ئه‌ڤرۆ نیوز:
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
بینیتێز ده‌ست ژ كارێ خوه به‌ردا
ڤیدیو: 100 سال ژ جوانیا كچێن هندى
ب ڤى ره‌نگى ناڤێ وى چوو د په‌رتوكا گینس دا
هه‌كه ده‌رباز نه‌بيته ليگا ئێك دێ مانا وێ كه‌ڤيته د مه‌ترسيێ دا
ئه‌ڤرۆ نيوز، نيوار محه‌مه‌د سه‌ليم:
يانا دالكورد هه‌لگرا ئالايێ پيرۆزێ كوردستانێ ل هه‌موو كيشوه‌رێ ئورۆپا كاروانێ وه‌رزه‌كێ نوو يێ خولا پله ئێك يا سويدى ده‌سپێكر و ب هيڤى يه، پشتى پێنج سالان ژ مانا خوه دێ وێ خولێ دا، ل سالا شه‌شێ گرێيا كوور ڤه‌كه‌ت و سه‌ركه‌ڤيته خولا نايابا سويد كو ب “سوپێرێتان” يا به‌رنياسىه و ئێكه پله دمينيت بۆ خولا سوپه‌ر “ئالسڤێنيسكان” كو خولا هه‌ره باشا وى وه‌لاتى يه.
يانا دالكورد يا سويدى د كاسا سويد و خولا پله ئێك يا سويد كۆما باكووريا پشكداره. ل سالا 2014ێ ل باژێرێ بۆرله‌ينگێ يێ هه‌رێما دالارنا يێ سويد ژ لايێ ره‌مه‌زان كزيل و ئليڤان چيچه‌ن و چه‌ند كورده‌كێن دى يێن خوجهيێن سويد هاتيه دامه‌زراندن و ل خولا پله شه‌ش ده‌ست ب هه‌ڤركيان كريه و هه‌موو پلێن دو هه‌تا شه‌ش ب پلا ئێكێ و ب جوداهيه‌كا مه‌زن يا خال و گۆلان سه‌ركه‌فتيه، به‌لێ ماوێ پێنج وه‌رزايه ل خولا پله ئێك يا سويدى مايه، هه‌ر چه‌نده دو سالێن بۆرى پلا دويێ و سيێ ب ده‌ست ڤه ئينا، به‌لێ د ياريا ئێكلاكه‌ر دا و ب جوداهيا خالان نه‌شيا بگه‌هيته خولا ناياب.
هه‌رژين عوسمان نوونه‌رێ تيما دالكورد ل هه‌رێما كوردستانێ بۆ ئه‌ڤرۆ گۆت: “به‌رى نوكه و ژ ئه‌گه‌رێ به‌رده‌واميا خولا نايابا كوردستانێ و خولا عيراقێ نه‌شياينه چو ياريكه‌رێن كورد يێن هه‌رێما كوردستانێ ببه‌نه ناڤ رێزێن خوه”.
د ڤى وه‌رزى دا، دالكورد ئاسته‌كێ نمونه‌يى پێشكێش كريه و ژ سه‌رجه‌مێ حه‌فت ياريان شه‌ش سه‌ركه‌فتن و وه‌كهه‌ڤيه‌ك تۆمار كرينه و چو ياريان خوساره‌ت نه‌بوويه، نوكه ب جوداهيا پێنج خالان ل به‌ر نێزيكترين هه‌ڤركا خوه‌يه ل سه‌رێ ليستا خولێ.
هه‌رژين دبێژيت: “ئه‌ڤ ساله دالكورد هه‌موو بزاڤێن خوه خستينه كار كو بگه‌هيته خولا سوپێرێتان، چونكو هه‌كه د ڤى وه‌رزى دا نه‌شێن وێ چه‌ندێ بكه‌ت، هه‌تا چه‌ند سالێن دى، هه‌ڤركيێ ناكه‌ن و ب تنێ دێ وه‌كو پشكداريه‌كا ئاسايى د خولێ دا مينن”.
