ئه‌ڤرۆ نیوز:
ئومێد محه‌مه‌د رێڤه‌به‌رێ گشتى یێ كونترۆلا و گه‌هاندنێ ل وه‌زاره‌تا كاره‌با حكومه‌تا هه‌رێمێ راگه‌هاند ئه‌ڤرۆ وان ل وه‌زاره‌تێ كومبوونا خوه كر بۆ وێ یه‌كێ خشتێ هه‌یڤا 2 یا كاره‌با نیشتمانى به‌رهه‌ڤ بكه‌ن و گۆت” ل دۆر كاره‌با نوكه به‌رهه‌م دهێت ئه‌و دێ شێت 15 ده‌مژمێرێن كاره‌با نیشتمانى بۆ هه‌یڤا 2 دابین كه‌ت”.
ئه‌ڤرۆ نیوز، مه‌سعود خه‌له‌ف
د داخویانیه‌كی دا ئه‌نوه‌ر موسلم ژ پارتیا ئێكه‌تیا دیموكراتیك (PYD) ل كوبانێ گۆت: وان ده‌مه‌كی درێژ شه‌رێ ل هه‌مبه‌ر ته‌رورێ كر و گۆت كو ئه‌و ب نیازن هنه‌ك تاخ و ده‌ڤه‌رێن كو شه‌رێ دژوار لێ هاتی كرن وه‌كو كاڤل و وه‌كو جهه‌كی بۆ دیرۆكێ بهێلن كو نموونه‌یا به‌رخوه‌دانێ و ئێكه‌تیا كوردان نه‌ته‌وا كوردان بوو.
هه‌روه‌سا موسلم گۆت: ئه‌و ده‌ڤه‌رێن ویران و خراب ژ به‌رمایێكێن شه‌ری وێ وه‌كو ده‌ڤه‌ره‌كه سه‌مبولیك بهێلن و هه‌ولێن وان نوكه ژ بۆ ژ نووڤه ئاڤه‌دانكرنا كوبانێ به‌رده‌وامن.
گه‌له‌ك نڤیسه‌رێن باكوور و باشوورێ كوردستانێ دیاركربوون كو بلا كوبانى یه‌كا دى بهێته ئاڤاكرن و یا شه‌ر تێدا هاتیه كرن، نه‌هێته نووژه‌نكرن، دا وه‌ك سومبوله‌ك بمينيت.
ئه‌ڤرۆ نیۆز، قائید میرۆ
فه‌رماندێ میحوه‌رێ گوێڕ یێ هێزێن پێشمه‌رگه‌ی كوشتنا هژماره‌كا چه‌كدارێن داعش ل ناحیا گوێڕ پشتڕاستكر و راگه‌هاند: بنگه‌هێن وان ب دژواری هاتینه بۆردۆمانكرن.
قادر قادر، به‌رپرسێ میحوه‌رێ گوێڕ یێ هێزێن پێشمه‌رگه‌ی بۆ ئه‌ڤرۆ نیۆز دیاركر، شه‌ڤا بورى داعش دخواست ئێرشی سه‌ر ناحیا گوێڕ بكه‌ت و ل رووبارێ زێی ده‌ربازببیت، به‌لێ ژلایێ هێزێن پێشمه‌رگه و فڕۆكه‌یێن هه‌ڤپه‌یمانانڤه شكه‌ستن ئینا و ره‌ڤین.
قادری گۆت ژی” فڕۆكه‌یێن هه‌ڤپه‌یمانان ب دژواری بنگه‌هێن وان بوردۆمانكرینه و زیانێن مه‌زن ژی گه‌هشتینه تیرۆرستێن داعش، به‌لێ هژمارا كوشتیێن وان نه‌هاتیه زانین.
ئه‌ڤرۆنیۆز، سالار دۆسكى:
سترانبێژێ ده‌نگ خوه‌ش (ئه‌یوب عه‌لى) ب ژڤانه به‌رهه‌مه‌كێ نوو بۆ (عاشقان) به‌لاڤ بكه‌ت.
ئه‌یوب عه‌لى دیاركریه كو به‌رهه‌مێ وى یێ نوو ب ناڤێ(حه‌سره‌ت) ژ ئاوازێن وى بخوه‌نه، تێكستا(جه‌بار)ه و ژڤانه ب جوانترین شێوه بهێته وێنه‌كرن و مونتاژكرن و بهێته كلیپكرن و ب زووترین ده‌م بهێته به‌لاڤكرن.
