ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.1.28 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1225 |
| 1 يۆرۆيێ ئه‌ورۆپى | 1380 |
| 1 ليرێ توركى | 520 |
ره‌وشا دراڤى ل بازارێن دهۆكێ
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سهرهكى Twitter
سوبە دێ نڤیسینگەھێن پۆستەی بنە ئەلکترۆنی
سبە دێ نڤیسینگەھێن پۆستەی لسەرانسەری کوردستانێ ببیتە سیستەمێ ئەلکترۆنی و ھەموو نڤیسینگەە ب رێیا ئەلکترۆنی ب رێیا ئەلکرۆنی و کۆمپیۆتەرێ پێکڤە ھێنە گرێدان.
رەسول سالح، رێڤەبەرێ راگەھاندنا وەزارەتا گەھاندن و ڤەگوھاستنێ بۆ ئەڤرۆ نیۆز دیارکر، بڕیارە سبە نڤیسینگەھێن پۆستەی لسەرانسەری کوردستانێ ببنە ئەلکترۆنی و سیستەمێ بەرێ یێ پۆستەی نامینیت.
سالحی گۆتژی” سیستەمێ پۆستەی بەری نوکە یێ پاشکەفتی بوو، زۆر ئاریشە پەیدادبوون ل گەھاندنا پۆستەی، بەلێ ئەگەر ببیتە ئەلکترۆن و د ب رێیا ناڤ و نیشان و ئینتەرنێتێ ھێتە گرێدان و ئاریشەیێن بەرێ نامینن.
ئسپانيا 10 قه‌شه ب ده‌ستدرێژيا سكسى ل سه‌ر زارۆيان تۆمه‌تبار كرن
ئه‌ڤرۆ نيوز:
دادگه‌ها باژێرێ گه‌رناته يێ ئسپانى، تۆمه‌تا ده‌ستدرێژيا سكسى بۆ سه‌ر زارۆيان ژ لايێ 10 قه‌شێن كاسوليك و دو كارمه‌ندێن كه‌نيسێ يێن وى باژێرى كر.
ب گۆره‌يى نووچه‌يه‌كێ BBC دادگه‌ها باژێرێ گه‌رناته يێ ئسپانى تۆمه‌تا ده‌ستدرێژيا سكسى بۆ سه‌ر كچه‌كا زارۆ د ماوێ سالێن 2004 بۆ 2007 ئاراسته‌يى 10 قه‌شێن كاسوليك و دو كارمه‌ندێن كه‌نيسێ يێن وى باژێرى كر.
ئاراسته‌كرنا ڤان تۆمه‌تانه پشتى وێ چه‌ندێ دهێت ده‌ما پاپا فرانسيس پاپايێ ڤاتيكانێ ل چريا دويێ يا بۆرى په‌يوه‌ندى ب ئێك ژ وان قوربانيان كرى كو نوكه ته‌مه‌نێ وێ 14 ساله.
پاپايێ ڤاتيكانێ سه‌ره‌رايى داخوازا لێبۆرينێ ژ وێ قوربانيێ، ته‌كست كر كو چاڤنقاندنێ ل وان تۆمه‌تباران ناهێته كرن و دێ د ناڤ كه‌نيسێ دا ڤه‌كۆلين ل سه‌ر هێته كرن.
ئه‌ڤ داخوازا ڤه‌كۆلينێ و پاپايێ ڤاتيكانێ هات، پشتى ئه‌ڤێ كچێ نامه‌ك بۆ پاپايى هنارتى و روودان بۆ به‌حسكرى.
وه‌لاته‌كێ دژى گه‌شتێن خوه بۆ عيراقێ راوه‌ستاندن
ئه‌ڤرۆ نيوز:
پشتى راوه‌ستاندنا گه‌شتيێن هێلا ئاسمانى ئيماراتى فلاى دوبه‌يى، ژ لايێ وى وه‌لاتى ڤه ژ ئه‌نجامێ ته‌قه‌كرنێ ل ئه‌سمانێ عيراقێ، هێلا ئاسمانى يا ئوردنى ژى گه‌شتێن خوه ب ره‌نگه‌كێ به‌روه‌خت راوه‌ستاندن.
باسل گه‌يلانى هاريكارێ هێلا ئاسمانى يا شاهانه يا ئۆردنى د داخۆيانيه‌كا رۆژنامه‌ڤانى دا راگه‌هاند كو ژ پێناڤى پاراستنا گه‌شتياران ب ره‌نگه‌كێ ده‌مكى گه‌شتێن خوه يێن ئه‌سمانى بۆ به‌غدا راوه‌ستاندن هه‌تا ره‌وشا ئه‌منى يا ده‌وروبه‌رێن فرۆكخانا نێڤده‌وله‌تى يا به‌غدا ئارام دبيت.
