ئه‌ڤرۆ:
ل دووڤ راپۆرتێ حوکمەتا ھەرێمێ پابەندیا خوە ب رێکەفتنا ھەولێر و بەغدا دیارکریە، دایە زانین ل ھەیڤا نیسانێ ١٦ ملیۆن و ٨٦٨ ھزار و ٩٨٥ بەرمیل رادەستێ کۆمپانیا بازارکرنا پترۆلا عیراقێ سۆمۆ کرینە، ئانکو ب تێکرایێ ٥٦٢ ھزار بەرمیل رۆژانە، ژ ڤی قەبارەی ١٢ ملیۆن و٤٥٧ ھزار و ٣٧١ بەرمیل ب تێکرایێ ٤١٥ ھزار و ٢٤٦ بەرمیلان د رۆژەکێ دا، ژ زەڤیێن باکوورێ عیراقێ و کەرکوکێ چار ملیۆن و ٤٢١ ھزار و ٦١٤ بەرمیل ھاتینە فروتن، ب تێکرایێ ١٤٧ ھزار و ٣٨٧ بەرمیلان د رۆژەکێ دا.
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ ئاشكه‌را دكه‌ت كو گازيكرنا بارزانى ژ لايێ لژنا ڤه‌كۆلينێ د كه‌فتنا مووسل دا، هه‌لويسته‌كێ سياسى يه وێ پرسيارێ ئاشكه‌را دكه‌ت ئه‌وا دێ ژێ هێته كرن.
شاخه‌وان عه‌بدولا، ئه‌ندامێ جڤاتا نوونه‌رێن عيراقێ كو د هه‌مان ده‌م دا ئه‌ندامێ لژنا دووڤچوونا ئه‌گه‌رێن كه‌فتنا مووسله ژى ئاشكه‌را دكه‌ت كو گازيكرنا بارزانى بۆ لژنێ ژ لايێ سياسى ڤه‌يه نه وه‌كو روويێ قانوونى.
ئاماژه ب وێ چه‌ندێ ژى كر كو په‌رله‌مانتار رازى نه‌بوون پرسياران ل دۆر كه‌فتنا مووسل ئاراسته‌يى مالكى بكه‌ن، د ده‌مه‌كى دا پترترين تۆمه‌ت د ڤێ دوسيێ دا ئاراسته‌يى مالكى دكه‌ن، بڕيار ژى هاتيه دان پرسياره‌كێ ب نڤيسار ئاراسته‌يى بارزانى بكه‌ن و بارزانى ژى د ماوه‌كێ ده‌ستنيشانكرى دا ب نڤيسار به‌رسڤێ بده‌ت.
ده‌رابه‌رى پرسيارا دێ ژ بارزانى هێته كرن، ئه‌ڤ په‌رله‌مانتاره دبێژيت: “پرسياره ئه‌وه كا ده‌ما په‌يوه‌ندى ب مالكى كرى ده‌رباره‌يى ره‌وشا مووسل و ئاماده‌يا پێشمه‌رگه‌يى نيشان دايى بۆ هاريكاريا وان، مالكى چاوان به‌رسڤ دايه”.
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ راگه‌هاند كو ئه‌وان ئاگه‌هـ ژ چو شاندێن ئێكه‌تيا په‌رله‌مانتاران نينه به‌ر ب چيايێ قه‌نديل چوو بن و داخواز ژى ژ په‌رله‌مانى كريه هه‌لويست هه‌بيت.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ، بۆ ئه‌ڤرۆ نيوز گۆت: “ئاگه‌هـ ژ چو شاندێن ئێكه‌تيا په‌رله‌مانتاران نينه به‌ر ب چيايێ قه‌نديل چوو بن و هه‌كه چووبن ژى ئه‌م نه‌هاتينه ئاگه‌هدار كرن”.
محه‌مه‌د عه‌لى ياسين زێده‌تر گۆت: “ژ به‌ر كو ئه‌ڤه پرسه‌كا چاره‌نڤيس سازه و گرێدايى نه‌ته‌وا كورده، ئه‌وان وه‌كو فراكسيۆنا پارتى ديموكراتى كوردستان ل په‌رله‌مانێ كوردستانێ ياداشته‌ك دايه په‌رله‌مانێ كوردستانێ و داخواز ژێ كريه كو هه‌لويسته‌ك هه‌بيت”.
