ئه‌ڤرۆ نیوز:
هه‌لبژارتنا سێپ بلاتەر ب سه‌رۆكێ فیفا بۆ جارا پێنجێ ل سه‌ر ئێك، گه‌له‌ك نه‌رازیبوون په‌یداكرن و هه‌ر ئێكێ ئاخافتنه‌ك كریه، ژ ڤى ئالیڤه، گارى نیڤلى ئه‌فسانێ یانا مانچستەر یونایتد رێیه‌ك دانایه بۆ هه‌رفاندنا ده‌ستهه‌لاتا پلاته‌رى كو ئه‌گه‌ر مێسى و رونالدو پشكداریێ د موندیالا 2018 دا نه‌كه‌ن ل رووسیا، دێ گورزه‌كا مه‌زن ب پلاته‌ر كه‌ڤیت و ڤێ رێكێ ب تنێ رێك بۆ نه‌هێلانا گه‌نده‌لیێن فیفا وه‌سف دكه‌ت.
ئه‌ڤرۆ نیوز:
ئه‌ڤرۆ بیڤه‌له‌رزه‌ك ب پیڤه‌رێ 8.5 پلا رێخته‌ر ل باشوورێ توكیو یا پایته‌ختێ یابانێ دا و ژ ئه‌گه‌رێ وێ ترسا دروستبوونا تسونامى به‌لاڤ بوو.
ل دووڤ ئاژانسا رووپیڤیا جیولوجى، بیڤه‌له‌رز نێزیك ل گزیرتا ئوگاساوار روودایه و ل دووڤ ئاژانسێن ده‌نگوباسێن یابانى گه‌له‌ك ئاڤاهى یێن هه‌رفتى، به‌لێ هێشتا زیانێن گیانى نه‌هاتینه زانین.
ئەڤرۆ نیوز، بارزان سلێمان مزووری:
فەرماندێ فەرماندەیا “سپیلک” ل میحوەرێ تلسقوف راگه‌هاند کو ئەو دەستکەفتێن نھا پێشمەرگەی ب دەست خوه ڤە ئینائین ب پلانێن سەرۆک بارزانی نە، لەوما پێشمەرگە چاڤەرێ ھەر بریارەکا وى يه.
ب دووراتيا 1800 مه‌تران ژ چه‌كدارێن داعش و ل ميحوه‌رێ تلسقوف، تارق سلێمان ھەرنی، فەرماندێ فەرماندەیا “سپیلک” بۆ ئەڤرو نیوز ته‌كست ل سه‌ر وێ چه‌ندێ كر كو وره‌يا پێشمه‌رگه‌يى گه‌له‌ك يا بلنده و ب ره‌نگه‌كێ گه‌له‌ك باش به‌رسڤا هه‌ر هێرشه‌كا چه‌كدارێن داعش دده‌ن.
دا زانين ژى كو داعش وه‌كو به‌رێ نه‌مايه و گۆت: “هه‌ر مه‌فره‌زه‌كا وان يا خوه نێزيكى پێشمه‌رگه‌يى دكه‌ت، ب ره‌نگه‌كێ گه‌له‌ك به‌رچاڤ شكه‌ستنێ دخوه‌ت و ب چه‌كێ گران به‌رسڤ لێ دهێته دان، زيانێن مه‌زن ژى دگه‌هنێ”.
خه‌لكێ هه‌رێما كوردستانێ و جيهانێ پشت راست كر كو ئه‌و پێشكه‌فتنا به‌رى نوكه ل ده‌ڤه‌رێن مادێ 140 داعش ب ده‌ست ڤه ئينايى، دووباره نابيت و ئێدى ناهێلن چو پێشڤه‌چوونا ل ده‌ڤه‌رێن كوردى بكه‌ن.
فەرماندێ فەرماندەیا “سپیلک” گۆتژى: “ئەم چاڤەرێ فه‌رمانا جەنابێ سەرۆک بارزانی، فەرماندێ ھێزێن چەکدار ل هه‌رێما كوردستانێ دكه‌ين، هه‌ر ده‌ما بڕيارا وى هات، هه‌كه خوه ب چ ره‌نگ بيت و بۆ چو مه‌ره‌م بيت دێ بجهـ ئينين، چونكو ئه‌و ده‌سكه‌فتێن پێشمه‌رگه‌يى ب ده‌ست ڤه ئيناين، ژ ئه‌گه‌رێ پلانێن سه‌ركه‌فتى يێن جه‌نابێ سه‌رۆك بارزانى بووينه”.
