ئه‌ڤرو نیوز ، بارزان مزوورى
عصمت ره‌جه‌ب، به‌رپرسێ لقا 14 ل مووسل بو مالپه‌رێ ئه‌ڤرو نیوز ئاشكرا كر كو چه‌كدارێن تیرورستێن داعش پرسیارێن ئه‌زمونێن دوماهیكا سالیێ یێن قوتابیێن قوتابخانێن پارێزگه‌ها مووسل داناینه و ئه‌و پرسیارێن وان دانائین لدوڤ هزرا رێكخراوا خو دانائینه كو د به‌رژه‌وه‌ندا وان دابیت.
ناڤبرى دیار كر كو د وان پرسیارا دا نڤیسایه بو قوتابیان كو به‌حسێ جیهادێ كریه كو چاوا رێكخراوا داعش شه‌رى دكه‌ت ل دژى نه‌یارێن خوه.
ئه‌ڤرۆ نیوز:
مالپه‌رێ “یدیعوت أحرونوت” ئه‌ڤرۆ به‌لاڤكریه كو گه‌نجه‌كێ فره‌نسى یێ ته‌مه‌ن 33 سال، رێكه‌كا ب مه‌ترسى بكارئینا ب تنێ دا بگه‌هته گه‌شتا فرۆكخانێ پشتى كو زانى ژبه‌ر قه‌ره‌بالغیا جادێ ناگه‌هته كه‌شتا فرۆكێ.
مالپه‌رى دیاركریه كو ئه‌ڤ روودان روژا 5 شه‌مبى چێبوویه، ڤى گه‌نجى په‌یوه‌ندى ب ئیدارا فرۆكخانا پوردو كریه كو بومبه‌كا چاندى یا ل فرۆكخانێ هه‌ى، ئه‌ڤ چه‌نده ژى كریه ژبه‌ر ترسا وى كو نه‌گه‌هته گه‌شتا فرۆكخانێ ژبه‌ر كو رێك یا ب قه‌ره‌بالغ بوو و ده‌مێ فرینا فرۆكێ نێزیك ببوو، ب تنێ دا پیچه‌ك گه‌شت گیرو ببیت و بگه‌هته خوشتڤیا خوه كو د وێ فرۆكێ دا بوو.
مالپه‌رى دیاركریه كو ره‌نگه ئه‌ڤ گه‌نجه ژ به‌ر ڤێ دره‌وا وى كرى دو سالا بهێته دادگه‌هكرن و ب 30 هزار یورویا بهێته غه‌رامه‌كرن.
ئه‌ڤرۆ نيوز:
ئه‌ڤرۆ د رۆژا ئێكێ يا قاره‌مانيا رولان گرانس دا، پله‌دارا دويێ ل جيهانێ يا رۆمانى سيمونا هاليب گه‌هشته قووناغا دويێ ژ قاره‌مانيێ ته‌نسێ يا دهێته هژمارتن قاره‌مانيا دويێ ژ گراند يا ئاشتيێ پشتى سه‌ركه‌فتن ل سه‌ر يا رۆستى يڤگينيا رۆدينا تۆماركرى ب ئه‌نجامێ 5-7 و 4-6.
هاليب دێ ل قووناغا دويێ ياريێ ل گه‌ل يا كرواتى ميريانا لوسيتش- بارونى كه‌ت ئه‌وا سه‌ركه‌فتن ل سه‌ر يا ئه‌مريكى لورن ديڤيس تۆمار كرى 3-6، 6-3 و 3-6.
يارى بۆ يا رۆمانى ئێك ژ به‌ربژێرێن ناسناڤى نه‌يا ب ساناهى بوو ئه‌وا سێ جاران هنارتن ژ ده‌ست دايى، ئه‌وێ ب خوه ژى دانپێدان ب وێ چه‌ندێ كر كو يا دودل بوو د ياريا خوه يا ئێكێ دا.
هه‌ر ل قووناغا ئێكێ يا رۆسى ئيكاترينا ماكارۆڤا پله‌دارا نه‌هێ سه‌ركه‌فتن ل سه‌ر يا ئه‌مريكى لويزا تشيريكۆ تۆماركر ب ئه‌نجامێ 4-6 و 2-6 و يا ئسپانى گاريين موگورۆزا يا پله‌دارا 21ێ سه‌ركه‌فتن ل سه‌ر يا كراواتى بيترا مارتيتش تۆماركر ب ئه‌نجامێ 2-6 و 5-7.