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ دا زانين ژى كو ب گۆره‌يى قانوونا ژماره ئێك يا په‌رله‌مانێ كوردستانێ ل سالا 1992ێ دڤێت ل سه‌ر هه‌ر پرسه‌كا چاره‌نڤيس ساز په‌رله‌مانێ كوردستانێ هه‌لويست هه‌بيت.
رۆژا پێنجشه‌مبى هێزێن په‌كه‌كێ ژماره‌كا پێشمه‌رگێن پارتيا ديموكراتا كوردستانا ئيرانێ ئابلۆقه دابوون و هه‌ردو لايه‌نان روونشتن ئه‌نجام ددان دا كو ڤێ كێشێ چاره كه‌ن كو پارتيا ديموكراتا كوردستانا ئيرانێ دڤيا بچيته ده‌ڤه‌ره‌كا نێزێك شنۆ يا سه‌ر ب پارێزگه‌ها ورمێ ڤه، په‌كه‌كه ژى دبێژيت كو ئه‌وان ڤيايه گۆمركه‌كێ ل وێرێ بدانن و ئه‌و ده‌ڤه‌ر يا وانه و رێ ب پێشمه‌رگه‌يى ناده‌ن ل وێرێ بيت.
دارا ناتق، ئه‌ندامێ ده‌فته‌را سياسى يا پارتيا ديموكراتا كوردستانێ ئيرانێ د داخۆيانيه‌كا تايبه‌ت دا، بۆ ئه‌ڤرۆ نيوز گۆت: “ئه‌ڤرۆ سپێده‌هيا رۆژا ئێكشه‌مبى رێكه‌فتى 24ى گۆلانا 2015ێ چه‌كدارێن په‌كه‌كێ هێرش كريه سه‌ر هێزێن پێشمه‌رگێ كوردستانێ ل ده‌ڤه‌را خنێره”.
ئه‌ندامێ ده‌فته‌را سياسى يا پارتيا ديموكراتا كوردستانێ ئيرانێ گۆتژى: “چه‌كدارێن په‌كه‌كێ ژ دو لايان ڤه هێرش كريه سه‌ر پێشمه‌رگێ پارتى ل رۆژهه‌لات و ئه‌ڤه د ده‌مه‌كى دابوويه كو پێشمه‌رگه‌يى ئه‌و هزر نه‌دكر كو دێ هێرشێ كه‌نه سه‌ر وان”.
دارا ناتق دا زانين ژى كو د ئه‌نجامێ ڤێ هێرشێ دا پێشمه‌رگه‌يێ رۆژهه‌لات ژماره‌كا شه‌هيد و برينداران هه‌يه، به‌لێ ژ به‌ر به‌رده‌واميا شه‌رى هێشتا ژمارا دروست يا شه‌هيد و برينداران نه‌هاتيه زانين.
ئه‌ڤرۆ نيوز، هۆشه‌نگ تاجر:
ئه‌ڤرۆ سپێدێ و ژنشكه‌كێ ڤه، چه‌كدارێن په‌كه‌كێ ژ دو لايان ڤه هێرش كريه پێشمه‌رگێن پارتيا ديموكراتا كوردستانا ئيرانێ و ب گۆره‌يى زانياريێن ئه‌ڤرۆ نيوز هێزێن پێشمه‌رگه‌يى ژماره‌كا شه‌هيد و برينداران هه‌يه.
دارا ناتق، ئه‌ندامێ ده‌فته‌را سياسى يا پارتيا ديموكراتا كوردستانێ ئيرانێ د داخۆيانيه‌كا تايبه‌ت دا، بۆ ئه‌ڤرۆ نيوز گۆت: “ئه‌ڤرۆ سپێده‌هيا رۆژا ئێكشه‌مبى رێكه‌فتى 24ى گۆلانا 2015ێ چه‌كدارێن په‌كه‌كێ هێرش كريه سه‌ر هێزێن پێشمه‌رگێ كوردستانێ ل ده‌ڤه‌را خنێره”.
