ئه‌ڤرۆ نیوز:
هێزێن پێشمه‌رگێ كوردستانێ ئه‌ڤرۆ ل رۆژهه‌لات و رۆژئاڤایێ به‌نداڤا موسل هێرشه‌كا به‌رفره‌ه كریه سه‌ر چه‌كدارێن داعش و شیان چه‌ندین جهێن ستراتیژى دده‌ست داعش دا ده‌ربینن و زێده‌تر ژ 10 گوندێن دده‌ستێن وان دا هاتنه ستاندن و نوكه پێشمه‌رگه‌ى چوار رییانا ته‌له‌عفه‌ر كو رێكه‌كا ستراتیژیه ل موسل بۆ قه‌زا ته‌له‌عفه‌ر كونترول كریه.
ئه‌ڤرۆ نیۆز، قائید میرۆ
هێزێن پێشمه‌رگه‌ی پشتی ئازادكرنا ده‌ڤه‌ره‌كا به‌رفره‌ه، د ده‌مێ نوكه‌دا گونده‌كێ نێزیك سكرێ مووسڵ دۆرپێچكریه و شه‌ڕێ پێشمه‌رگه و تیرۆرستان یێ به‌رده‌وامه.
موقه‌ده‌م شه‌وكه‌ت مزیری، فه‌رماندێ پێشمه‌رگه‌ی ل میحوه‌رێ به‌نداڤا مووسل بۆ ئه‌ڤرۆ نیۆز گۆت” هێزێن پێشمه‌رگه‌ی سه‌ركه‌فتنێن مه‌زن د هێرشا ئه‌ڤرۆ دا بۆسه‌ر تیرۆرستێن داعش تۆماركریه و ده‌ڤه‌ره‌كا به‌رفره‌ه ژ تیرۆرستێن داعش هاتیه پاقژكرن.
شه‌وكه‌تی گۆت ژی” پتریا پلانا هاتیه دارشتن هاتیه بجهئینان و تنێ گونده‌ك نێزیك سكرێ مووسڵ مایه دبێژنێ گوندێ( شه‌هیه) و هژماره‌ك تیرۆرستێن داعش خوه تێدا ئاسێ كریه، به‌لێ پێشمه‌رگه ئه‌ڤ گوند دۆر پێچكریه و شه‌ڕ یێ به‌رده‌وامه دناڤبه‌را پێشمه‌رگه و تیرۆرستان.
ئه‌ڤرۆ نیوز:
سه‌رۆكێ كوتلا هه‌ڤپه‌یمانیا ده‌وله‌تا قانوونێ، عه‌لى ئه‌دیب د به‌یاننامه‌كێ دا كو بۆ سه‌رۆكاتیا په‌رله‌مانێ عیراقێ هنارتیه ب ئاشكرا دژایه‌تیا خوه بۆ وان برگێن قانوونى دیار دكه‌ت كو به‌حسێ كوردان دكه‌ن و ناما وى ژ 13 خالان پێكدهێت و ب ئاشكرا دژایه‌تیا به‌رژه‌وه‌ندیێن كوردان د پرۆژه قانوونا بودجێ عیراقێ دا دكه‌ت.
عه‌لى ئه‌دیب ئێكه ژ سه‌ركردێن به‌رنیاسێن حزبا ده‌عوه و ب ئێك ژ به‌ره‌ڤانیكه‌رێن نورى مالكى دهێته هژمارتن.
ئەڤرۆنیوز، لەزگین جۆقی:
ژێدەرکێ ژ ھۆبا ئابووری يا ئاسایشا دھۆکێ بۆ ئەڤرۆ نیوز دیارکر کو رێڤەبەریا ئاسایشا پارێزگەھا دھۆکێ شیان 53 ھزار دولارێن سەختە د گەل 45 ھزار دینارێن سەختە دەستەسەر بکەن د گەل وان کەسێن کارێن سەختەکرنێ دکرن کو ھندەک ژ پارەیێ سەختە ل بازارێ دھۆکێ و ھندەک ژێ ل بازارێ زاخۆ مەزاختینە.
