ئه‌ڤرۆ نیوز:
وه‌زاره‌تا دارایى یا حوكمه‌تا هه‌رێما كوردستانێ، سوبه دێ ئێكشه‌مبى دێ مووچێ هه‌یڤا 11 یێ كارمه‌ندێن وه‌زاره‌تا ناڤخو به‌لاڤ كه‌ت.
ژێده‌ركێ ژ وه‌زاره‌تا دارایى و ئابوورى یا حكومه‌تا هه‌رێما كوردستانێ بۆ snn دیاركریه كو سوبه دێ مووچێ كارمه‌ند و فه‌رمانبه‌رێن وه‌زاره‌تا ناڤخو به‌لاڤ كه‌ن.
ئه‌ڤرۆ نیوز:
د حه‌فتیا 20 ژ خولا پله ئێك یا ئسپانیا ( لالیگا) یانا ریال مه‌درید ب ئه‌نجامێ دو گولان به‌رامبه‌ر گوله‌كێ ل سه‌ر یانا كوردوبا سه‌ركه‌فت.
گولا كوردوبوبا د گێمێ ئێكێ دا ژ ئالیێ نه‌بیل غیلال ل ده‌قا سیێ ڤه هاته توماركرن، به‌لێ ل ده‌قا 27 كه‌ریم بنزیمه گولا وه‌كهه‌ڤیێ بۆ ریال توماركر.
د گێمێ دوێ دا، كو یارى به‌ره‌ف دووماهیێ دچوو، ئالوزى كه‌ته یاریێ و د ئه‌نجامدا كریستیانو رۆنالدو ل ده‌قا 82 یێ ب كارتا سور هاته ده‌رێخستن، به‌لێ پاشێ په‌نه‌لتیه‌ك بۆ ریال ل ده‌قا 89 چێبوو و گارس به‌یل گولا دوێ و سه‌ركه‌فتێ بۆ ریال توماركر.
ئه‌ڤرۆ نیوز، هه‌ژار مه‌عروف:
د كومبوونا خوه یا ئه‌ڤرۆ دا ئێكه‌تیا ناڤه‌ندى یا ته‌پا پێ ل هه‌رێما كوردستانێ چه‌ندین بریار ده‌رێخستن و ژ وانا بریار دا 6/3/2015 ژڤانێ ده‌ستپێكرنا خولا پلا نایاب لسه‌ر ئاستێ لاوان كو بریار هاته دانێ كو یانێن پشكدار لسه‌ر دو كومان بهێنه به‌لاڤكرن.
ئێكه‌تیا ناڤه‌ندى د ڤێ كومبوونێ دا بریار دا هه‌ر 14 یانێن پشكدار لسه‌ر دو كومان بهێنه به‌لاڤكرن كو كوما ئێكێ پێكهاتیێ یه ژ لاوێن یانێن دهۆك، زێره‌ڤانى، زاخۆ، هه‌ولێر، پێشمه‌رگا هه‌ولێرێ، برایه‌تى، بروسك، هندرین كو د ڤێ كومێ دا سێ یانه سه‌ركه‌ڤن بۆ یاریێن دووماهیێ و یانه‌یه‌ك پاشڤه‌زفریته خولا پلا ئێك و كوما دوێ پێكهاتی یه ژ شه‌ش یانا ئه‌وژى شێروانه، پێشمه‌رگا سلێمانیێ، خانه‌قین، هه‌له‌بچه، نه‌وروز و سلێمانیێ كو دڤێ كومێ دا دو یانا سه‌ركه‌ڤن بۆ یاریێن قوناغا دووماهیێ و یانه‌یه‌ك پاشڤه‌زفریت.
هه‌ژى گوتنێ یه ئێكه‌تیا ناڤه‌ندى د كومبوونا ئه‌ڤرۆ دا ئه‌وژى دیاركرى یه ئه‌گه‌ر بودجا هه‌رێمێ هاته مه‌زاختن دبیت سیسته‌مێ خۆلێ وه‌كو سالێن دى ب رێڤه‌بچیت ئه‌گه‌ر ره‌وش ب ڤى ره‌نگى بیت ئه‌و نه‌چارن ئه‌ڤ ساله ب شێوه‌یێ دو كوم خولێ ب رێڤه‌به‌ن.