ئه‌ڤرۆ نیوز:
ئه‌ڤرۆ 35 كه‌سان گیانێ خوه ژ ده‌ستدا و 13 كه‌سێن دى به‌رزه‌بووینه ژ ئه‌گه‌رێ وێ له‌هیا بهێز یا باشوورێ صینێ ڤه‌گرتى.
بنگه‌هێ نیشتیمانى یێ كه‌شناسیا صینێ راگه‌هاند كو دهێته چاڤه‌رێكرن رۆژا 1 شه‌مبى كه‌ش و هه‌وا خوه‌ش ببیت و تیمێن قورتالكرى قه‌ستا جهێن به‌ر ب زیانان كه‌فتین بچن.
حكومه‌تا صینى بۆ ده‌زگه‌هێن راگه‌هاندنێ یێن فه‌رمى دیاركریه كو ئه‌و بارانا زور یا ئه‌ڤرۆ هاتى بوویه ئه‌گه‌رێ دورستبوونا له‌هیان و د 40 سالێن بوورى دا، ئه‌ڤ ره‌نگه بارانا دژوار نه‌هاتیه كو 6 هه‌رێمێن صینى ڤه‌گرتیه.
ئه‌ڤرۆ نيوز:
ئه‌ڤرۆ رۆژا ئێكشه‌مبى رێكه‌فتى 24ى گۆلانا 2015ێ يێ سويسرى روجێ فيدرێر پله‌دارێ دويێ ل سه‌ر ئاستێ جيهانێ گه‌هشته قووناغا دويێ ژ قاره‌مانيا رۆلان گاروس يا فره‌نسى يا ته‌نسێ، قاره‌مانيا دويێ يا گراند يا ئاشتيێ ب سه‌ركه‌فتنا خوه ل سه‌ر يێ كولۆمپى ئه‌ليخه‌ندرۆ ڤالا ب ئه‌نجامێ 3-6، 3-6 و 4-6.
فيدرێر قاره‌مانێ ڤێ قاره‌مانيێ ل سالا 2009ێ دێ ياريا خوه يا بهێت ل گه‌ل يێ ئسپانى مارسيل گرانويرز يان يێ ئه‌لمانى ناتياس باتشينگه‌ر كه‌ت ئه‌وێن دێ ئێك ژ وان ژ ڤاڤارتنان ب سه‌ركه‌ڤيت.
ديسا يێ دى يێ سويسرى، ستانيسلاس ڤاڤرينكا پله‌دارێ هه‌شتێ ب سه‌ركه‌فت پشتى سه‌ركه‌فتن ل سه‌ر يێ توركى مارسيل ئيلهان تۆمار كرى ب ئه‌نجامێ 3-6، 2-6 و 3-6.
ڤاڤرينكا دێ د ياريا خوه يا بهێت دا يێ سربى دوشان لايوفيتش يان يێ ئه‌رژه‌نتينى ماكسيمۆ گونزالێز كه‌ت، دبيت ل چارێك دووماهيێ فيدرێر و ڤاڤرينكا بكه‌ڤنه به‌ر ئێك هه‌كه هه‌ردو گه‌هشتنه وێ قووناغێ.
هه‌ر ژ گه‌را ئێكێ ئه‌ڤرۆ يێ ئسپانى رۆبێرتۆ پاوتيستا پله‌دارێ 19ێ سه‌ركه‌فتن ل سه‌ر يێ ئه‌لمانى فلوريان مايه‌ر تۆمار كر ب ئه‌نجامێ 3-6، 1-6 و 3-6. يێ ئه‌لمانى فليپ كواشرايه‌ر پله‌دارێ 22ێ سه‌ركه‌فتن ل سه‌ر يێ يابانى گۆ سويدا تۆماركر ب ئه‌نجامێ 6-1، 6-0 و 6-2.
ئه‌ڤرۆ نیوز:
كریستیانو رونالدو وه‌كو پشته‌ڤانیه‌ك بۆ مانا كارلو ئه‌نچیلوتى نامه‌ك ئاراسته‌ى ئه‌نچیلوتى راهێنه‌رێ ریال مه‌درید كریه و دنامێ دا نڤیسیه: هیڤیخوازم وه‌رزێ بهێت پێكڤه بۆ ریال كار بكه‌ین.
كریستیانو رونالدو دیاركریه: ئه‌نچیلوتى راهێنه‌ره‌كێ مه‌زنه و هیڤیخوازم پێكڤه ل گه‌ل ریال بۆ وه‌رزێ بهێت كار بكه‌ین.