ئه‌ندامێ ده‌فته‌را سياسى يا پارتيا ديموكراتا كوردستانێ ئيرانێ گۆتژى: “چه‌كدارێن په‌كه‌كێ ژ دو لايان ڤه هێرش كريه سه‌ر پێشمه‌رگێ پارتى ل رۆژهه‌لات و ئه‌ڤه د ده‌مه‌كى دابوويه كو پێشمه‌رگه‌يى ئه‌و هزر نه‌دكر كو دێ هێرشێ كه‌نه سه‌ر وان”.
دارا ناتق دا زانين ژى كو د ئه‌نجامێ ڤێ هێرشێ دا پێشمه‌رگه‌يێ رۆژهه‌لات ژماره‌كا شه‌هيد و برينداران هه‌يه، به‌لێ ژ به‌ر به‌رده‌واميا شه‌رى هێشتا ژمارا دروست يا شه‌هيد و برينداران نه‌هاتيه زانين.
رۆژا پێنجشه‌مبى هێزێن په‌كه‌كێ ژماره‌كا پێشمه‌رگێن پارتيا ديموكراتا كوردستانا ئيرانێ ئابلۆقه دابوون و هه‌ردو لايه‌نان روونشتن ئه‌نجام ددان دا كو ڤێ كێشێ چاره كه‌ن كو پارتيا ديموكراتا كوردستانا ئيرانێ دڤيا بچيته ده‌ڤه‌ره‌كا نێزێك شنۆ يا سه‌ر ب پارێزگه‌ها ورمێ ڤه، په‌كه‌كه ژى دبێژيت كو ئه‌وان ڤيايه گۆمركه‌كێ ل وێرێ بدانن و ئه‌و ده‌ڤه‌ر يا وانه و رێ ب پێشمه‌رگه‌يى ناده‌ن ل وێرێ بيت.
ئه‌ڤرۆ سپێدێ شانده‌كێ ئێكه‌تيا په‌رله‌مانتارێن كوردستانێ ژى به‌ر ب چيايێ قه‌نديل، باره‌گايێ سه‌ره‌كى يێ كه‌چه‌كێ چوويه دا كو تاگريێ بكه‌ت و ئه‌ڤ شه‌ره بهێته راوه‌ستاندن.
ئه‌ڤرۆ نيوز:
وه‌زاره‌تا ساخله‌ميێ ل حوكمه‌تا هه‌رێما كوردستانێ راگه‌هاند: هه‌وه‌كا نوو يا فاكسيندانێ دژى نه‌خۆشيا فالنجا زارۆيان ل سه‌رانسه‌رى هه‌رێما كوردستانێ ئه‌ڤرۆ رۆژا ئێكشه‌مبى 24ى گۆلانا 2015ێ ده‌سپێكر و دێ ماوێ پێنج رۆژان يا به‌رده‌وام بيت.
ب گۆره‌يى راگه‌هاندنه‌كا وه‌زاره‌تا ساخله‌ميا هه‌رێمێ كو وێنه‌ك ب ده‌ست ئه‌ڤرۆ نيوز كه‌فتيه، د ڤێ هه‌وێ دا، پێدڤيه 805 هزار و 966 زارۆ بهێنه فاكسيندان، ئه‌و ژى د رێيا دو هزار 240 تيمێن گه‌رۆك و جێگر كو ژ لايێ چار هزار و 480 كارمه‌ندان ڤه دێ ب رێڤه چيت و تێچوويێ ڤێ هه‌وێ ژى ژ لايێ هه‌ردو رێكخراوێن ساخله‌ميا جيهانى و يونيسێف ڤه هاتيه ته‌رخانكرن كو 406 هزار و 920 دۆلارێن ئه‌مريكى نه.
د راگه‌هاندنا وه‌زاره‌تا ساخله‌ميا حوكمه‌تا هه‌رێما كوردستانێ داخواز ژ دايك و بابان كريه كو زارۆيێن خوه فاكسين بده‌ن و ل دووڤ ده‌نگێ تيمێن فاكسيندانێ بچن دا كو زارۆيێن وان د دوور بن ژ وان نه‌خۆشيان و پاشه‌رۆژه‌كا ساخله‌م هه‌بيت.
