ئه‌ڤرو نیوز، بارزان مزوورى
ملازم ئه‌ركان زێبارى، به‌رپرسێ بنگه‌هێ ئاگر ڤه‌مراندنا قه‌سروك بو مالپه‌رێ ئه‌ڤرو نیوز دیار كر كو ئه‌ڤرو 2/6/2015 ئه‌و هاتینه‌ هایداركرن كو رویدانه‌كا ئاگر تێبه‌ربونێ ل گوندێ تلجومل سه‌ر ب ناحیا گرده‌سێن ڤه‌ دروست بوویه‌ و تیمێن وان و كه‌له‌كچى بله‌ز گه‌هشتنه‌ جهێ رویدانێ، د ماوه‌كێ كێم دا ئاگر بتمامى هاته‌ كونترول كرن و د ئه‌نجام دا 8 دونه‌مێن گه‌نمێ جوتیارێن گوندى هاتن سوتن.
ناڤبرى دیار كر كو هزاره‌ها دونه‌مێن گه‌نمى ل ڤى ئاگرى هاتن رزگاركرن چونكو نها وه‌رزێ درینا گه‌نمى یه‌ و هێشتا ئه‌و گه‌نم نه‌هاتیه‌ درین.
ناڤبرى داخاز ژ شوفێرا كر كو دڤى وه‌رزى دا دهشیار بن ژ هاڤێتنا قوپكێ جگارێ چونكو دبیته‌ ئه‌گه‌رێ سوتنا هزاره‌ها دونه‌مێن گه‌نمى.

ئه‌ڤرۆ نیوز:

راگه‌هاندنا پێشمه‌رگێ زێره‌ڤانى ب هه‌ماهه‌نگى ل گه‌ل فرۆكێن شه‌رى یێن سوپایێ هه‌ڤپه‌یمانان، ئه‌ڤرۆ ل ده‌مژمێر شه‌شێ ئێڤارى، خرڤه‌بوونه‌كا ژماره‌كا تیرورستێن داعش ل ناڤ كوگه‌هه‌كا غازێ ل نێزیك كه‌سكێ كره‌ ئامانج و ژماره‌كا چه‌كدارێن تیرورست هاتنه‌ كوشتن.
ل دووڤ پێزانینێن راگه‌هاندنا پێشمه‌رگێ زێره‌ڤانى فرۆكێن شه‌رى هه‌موو ئه‌و چه‌كدار كوشتینه‌ كو ل كوگه‌ها غازى خرڤه‌بووین و ژماره‌كا ترومبێل و چه‌كێ ناڤنجى یێن داعش هاتنه‌ سوتن.