ئيدارا پارێزگه‌ها هه‌له‌بچه بيت كو روونشتنا نه‌ئاسايى يا حه‌فتيا بۆرى دا خواندنا ئێكێ بۆ هاتيه كرن.
ديسا دێ خواندنا ئێكێ بۆ پرۆژێ قانوونا هه‌لبژارتنا قايمقام و رێڤه‌به‌رێن ناحيان ل هه‌رێما كوردستانا عيراقێ بيت.
د ڤێ ده‌ربارێ دا، محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز گۆت: “بڕياره رۆژا پێنجشه‌مبى ل هۆلا مونۆمێنتا ل ده‌مژمێر 11ى سپێدێ په‌رله‌مانێ كوردستانێ ل هه‌له‌بچه كۆمبوونا خوه يا نه‌ئاسايى يا دويێ ل ڤى وه‌رزى بگێريت”.
زێده‌تر گۆت: “دێ دانوستاندن ل سه‌ر پرۆژێ قانوونا ئيدارا پارێزگه‌ها هه‌له‌بچه هێته كرن كو پێشبينى دكه‌ين بهێته په‌سه‌ندكرن، ژ به‌ر كو لايه‌نێن سياسى چو تێبينيێن مه‌زن ل سه‌ر نينن”.
ئاماژه ب وێ چه‌ندێ ژى كر كو ب گۆره‌يى به‌رنامێ كارى دێ خواندنا ئێكێ بۆ پرۆژێ قانوونا هه‌لبژارتنا قايمقام رێڤه‌به‌رێن ناحيا بيت كو ب گۆره‌يى ڤى پرۆژه‌يى دێ رێڤه‌به‌رێن ناحيا و قايمقام ژ لايێ سه‌رۆكێ جڤاتا پارێزگه‌هان ڤه هێنه هه‌لبژاتن.
تارق جه‌هه‌وه‌ر، شيره‌تكارێ راگه‌هاندنێ ل په‌رله‌مانێ كوردستانێ ئاماژه ب ڤه‌گوهاستنا روونشتنێن په‌رله‌مانى كر و گۆت: “د ده‌مێ پێدڤى دا، دشيان دايه په‌رله‌مان روونشتنێن خوه ببه‌ته ژ ده‌رڤه‌يى هۆلا په‌رله‌مانى و پێشتر حه‌فت جاران ئه‌ڤ كاره كريه”.
ئه‌ڤرۆ نيوز، ناجى به‌ده‌ل:
شاهجوانا ئامه‌زون ل به‌رازیلێ هاته هه‌لبژارتن ل ده‌مێ رێ و ره‌سمان تشته‌كێ سه‌یر روودا.
شاهجوانا به‌ریا نها ئه‌وێ ژی ل ده‌ڤه‌را ئه‌مازون یا به‌رازیلی خوه به‌ربژار كر بوو دووباره ببیته شاهجوان، لێ ده‌رنه‌كه‌فت ل ده‌مێ ده‌رنه‌كه‌تنا وێ رازی نه‌بوو تاجا شاهجوانیێ ژبلی وێ ب چیته سه‌رێ چو كه‌سێن دی له‌ورا ژ سه‌ری كر و هاڤێت.
شاهجوانا ئه‌مازون يا نوكه:
شاهجوانا ئه‌مازون يا به‌رێ:
ڤيديۆ:
نه‌ته‌وه‌یێن ئیكگرتی ل عیراقێ ئامارا هه‌یڤا ئێك ب ئه‌گه‌رێ توندوتیژیێ 1375 كه‌س ل عیراقێ هاتینه كوشتن.
عه‌بدولجه‌بار عه‌بدولره‌حمان جڤاكناس بو ئه‌ڤرۆ نیوز دیاركر ئه‌ڤ ئامارا قوربانیێن شه‌ری چه‌ندین ته‌وه‌ران بخوڤه دگریت و چه‌ندین مال ماینه بێ خودان و حكومه‌ت ب خودیكرنا وان رابیت ژلایێ ئابۆری ڤه كارتێكرنه‌كا كاریگه‌ر و بارگرانیه‌كه بو حكومه‌تێ دڤێت خودان بكه‌ت .
ناڤبری ئه‌و چه‌نده ژی دیاركر ژلایێ جڤاكی ڤه چه‌ند كه‌س هاتینه كوشتن هند خێزان مایبنه بێ خودان و كارتیكرن ل سه‌ر وان كر و زارۆیێن بێ دایك و باب و نه ل ئاستیێ پیدڤیا په‌روه‌رده‌ه‌یی و ژن دڤێت ل رۆلێ مێری رابیت بو خودیكرنا خو و ئه‌و مرۆڤێن هاتینه كوشتن به‌رهه‌مدار بو ینه بو مله‌تی و هه‌مو گه‌نجن و هێزا كارینه .
جڤاكناس ئه‌و چه‌نده ژی گوت :لایه‌نێن به‌شدا ر د شه‌ری دا و ده‌ڤه‌رێن نێزیكی ئێك دزانن كێ كی كوشتی یه و ئه‌ڤه ئه‌گه‌ره بو به‌رده‌وامیا شه‌ری و درێژبونا رشتنا خوینێ و ب هاتنا داعشێ ژی گه‌له‌كان خو گه‌هاندێ و ل بن سیبه‌را وانڤه زولم ل خه‌لكه‌كێ دی كر سوبه‌هی نه‌ما داعش خه‌لكێ سته‌م دیتی دێ ل دژی رابیت.
عه‌بدولجه‌بار گوت :هزر و مێشكه‌كێ ڤه‌كری پێدڤێت هه‌تا كوشتن و خوێن رێتنا نها هه‌ی بو قوناغه‌كا ئارامیا جڤاكی بزڤرن و ئه‌ڤ تێگه‌هشتنه ل سه‌ر وه‌لاتیان دمینیت و چه‌وا بشێن ئه‌وێ بریارێ بده‌ت و دیرۆكا عیراقێ ڤه‌گه‌رین و هه‌تا ئه‌ڤێ قوناغا نها ئه‌م تێدا دژین، شه‌ر ل دووڤ شه‌ری درۆست بویه و به‌رده‌وامبوینه و كه‌لتوره‌ك بو خه‌لكێ عیراقی په‌یدابویه كه‌لتورێ به‌رهه‌نگاربونێ و ل دژی هه‌ر سیسته‌م و هزرین سیاسی دكه‌ت .
نيشاندان