ئه‌ڤرۆ نيوز:
سه‌رۆكێ بجهئينانێ يێ كۆمپانيا ئه‌پل ئاشكه‌را كر كو هه‌يڤا نيسانا داهاتى دێ ده‌ست ب فرۆتنا ده‌مژمێرا ژير يا كۆمپانيا ئه‌پل ئه‌وا ب ناڤێ ئه‌پل ووچ كه‌ن.
تيم كوك سه‌رۆكێ بجهئينانێ يێ كۆمپانيا ئه‌پل د كۆنگره‌كێ رۆژنامه‌ڤانى دا راگه‌هاند كو نوكه ئه‌و ده‌مژمێر د ده‌ستێ هنده‌ك كه‌سان دايه و ژێ د رازى نه و گه‌له‌ك د خۆش حالن ژى پێ و بڕياره ل هه‌يڤا نيسانێ ئه‌ڤ ده‌مژمێره ب كه‌ڤيته كارى و ب كۆژمێ 349 دۆلاران بكه‌ڤيته بازارى.
ب گۆره‌يى ژێده‌رێن ناڤخۆ يێن پاكستان ژ ئه‌نجامێ ته‌قينه‌كێ ل ئێك ژ مزگه‌فتێن شيعان ل وى وه‌لاتى، 15 كه‌سان گيانێ خوه ژ ده‌ست دا و نێزيكى 50 كه‌سان ژى بريندار بوون.
ئه‌ڤ روودانه د ده‌مێ نڤێژا ئه‌ينيێ يا ئه‌ڤرۆ ل باژێرێ شيكاربۆر روودا و وه‌زيرێ راگه‌هاندێ ژى دا زانين كو هێشتا نه‌هاتيه زانين كا ئه‌ڤ روودانه ته‌قينه‌ك بوويه يان ژى كرياره‌كا خوه كوژى بوويه و گۆت: “ڤه‌كۆلين يا به‌رده‌وامه”.
ژ لايه‌كێ دى ڤه ئاخفتنكه‌رێ ب ناڤێ گرۆپێ “جند الله” ئه‌حمه‌د مه‌روات به‌رپرساتيا خوه ژ روودانا مزگه‌فتا شيعلا ل شيكاربۆر راگه‌هاند.
گەلەک مفا ژ دەرکەتنا مالێ ھەنە، سەقا یێ چاوا بیت پێدڤیە ب دەرکەڤی.
مفایێن دەرکەتنێ ژ مالێ پێکھاتینە ژ وێ چەندێ کو ٢٠% ژ بیردانک و ھوشداریا مرۆڤی زێدە دکەت، ئەڤە ل دووڤ ڤەکولینەکێ کو پەیمانگەھا رۆتمان یا کەنەدی ھاتیە ئەنجامدان، ھەروەسا بۆراندنا دەمی دناڤ سرۆشتی دا فشارا خوینێ و تێکچوونا زەڤلەکان کێمتر لێ دکەت.
ڤەکولەر دبێژن ھەبوونا مرۆڤی دناڤ سرۆشتی دا ئەو کێماسیا دمێشکی دا پەیدادبیت ڤەدگەرینیت و مرۆڤ پتر ئاگەھی تشتان دبیت، نە مەرجە ژی تو گەلەک حەز ژ سروشتی بکەی، بەلکو دەرکەتنا تە دمالدا مفایەکێ مەزن ل تە دکەت.
ئه‌ڤرۆ نيوز:
ب گۆره‌يى كه‌نالێ NTV يێ توركى ئه‌ڤرۆ كه‌سه‌كا نه‌نياس ل مه‌يدانا ته‌قسيم يا وه‌لاتێ توركيا ته‌قه ل باره‌گايێ پۆليسان كر و چه‌كێ خوه هاڤێتيه.
ميديا توركى دايه زانين ژى كو ب گۆره‌يى پێزانينێن ئه‌و كه‌سێن روودان ب چاڤ ديتى، ئه‌و كه‌س ژن بوويه و پشتى ته‌قه ل بنگه‌هێ پۆليسان ل مه‌يدانا ته‌قسيم كرى ره‌ڤيه و چه‌كێ خوه كو ژ جۆرێ كلاشينكۆف بوويه هاڤێتيه و هه‌تا نوكه نه‌هاتيه ده‌سته‌سكرن.
هه‌ر چه‌نده ب گۆره‌يى ئامارێن ده‌سپێكى چو زيانێن گيانى نه‌بووينه، به‌لێ نوكه ل ميدانا ته‌قسيم نوكه پۆليسان رێيێن ئه‌منى يێن دژوار گرتينه به‌ر بۆ ده‌سته‌سه‌ركرنا ئه‌ڤ ژنا ب ڤێ روودانێ رابوويى.