ئه‌ڤرۆ نیوز، ملله‌ت جه‌مال:
پشتى وان ئه‌نجامێن خراب یێن وه‌رزێ ئه‌ڤ ساله تیما ته‌پا پێى یا یانا ئارارات د خۆلا نایابا هه‌رێما كوردستانێ لبن سه‌رپه‌رشتیا راهێنه‌رێ خوه مزه‌فه‌ر جه‌بار ب ده‌ستخوڤه‌ئیناین كارگێریا یانا ئارارات ده‌ست ژ راهێنه‌رێ خوه به‌ردان.
ل دور ڤى بابه‌تى ژێده‌ره‌كى نێزیك ژ كارگێریا یانا ئارارات بو ئه‌ڤرۆ نیوز گوت: كارگێریا یانا ئارارات ب رازیبوون گه‌هشتنه رێككه‌فتنێ كو راهێنه‌رێ ناڤبرى ده‌ست ژ كارێ خوه به‌ردده‌ت پشتى ئه‌نجامێت خرابێت ئه‌ڤ ساله بو تیمێ توماركرین كو ددوماهیك یارى دا به‌رامبه‌ر برایه‌تى توشى خوساره‌تیێ ببوو.
ئه‌ڤرۆ نیوز، ملله‌ت جه‌مال:
یاریكه‌رێ تیما باسكت بۆلا یانا زاخۆ جه‌گه‌رخوین عه‌لى ژلایێ تیما باسكا كاره‌با یا به‌غدادى دهێته داخوازكرن بو كرنا یاریێ لگه‌ل تیما ناڤبرى د یاریێن مایى یێن خولا نایابا باسكت بۆلا عیراقێ دا.
ل دور ڤى بابه‌تى یاریكه‌رێ ناڤبرى بو مالپه‌رێ ئه‌ڤرۆ نیوز گوت: پشتى تیما مه خوه ڤه‌كێشاى ژ خولا نایابا باسكت بۆلا عیراقێ هه‌ر ئێكسه‌ر تیما كاره‌با په‌یوه‌ندى ب من كر كو یاریێ ل گه‌ل وان بكه‌م هه‌تا دووماهیا ڤى وه‌رزى.
ناڤبرى زێده‌تر گوت: هه‌تا نوكه من چو بریار نه‌داینه و هه‌تا ل گه‌ل كارگێریا یانا زاخۆ نه كوم بم چو بریاران ناده‌م.
ئه‌ڤرۆ نیوز، هه‌ژار مه‌عروف:
ده‌سته‌یا راهێنه‌ریا هه‌لبژارتیێ هه‌رێما كوردستانێ یێ ته‌پا پێ بۆ یاریا به‌رامبه‌ر هه‌لبژارتیێ هه‌رێما ئیرلاند ڤالین یێ ئیرله‌ندى چار یاریكه‌ر ژ یانا دهۆك داخوازى هه‌لبژارتیێ هه‌رێما كوردستانێ كرن، ئه‌وا بریاره 17/3/2015 ئه‌ڤ یاریا ل وه‌لاتێ ئیرله‌ندا بهێته‌كرن.
ژێده‌ره‌كێ نێزیك ژ هه‌لبژارتیێ هه‌رێما كوردستانێ د داخویانیه‌كێ دا بۆ مالپه‌رێ ئه‌ڤرۆ نیوز دیاركر ده‌سته‌یا راهێنه‌ریا هه‌لبژارتیێ كوردستانێ داخوازیا چار یاریكه‌رێن یانا دهۆك كرى یه بوو یاریا هه‌ڤالینى به‌رامبه‌ر هه‌لبژارتیێ هه‌رێما ئیرلاند ڤالین كو ئه‌و یاریكه‌ر ژى هه‌ر ئێك ژ كابتنێ یانێ خالد موشیر، به‌یار ئه‌بوبه‌كر، فه‌رهاد سه‌دیق و گولچیێ تیمێ زنار فه‌یزى.
