ئه‌ڤرۆ نیوز:
وه‌زاره‌تا بارزگارنى و پیشه‌سازى ب نڤیساره‌كا فه‌رمانى بریارا هه‌لوه‌شاندنا موله‌تا كاركرنێ بۆ 116 كارگه‌هان ل دهۆكێ، 77 كارگه‌هان ل هه‌ولێرێ و 8 كارگه‌هان ل سلێمانیێ ده‌ركریه، و ئه‌گه‌رێ وێ ژى ڤه‌گه‌راندى یه بۆ وێ چه‌ندێ كو ئه‌و كارگه‌ه پابه‌ندى رێنمایى نه‌بوویه و ئه‌گه‌ره‌كى دى، ئه‌و كارگه‌ه بۆ وێ مه‌ره‌مێ نه‌هاتینه ڤه‌كرن كو موله‌ت پێ وه‌رگرتى، به‌لكو یێن كرینه پێشانگه‌ه و مه‌خزه‌ن و دوكان.
ئه‌ڤرۆ نیوز:
ئه‌سیل نوجێفى پارێزگارێ نه‌ینه‌وا سه‌باره‌ت بریارا دوورخستنا وى ژ ئالیێ په‌رله‌مانێ عیراقێ ڤه، ل باژێرێ هه‌ولێرێ كونگره‌كێ رۆژنامه‌ڤانى سازكر و گۆت: ئه‌گه‌رێ دوورخستنا من ئه‌و بوویه كو به‌رده‌وام من به‌حسێ میلیشیاتێن شیعه ل عیراقێ كریه و نوكه دووپات دكه‌م كو ئه‌و هێزه نه یا قانوونى یه و ده‌رڤه‌ى سیسته‌مێ ده‌وله‌تێ یه.
ئه‌ڤرۆ نیوز:
عەبدولوەهاب عەلی په‌رله‌مانتارێ عیراقێ ل فراكسیونا پارتى دیموكراتى كوردستان دیاركر : لادانا نوجێفى ب ده‌نگێن په‌رله‌مانتاران ده‌ستپێكه‌كا ب ترسه، ژبه‌ر كو نابیت هه‌ر جارا سه‌رۆك وه‌زیران 50 ئیمزا بهێنه كومكرن، داخوازا لادانا پارێزگه‌ره‌كێ بكه، پێدڤیبوو دوورخستنا نوجێفى ل جڤاتا پارێزگه‌هێ با نه ل په‌رله‌مانێ عیراقێ.
عەبدولوەهاب عەلی گۆت: كوردان گه‌له‌ك ده‌م ده‌رباز كر هه‌تا كو ل گه‌ل نوجێفى لێكتێگه‌هشتى، ژبه‌ر كو نوجێفى ل ده‌ستپێكێ دژایه‌تیه‌كا زور یا كوردان كر، له‌وما ئه‌م نزانین به‌دیلێ نوجێفى دێ كى بیت، له‌وما دوورخستنا نوجێفى د به‌رژه‌وه‌ندا كوردان دا نه‌بوو، به‌لێ ل په‌رله‌مانێ عیراقێ ده‌نگێن كوردان هند نه‌بوون كو ببیته رێگر كو نوجێفى نه‌هێته لادان.
ئه‌ڤرۆ نیوز:
پشتى نیڤرۆیا ئه‌ڤرۆ په‌رله‌مانێ عیراقێ ب پرانیا ره‌ها، ده‌نگ ل سه‌ر لادانا ئه‌سێل نوجه‌یفى پارێزگه‌رێ نه‌ینه‌وا دا.
په‌رله‌مانێ عیراقێ ب سه‌رجه‌مێ ده‌نگێن 169 په‌رله‌مانتاران ده‌نگ ل سه‌ر دوورخستنا ئه‌سیل نوجێفى پارێزگارێ نه‌ینه‌وا ل پوستى وى دا.
هه‌ر ئه‌ڤرۆ ل په‌رله‌مانى ل سه‌ر پرسا دوورخستنا پارێزگه‌رێ نه‌ینه‌وا ل پوستى وى، شه‌ره ئاخافتن د ناڤبه‌را دو په‌رله‌مانتارێن ئیئتیلافا عه‌ره‌بى و هه‌ڤپه‌یمانیا هێزێن نیشتیمانى دروست بوو.
نيشاندان