ئەڤرۆ:
کەرنەڤالێ سیێ یێ پارێگەھا دھۆکێ دێ ھێتە سازکرن بەرھەڤیێن باش بو ئەوێ مەبەستێ ھاتینە کرن کو کەرنەڤالێ پارێزگەھا دھۆکێ ل پانوراما ئازادی یە ھێتە ئەندام دان .
ئەیوب رەمەزان رێڤەبەرێ گشتی یێ ھونەری ل پارێزگەھا دھۆکێ بو ئەڤرۆ دیارکر پرۆژە کەرنەڤالی یێ رێڤەبەراتیا گشتی یا رەوشەنبیریی یە و کو ل رۆژا ٢٦-٥ و دەمژمێر ١١ سپێدێ مۆزەخانا کەلتوری یا ئەلقوشێ و ژلایێ چەند ھەڤالەکان و ب ئاوایەکێ فەرمی و بو دەڤەرێ ھێتە ڤەکەرن .
ناڤبری ئەو چەندە ژی دیارکر دەربارێ پەنەلێن کەرنەڤالێ و رۆژا ٢٧-٥ ل دەمژمێر١٠:٠٠ دانێ سپێدێ، پانوراما پێشمەرگەی ل ئێنیشکێ ھێتەڤەکرن و ژلایێ رێڤەبەراتیا ئامێدیێ یا رەوشەنبیری ڤە ھاتیە درۆستکرن و ل گەل چەند ھونەرمەندەکان و ھەر ل ھەمان دەم کومەکا پەنەلێن زانستی و دیرۆکی و ل دۆر کەلتۆرێ پارێزگەھا دھۆکێ ژلایێ زانکۆیا دھۆکێ ب بەشداریا چەندین ماموستایان پسپور ل زانکۆیێ ھێنە پێشکێشکرن .
ئەیوب رەمەزان ئەو ئێکە ژی گۆت: دەمژمێر ٥:٠٠ ئێڤارێ کەرنەڤالێ پارێزگەھبونا دھۆکێ دەست پێ کەت ب کومەکا چالاکیێن جودا جودا دبیاڤێ کەلتۆری ،سینەما و موزیک و شانو و زانستی ساخلەمی و چاندن و باژێرڤانی و پەروەردە و زارۆک و مینۆمێنتێن پێشمەرگەی،
ناڤبریی ئەو چەندە ژی دیارکر ل دەمژمێر ٩:٠٠ بو ٩:٣٠ نیشادانا جلکێن کوردی ل ھەمو دەڤەرێن کوردستانێ و کومەکا چالاکیێن دی بو دەمێ سێ دەمژمێران ڤەکێشیت و دەمێ ئاھەنگێ و بەرنامەیێ ئاھەنگێ ژی کومەکا ستران بێژین ناڤ و دەنگێن کوردستانێ و شڤان پەروەر و عەبدولقەھار و حەسەن شەریف و عومەر کوفی ھەتا ١١:٠٠ شەڤێ ڤەکێشیت و ب شیانێن ئاسایی ئەڤ کارە دھێتە برێڤەبرن ژلایێ کادرێن رێڤەبەراتیا رەوشەنبیری ڤە کو ب شێوەیەکێ خوبەخشانە کار کریە بێ راوەستاندن لەورا ھەژی سوپاس کرنێ یە .