ئه‌ڤرۆ نیۆز، بارزان سلێمان مزوورى
به‌رپرسێ لقا 14 ل مووسل و به‌رپرسێ میحوه‌رێ باشیك، عصمت ره‌جه‌ب، بۆ ئه‌ڤرۆ نیۆز دیار كر كو ئه‌ڤرۆ نێزیكترین كه‌سێ ئه‌بوبه‌كر به‌غدادى بناڤێ “سه‌لمان ئه‌بو خاصه ” د بوردومانێن فروكه‌یێن هاوپه‌یمانان ل ناڤ باژێرێ مووسل هاته كوشتن و ديسا ژماره‌كا چه‌كدارێن وان ل ناڤ مووسل ب بوردومانێن فروكه‌یا هاته كوشتن.
ناڤبرى دیار كر كۆ بوردومانكرنا باره‌گایێن داعش ل ناڤ مووسل به‌رده‌وامه.
ئه‌ڤرۆ نیوز:
ئه‌نجوومه‌نێ ئاسایشا هه‌رێما كوردستانێ د راگه‌هاندنه‌كێ دا كوشتنا ژماره‌كا سه‌ركرده و ئه‌میرێن داعش رادگه‌هینیت كو د چه‌ند رۆژێن بوورى دا، ژ ئه‌نجامێ هێرشێن هێزێن پێشمه‌رگه‌ى بۆ سه‌ر سنورێ مووسل هاتینه كوشتن.
ئه‌نجوومه‌نێ ئاسایشا هه‌رێما كوردستانێ د راگه‌هدنا خوه دا ئاماژه ب وێ یه‌كێ كریه كو ل گوندێ( حین جلاد) سێ به‌رپرسێن كه‌تیبێن تیرورستان ب ناڤێ (ابو تراب، ابو مروان، ابو زید) هاتینه كوشتن كو بۆ پشته‌ڤانیكرنا تیرورستان ژ مووسل هاتبوون.
هه‌روه‌سا صالح جاسم محمد فلاح السبعاوی یێ به‌رنیاس ب (ابو مالك) و ئێك ژ هه‌ڤكارێن وى ب ناڤێ (ابو حرب)ئه‌ڤرۆ بووینه ئارمانجا فرۆكێن هه‌ڤپه‌یمانان كو ئه‌ڤ دو تیرورسته بسپورێن دروستكرنا بومب و عبوان بوون.
هه‌روه‌سا ئه‌ڤرۆ ل میحوه‌رێ رۆژهه‌لاتا دیجله د چوارچوڤێ پێشره‌ویێن پێشمه‌رگه‌ى دا، ئه‌ڤ چوار ئه‌میرێن داعش ب ده‌ستێ پێشمه‌رگه‌ى هاتینه كوشتن.
1- ئەمیر (ابو عبیدە (عمار بیت)
2- ئەمیر (مشعان فواز صالح)
3- ئەمیر (عبداللە احمد محی الدین)
4- ئەمیر (عبدالمنعم حسین احمد)
ئه‌ڤرۆ نیوز:
رۆژنامه‌كا به‌ریتانى ئاماژه سه‌ركه‌فتنێن هێزێن پێشمه‌رگێ كوردستانێ ل نێزیك شنگال دكه‌ت و دبێژیت” پێشمه‌رگه‌ى مووسل یێ دورپێچ كرى”.
رۆژناما گاردیان به‌لاڤكریه: هێزێن پێشمه‌رگێ كوردستانێ شیاینه د ماوێ چه‌ند رۆژێن بوورى دا، نێزیكى 300 كیلومتران ل نێزیك شنگالێ ل رۆژئاڤایێ مووسل ژ چه‌كدارێن داعش پاقژ بكه‌ن.
نيشاندان