ئه‌ڤرۆنیۆز، سالار دۆسكى:
ئه‌ندامه‌كا لژنا دارایى ل په‌رله‌مانێ عیراقێ، ژڤانێ هنارتنا پشكا بۆدجا هه‌رێما كوردستانێ كو مووچێ هه‌یڤا ئێكێ فه‌رمانبه‌رێن هه‌رێمێ ب خوه‌ڤه‌دگریت ب رێكا ئه‌ڤرۆ نیۆز دیاركر.
نه‌جیبا نه‌جیب ئه‌نداما لژنا دارایى ل په‌رله‌مانێ عیراقێ بۆ سایتێ ئه‌ڤرۆ نیۆز گۆت: دڤێت پشكا بۆدجا هه‌یڤا ئێك حوكمه‌تا به‌غدا هنارت با، چونكو حوكمه‌تا هه‌رێما كوردستانێ ژ 1/1/ هه‌تا نوكه پاپه‌ندى رێكه‌فتنامێ یه ئه‌وا د ناڤبه‌را به‌غدا و هه‌ولێرێ هاتیه موركرن.
نه‌جیبایێ گۆت ژى: ژڤان بوو ئێك شه‌مبا بورى پاره هاتبا و چارڤه‌ێ بووین، لێ ژبه‌ر نه‌بوونا پاران ل بانكا مه‌ركه‌زى و رۆژا دوشه‌مبى ئه‌ڤ كێشه چاره‌سه‌ربوو، دووڤ دا كێشا په‌ترۆلێ دناڤبه‌را به‌غدا و هه‌رێمێ په‌یدا بوو و لێكتێنه‌گه‌هشتنه‌ك چێبوو، و وه‌زیرێ په‌ترۆل و سه‌رۆكێ حوكمه‌تا هه‌رێما كوردستانێ دیاركرینه كو پابه‌ندێن رێكه‌فتنێ نه.
نه‌جیبایێ هێشتا ژى گۆت: ڤێ حه‌فتیێ دێ به‌هرا هه‌رێما كوردستانێ ژ بۆدجا عیراقێ یا 2015 دێ هێته هنارتن چونكه كێشه نه‌ماینه.
نه‌جیبایێ ئاشكراكر ژى كو هه دو لاپاپه‌ندى رێكه‌فتنێ نه و هه‌رێما كوردستانێ یا رۆژانه په‌ترۆلێ دهنێریت و 17% به‌غدا ژ بۆدجێ دێ هنێریت، دیسان سه‌رۆك وه‌زیرێن عیراقێ ژى یێ بزاڤا دكه‌ت په‌یوه‌ندیێن به‌غدا و هه‌رێمێ دخوش بن و ئێك ژ مه‌رجێن حوكمه‌تێ هاتیه‌دانان هه‌ڤپه‌یمان و چاره‌سه‌رى بیت، دیسان ئێك ژ مه‌رجێن هه‌ڤپه‌یمان دشه‌رێ دژى داعش دا، دڤێت عه‌بادى كێشا ل گه‌ل كوردان چاره‌سه‌ر بكه‌ت.
ئه‌ڤرۆ نیوز، قائید میرو
ژێده‌ره‌كێ ئاگه‌هدار بۆ ئه‌ڤرۆ نیۆز دیاركر، دهێرشا داعش یا بۆ سه‌ر هێزێن پێشمه‌رگه‌ی ل باژێڕێ كه‌ركووكێ، ژبه‌ركو دنیا مژ بوویه و ده‌لیڤا دیتنێ كێمبوو، له‌وڕا پێشمه‌رگه نه‌چار بوویه ل هنده‌ك ده‌ڤه‌را پاشڤه‌بهێت و هنده‌ك باره‌گایێن پێشمه‌رگه‌ی ل باشورێ كه‌ركووكێ كه‌فتنه ده‌ست داعش.
ژێده‌ری كو نه‌خواست ناڤێ وی بهێته به‌لافكرن گۆت” ژ ئه‌نجامێ ئه‌ڤێ پاشڤه هاتنا پێشمه‌رگه دو كۆمێن پێشمه‌رگه‌ی به‌رزه‌بوون، ئێك ژ وان د گونده‌كی دا هاتبوونه دورپێچكرن و هژمارا وان 13 پێشمه‌رگه‌بوون، پشتی شه‌ڕه‌كێ دژوار شیان 11 پێشمه‌رگان رزگار بكه‌ن و دو پێشمه‌رگه‌ژی شه‌هید بوون.