ئەیوبی ئەو چەندە ژی دیارکر ئارمانج ژ کەرنەڤالی ئەو ھەمو وەلاتیێن پارێزگەھێ خوە تێدا ببینن و ب بیتە کەرنەڤالەکا خەلکی بو خەلکی و برێکا رۆژنامەیا ھەوە داخوازیێ ژی ل ھەمو وەلاتیان و گەنج و داھێنەر و خودان شیان خو بەرھەڤ بکەن ل سالا بھێت خەلک بەشداریێ بکەت و سازیا رەوشەنبیری بتنێ کارێ رێکخستنێ رابیت و رەوشا ئابۆری و کاودانێن نھا ب سەر ھەرێمێ و پارێزگەھا دھۆکێ دا ھاتین دشیان دا نەبۆ ئەڤێ بکەین لەورا داخاز دکەین بو سالا بھێت خو بەرھەڤ بکەین.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ يێ ئه‌ورى بيت ل گه‌ل هه‌بوونا تۆزه‌كا سڤك.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن بلندێن وه‌لاتێ توركيا و ڤه‌كێشانا فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 25ى گۆلانا 2015ێ ئه‌سمان دێ يێ ئه‌ورى بيت ل گه‌ل هه‌بوونا تۆزه‌كا سڤك.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ بلند بيت وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 19 بۆ 32 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 5 بۆ 15 کلم د دەمژمێرەکێ دا، ماوێ دیتنێ ژی دێ 8 بۆ 10 کلم بیت.
ئەڤرۆ:
تەڤگەرا گۆڕان بۆ ڤەگەراندنا دەڤەرێن کوردستانی یێن دەرڤەی سنورێ ھەرێمێ پرۆژەیەک پێشکێشکریە، د دەمەکێ دا کو چەند لایەنێن سیاسی و ئەکادیمی و روشنبیران ب رەنگەکی ژ رەنگان پشتەڤانیا خو بۆ ڤی پرۆژێ گۆڕان دیارکریە، ئێکەتیا نیشتیمانیا کوردستانێ ل سەر زارێ سەعدی ئەحمەد پیرەی دیار کر کو گۆڕان بۆ مزایدا سیاسی ئەو پرۆژە پێشکێشکریە.
ل دور ڤی بابەتی د. عەبدولحەکیم خسرۆ، ماموستایێ زانکۆیا سەلاحەدین بۆ رۆژناما ئەڤرۆ دیار کر کو ھەڤرکیەک د ناڤبەرا گۆڕان و ئێکەتیێ دا یا ھەی و گۆڕان ژ وێ چەندێ دترسیت کو نەجمەدین کەریم یان ئێکەتی ل کەرکووکێ رەفتارەکێ بکەن د بەرژەوەندا کوردان و ھەرێما کوردستانێ دا نەبیت.
ل دووڤ گۆتنێن عەبدولحەکیمی جورەکێ لێکتێگەھشتنێ ل سەر ئاستێ پەرلەمانێ کوردستانێ ل دور راپرسیێ بۆ دەڤەرێن ڤەقەتیای یا ھەی و ل سەر وێ چەندێ د رێککەفتینە کو چارەسەریا کێشا دەڤەرێن ڤەقەتیای ب رێکا پەرلەمانی بیت و سەرکردایەتیا سیاسی یا کوردی سیاسەتەکا ئێکگرتی ھەبیت بۆ وێ مەرەمێ.
د. عەبدولحەکیمی ئەو یەک ژی دیار کر کو کارڤەدانا ئێکەتیێ و داخویانیا سەعدی پیرەی بەرامبەر پرۆژێ گۆڕان ئاماژەیەکا خرابە بۆ سیاسەتا ئێکەتیێ ل کەرکوکێ وەکو ھێزەکا بالا دەست ل وێ دەڤەرێ ژ بەر کو ئێکەتی زێدەتر وی پرۆژەی وەکو موزایەدا حساب دکەت ل جھێ ھندێ کو پرۆژەیەکە و بەری نوکە ھزر لێ نەھاتیە کرن.
ل گور باوەرا د. عەبدولحەکیمی فەرە دەڤەرێن ڤەقەتیای ب رەنگەکێ قانوونی ڤەگەرنە سەر ھەرێما کوردستانێ ژ نوو ریفراندوم بۆ سەربەخویا کوردستانێ بھێتە کرن، ژ بەر کو ھەکە ب وی شێوەی نەبیت رەنگە ھەتا ٢٠ سالێن دی ژی کێشا دەڤەرێن ڤەقەتیای نەھێتە چارەسەرکرن و گۆت: (ھەکە کوردستان ببیتە دەولەت و دانوستاندنێ ل گەل عیراقێ بکەت بۆ ڤەگەراندنا دەڤەرێن ڤەقەتیای جودایە ژ وێ یەکێ کو پشکەک بیت ژ عیراقێ و دانوستاندنان بکەت، ژ بەر کو ماددەکێ دستووری یێ ھەی کو رێیا چارەسەریێ بۆ وێ کێشێ دەستنیشانکریە ھەرچەندە ئیرادەیەکا باش بۆ بجھئینانا وی ماددەی نینە ژلایێ بەغدا ڤە نینە).