ب گۆره‌يى ئه‌و زانياريێن تارق سلێمان هه‌رنى به‌حس لێ دكه‌ت پشتى كونترۆلكرنا تلسقوف ژ لايێ هێزێن پێشمه‌رگه‌يى ڤه، هه‌تا نوكه زێده‌ترى 300 كه‌سان وه‌كو خوبه‌خش ل گه‌ل هێزێن پێشمه‌رگه‌يى د ئاماده باشيێ دا نه بۆ هه‌ر بڕياره‌كا بۆ ڤى ميحوه‌رى بچيت.
ده‌رباره‌يى پشته‌ڤانيا هه‌ڤپه‌يمانان ژى گۆت: “هه‌ر ده‌ما بزانن داعش هاتنوچوونێ دكه‌ت، فرۆكێن شه‌رى يێن هه‌ڤپه‌يمانان ئاگه‌هدار دكه‌ن و ئه‌و ژى ب دژوارى وان ده‌ڤه‌ران بۆردومان دكه‌ن”.
ل دۆر چه‌كێ نوكه د ناڤ ده‌ستێ وان ژى دا، دا زانين كو وه‌لاتێن هه‌ڤپه‌يمان نوكه ئه‌و چه‌ك ب پێشمه‌رگه‌يى دايه كو دژى ترۆمبێل و هه‌مه‌ران ب كار بينن.
هه‌رنى نه‌ڤه‌شارت ژى كو خه‌لكێ ده‌ڤه‌رێن بن ده‌ستێ وان ب كورد و عه‌ره‌ب و مه‌سيحى و كوردێن ئێزدى ڤه گه‌له‌ك هاريكاريا وان دكه‌ن و ب تايبه‌ت ژى ژ لايێ جۆگرافيا ده‌ڤه‌رێ ڤه
نوكه ب گۆره‌يى ئه‌و پێزانينێن هه‌ين، چه‌كدارێن داعش خه‌لكێ وان گوندێن ده‌وروبه‌ران ڤه‌گوهاستينه ناڤ تلكێف دا كو ژ هێرشێن فرۆكه و تۆپباران پێشمه‌رگه‌يى د پاراستى بن.
ئه‌ڤرۆ نیوز، هه‌ژار مه‌عروف
پشتى وه‌رزێ 2014-2015 یێ خولا نایاب و پله ئێك یا ته‌پا پێى ل كوردستانێ ب دووماهى هاتى، ئه‌ڤرۆ ل باره‌گایێ ئێكه‌تیا ناوه‌ندی یا ته‌پا پێى ل كوردستانێ، باشترین یاریكه‌ر هاته هه‌لبژارتن و یاریكه‌ر هاوكار له‌تیف ژ یانا نه‌ورز بۆ باشترین یاریكه‌رێ خولا نایاب یا كوردستانێ، هه‌روه‌سا ئیسماعیل ئه‌حمه‌د بۆ باشترین گولچى كو كولچیێ یانا نه‌وروز بوو و عبدالقادر ژ برایه‌تى بۆ گولكه‌رێ خولێ.
هه‌روه‌سا ژ خولا پله ئێك شالاو عه‌باس ژ یانا سیروانى نوێ بۆ باشترین یاریكه‌ر.
ئه‌ڤرۆ نيوز:
د ڤى ئيفوگرافيكى دا ديار دبيت كار هه‌ر وه‌لاته‌كێ ل جيهانێ دێ چه‌ند ده‌مژمێران يێ ب رۆژى بيت و وه‌لاتێ دێ پترترين ده‌مژمێران يێ ب روژى بيت وه‌لاتێن نه‌رويژ و ئاسله‌ندانه و كێمترين ده‌مێ رۆژيگرتنێ ژى دێ ل وه‌لاتێ ئه‌ژه‌نتين بيت.