ژێده‌ری پتر گۆت” به‌لێ هژماره‌كا پێشمه‌رگه‌یان د ئه‌نجامێ ئه‌ڤێ مژا چێبووی دیار نینه و د به‌رزه‌نه، گومان هه‌یه ب ئێخسیری كه‌فتبنه د ده‌ستێ تیرۆرستێن داعشدا و هێشتا هژمارا وان دیار نینه كانێ چه‌ندن.
ئه‌ڤرۆ نیوز:
بهایێ نه‌فتێ بلندبوونه‌كا به‌رچاڤ ب خوه دیتى و 8% بهایێ وێ بلند بوو، ئه‌وژى پشتى كو كارێ كۆمپانیێن نه‌فتا ئه‌مریكا كێمبووى.
ئاژانسێن ده‌نگوباسان به‌لاڤكرینه ژبه‌ر كێمبوونا كارێ كۆمپانیێن نه‌فتا ئه‌مریكاژ پشكنین و لێگه‌ریانا نه‌فتێ، بهایێ نه‌فتێ ل بازارێن جیهانى بلندبوونه‌كا به‌رچاڤ ب خوه‌ڤه دیتى یه و بهایێ نه‌فتێ گه‌هشته 53 دولاران بۆ هه‌ر به‌رمیله‌كێ.
ئه‌ڤرۆ نیوز:
ب گۆره‌یى ئه‌و ژێده‌رێن ب ده‌ست ئه‌ڤرۆ نیوز كه‌فتین د شه‌رێ هێزێن پێشمه‌رگه‌یى و چه‌كدارێن داعش دا ل خازرى، ئه‌و قوتابیێ ژ زانكۆیا دهۆك كولیژا كارگێرى و ئابوورى گه‌هشتیه ناڤ رێزێن داعش هاته كوشتن.
عومه‌ر عه‌بدولجه‌بار قوتابیێ زانكۆیا دهۆك یێ به‌رى ماوه‌كى گه‌هشتیه ناڤ رێزێن داعش ب رێیا چوونا مووسل و ل وێرێ هێرش ژ لایێ خازرى ڤه كریه سه‌ر پێشمه‌رگه‌یى، شڤێدى ژ لایێ هێزێن پێشمه‌رگه‌یى ڤه ل وێ ده‌ڤه‌رێ هاتیه كوشتن.
به‌رى نوكه ئه‌ڤرۆ نیوز بابه‌تێ چوونا ڤى گه‌نجى به‌لاڤ كربوو كو ئه‌ڤه لیكێ وێ یه: ڤێره كلیك بكه
ئه‌ڤرۆ نیوز:
بریاره سوبه مووچێ هه‌یڤا 12 یێ وه‌زاره‌تا پێشمه‌رگه‌ى بهێته به‌لاڤكرن و هه‌تا دووماهیا ڤێ حه‌فتیێ، چه‌ند فه‌رمانگه‌ه و وه‌زاره‌ت ژى دێ مووچێ هه‌یڤا 12 وه‌رگرن.
سالح فه‌قێ، ئه‌ندامێ لژنا دارایى و ئابوورى ل په‌رله‌مانێ كوردستانێ دیاركر كو بریاربوو رۆژا پێنج شه‌مبى مووچێ وه‌زاره‌تا پێشمه‌رگه‌ى بهێته به‌لاڤكرن، به‌لێ بۆ ئێكشه‌مبیێ هاته پاشخستن و گۆت: ڤێ حه‌فتیێ دێ گه‌له‌ك وه‌زاره‌ت مووچه‌ى وه‌رگرن و حه‌فتیا بهێت ژى دێ دووماهیێ ب به‌لاڤكرنا مووچێ 12 هێت.
ل دووڤ پێزانینێن باس نیوز بریاره د ڤێ حه‌فتیێ دا، مووچێن ( فه‌رمانده‌یا زێره‌ڤانى، پولیسێن نه‌فتێ، لیوایا ئێكا سلێمانیێ، فه‌رمانده‌یا هێزا ئاماده، ل گه‌ل وه‌زاره‌تا ساخله‌میێ و چه‌ند ده‌سته‌یان) مووچێ هه‌یڤا 12 وه‌ربگرن.
نيشاندان