ل دور چاوانیا ئەنجامدانا راپرسیێ ل دەڤەرێن ڤەقەتیای، د. عەبدولحەکیم گۆت: (پێدڤیە پرۆسا راپرسیێ ب ھەمئاھەنگی ل گەل حکوومەتا ناڤەندی یا عیراقێ بھێتە ئەنجامدان و ھەکە ھەرێما کوردستانێ بێی عیراقێ راپرسیێ ل وان دەڤەران ئەنجام بدەت، پێدڤیە ھەر چ نەبیت ھندەک ئالیێن نێڤدەولەتی وەکو نەتەوێن ئێکگرتی سەرپەرشتیا وێ پرۆسەیێ بکەن ژ بۆ کو شەرعیەتێ بدەتە راپرسیێ).
د دووماھیا ئاخفتنێن خو دا د. عەبدولحەکیم گۆت: (پرۆسەیا ڤەگەراندنا دەڤەرێن ڤەقەتیای پرۆسەیەکا ب ساناھی نینە و یا ئالۆزە، لێ ب رەنگەکێ گشتی ژ ٢٠٠٣ وەرە ھەتا نوکە وەکو ئەمر ئەلواقع حکوومەتا ھەرێما کوردستانێ وان دەڤەران برێڤە دبەت و ھەتا ژلایێ ئێمناھیێ ڤە ژی ھەرێما کوردستانێ زێدەتر وان دەڤەران دپارێزیت و پشتی شەرێ داعش ژی سنور پتر دیاربوون و ھاتە زانین کا ئەو دەڤەر کیشکن یێن کو پێشمەرگە خو ل سەر د دەتە کوشتن و ئەو دەڤەر کیشکن یێن پێشمەرگە ئامادە نین خو ل سەر بدەتە کوشتن، ئەمریکا و جڤاکێ نێڤدەولەتی ژی ل وێ چەندێ دگەھیت کو پێشمەرگە ب مەبەستا پاراستنا ناسناما وان دەڤەرن خوینێ بۆ درێژیت و خو ل سەر د دەتە کوشتن).
پرۆژێ گۆڕان بۆ ڤەگەراندنا دەڤەرێن ڤەقەتیای بۆ باوەشا ھەرێمێ د دەمەکێ دایە کو ل ڤێ دووماھیێ پارێزگارێ کەرکوکێ، نەجمەدین کەریم د چەندین ھەلکەفتان دا داخوازا وێ چەندێ کریە کو کەرکووک ببیتە ھەرێمەکا سەربەخو، لێ ئەڤ داخوازا وی ژلایێ پرانیا پارتێن کوردستانی ڤە ھاتیە رەتکرن.
ئەڤرۆ:
سەرەدانا سەرۆکێ ھەرێما کوردستانێ بۆ ئوردن و ھەڤدیتنێن ل گەل سەرکردێن جیھانێ بووینە مانشێتێ گەلەک دەزگەھێن راگەھاندنێ و ئاژانسا بی بی سی د راپۆرتەکێ دا دیار دکەت کو ھەرێما کوردستانێ نھا پتر ژ دەولەتەکێ د بیاڤێ دبلۆماسی دا سەرکەڤتی یە و ژ بەر ھندێ ژی نھا پتر ژ سووریە و عیراقێ جیھان بەحسێ ھەرێما کوردستانێ و بزاڤێن وان یێن دبلۆماسی بۆ راگەھاندنا دەولەتێ دکەن.