ھەمان ژێدەر گۆتژی: “ل دووڤ فەرمانا دادوەرێ ڤەکۆلینێ ل دووڤ بەندی 181 يێ قانوونا سزادانێ کەسێن پارێ سەختە ئیناین یێن ھاتینە گرتن و ڤەکۆلین د گەل دا یا بەردەوامە”.
ئه‌ڤرۆ نيوز، نيوار محه‌مه‌د سه‌ليم:
پشتى شڤێدى ژ لايێ هێزێن هه‌ڤپه‌يمانان ڤه جهێن وان هاتينه تۆپبارانكرن، ئه‌ڤرۆ سپێدێ ل ده‌مژمێرێ 7:00 هێزێن پێشمه‌رگه‌يى ل سكرێ مووسل هێرش ژ لايێ رۆژهه‌لات و رۆژئاڤايێ سكرى ڤه كره سه‌ر چه‌كدارێن داعش و هه‌تا نوكه 70% ژ ئارمانجا پێشمه‌رگه‌يى بجهـ هاتيه.
فه‌رمانداره‌كى ژ هێزێن پێشمه‌رگه‌يى كو ئه‌ڤرۆ نيوز پاراستن ل سه‌ر ناڤێ وى كريه گۆت: “شڤێدى هێزێن هه‌ڤپه‌يمانان ب چرى جهێن داعش تۆپباران كرن و هژماره‌كا زۆر ژ چه‌كدارێن وان كوشتن”.
زێده‌تر گۆت: “هه‌ر ئه‌ڤرۆ سپێدێ هێزێن پێشمه‌رگه‌يى هێرش كره سه‌ر وان ده‌ڤه‌ران و شيان گوندێ كه‌رج، جه‌مرود، شيحيه و تل زه‌ره، نيڤه‌كا ئه‌سكى مووسل، جه‌دوع، ريم، بلنداهێن هنداف وانكێ و دێر توسه كو ئه‌ڤه دبيته 70% ژ وێ پلانا هاتيه دانان.
دا زانين ژى كو د ڤان پێشڤه‌چوونان دا، ب چه‌كێ ميلانۆ ئه‌وان دو هه‌مه‌ر و تانكه‌ره‌ك ژناڤبرينه و سێ هه‌مه‌ر ژى ده‌سته‌سه‌ركرينه و نێزيكى 10 كه‌له‌خان كه‌فتينه ده‌ستێ وان و گرتيه‌ك ژى هه‌يه.
ده‌رباره‌يى زيانێن پێشمه‌رگه‌يى ژى ئه‌ڤى فه‌رماندێ پێشمه‌رگه‌يى گۆت: “پێشمه‌رگه‌يى چو شه‌هيد نينن، هژماره‌كا گه‌له‌ك كێم يا بريندارايه و ئه‌و ژى د سڤكن”.
ئه‌ڤرۆ نيوز:
باراك ئۆباما، سه‌رۆكێ وه‌لاتێن ئێكگرتى يێن ئه‌مريكى د گۆتاره‌كێ دا ل به‌رامبه‌ر كۆنگرێسێ ئه‌مريكا دا پێشكێش كر و گۆت: “سه‌ركرداتيا ئه‌مريكا بۆ هه‌ڤپه‌يمانيا نێڤده‌وله‌تى يا بوويه ئه‌گه‌ر داعش لاواز بيت”.
ئۆبامايى پێكئينانا هه‌ڤپه‌يمانيه‌كا نێڤده‌وله‌تى بۆ رووى ب روويبوونا تيرۆرێ ب گرنگ وه‌سفكر و گۆت: “مه دڤێت د جيهانێ دا جوداهيه‌كێ دروست بكه‌ين، ل گه‌ل وان وه‌لاتێن ژ پاكستانێ هه‌تا پاريس رووى ب ووريێ تيرۆرێ دبن ب هه‌ڤپه‌يمانى مينين”.
زێده‌تر گۆت: “دێ رووى ب روويێ هه‌موو ئه‌وان تيرۆرستان بين يێن هه‌ره‌شه بۆ سه‌ر مه و دوستێن مه”.
