ئه‌ڤرۆ نيوز:
فراكسيۆنا يه‌كگرتوو ل په‌رله‌مانێ كوردستانێ ب فه‌رمى پرۆژێ وه‌رگرتنا قه‌رزێن نێڤده‌وله‌تى ره‌تكر و راگه‌هاند، هه‌كه ب هه‌ده‌ردان و گه‌نده‌لى نه‌هێنه بنبڕكرن، ئه‌و پێنج مليار دۆلار ژى دێ ب ده‌ردێ ئه‌وان ب ده‌هان مليار دۆلاران چيت يێن ل ده‌مێ بۆرى دا حوكمه‌تا ناڤه‌ندى ره‌وانه كرين.
د به‌ياننامه‌كێ دا كو وێنه‌ك ب ده‌ست ئه‌ڤرۆ نيوز كه‌فتيه، تێدا فراكسيۆنا يه‌كگرتوو ئيسلامى كوردستان ل په‌رله‌مانێ كوردستانێ دبێژيت: “سه‌ره‌رايى گۆمانێن مه‌زن ل سه‌ر وێ چه‌ندێ كو دبيت ئه‌ڤ قه‌رزه جوره‌ك بن ژ سپيكرنا پاره‌يى، ديسا هه‌ردو كێشێن ب هه‌روه‌دانا گه‌نده‌ليێ ل هه‌رێما كوردستانێ كو نوكه ره‌هوريشالێن وێ هه‌رێم يا داگير كرى، نه‌ك ب تنێ پێنج مليار دۆلار، به‌لكو ب ده‌هان پێنج مليار دۆلارێن دژى قه‌رز بكه‌ن، دێ ب ده‌ردێ ئه‌وان مليار دۆلاران چن يێن د چه‌ند سالێن بۆرى دا ژ حوكمه‌تا ناڤه‌ندى وه‌رگرتين”.
د ڤێ به‌ياننامێ دا ئه‌و چه‌ند ژى هاتيه كو ل به‌رامبه‌ر ره‌تكرنا وه‌رگرتنا وان قه‌رزان، هه‌كه سيسته‌مه‌كێ رێڤه‌برنێ يێ سه‌ركه‌فتى هه‌بيت و گه‌نده‌لى بهێته كێمكرن و ب داهاتێن په‌ترۆل و ناڤخۆ و ئه‌وێ ژ ناڤه‌ند دهێته ره‌وانه‌كرن، ب تايبه‌ت د رێيا ده‌سپێكا فرۆتنا په‌ترۆلێ دا، دشيان دايه كێشێن ڤێ هه‌رێمێ بهێنه چاره‌كرن كو ب تنێ ژ چار پارێزگه‌هـ و چار مليۆن كه‌سان پێك هاتيه.
دبێژيتژى: “هيڤى دكه‌ين په‌رله‌مانێ كوردستانێ ده‌نگى بۆ ره‌تكرنا ڤێ قانوونێ بده‌ن، چونكو ئه‌ڤ كاره به‌رپرساريه‌تيه‌كا نشتيمانى و ئه‌زمونا جيهانى سه‌لمانديه هه‌موو ئه‌و وه‌لاتێن قه‌رزى وه‌ردگرنه بووينه پاشكۆ و روو ب روويێ كێشێن ئابوورى بووينه، ب ره‌تكرنا وان دێ فشاره‌ك ل سه‌ر حوكمه‌تا هه‌رێمێ دروست بيت، بۆ وێ چه‌ندێ چاكسازيێن ره‌هوريشالى بكه‌ت و پێدڤى ب قه‌رزان نه‌مينيت”.
نيشاندان