ئه‌ڤرۆ نیۆز ، هه‌ژار مه‌عروف:
چه‌ند مالپه‌رێن توركى یێن وه‌رزشى به‌لاڤه‌كرى یه ده‌سته‌یا كارگێریا یانا ریزا سپور ئه‌وا دخولا سوپر لیگ یا توركى دا یارێ دكه‌ت هزر ل وێ چه‌ندێ كرى یه ل سالا بهێت ده‌ست ژ پیشه‌كارێ خوه یێ عیراقێ عه‌لى عدنان به‌رده‌ن ژبه‌ركو پیشه‌كارێ عیراقى ئاستێ وى یێ هونه‌رى نه ل ئاستێ پێدڤى بوو ل وه‌رزێ ئه‌ڤ ساله ژى بتنێ 65 ده‌قیقا یاریى كرى یه ژ سه‌رجه‌مێ 34 یاریێن خولێ.
هه‌مان ژێده‌ران ئاماژه ب وێ چه‌ندێ كرى یه راهێنه‌رێ تیمێ حكمه‌ت كاره‌مان دیاركرى یه ئه‌وى چو مفا ژ ئه‌ڤى یاریكه‌رى ل وه‌رزێ ئه‌ڤ ساله نه وه‌رگرتى یه.
هه‌ژى گوتنێ یه عه‌لى عدنان ل وه‌رزێ بورى ژ یانا به‌غدا یا عیراقى په‌یوه‌ندى ب یانا ریزا سپور یا توركى كر بوو شیابوو ئاسته‌كێ باش ل گه‌ل وێ تیمێ پێشكێش بكه‌ت و ل وه‌رزێ دوێ به‌روڤاژى وه‌رزێ ئێكێ نه ل ئاستێ پێدڤى بوو.
ئه‌ڤرۆ نیوز:
روبه‌رت بێر به‌رپرسێ به‌رێ یێ ئاژانسا هه‌والگیریا ئه‌مریكى CIA د نڤیسینه‌كێ دا دبێژیت: نوكه وه‌ختێ هندێ یێ هاتى و ژ وێ چه‌ندێ تێبگه‌هین كو عیراق چوو و ئێدى نازڤریته‌ڤه.
روبه‌رت دبێژیت: پێدڤیه ل وێ چه‌ندێ بگه‌هین كو بتنێ داعش گروپه‌كا تیرورستى نینه وه‌كو قاعیده، به‌لكو وه‌كو ده‌وله‌ته‌كێ یه، سوونه‌ژى ل پرانیا ده‌ڤه‌رێ وه‌كو كارڤه‌دانه‌ك به‌رامبه‌ر ده‌ستهه‌لاتا شیعان و پشت گوههاڤێتنا وان، هه‌ڤكاریا وان دكه‌ن و ژبلى ڤێ چه‌ندێ ئێشاندنا سوونان ژ ئالیێ میلیشیاتان ڤه وه‌كریه كو زێده‌تر سوونه پشته‌ڤانیا داعش بكه‌ن.
ئه‌ڤرۆنیوز, ره‌زوان رۆژبه‌یانى:
پشتى مه به‌لاڤكرى كو پێكئاپه‌ك چوو دبن لۆریه‌كێ ڤه، ئه‌ڤرۆ نیوز پتر دووڤچوونا روودانێ كر و دیاربوو روودان ل سه‌ر رێیا گشتى یا داناڤبه‌را ناحیا روڤیا و پرا حسێنیه دا بوو و د ئه‌نجامدا دوو كه‌س بوونه قوربانى و زیانه‌كا مه‌زن ب رترومبێلان كه‌فتن.
كومیسه‌ر حازم محمد ژ راگه‌هاندنا هاتن چوونا قه‌زا به‌رده‌ره‌ش بۆ ئه‌ڤرۆنیوز خویاكر كو ئیرۆ ل رێكه‌فتێ 24/5/2015 ل ده‌مژمێر (12:30) ێ نیڤرۆ د رودانه‌كا هاتن و چوونێ ل سه‌ر رێیا گشتى یا ناڤبه‌را ناحیا رۆڤیا و پرا حسێنیه دا دو ترومبێل ژ جۆرێ قه‌لاب بارهه‌لگر و نیسان پیك ئاپ خوه پێكدادا و دئه‌نجام دا دوو وه‌لاتى جانێ خوه ژ ده‌ست دان كو مرۆڤێت ئیك بوون و زیانه‌كا مه‌زن ژى به‌ر ترومبێلا پیك ئاپ تۆیۆتا نیسان كه‌تیه.
كومیسه‌ر حازم دیار ژى كر ئه‌گه‌رێ رودانێ كو ئێك ژ شوفێران بورینا ب خه‌له‌تى بكارئینا بوو.
نيشاندان