دا زانين ژى كو دێ داخوازێ ژ كۆنگرێسى كه‌ين كو ئه‌م هه‌موو پێكڤه قانوونه‌كا نوو ده‌ربكه‌ين بۆ رێ دان ب كارئينانا هێزێ دژى داعش”.
سه‌رۆكێ ئه‌مريكا گۆتژى: “د ماوێ 10 سالێن بۆرى دا شياين رێگريێ ل به‌رنامێ ئه‌تۆنۆمى يێ ئيرانێ بگه‌ريێن، هه‌تا بهارا ئه‌ڤ ساله مه چه‌نسێ هه‌يى دانوستاندنێ بكه‌ين و رێ ل به‌رنامێ ئه‌تۆنۆمى يێ ئيرانێ بگرين، بۆ هندێ هه‌ر ئه‌مريكا و هه‌ر دوستێن مه ل رۆژهه‌لاتا ناڤه‌راست هه‌ست ب ئاراميێ بكه‌ين، بۆ نمۆنه ئسرائيل”.
ژێده‌ر: رووداو
مالپه‌رێ گوگلێ بتنێ مالپه‌ره‌ك نینه بو لیگه‌ریان ل دوڤ ژیده‌ران ،به‌لكو چه‌ندین نه‌په‌نی ژی هه‌نه و تێدانه كو نها گه‌له‌ك ژ مه نزانن:-
1:- یاری یا ئه‌تاریێ:ئه‌گه‌ر ل گوگلی بنڤێسه Atari breakout پاشی كلیكێ ل سه‌ر به‌شێ images بكه و ئه‌ڤه دێ شیێ یاریا ئه‌تاریێ بكه‌ی.
2:-زڤرینا شاشه‌یێ:
ئه‌گه‌ر ته ڤیا ل گوگلی دا شاشه‌یا كومپیوته‌رێ ته زڤرینی بیت ل گوگلی دا بنڤیسه do a barrel roll ئه‌ڤه ئه‌وی ده‌می شاشه‌یا كومپیوته‌ری ته هێته زڤرین.
3:-گوگل د بن ئاڤێ ڤه:
ل گوگلی دا بنڤیسه underwater goole پاشی كلیكێ ل سه‌ر ئێكه‌م هه‌لبژارده‌یێ بكه،دبینی گوگل دبن ئاڤێ بیت.
4:-گیتارا گوگلی:
ل به‌شا لێگه‌ریان یا گوگلی بنڤیسه google guitarپاشی كلیكێ ل سه‌ر ئێكه‌م هه‌لبژارده‌یێ بكه و دبینی گوگل دبیته گیتارا گوگلی و دشیێ گیتارێ بژه‌نی و بو ماوه‌یێ 30 چركه‌یان تومار بكه‌ی.
5:-گوگل ل ده‌ستپێكێ چه‌وابو؟
ئه‌گه‌ر ته بڤێت بزانی مالپه‌رێ ده‌ستپێكێ یێ دامه‌زراندنێ چه‌وا بو ئه‌ڤه ل گوگلی دا بنڤیسه google terminalپاشی كلیكێ ل سه‌ر ئیكه‌م هه‌لبژارده‌یا وێ بكه.
6:- خودیكا گوگلێ:
ئه‌گه‌ر به‌رۆڤاژی په‌یڤا google بنڤیسه ،ئانكو ئه‌گه‌ر بنڤیسی elgoogئه‌ڤه گوگل به‌رۆڤاژی دبیت وه‌ك ئه‌ڤا تو خودیكێ بنێریێ.
7:-هێزا راكێشانا گوگلی:
ل گوگلی بنڤیسه google gravity پاشی كلیكێ ل سه‌ر ئێكه‌م هه‌لبژارده‌یا وێ بكه ئه‌ڤه ته‌ڤایا نڤیسینێت گوگلێ دێكه‌ڤنه خواری وه‌ك هێزا راكشانا كاریگه‌ریێ دبیت.
8:- گوگلێ زڤری:
ئه‌ڤێ جارێ بنڤیسه google sphere ب بینه چه‌وا گوگل وه‌ك ئه‌ردی دزڤریت.
نيشاندان