هه‌ر ب گۆره‌يى ڤى ئينفوگرافيكى وه‌لات ل سه‌ر چار ئاستان هاتينه دابه‌شكرن و وه‌لاتێ عيراقێ و هه‌رێما كوردستانێ ژى دێ ژ وان وه‌لاتان بيت يێن هه‌تا راده‌كى ماوه‌كێ درێژ كو ب ئاستێ سيێ هاتيه ناڤكرن ئه‌و ژى 15 ده‌مژمێرێن د رۆژێ دا.
ئه‌ڤرۆ نيوز:
حاكمێ مه‌ده‌نى يێ به‌رێ يێ ئه‌مريكا ل عيراقێ، به‌رپرساتيا روودان و كاره‌ساتێن نوكه يێن عيراقێ، دئێخيته ستوويێ ئوبامايى و دبێژيت: “ئه‌وا نوكه هه‌يى، ده‌رئه‌نجامێ بڕيارا ڤه‌كێشانا هێزێن ئه‌مريكايه”.
پۆل بريمه‌ر، حاكمێ مه‌ده‌نى يێ به‌رێ يێ ئه‌مريكا ل عيراقێ، د ديداره‌كێ دا ل گه‌ل تۆڕا ده‌نگوباسێن CNN به‌رپرساتيا روودان و كاره‌ساتێن نوكه يێن عيراقێ خستنه ستوويێ باراك ئوبامايێ سه‌رۆكێ ئه‌مريكا و ته‌كست ل وێ چه‌دێ ژى كر كو ئه‌ڤا روو دده‌ت بڕيارا ڤه‌كێشانا هێزێن ئه‌مريكايه ل عيراقێ، بۆ رزگاربوونێ ژ وێ قه‌يرانێ ژى سێ پێشنياز كريه كو ئه‌و ژى به‌رفره‌هكرنا بزاڤێن ئه‌سمانى دژى چه‌كدارێن داعش و هه‌بوونا هێزێن هشكاتيێ ل سه‌ر ئه‌ردى بۆ ئاراسته‌كرنا بزاڤێن ئه‌سمانى، د پێشنيازا سيێ دا داخواز دكه‌ت چه‌كى بده‌ته كوردان و عه‌شيره‌تێن هێزێن سونى يێن عيراقێ.
ده‌رباره‌يى بڕيارا ژناڤبرنا سۆپايێ به‌رێ يێ عيراقێ ل سه‌ر ده‌ستێ بريمه‌ر، ناڤبرى راگه‌هاند ژى رێكخراوا قاعيده ژ لايێ ئه‌وى سۆپايێ عيراقێ هاته تێكشكاندن ئه‌وێ ژ لايێ هێزێن ئه‌مريكى ڤه هاتيه مه‌شقكرن هه‌ر ژ به‌ر هندێ ل سالا 2009 قاعيده ل عيراقێ ب دووماهى هات.
ئەڤرۆ نیۆز، قائید میرۆ:
شەڤا بوری ل سەنتەرێ باژێڕێ باشیکێ فڕۆکەیێن ھەڤەپمانان دو ھێرش کرنە سەر بنگەھێن گرۆپا تیرۆرستیا داعش و فەرماندەکێ پێشمەرگەی ژی دبێژیت، ژماره‌كا چەکدارێن داعش ھاتینە کوشتن.
بەھرام عریف یاسین، فەرماندێ پێشمەرگەی ل میحوەرێ باشیک بۆ ئەڤرۆ نیۆز گۆت: “پشتی داعش دەست ب لڤینێ کری، شەڤا بۆری فڕۆکەیێن ھەڤپەیمانان دو ھێرش کرنە سەر بنگەهـ و بارەگایێن وان ڤه و زیانێن مەزن گەھاندیە چەکدارێن داعش”.
بەھرام گۆتژی” ھەردو ھێرشێن فڕۆکەیێن ھەڤپەیمانان بۆ سەر ناڤەندا باژێڕێ باشیکێ بووینە و ب گورەيی زانیاریێن گەھشتینە ھێزێن پێشمەرگەی ژبلی تێکدانا بنگەھێن داعش ھەشت چەکدارێن وان ژی ب ڤێ ئەگەرێ ھاتینە کوشتن”.
نيشاندان