باسل ئاماژه ب وێ چه‌ندێ ژى كر كو ئوردن 9 گه‌شت يێن بۆ به‌غدا و 9 ژى بۆ هه‌ولێر ئه‌نجام دده‌ت، پشتى داگيركرنا باژێرێ مووسل ژ لايێ چه‌كدارێن داعش گه‌شتێن وى باژێرى ژى هاتينه راوه‌ستاندن.
پشتى فلاى دوبه‌يى، وه‌زاره‌تا ده‌ره‌ڤه يا ئيماراتێ بالوێزخانا عيراقێ گازيكريه و نه‌ره‌حه‌تيا خوه و وه‌لاتێ خوه ل سه‌ر بابه‌تى ده‌ربڕيه و داخوازا ڤه‌كۆلينێ كريه. حوكمه‌تا وى وه‌لاتى ژى گه‌شتێن خوه بۆ عيراقێ بۆ ڤى ده‌مى راوه‌ستاندينه.
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ هه‌موو بيته ئه‌ور ل گه‌ل بارينا بارانێ هه‌ر ژ زوو.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ زێده‌بوونا فشارێن بلندێن ده‌ريا سۆر و ناڤه‌راست و پاشان ژى فشارێن نزمێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا پێنجشه‌مبى رێكه‌فتى 29\1\2015 ئه‌سمانێ دهۆكێ دێ هه‌موو ئه‌ور بيت ل گه‌ل بارانا بارينێ ل ده‌مێ زوو يێ سپێدێ.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ پيچه‌ك هێته خوار هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 14 بۆ 5 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ل سه‌ر خوه و ناڤه‌ندى بيت د ناڤبه‌را 5 بۆ 10 كلم د ده‌مژمێره‌كێ ماوێ ديتنێ ژى دێ 8 بۆ 10 كلم بيت.
پێشمه‌رگه‌يى هێرشه‌كا داعش تێكشكاند
ئه‌ڤرۆ نيوز:
ژێده‌ره‌كى ژ هێزێن پێشمه‌رگێ كوردستانێ بۆ ئه‌ڤرۆ نيوز راگه‌هاند كو ئه‌ڤرۆ سپێدێ چه‌كدارێن تيرۆرستێن داعش بزاڤ كرن هێرشێ بكه‌نه سه‌ر پێشمه‌رگه‌يى، به‌لێ هێشا وان هاته تێكشاندن.
عه‌قيد شوكرى ئيسماعيل ئێك ژ فه‌رماندارێن پێشمه‌رگێ كوردستانێ گۆت: “ئه‌ڤرۆ سپێدێ رێكه‌فتى 28\1\2015 ل ده‌مژمێر 5:45 ده‌قيقه چه‌كدارێن داعش د ڤيا هێرشێ بكه‌نه سه‌ر سه‌نگه‌رێن پێشمه‌رگێ ليوا چار ل گۆندێ خه‌رائيج و گۆندێ حه‌ردان، به‌لێ پێشمه‌رگێ قاره‌مانێ ليوا چار ب دژوارى به‌رسڤا وان دا”.
زێده‌تر گۆت: “د ئه‌نجاما ڤێ به‌رسڤدانا دژوار دا، 12 ته‌رمێن تيرۆرستێن داعش مانه ل سه‌نگه‌رێ شه‌رى، چه‌كه‌كێ زۆر ژى كه‌فتيه ده‌ست پێشمه‌رگه‌يى”.
ل دۆر زيانێن پێشمه‌رگه‌يى ژى ئه‌ڤى فه‌رماندارێ پێشمه‌رگێ كوردستانێ دا زانين كو پێشمه‌رگه هه‌موو ب سلامه‌تن و چو زيان نه‌گه‌هشتينێ.
ساجدا ریشاوی كیه؟ داعش داخوازا ئازادكرنا وێ دكه‌ت
پشتی چه‌ندین سال دیسان ناڤێ ساجدا ریشاوی هاته مه‌یدانی، كو نوكه رێكخراوا داعش داخوازا لێكگوهارتنا وێ ل گه‌ل ئێخسيرێ یابانی یێ ل ده‌ف وان كریه.