ئاژانسا بی بی سی د راپۆرتەکێ دا ئاماژە ب سەرەدانا سەرۆکێ ھەرێما کوردستانێ بۆ ئوردن دکەت و دیار دکەت کو بارزانی سیاسەتەکا راست برێڤە دبەت، چونکو رۆژھەلاتا ناڤین د رەوشەکا گەلەک ئالۆز دایە و نەخشێ وێ دەڤەرێ دھێتە گوھۆرین و کوردان ژی دڤێت ڤێ دەلیڤێ ژ دەستێ خوە نەکەن و ژ بۆ ھندێ ژی بەری نھا بەرزانی سەرەدانا ئەمریکا و ئوروپا کر و پشتەڤانیا وان بدەستڤە ئینا و نھا ژی ئوردن و گەلەک وەلاتێن دی یێن عەرەبی پشتەڤانیێ ل کوردان دکەن و ئەو یەک ژی نیشا ددەت کو کوردان شیاینە رۆژ ب رۆژێ بەرژەوەندیێن خوە یێن ھەڤپشک ل گەل وەلاتێن رۆژئاڤا و رۆژھەلاتا ناڤین دروست بکەن و ئەوە ژی سەرکەڤتنەکا گەلەک مەزنە.
ل ئالیێ دی مالپەرێ ئەلعەرەبیە ژی د راپۆرتەکێ دا دیار دکەت کو ل ئوردن بارزانی پتر ژ سەرۆکێ وەلاتە ھاتە بەرچاڤ و ئەوە ژی نیشا ددەت کو کوردان شیاینە سەنگێ خوە ل رۆژھەلاتا ناڤین ب ھێز بکەن و ھەروەسا نھا نێزیکی دو ملیۆن ئاوارە ل ھەرێما کوردستانێ نە کو پرانیا وان ژی عەرەبن و ئەوە ژی نیشا ددەت کو کورد رێزێ ل خەلکێ دی دگرن و ژ بەر ھندێ ژی وەلاتێن عەرەبی وەک بەرێ سەرەدەریێ ل گەل ھەرێما کوردستانێ ناکەن و ئەو یەک ژی بۆ کوردان واتەیەکا خوە یا مەزن ھەیە و سەرکەڤتنەکا مەزنە ژی.
ل ئالیێ دی دەزگەھێن راگەھاندنا تورکیا ژی ب گرنگی بەحسێ سەرەدانا بارزانی بۆ ئوردنێ کرن و پارتیا نەتەوەپەرست یا تورکیا ب توندی ھێرشی بارزانی کر و راگەھاند کو بارزانی دخوازیت عیراقێ پارچە بکەت و پشتی عیراقێ دێ نوبەتا تورکیا بیت، چونکو کوردێن ل تورکیا ژی دێ بێژن دەولەتا کوردی ھەیە و ئەو یەک دێ گەفەکا مەزن بیت بۆ تورکیا و ھێرشی ئوردۆگانی ژی کرن کو سیاسەتا وی وەک یا بارزانی یە و د خزمەتا راگەھاندنا دەولەتا کوردی دایە.
دەزگەھێن راگەھاندنا ئیرانێ ژی بەحسێ ھەڤدیتنێن بارزانی ل ئوردن کرن و ئاژانسا مێھر دیار کر کو ھەرێما کوردستانێ بوویە جھەک ئارام بۆ خەلکێ و ھەروەسا دەڤەرەک دەولەمەندە و گەلەک وەلاتێن رۆژھەلاتا ناڤین و یێن جیھانێ ژی دخوازن پەیوەندیێن خوە ل گەل کوردان باش بکەن کو ئێک ژ وان وەلاتان ژی ئوردنە.
ئه‌ڤرۆ نيوز:
رێڤه‌به‌ريا په‌يوه‌ندى و راگه‌هاندێ ل وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو بڕياره ئه‌ڤرۆ رۆژا ئێكشه‌مبى رێكه‌فتى 24ى گۆلانا 2015ێ، مووچێ هه‌يڤا ئادارێ يێ وه‌زاره‌تێن چاندن و ژێده‌رێن چاڤێ و ئه‌وقاف و كاروبارێن ئاينى و باژێر ڤانى و گه‌شتوگۆزار و خواندنا بلند و ڤه‌كۆلينێن زانستى به‌لاڤ كه‌ن.
نيشاندان