ده‌رباره‌يى بزاڤێن وى وه‌كو نوونه‌رێ يانێ ل هه‌رێما كوردستانێ دا زانين كو بزاڤ كريه ل گه‌ل به‌رپرسێن حوكمه‌ت و په‌رله‌مان و ده‌زگه‌هێن وه‌رزشى ب روونن و لێك نێزيكبوونه‌كێ دروست بكه‌ن، به‌لێ ل دووڤ داخوازيا وان نه‌هاتينه و جهێ هيڤيا وان نينن و دبێژيت: “ئه‌و هێشتا گرنگى و مه‌زناهيا دالكورد نزانن و ئاگه‌هدارى وێ خزمه‌تێ نينن يان دالكورد بۆ دوزا كوردى دكه‌ت وه‌كو هه‌لويست و پشتگيرى ل كورد و كوردستانێ كو چه‌ندين جاران چوويه به‌ر سزادانێ و ب زۆرى ژێ رزگار بوويه”.
هه‌رژين داخوازێ ژ كه‌ساتيێن سياسى و ئه‌ندام په‌رله‌مان و به‌رپرسێن وه‌رزشى و حكومى دكه‌ت كو ده‌ستێ هاريكاريێ بۆ دالكورد درێژ بكه‌ن، د ده‌ته زانين ژى كو ئه‌ركێ سه‌رمايه‌دار و خودان كۆمپانيێن كوردى يه ريكلامێن خوه د دالكورد دا به‌لاڤ بكه‌ن سپۆنسه‌ريا ئه‌وێ يانێ بكه‌ن، ب ديتنا وى ئه‌و يانه ده‌رگێ نياسينا وانه ب ئورۆپا.
ل دۆر ويستگه‌هێن دالكور ل پاشه‌رۆژێ ژى دده‌ته زانين كو دێ بزاڤێ كه‌ن پره‌كا په‌يوه‌نديێن ب هێز ل گه‌ل ئێكه‌تيا ته‌پا پێ ل كوردستانێ بۆ هه‌ڤكاريكرنا ئێكدو و مفا وه‌رگرتن ژ شيانێن ئێكدۆ بكه‌ن و دبێژيت: “د ئاماده‌ينه خولێن بهێزركنا راهێنه‌ران و دادڤانان مێڤانداريا وان بكه‌ين و باشترين راهێنه‌ر و دادڤانێن سويد بينينه سه‌ر هێلێ بۆ خزمه‌تكرنا وه‌رزشا كوردستانێ”.
ئەڤرۆ رۆژا وەغەرکرنا دو ھونەرمەندێن مەزنن
ئەڤرۆنیۆز، سالار دۆسکی:
رۆژەکا وەک ئەڤرۆ ھەر دو ھونەرمەندێ مەزنێ کورد (تەحسین تاھا) ل نەخوشخانەکێ ل وەلاتێ ئەلمانیا وەغەرا دووماھیێ کر و ل دووڤ دا د رێورەسمەکێ ژ ھەژی دا رێکەفتی ٤-٦-١٩٩٥ ل گورستانا باژێرێ ئامێدیێ ھاتە ڤەشارتن، دیسان ھونەرمەند عەبدولا زێرین ھەمان رۆژ ٢٨-٥ ل باژێرێ دھۆکێ وەغەرکریە و گورستانا شاخکێ ھاتیە ڤەشارتن
تەحسین تاھا دەنگێ سترانا کوردی یا ھەڤچەر کو ب درێژاھی یا ژیێ خوە ب سەدان سترانێن نشتیمانی و نەتەوەیی گۆتینە و دیسان چەندین روودان و داستانێن پێشمەرگەی کرینە ستران و گۆتینە، لەوما ھەر سال ل ڤێَ رۆژێ مللەتێ کورد ھەموو قەردارێ دەنگ و سترانا وی یە و ژبیرناکەت و ڤێ بیرھاتنێ ب چەندین بزاڤان ساخ دکەت، رێڤەبەریا ھونەرێ مۆزیکێ ب ھەفکاری ل گەل رێڤەبەریا رەوشەنبیری ل ئامێدیێ ژڤانە ب چەندین چالاکیێن جودا جودا ڤێ بیرھاتنێ رێکەفتی ٤-٦ کو روژا ڤەشارتا ھونەرمەند تەحسین تاھایە ساخ بکەت، دیسان ھەمان ھەلکەفت ٢٨-٥ ژڤانە ئەڤرۆ سەندیکا ھونەرمەندێن کوردستانێ لقێ دھۆک رێزگرتن بۆ گیانێ ھەر دو ھونەرمەندان ماوەکی سترانێن ھەر دو ھونەرمەندان دابەزینت و دیسان ب ھەمان ھەلکەفت وێن ھەر دو ھونەرمەندان دێ ھەلاویست.