ساجدا ریشاوی، ژنه‌كه كو هه‌ولا خوه په‌قاندنێ ل گه‌ل هه‌ڤژينێ خوه حسێن شه‌مه‌رى دا ل سالا 2005 ل ئۆتێله‌كا ئوردنی ب ناڤێ راديسۆ كو هه‌ر ئێك ل كوژيه‌كێ خوه ب په‌قينيت، لێ ئه‌و ب سه‌ر نه‌كه‌ت و نه‌شیا قايشا خوه ب په‌قينيت، ده‌ما خه‌لك ژ ئۆتێلێ ره‌ڤين، ئه‌و ژى ل گه‌ل چوو ژ ده‌رڤه و خوه ڤه‌شارت بوو، پشتى چه‌نده‌كێ ژ لايێ پۆليسێن وى وه‌لاتى ڤه هاته ده‌سته‌سه‌ركرن.
رێكخراوا داعش وێ وه‌كو(خویشكا ئێخسير) ب ناڤ دكه‌ت و داخواز كریه كو وێ ب ئێخسيرێ یابانی یێ ب ناڤێ (كینجی توغو) بگوهوريت پشتی كو هه‌ڤالێ وی (هارونا یاكاوا) كوشتی.
ژ سالا 2005 ساجده ل ئوردنێ زیندانكریه و حوكمێ سێداره‌دانێ بۆ هاتیه دياركرن، به‌لێ هه‌تا نوكه نه‌هاتيه سێداره‌دان، هه‌ر چه‌نده حوكمه‌تا وى وه‌لاتى هنده‌ك كه‌سێن سزايێ سێداره‌دانێ بۆ ده‌ركه‌فيت پشتى وێ سێداره داينه.
ژ ئه‌نجامێ ئه‌و ته‌قينا هه‌ڤژينێ ساجيدايێ ل وى ده‌مێ ل ئۆتێلا راديسۆ يا ئوردنى 38 كه‌سان گيانێ خوه ژ ده‌ست دا بوو هژماره‌كا وه‌لاتيان ژى بريندار ببوون كو هه‌موو سڤيل بوون.
وەزارەتا پەترۆلا عیراقێ بۆ ئه‌ڤرۆ: ھناردەنەکرنا 550 ھزار بەرمیلێن پەترۆلێ ژ لایێ ھەرێمێ ڤە نە گرفتەکا سیاسی یە
ئەڤرۆ:
پەیڤدارێ وەزارەتا پەترۆلا عیراقێ د داخۆیانیەکێ دا بۆ ئەڤرۆ دیارکر ھەتا نوکە ھەرێما کوردستانێ تنێ 375 ھزار بەرمیلان رۆژانە ھناردە دکەت نەکو 550 ھزار بەرمیلان وەکو بریار ل سەر ھاتیە دان و دیارکر کو ئەڤ چەندە نە ژ ئەگەرێن تەکنیکی نە و چو ئاریشە د رێیا وێ ھە ڤتێگەھشتنەکا بەغدا و ھەولێرێ دا ل دۆر ڤی بابەتی نینن.
عاسم جیھاد پەیڤدارێ وەزارەتا پەترۆلا عیراقێ بۆ ئەڤرۆ گوت” نوکە پرۆسا ھنارتنا پەترۆلێ ژ ھەرێما کوردستانێ ب رێیا بەندەرێ جیھان یێ تورکی یا بەردەوامە و پتر ژ 375 ھزار بەرمیل رۆژانە ب رێیا ھەرێمێ دھێنە ھناردەکرن و وەزارەتا پەترۆلێ یا ب ئومێدە کو ئەو رێژە ل مەھا نیسانا بھێت زێدە ببیت و رۆژانە بگەھیتە د سەر 600 ھزار بەرمیلان دا”. ل دۆر وێ چەندێ ئایا نوکە ئاریشەک د وێ رێککەفتنا د ناڤبەرا ھەرێما کوردستانێ و بەغدا دا ھەیە ل دۆر ھنارتنا پەترۆلا ھەرێمێ ب رێیا کومپانیا (سۆمۆ) و ھنارتنا بودجا ھەرێمێ کو بریاربوو ھەر ژ دەستپێکا سالا 2015 بھێتە بجھئینان، ھەرچەندە وەکو ھوون دبێژن ھەرێم یا پێگیرە ب رێککەفتنێ و ئەو رێژەیا پەترۆلێ یا رێککەفتن ل سەر ھاتیە کرن ب رێیا سۆمۆ ھناردە دکەت.
عاسم جیھاد رەتکر ئاریشە د ناڤبەرا ھەرێمێ و بەغدا دا پەیدابووینە ل دۆر پرسا ھنارتنا پەترۆلێ ب رێیا سۆمۆ و گوت ئەو ھەڤتێگەھشتنە یا بەردەوامە و چو ئاریشە ژی پەیدا نەبووینە، لێ گوت” ئەو نە رێککەفتنا دووماھیێ بوو یا ھەموو ئاریشان د ناڤبەرا بەغدا و ھەرێمێ دا، بەلکو تنێ ھەڤتێگەھشتنەک بوو د ناڤبەرا ھەردو لایەنان دا بۆ پەسەندکرنا بودجێ و پاشی د قۆناغا د دووڤدا لیژنە بھێنە دروستکرن بۆ دانوستاندنێ ل دۆر ھەموو ئاریشێن ھەلاویستێ د ناڤبەرا بەغدایێ و ھەولێرێ”.