ئه‌ڤرۆ نيوز:
44 كه‌س هاتنه كوشتن و 70 كه‌س بريندار بوون ژ ئه‌نجامێ ته‌قينا بازارێن “باب الشرقي” ناڤه‌راستا به‌غدا، ژ وان هێزێن ئه‌منى ژى يێن د ناڤ دا هه‌ين.
ژێده‌ره‌كێ ئه‌منى بۆ ده‌زگه‌هێن ميديايى گۆت: “ژ ئه‌نجامێ ته‌قاندنا دو بۆمبێن چاندى ئه‌ڤرۆ رۆژا ئه‌ينى 30ى كانوونا دويێ ل ناڤ بازارێ جلكێن له‌شكرى ل ده‌ڤه‌را “باب شرقي” ل به‌غدا، 44 كه‌س هانه كوشتن و 70 كه‌س ژى بريندار بوون”.
ژێده‌ره‌كى ژ كۆمپانيا په‌ترۆلا كه‌ركووك ئاماژه ب وێ چه‌ندێ كر كو ژ ئه‌گه‌رێ مه‌ترسيا هێرشا داعش كۆمپانيا په‌ترۆلا كه‌ركووك كارێن خوه راوه‌ستاند.
ژێده‌ره‌كى ژ كۆمپانيا په‌ترۆلا كه‌ركووك ئه‌ڤرۆ 2015.1.30 د داخۆيانيه‌كێ دا بۆ باسنيوز راگه‌هاند كۆمپانيا په‌ترۆلا كه‌ركووك ب مه‌ره‌ما پاراستنا گيانێ وه‌لاتيان كارێ كۆمپانيێ راگرت ژ چه‌كدارێن داعش، چونكو ده‌ما شه‌ر ل مه‌لا عه‌بدولا نێزيك بوويى، مه‌ترسيا ته‌قاندنا كۆمپانيێ هه‌بوو، ژ به‌ر هندێ ژى كۆمپانيێ كارێن خوه راوه‌ستاندن.
دا زانين ژى هه‌كه داعش موشه‌كه‌كێ ل بۆريه‌كا په‌ترۆلێ بده‌ت و يا پێكرى بيت كێشه‌يه، به‌لێ هه‌كه يا گرتى بيت كێشه نينه و دێ زوو چاره بيت.
ئه‌ڤرۆ نيوز:
په‌قينه‌ك ل گۆنده‌كێ جه‌له‌ولا روودا و ب گۆره‌يى ئامارێن ده‌سپێكى هژماره‌كا پێشمه‌رگان شه‌هيد بوون.
ژێده‌ره‌كێ ئاگه‌هدار بۆ خه‌ندان راگه‌هاند: به‌رى نوكه ل ده‌ڤه‌را جه‌له‌ولا ل گوندێ چاغاتا سه‌ر ب ناحيا جه‌له‌ولا ته‌قينه‌ك روودا.
ئه‌ڤى ژێده‌رى گۆت: “هه‌تا نوكه نه‌هاتيه زانين كا ئه‌و ته‌قين خوه‌كوژى بوويه يانژى بۆمبه‌كا چاندى”.
گۆتژى: “ب گۆره‌يى ئامارێن سه‌ره‌كى هژماره‌كا پێشمه‌رگه‌يى شه‌هيدبووينه كو ئێك ژ وان موقده‌مه و بريندار ژى يێن هه‌ين”.
ژێده‌رى ئاماژه ب وێ چه‌ندێ ژى كر كو نوكه بريندار بۆ نه‌خۆشخانا كه‌لار و سلێمانيێ هاتينه ڤه‌گوهاستن.
ئه‌ڤرۆ نيوز:
ده‌سته‌يا ده‌سپاكيا هه‌رێما كوردستانێ راگه‌هاند كو رۆژا سێشه‌مبى رێكه‌فتى 2015.1.27 وه‌زاره‌تا باژێرڤانى و گه‌شتوگۆزار 503 فۆرمێن پڕكرنا سامانى بۆ ده‌سته‌يێ ڤه‌گه‌راندن.
ئاشكه‌را ژى كريه كو د ناڤ وان فۆرمان دا، 259 يێن رێڤه‌به‌رێ گشتيێ باژێرڤانيا دهۆك و سه‌رۆك و ئه‌ندامێن جڤاتا باژێرڤانيێ بوون و سه‌رۆكاتيا باژێرڤانيا دهۆك ژى 14 فۆرم ڤه‌گه‌راندينه.
نيشاندان