ره‌وشا زێر و زيڤى ل بازارێن دهۆكێ
ره‌وشا دراڤى ل بازارێن دهۆكێ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى گۆلانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1333 |
| 1 يۆرۆيێ ئه‌ورۆپى | 1460 |
| 1 ليرێ توركى | 510 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
كۆمبوونه‌كا چه‌كدارێن داعش هاته ژناڤبرن
ئه‌ڤرۆ نيوز:
فه‌رماندا زێره‌ڤانى راگه‌هاند د درێژاهيا ئۆپه‌رسيۆنێن خوه دا ل جهێن له‌شكرى بۆ ژناڤبرنا تيرۆرستێن داعش، ب هه‌ماهه‌نگيا ل گه‌ل فه‌رمانده‌يا پێشمه‌رگێ زێره‌ڤانى، ئه‌ڤرۆ رۆژا پێنجشه‌مبى 28ى گۆلانا 2015ێ ل ده‌مژمێر 1:00 نيڤرۆ فرۆكێن شه‌ركه‌ر يێن سۆپايێ هه‌ڤپه‌يمانان بۆردومانا چه‌ند ئارمانجێن له‌شكرى يێن تيرۆرستى يێن داعش ل بلنداهيێن بادوش كر.
موقه‌دم دلشاد مه‌ولود، به‌رپرسێ راگه‌هاندنا فه‌رماندا پێشمه‌رگه‌يێ زێره‌ڤانى بۆ ئه‌ڤرۆ نيوز گۆت: “ل سه‌ر بنه‌مايێ هوور يێ هه‌والگه‌رى يێن فه‌رمانده‌يا پێشمه‌رگێ زێره‌ڤانى، كۆمبوونه‌كا تيرۆرستێن داعش و ترۆمبێله‌كا دوشك ل سه‌ر دانايى، ل بلنداهيێن بادوش ئه‌ڤ جهه بوردومان كر و هه‌موو ئه‌و كه‌سێن د ناڤ كۆمبوونێ دا هاتنه كوشتن و ترۆمبێل ژى هاته ژناڤبرن”.
زێده‌تر گۆت: “دا زانين ژى ل سنورێ رۆژهه‌لا و رۆژئاڤايێ ديجله فرۆكێن شه‌ركه‌رێن هه‌ڤپه‌يمانان ئوپه‌راسيۆنێن له‌شكرى ل سه‌ر بنه‌مايێ پێزانينێن هوور يێن هه‌والگه‌ريا فه‌رمانده‌يا زێره‌ڤانى ئه‌نجام داينه و د ماوێ دو حه‌فتيێن بۆرى دا، ژ ئه‌گه‌رێ ئه‌وان بوردومانا شيايه هه‌ر بزاڤه‌كا تيرۆرستێن داعش بكه‌نه ئامانج و پيلانێن وان ژ ناڤ ببه‌ن”.
90% ژ وه‌لاتيێن زومار ڤه‌گه‌رياينه سه‌ر جهێ خوه
نيشاندان
WP Facebook Auto Publish Powered By : XYZScripts.com