خۆیاکر ژی”ئەو رێژەیا بریار ل سەر ھاتیە دان کو ب رێیا (سۆمۆ) بھێتە ھناردەکرن کو 550 ھزار بەرمیل رۆژانە ژ (پەترۆلا کەرکووکێ و یا ھەرێما کوردستانێ) ، نوکە ھندەک ئاریشێن تەکنیکی پەیدابووینە لەوما 375 ھزار ب تنێ د ڤێ قۆناغێ دا دھێنە ھناردەکرن و ھندەک کارێن تەکنیکی یێن ھەین کو پێدڤیە بھێنە تمامکرن ھەتاکو رێژەیا ھناردەکرنێ بگەھیتە وێ رێژەیا بریار ل سەر ھاتیە دان ئەوژی رۆژانە 550 ھزار بەرمیلن و ئەڤ چەندە وەزیرێ پەترۆلا عیراقێ د کۆنگرەکێ رۆژنامەڤانی ژی دا دیارکریە”.
پەیڤدارێ وەزارەتا پەترۆلا عیراقێ ئاشکراکر ژی کو دووماھی رێژا ھناردەکرنا پەترۆلا عیراقێ یا گەھشتیە دو ملیۆن و 940 ھزار بەرمیل رۆژانە کو ل مەھا بۆری ھاتبوو تۆمارکرن و دوھی جڤاتا وەزیرێن عیراقێ د دانانا بودجێ 2015 دا خەملاندنا بھایێ بەرمیلا پەترۆلێ ژ 60 دۆلاران کریە 55 دۆلار و ئەڤ بھایێ نزم یێ پەترۆلێ کو ل جیھانێ ھەموویێ پەیدابوویە دێ کارتێکرنێ ل بودجا عیراقێ کەت ژ بەر کو جوداھی یا ھەی دەمێ داھاتی بۆ عیراقێ دھێت دەمێ ل سەر بنەمایێ 90 دۆلار ژ ھەر بەرمیلەکێ ب 40 دۆلاران، ھەر چەندە پێشبینی بۆ وێ چەندێ دچن کو بھایێ پەترۆلێ دێ بلندتر بیت د دەمەکێ نێزیک دا.
بيڤه‌له‌رزه‌كێ ل سلێمانيێ دا
ئه‌ڤرۆ نيوز
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ئه‌ڤرۆ سپێدێ بيڤه‌له‌رزه‌كێ ل پارێزگه‌ها سلێمانيێ دا بێى كو چو زيان هه‌بن.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د راگه‌هاندنه‌كێ دا كو دانه‌ك بۆ ئه‌ڤرۆ نيوز هنارتيه ئاشكه‌را كريه كو ئه‌ڤرۆ سپێدێ 28\1\2015 ده‌مژمێر 6:29:44 بيڤه‌له‌رزه‌كێ ب رێژا 3.5 ب گۆره‌يى پيڤه‌رێ ريخته‌ر ل سلێمانيێ دايه.
ئاماژه ب وێ چه‌ندێ ژى كريه كو ئه‌ڤ بيڤه‌له‌رزه ب كووراتيا 20 كيلۆمه‌تران بوو ژ سه‌نته‌رێ چيايێ ئه‌زمه‌ر و هه‌ست پێ هاتيه كرن بێى كو چو زيان هه‌بن.
ئەردۆگان: مە نەڤێت ھەرێمەکا دی یا کوردی ئاڤا ببیت
ئه‌ڤرۆ:
سەرۆک کۆمارێ تورکیا رەجەب تەیب ئەردۆگان بۆ دەزگەھێن راگەھاندنا تورکیا ئاخڤی و دیار کر کو ھێزێن جیھانی دخوازن ھەرێمەکا دی یا کوردی ل سووریێ ئاڤا بکەن، ئاڤاکرنا وێ ھەرێمێ دێ ئاریشێن مەزن بۆ تورکیا دروست کەت و مە بەری نھا ژی دیار کریە کو مە نەڤێت چو ھەرێمێن دی یێن کوردی ئاڤا ببن و نابیت سووریێ بھێتە پارچەکرن.
نيشاندان
WP Facebook Auto Publish Powered By : XYZScripts.com